၂၆၀၀+ ၂၅၅၅ နှင့် ကုလသမဂ္ဂ

မေလ ၁၆ ရက်၊ ၂၀၁၁ ခု တနင်္လာနေ့..၁၃၇၃ခု ကဆုန်လပြည့် နေ့

ဗုဒ္ဓနေ့ပွဲတော်ကို အင်တာနေရှင်နယ် နာမည်အနေနဲ့ Commemorating the International Day of Vesak 2600 Years of Buddhism လို့ နာမည်ပေးထားတယ်၊ ထူးခြားတဲ့ မေလရဲ့လပြည့်နေ့ဟာ ဗုဒ္ဓဘာသာဝင်တို့ အလေးအမြတ်ပြုရတဲ့ ရက်မြတ်မင်္ဂလာဖြစ်တာမို့ ဗုဒ္ဓနေ့ကျင်းပဖို့ ဗုဒ္ဓဘာသာဝင်နိုင်ငံတွေက ဆုံးဖြတ် သဘောတူခဲ့ကြတယ်. ဒီနေ့တော့ ဗုဒ္ဓနေ့ကျင်းပမယ့် မေလ ၁၆ ရက်ကို ရောက်လာခဲ့ပါပြီ ။

ဒီနေ့မနက် နယူးရောက်ရဲ့ ရာသီဥတုကလဲ မြူခိုးတွေဝေပြီး မိုးဖွဲလေးတွေကျနေတယ်၊ ကုလသမဂ္ဂမှာကျင်းပမယ့် ဗုဒ္ဓနေ့ပွဲတော်ကို အအေးဓာတ်ပေးပြီး ကြိုဆိုနေရော့သလားလို့ တွေးမိတယ် ၊မနက်ပိုင်း ၅ နာရီမှာ နယူးရောက်က လောကချမ်းသာကျောင်းမှာ စုရပ်အဖြစ်ထားရှိတဲ့ သံဃာတွေကို အာရုံဆွမ်းကယ်တယ်၊ ဆွမ်းစားပြီးတာနဲ့ Dag Hammarakjold Park ကို မော်တားကားများနဲ့ ကြွကြပါတယ် ။ မြန်မာသံဃာတော် ၃၁ ပါးကြွရောက်တယ် ၊

မိမိတို့ စုရပ်ဖြစ်တဲ့ 42 Avenue ကိုေ၇ာက်ရှိချိန်မှာတော့ နိုင်ငံတကာက သံဃာတွေ စုံသလောက်ဖြစ်နေပါပြီ ၊ နယူးရောက်ရဲ့ ၄၂ လမ်းမများပေါ်မှာ သင်္ကန်းရောင်တွေ ဖုန်းလွှမ်းနေခဲ့တယ် ၊ လိမ်မော်ရောင် အ၀ါေ၇ာင် အညိုေ၇ာင် စတဲ့ကာလာစုံသင်္ကန်းတွေဟာ ဆေးရောင်စုံ စီခြယ်ထားတဲ့ပန်းချီကားတွေလိုဖြစ်နေတယ်။ ဓမ္မညီအကို ဘုရားသားတော် သံဃာတော်များရဲ့ မျက်နှာများမှာလဲ အပြုံးကိုယ်စီဝေလို့ ။ မိုးလေး တဖြောက်ဖြောက်ကျနေတဲ့ကြားကပဲ မမောနိုင် မပန်းနိုင် ဆွမ်းလောင်းလှူဖို့ ပြင်ဆင်နေကြတဲ့ အမေရိကန်ရောက် နိုင်ငံတကာ လူမျိုးတွေရဲ့ တက်တက်ကြွကြွလှုပ်ရှားမှုတွေက သူတို့ရဲ့ အတွင်းစိတ်ကိုဖော်ပြနေကြတယ် ။ မြင်ကွင်းအားလုံး ကြည်လင်နေတယ် ၊ မြင်ကွင်းအားလုံး ငြိမ်းချမ်းနေတယ်..မြင်ကွင်းတွေ ညီမျှနေတယ်..

မနက် ၇ နာရီမှာ နိုင်ငံတကာမှ သံဃာတော်များဟာ ၄၂ လမ်းမှ ၄၇ လမ်းအထိ ညီညာစွာ စီတန်းလို့ ခြေလျင်ကြွရောက်ကြတယ်၊ မိုးလေးကတဖွဲဖွဲကျ လေနုအေးက ဖြေးဖြေးညှင်းညှင်းတိုက်ခတ်နေတဲ့ သာယာတဲ့မနက်ခင်းဟာ သံဃာတော် ၁၅၀ ရဲ့ ငြိမ်သက်တဲ့ ခြေလှမ်းများနဲ့ လှချင်တိုင်း လှနေခဲ့တယ် ၊

မြန်မာနိုင်ငံမှ သီတဂူဆရာတော် နိုင်ငံတော် သံဃမဟာနာယကချောက်ဆရာတော၊် အဝေရာ၇ာမရန်ကင်း ဆ၇ာတော်နဲ့ မြောက်ဦးဆ၇ာတော်တို့ ရှေ့ကနေဦးဆောင်ပြီး ဆွမ်းခံကြွကြတယ်..သံဃာညီညွတ်ေ၇းအတွက် သံဃာတော်များနှင့်အတူ မိုးထဲလေထဲမှာ အတူကြွေ၇ာက်တော်မူကြတာ သာသနာပြုဖို့ အားသစ်လောင်းနေတဲ့ သံဃာတော်များအတွက် အတုယူ အားကျစရာဖြစ်နေခဲ့တယ်။

. Dan Hammarskjold ပန်းခြံဝကိုေ၇ာက်တာနဲ့ နိုင်ငံတကာက ဗုဒ္ဓဘာသာဝင်မိသားစုများက ဆွမ်း ဆွမ်းဟင်းနဲ့ လှူဖွယ်ပစ္စည်းမျိုးစုံလောင်းလှူကြတယ် ဆွမ်းလောင်းချိန် တနာရီခန့်ကြာမြင့်တယ် ၊ လာရောက်လောင်းလှူသူများကလဲ ၃၀၀ ကျော်လောက်ရှိမယ်လို့ ခန့်မှန်းရပါတယ် ။ ဆွမ်းလောင်းပြီးတာနဲ့ Dan Hammarskjold ပန်းခြံရဲ့ အနီးနားမှာ စီစဉ်ထားတဲ့ ဟိုတယ်မှာ အာ၇ုံဆွမ်းဆက်ကပ်ပါတယ် ၊ အာရုံဆွမ်းစား အပြီးမှာတော့ ကုလသမဂ္ဂ၇ုံးချုပ်ကို ကြွရောက်ကြပြီး နံနက် ၉ နာ၇ီတိတိမှာ သီရိလင်္ကာသံအမတ်ကြီးရဲ့ အခမ်းအနားဖွင့်ပွဲ အထိမ်းအမှတ်မိန့်ခွန်းပြောကြားပြီး အခန်းအနားကို ဖွင့်လှစ်ပါတယ်..

အဲဒီနောက်မှာတော့ ကြွရောက်လာကြတဲ့ သံဃာတော်များက ကမ္ဘာသူ ကမ္ဘာသားများ ငြိမ်းချမ်းဖို့အတွက် မေတ္တာဖြန့်ချီပါတယ်..
ပရိတ်တရားရွတ်အပြီးမှာ ကုလသမဂ္ဂအတွင်းရေးချုပ် ဘန်ကီမွန်းက မိန့်ခွန်းပြောပါတယ်. သူ့အမေဟာ ဗုဒ္ဓဘာသာဝင်တဦးပါ..သူငယ်စဉ်က အမေနဲ့အတူနေပြီး ဗုဒ္ဓဘာသာထုံတမ်း စဉ်လာတွေလုပ်ခဲ့ရတဲ့အကြောင်း ကမ္ဘာကြီး အကြမ်းဖက်မှုတွေလျော့ကျသွားအောင် ဗုဒ္ဓရဲ့တရားတော်များနဲ့ ဖြေရှင်းနိုင်မယ်လို့ ယုံကြည်တဲ့အကြောင်း ပြောသွားပါတယ်..

သဘာပတိ သီရိလင်္ကာသံအမတ်ကြီးကတော့ အစီအစဉ်တွေဆက်ပြီး ကြေငြာနေတယ်..ကုလသမဂ္ဂအတွင်းရေးမှူးချုပ်မိန့်ခွန်းပြောအပြီးမှာ ဘင်္ဂလားဒေ၇ှ်၊ ကမ္ဘောဒီးယား အိန္ဒိယ ဂျပန် လာအို နီပေါ ပါကစ္စတန် ဖီလပိုင် ကိုရီးယား ထိုင်း ဗီယက်နာမ် သီရိလင်္ကာ မွန်ဂိုလီးယားနဲ့ နောက်ဆုံး Speaker အဖြစ် မြန်မာနိုင်ငံမှ သီတဂူဆရာတော်ကြီးက မိန့်ခွန်းပြောပါတယ်..ထူးခြားတာက နိုင်ငံအားလုံးရဲ့ သံအမတ်ကြီးတွေကြားမှာ မွန်ဂိုလီးယားနဲ့ မြန်မာ Speaker တွေက ဘုန်းတော်ကြီးတွေ ဖြစ်နေကြခြင်းပါပဲ ။

သီတဂူဆရာတော်ကြီးက ပါရမီဆယ်ပါးဖြည့်ကျင့်ပြီး ငြိမ်းချမ်းရေးတည်ဆောက်ဖို့ မီးမောင်းထိုးပြသွားပါတယ်… သီတဂူဆရာတော်ကြီးမိန့်ခွန်းအပြီးမှာတော့ အစည်းအဝေးကို ခေတ္တရပ်နားပါတယ်. မြန်မာနိုင်ငံဖွား သံဃာတော်များကိုတော့ ကုလသမဂ္ဂအဆောက်အဦးအတွင်းမှာ ၇ှိတဲ့ ဟိုတယ် စားသောက်ဆိုင်မှာ နေ့ဆွမ်းဆက်ကပ်ပါတယ်.. သံအမတ်ကြီးအပါအ၀င် ကုလရုံးမှာ တာဝန်ထမ်းဆောင်နေကြတဲ့ ၀န်ထမ်းများ ကုသိုလ်ရှင်များက စုပေါင်းဆွမ်းဆက်ကပ်ကြပါတယ်

နေ့ဆွမ်းအပြီးမှာ ခေတ္တအနားယူကြပြီး ကုလသမဂ္ဂအဆောက်အဦးတွင်းမှာ ချိတ်ဆွဲထားတဲ့ မြန်မာ့အာဇာနည် ကုသသမဂ္ဂအတွင်းရေးမှူးချုပ် ဦးသန့်ရဲ့ ဓာတ်ပုံချိတ်ဆွဲထားရာ ခန်းမကိုလေ့လာကြပြီး စာအုပ်ဆိုင် လက်ဆောင်ပစ္စည်းအရောင်းဆိုင်တွေကို လေ့လာကြပါတယ်.. ညနေ ၃ နာရီမှာ ကုလသမဂ္ဂဋ္ဌာနချုပ်ရဲ့ ကမ္ဘာ့အစည်းအဝေးများ ကျင်းပရာ General Assembly Hall မှာ အခမ်းအနား ဒုတိယပိုင်းကို ပြန်လည်စတင်ပါတယ်..

Interfaith Dialogue မှာ Peace,Harmony and Co-Existence ဆိုတဲ့ ခေါင်းစဉ်အောက်ကနေ ဆွေးနွေးကြပါတယ်.. သဘာပတိက သတ်မှတ်ချိန်ထက် မကျော်လွန်ဖို့ ပြောတာကိုလဲ သတိထားလိုက်မိပါတယ်.. တစ်ယောက်ကို ဆယ်မိနစ် ဆယ်ငါးမိနစ် ပြောခွင့်ပေးပါတယ်..

မနက်ပိုင်း မိန့်ခွန်းပြောတဲ့အစီအစဉ်မှာတော့ သီတဂူဆရာတော်ကြီးက ပရိသတ်အားပေးမှုအများဆုံးရခဲ့တယ်.ဆရာတော်ကြီး မိန့်ခွန်းနေစဉ်မှာ သတင်းသမားတွေ ဗီဒီယို ကင်မရာသမားတွေ ၂၀ ကျော်လောက် ၀ိုင်းအုံသွားခဲ့တယ်.. နေ့လည်ပိုင်း ဆွေးနွေးပွဲမှာတော့ သီတဂူဆရာတော်ကြီးထက် သီရိလင်္ကာက ဒေါက်တာဂုဏရတန.က ပရိသတ်ရဲ့ အားပေးမှုကို ပိုရခဲ့တယ်..

ဗုဒ္ဓဘာသာရှုဒေါင့်ကနေ ဒေါက်တာဂုဏရတန.က ကမ္ဘာကြီး ငြိမ်းချမ်းရေးဖြစ်ချင်တယ်ဆို၇င် ကိုယ့်ကိုယ်ကိုယ် အရင်ငြိမ်းချမ်းအောင် လုပ်ကြရမယ်၊ ငြိမ်းချမ်းရေးဆိုတာ ကိုယ့်နှလုံးသားက လာတာပါ။ ကိုယ့်မှာရှိတဲ့ ငြိမ်းချမ်းမှုကို ပေးလို့မရဘူး..ကိုယ်ငြိမ်းချမ်းချင်ရင် ကိုယ်ပဲကြိုးစားရမှာ စသည်ဖြင့် ပုံပြင်လေးတွေညှပ်ပြီး ပြောသွားပါတယ်..ပရိသတ်တွေ သဘောအကျဆုံး ဆရာတော်ကြီးဖြစ်ခဲ့တယ် ၊

ခရစ်ယာန်ရှုဒေါင့်ကနေ Professor Paul Knitter ,Colombia University က..
ကမ္ဘာကြီးငြိမ်းချမ်းဖို့ ဗုဒ္ဓအဆုံးအမရော ဂျီးဆက် အဆုံးအမရော လိုအပ်ပါတယ်..ကျွန်တော်ကိုယ်တိုင် ဗုဒ္ဓဘာသာကိုလေ့လာတယ် လေ့ကျင့်တယ် တရားထိုင်တယ်.. ငြိမ်းချမ်းချင်ရင် တရားထိုင်လို့ ဗုဒ္ဓဘာသာက ပြောမယ် ၊ ခရစ်ယာန်ကတော့ ငြိမ်းချမ်းချင်ရင် တရားမထိုင်နဲ့ လူ့အသိုင်းအ၀ိုင်းထဲမှာ ပေးကမ်းပြီး မျှတအောင်နေလို့ ပြောမယ်.. တကယ်တော့ဗျာ ဗုဒ္ဓအဆုံးအမရော ဂျီးဆက်အဆုံးအမရော နှစ်ခုလုံးပြည့်စုံရင် ပိုကောင်းမယ်ဗျ.. သူ့လဲ ပရိသတ်ရဲ့ အားပေးမှုကို ရခဲ့တယ်..

ဟိန္ဒရှုဒေါင့်မှ Professor Sudharshan Seneviratne က… ဗုဒ္ဓက ကရုဏာ ပညာ နှစ်မျိုးနဲ့ ကမ္ဘာကြီးငြိမ်းချမ်းအောင် ဟောပြောသလို ဟိန္ဒူ teaching များကလဲ အဟိံသ..မညှင်းဆဲနဲ့ ကရုဏာထားရမယ်လို့ ပြောပါတယ်.. ဗုဒ္ဓဘာသာနဲ့ ဟိန္ဒူဘာသာ သိပ်မကွာပါဘူး.. ကျွန်တော်တို့အတူတူပူပေါင်းပြီး ငြိမ်းချမ်းရေးဆောင်ရွက်မယ်လို့ အေးအေးဆေးဆေး ပြောသွားတယ်..ညနေ ခြောက်နာရီကျော်ကျော်မှာ ဆွေးနွေးပွဲကို ရုပ်သိမ်းကြပြီး ဗုဒ္ဓနဲ့ဆက်စပ်တဲ့ပြပွဲ Exhibition of Buddhist Art, Artifacts and Photos ကို စတင်ပြသပါတယ်.

ရင်ထဲမှာ တကယ့်ကိုကြည်နူးစရာများပါ ၊ နိုင်ငံတကာ အသုံးပြုနေတဲ့ ကုလသမဂ္ဂခန်းမကြီးထဲမှာ ဗုဒ္ဓ ဆိုတဲ့ စကားသံတွေပြန့်လွှင့်နေခဲ့တာ ဘယ်လောက်များ ဂုဏ်ယူစရာ ကောင်းပါသလဲ.. အလွန်စည်ကားတဲ့ နယူးရောက်လမ်းမကြီးများပေါ်မှာ ဗုဒ္ဓဘာသာတို့ရဲ့ ငြိမ်းချမ်းတဲ့ နှလုံးသားတွေကို ဖွင့်ပြခွင့်ရတာ ဘယ်လောက်ကျေနပ်စရာ ကောင်းပါသလဲ…. ကမ္ဘာ့အကြီးအကဲ ကုလသမဂ္ဂအတွင်းရေးမှူးချုပ်ကိုယ်တိုင် တက်ရောက်အားပေးတာ ဘယ်လောက် ကျေနပ်စရာ ကောင်းပါသလဲ.. ဒါဟာ ဗုဒ္ဓဘာသာဝင်တို့ရဲ့ အောင်ပွဲ.. ငြိမ်းချမ်းရေးတံခါးခေါက်သံ..လူ့သားတို့ နှလုံးသားထဲကို သစ္စာရေစင်တွေ သွန်းဖြန်းဖို့ တပ်လှပ်သံ လို့ပြောရင်..

ဗုဒ္ဓသဗ္ဗညုတ ဥာဏ်ကိုရတာ နှစ်ပေါင်း ၂၆၀၀ ကြာမြင့်ပေမယ့် ဗုဒ္ဓရဲ့ Teaching တွေကို သန်းပေါင်းများစွာသော လူသားထုကြီးက လှိုက်လှိုက်လှဲလှဲ ကျင့်သုံးနေတာဟာ သစ္စာဖြစ်လို့..မှန်ကန်လို့..တကယ့် noble truth ဖြစ်လို့ဆိုတာ အငြင်းမပွားနိုင်ပါဘူးလေ..ဟုတ်ပါတယ် ဗုဒ္ဓပရိနိဗ္ဗာန်စံတဲ့ နှစ်ပေါင်း ၂၅၅၅ နှစ်၇ှိပေမယ့် သူဖွဲ့စည်းထားတဲ့ သံဃာအဖွဲ့အစည်းဟာ မျက်မှောက်ကမ္ဘာမှာ သက်တမ်းအရှည်ဆုံးအဖြစ် ရပ်တည်နေတာကို ယနေ့တိုင်တွေ့မြင်နိုင်လိမ့်မယ်.. ၂၆၀၀ ကြာပြီဖြစ်ပေမယ့် မဟောင်းနွမ်းတဲ့ ဗုဒ္ဓ teaching.. ၂၅၅၅ နှစ်ရှိတဲ့ သက်တမ်းရှည် သံဃာ့အဖွဲ့အစည်းက ၂၁ ရာစုမှာ အထင်ရှားဆုံး အဆောက်အဦး ကမ္ဘာသူ ကမ္ဘာသားတို့ရဲ့ ဦးညွတ်ရာ ကုလသမဂ္ဂမှာ ဗုဒ္ဓကို ဦးထိပ်ပန်ဆင်ပြီး ဗုဒ္ဓနေ့ဆိုတာကို ဒီနေ့ပဲ အောင်အောင်မြင်မြင်ကျင်းပခဲ့ပြီ မဟုတ်ပါလား..

အရှင်တိက္ခဥာဏာလင်္ကာရ(ယော)

ကုသိုလ်တို့ဖြင့် ပျော်မွေ့သော

 ဗန်းမော်ဆရာတော်ကြီးကို စင်္ကာပူကို ကြွရောက်ပြီး တရားချီးမြှင့်ဖို့ ပြင်ဆင်ခဲ့ကြတာ ကြာပါပြီ၊ Lotus Foundation Dhammadownload Dhammaramsi  dhammanowledge ညီအကိုမောင်နှမတွေရဲ့ စိတ်တူ ကိုယ်တူပူးပေါင်း ဆောင်ရွက်ခဲ့တဲ့အတွက် အခုတော့မိမိတို့ရည်ရွယ်ချက် အောင်မြင်ခဲ့ပါပြီ်။ ၁၈.၀၃.၂၀၁၀ နေ့မှာ စင်္ကာပူကို ဆရာတော်ကြီး ကြွရောက်လာတယ်. အားလုံးအဆင်ပြေပြေချောချော မွေ့မွေ့ပါပဲ၊

ဆရာတော်ကြီးနဲ့ပတ်သက်လို့ သံဃာလောကက ကြည်ညိုလေးစားကြတာက တိပိဋက(ပိဋကတ်သုံးပုံဆောင်) ၇ ပါးရဲ့ ဆရာ၊ သကျသီဟ ၀ဋံသကာ၊ အထက်ယမိုက် အောက်ယမိုက်ကျမ်းကြီးတွေကို အင်္ဂလိပ်ဘာသာပြန်ဆိုမှု၊ အနေရိုးပေမယ့် အသိဆန်းတဲ့ဆရာတော်ကြီးအဖြစ် လေးစားကြည်ညိုကြပါတယ်၊

ဒကာ ဒကာမများကတော့ စံချိန်ကိုက် ပဋ္ဌာန်းရွတ်ဖတ်တဲ့အတွက် လိုတ-ရခဲ့ပုံ၊စံချိန်ကိုက် ပဋ္ဌာန်းရွတ်ဖတ်ခြင်းဆိုတာ.. ၁။ အ၀တ်အစား ခန္ဓာကိုယ် သန့်ရှင်းရခြင်း၊ ၂။ အချိန်မှန်ရခြင်း၊ ၃။ ပီပီပြင်ပြင် ကြည်ကြည်လင်လင် ရွတ်ဖတ်ရခြင်း၊ ၄။ နတ်များကို အမျှအတမ်းပေးဝေရခြင်း တို့ဖြစ်ပါတယ်) နတ်သားတွေကို မျက်စိနဲ့မြင်ခဲ့ဖူးသည့်ဆရာတော် စသည် စသည် ကြည်ညိုလေးစားကြပါတယ်၊ တကယ်လဲ လေးစားထိုက်သည့် ဆရာတော်ကြီးပါ၊ ရှိတာကို အကုန်ပြောလို့ရမယ်ဆိုရင်တော့. နိုင်ငံတော် သံဃမဟာနာယက အကျိုးတော်ဆောင်ချုပ်၊ ထေရ၀ါဒတက္ကသိုလ် ဒုတိယပါမောက္ခချုပ်စတဲ့ ကြီးလေးတဲ့ တာဝန်တွေကို ထမ်းဆောင်နေတဲ့ ဆရာတော်ကြီးတစ်ပါးပါ။

စင်္ကာပူ ပရိသတ်များကတော့ ဆရာတော်ကြီးရဲ့ တရားပွဲကို စောင့်မျှော်ခဲ့ရတာ ကြာပြီမို့ ဒီနေ့(၂၀--၃-၂၀၁၀)မှာတော့ ပရိသတ်တွေ အများအပြားလာရောက်ခဲ့ပါတယ်။ တရားပွဲအစီအစဉ်အရ ၂၀-၀၃-၂၀၁၀ နေ့ ညနေ လေးနာရီကနေ ငါးနာရီ ဆယ့်ငါးထိ တချိန်.. ခြောက်နာရီကနေ ၇ နှစ်ကြိမ်တိုင်တိုင် ပဋ္ဌာန်းတရားဟောကြား ချီးမြင့်ပေးရမှာပါ၊ တရားပွဲ မစခင်ကတော့ စိတ်ပူနေမိပါတယ်၊ သက်တော်ရှစ်ဆယ်ကျော် ဆရာတော်ကြီးရဲ့ ဟောပြောချိန် ၂ နာရီကျော်အတွင်း ဟောမှ ဟောနိုင်ပါ့မလား အသံတွေများ ၀င်သွားမလား နဲ့  တွေးပူနေခဲ့တာ၊ တကယ့်လက်တွေ့မှာတော့ တက်တက်စင်အောင် လွဲပါရောလား၊ ဖြစ်နိုင်ရင် နောက်ထပ် ၂ နာရီလောက်တောင် ထပ်ဟောနိုင်အုံးမယ့်ပုံ။ အသံလဲကြည်လင်ပြတ်သားပြီး နာယူရသူတွေ တကယ့်ကို သဒ္ဓါတရားတက်စေခဲ့ပါတယ်။.

ပဋ္ဌာန်းအကြောင်းကို ပဋ္ဌာန်းနဲ့ဝေးသူတွေ စိတ်ဝင်စားအောင်ဟောပြသွားတာကလဲ ဆရာတော်ကြီးရဲ့ အ၇ည်အချင်းတစ်ခုပါ၊ ဟောသူ နာသူ စီစဉ်သူတို့ရဲ့ ကုန်လွန်ခဲ့ရတဲ့အချိန်တွေဟာ ပြန်တွေးလိုက်တိုင်း ကျေနပ်စရာ ဖြစ်နေတော့တာ အမှန်ပါ၊ လူငယ်တွေဖြစ်ပေမယ့် ကုသိုလ်တွေနဲ့ ပျော်မွေ့နိုင်ကြတဲ့ တရားစီစဉ်သူများ လေယဉ်လက်မှတ် ခန်းမအလှူရှင်များ ဆွမ်းအလှူရှင်များရဲ့ စိတ်ဓာတ်အား သဒ္ဓါအားကိုတော့ တကယ့်ကို လေးလေးနက်နက် သာဓုခေါ်မိပါတယ်။  စိတ်အားထက်သန်သူ သဒ္ဓါအားကောင်းသူတို့ရဲ့ အောင်ပွဲလို့ ဆိုနိုင်ပါမယ်၊ ထက်သန်ဆန္ဒရှိရင် ဘာမဆိုဖြစ်နိုင်တယ်ဆိုတာ သက်သေတစ်ခုပါပဲ၊

စင်္ကာပူလို နိုင်ငံမျိုးမှာ တရားပွဲတစ်ခုဖြစ်မြောက်ဖို့ မလွယ်ကူတာ တရားပွဲစီစဉ်သူတိုင်း နားလည်လက်ခံနိုင်ပါမယ်၊ ခန်းမငှါးရတဲ့ကိစ္စ ဆရာတော်ကြီးများရဲ့ လေယဉ်လက်မှတ်အသွားအပြန်ကိစ္စ။ အသံပိုင်းဆိုင်ရာ ဆောင်ရွက်ရတဲ့ကိစ္စ တရားပွဲရက်တွေ ကြိုတင်ကြေငြာရတဲ့ကိစ္စ။ ပင့်ဖိတ်လိုသူပေါများလှတဲ့ ဆရာတော်ကြီးများအတွက် ပင့်ဖိတ်သူတွေ သဒ္ဓါတရား မထိခိုက်အောင် စီမံရတဲ့ကိစ္စ အပါအ၀င် တ၇ားပွဲကုန်ကျစရိတ် စသည်စသည် ဖန်တီးရတာလဲ လွယ်ကူတာတော့ မဟုတ်ပါဘူး၊

မမြင်နိုင်တဲ့ဓမ္မရဲ့အင်အားတွေရယ် သဒ္ဓါတရားထက်သန်တဲ့ ဗုဒ္ဓဘာသာတွေရယ်ကြောင့် အစစအရာရာ အဆင်ပြေ ချောမွေ့ခဲ့ပါတယ်။ တာထွက် ပထမဦးဆုံးတရားပွဲရဲ့ ရလာဒ်ကတော့ ကျေနပ်စရာ ကောင်းလှပါတယ်။ ဟောသူ နာယူတို့ရဲ့ ကျေနပ်အပြုံးတွေက တရားပွဲစီစဉ်သူတို့ရဲ့ နှလုံးသားကို အေးမြစေခဲ့တာတော့အမှန်ပါ။

တိပိဋက ယောဆရာတော်ကြီးရဲ့ ၆၇ နှစ် အိုပွဲမင်္ဂလာ

ကျေးဇူးရှင် တိပိဋက ယောဆရာတော်ကြီးရဲ့ ၆၇ နှစ်ပြည့် အိုပွဲမင်္ဂလာ အခမ်းအနားကို ရန်ကုန်မြို့ ဗဟန်းမြို့နယ် ၀ိသုဒ္ဓါရုံကျောင်းတိုက်မှာ ကျင်းပခဲ့တယ်၊ ပင့်သံဃာတော်များ၊သီလရှင်များအား လှူဖွယ်ပစ္စည်းများ ဆက်ကပ်လှူဒါန်းခြင်း၊ ဧည့်သည်တော်များအား ကျွေးမှုလှူဒါန်းခြင်းနဲ့ တရားရေအေး တိုက်ကျွေးလျှက် အိုပွဲမင်္ဂလာကို ကျင်းပခဲ့ပါတယ်၊ ဆရာတော်ကြီးရဲ့ အိုပွဲမင်္ဂလာ နှလုံးသွင်း သံဝေဂကဗျာကိုလည်း ပြန်လည်ဖြန့်ဝေလိုက်ပါတယ်။

Read more »

မိနုဝန်

ကိုလံဘို မြန်မာကျောင်းကနေ တနာရီခွဲလောက် ကားမောင်းလိုက်ရင် မိနုဝန်ဂေါဓမြို့ကို ရောက်ပါတယ်၊ ဒီနေ့တော့ မိနုဝန်ကို ရောက်ဖြစ်တယ်၊ ပိဏ္ဍပါတလို့ခေါ်တဲ့ ဆွမ်းခံပင့်လို့ သွားဖြစ်တာပါ၊ သီရိလင်္ကာမှာတော့ မြန်မာနိုင်ငံမှာလို ဆွမ်းခံတဲ့ အလေ့အထက ပျောက်သလောက်ရှိနေပြီ၊ သံဃာသုံးသောင်းကျော်မှာ ဆွမ်းခံတာ အပါးတစ်ရာ မပြည့်တော့ပါဘူး၊

Read more »

ပါမောက္ခချုပ်ဆရာတော်ကြီးနဲ့ Lotus ညီအကိုမောင်နှမများ

အပြည်ပြည်ဆိုင်ရာ ထေရ၀ါဒ တက္ကသိုလ်ပါမောက္ခချုပ် ဆရာတော် ဒေါက်တာ အရှင်နန္ဒမာလာဘိဝံသ စင်္ကာပူနိုင်ငံကို ကြွရောက်လာပါတယ်၊ စင်္ကာပူနိုင်ငံမှာရှိတဲ့ တရုတ်မိသားစုတွေကို အဘိဓမ္မာ ပို့ချပေးဖို့ ကြွလာတာပါ၊ ဆရာတော် ရောက်လာတဲ့ သတင်းကြားတာနဲ့ ဆရာတော့်ခြေတော်ရင်းကို ရောက်ဖြစ်ခဲ့တယ်၊ Lotus Foundation အဖွဲ့တွေနဲ့ အတူပေါ့၊

Lotus Foundation ၊Dhamma Download အဖွဲ့တွေ ဦးဆောင်ပြီး အဝေးရောက် ရွှေမြန်မာများ အဘိဓမ္မာလေ့လာနိုင်ဖို့ Abhidhamma Foundation ကို တည်ထောင်ကြမှာပါ၊ မြန်မာပြည်က အဘိဓမ္မာပို့ချ သင်ကြားပေးနေတဲ့ ဆရာတော်များ လူဆရာများရဲ့ ပို့ချချက် အသံဖိုင် ရုပ်ဖိုင် စာဖိုင်တွေကို စုစည်းပြီး အွန်လိုင်းမှာ တင်ပေးသွားမှာဖြစ်ပါတယ်၊ ဒီကိစ္စတွေအတွက် ဆရာတော်ဦးနန္ဒမာလာဆီ ရောက်လာခဲ့တယ်၊ ဆရာတော်ရဲ့ ဩ၀ါဒ ဆရာတော်ရဲ့ တန်ဖိုးမဖြတ်နိုင်တဲ့ အကြံအဥာဏ်ကို ရယူကြခြင်းလဲ ဖြစ်ပါတယ်၊

အဘိဓမ္မာပို့ချချက်တွေကို အင်္ဂလိပ်လိုရော မြန်မာလိုပါ အွန်လိုင်းမှာ စုစည်းတင်ပြပေးတော့မှာမို့ အဘိဓမ္မာစိတ်ဝင်စားသူများအတွက် ၀မ်းမြောက်ဖွယ်သတင်းတစ်ခုပါ။
နည်းပညာရှင်များရဲ့ အကြံအဥာဏ်ကို ရယူပြီး နောက်ထပ် အကောင်အထည်ဖော်ဖို့ ပြင်ဆင်နေတာက Online Library သို့မဟုတ် Online University လုပ်ဖို့ပါ၊

ပထမခြေလှမ်းအနေနဲ့ အဝေးရောက် စာသင်သားတွေအတွက် ကျမ်းကိုးစာအုပ်တွေလိုအပ်လာရင် လွယ်ကူစွာကြည့်နိုင်ဖို့ Online library မှာ စုစည်းသွားမှာပါ၊ ကမ္ဘာ့တက္ကသိုလ်အသီးသီးက Buddhist studies နဲ့ပတ်သက်တဲ့ ပို့ချချက်တွေကိုလဲ အတတ်နိုင်ဆုံး ရှာဖွေစုဆောင်းကာ Online Library မှာ စုစည်းတင်ပြနိုင်ဖို့ ရည်ရွယ်ထားပါတယ်။

အဲဒီအကြောင်းလေးတွေကိုလဲ ဆရာတော့်ကိုလျှောက်ထားတင်ပြ ဖြစ်တယ်၊ ဆရာတော်က လိုအပ်တဲ့ အကူအညီတွေ အကြံအဥာဏ်တွေချီးမြှင့်ခဲ့တယ်၊ တဆက်တည်းမှာပဲ ဆရာတော်အမိန့်ရှိတာက ပြည်တွင်းမှာ အဘိဓမ္မာလေ့လာလိုက်စားသူတွေအတွက် လိုအပ်နေတဲ့ ဋီကာကျော်မြန်မာပြန်ကို ဒီနှစ်ဝါတွင်းသုံးလမှာ အပြီးရေးမယ်လို့ အမိန့်ရှိသွားပါတယ်၊ ဋီကာကျော်မြန်မာပြန်က ရှိတော့ရှိပြီးသားပါ၊

မြန်မာလိုရေးထားတာကို မြန်မာတွေ သဘောမပေါက်နိုင်ဖြစ်နေလို့ ဒီလိုထပ်ရေးတာပါလို့ မိန့်ပါတယ်။မြန်မာပြည်ရဲ့ လိုအပ်ချက်ကွက်လပ်တစ်ခုကို ဖြည့်စည်းပေးမှာမို့ တကယ့်ကို ကြည်နူးဝမ်းသာဖြစ်ရပါတယ်၊

မြန်မာပြည်မှာ တနှစ်ကို မြွေကိုက်လို့ သေဆုံးရတာ လေးထောင်ကျော် ငါးထောင်ကျော်ရှိပါတယ်၊ ကျန်းမာရေးဝန်ကြီးဋ္ဌာနရဲ့ထုတ်ပြန်ချက်အရပါ၊ ဘာကြောင့် မြွေကိုက်ပြီး သေဆုံးရတဲ့နှုန်း မြှင့်တက်လာရသလဲဆိုတော့ မြွေဆိပ်ဖြေဆေး လုံလုံလောက်လောက် မပေးနိုင်တော့လို့ပါပဲ၊(အမှန်ဆိုရင်တော့ လုံးဝကို မပေးနိုင်တော့တာပါ)၊ မြွေဆိပ်ဖြေဆေး တစ်လုံးကို မြန်မာငွေ ခြောက်သောင်းခွဲ ရှိပါတယ်၊ မြွေကိုက်တဲ့လူနာကို ဆေးခြောက်လုံးလောက်ထိုးပေးမှ ဒီလူနာအသက်ရှင်ပါတယ်၊(သတိပြုရန်။ ။ ပြည်တွင်းမှာတော့ မြွေဆိပ်ဖြေဆေး အတုတွေပေါ်နေပါတယ်)

အဲဒီလိုအပ်ချက်လေးတွေကို ဖြည့်စည်းပေးချင်လို့ မြွေကိုက်ခံရတာများတဲ့ မြို့နယ်ဆယ်မြို့နယ်မှာ မြွေဆိပ်ဖြေဆေးတွေ လုံလုံလောက်လောက် ရရှိနိုင်ဖို့ Lotus Foundation ညီအကိုမောင်နှမများက လှူဒါန်းနေပါတယ်၊ ဆရာတော်ဦးနန္ဒမာလာကတော့ လိုအပ်တဲ့နေရာမှာ လိုအပ်တာကို ဖြည့်စည်းပေးနေတာ သိရတဲ့အတွက် လှိုက်လှိုက်လှဲလှဲ သာဓုခေါ်ပါတယ်၊

ပြီးတော့ မြွေဆိပ်ဖြေဆေးတင် လှူတာမဟုတ်ဘဲ..မြွေမကိုက်နိုင်အောင် မြွေဒဏ်ကာကွယ်နိုင်တဲ့ဖိနပ် အရှည်ကြီးတွေလှူတာ ပညာပေးတာ စသည်တွေလဲ တတ်နိုင်သလောက် လုပ်ကြဖို့ ဩ၀ါဒပေးပါတယ်၊
ပြိးတော့ ဗုဒ်ဓဘာသာဝင် မိသားစုများ တရားနာယူနိုင်ရန် Dhamma centre တွေလဲ ဆောက်ပေးနေပါတယ်၊

စက်ပစ္စည်း အစုံ ဓမ္မစင်တာ တစ်ခုအတွက် သိန်း ၂၀လောက် လှူဒါန်းရပါတယ်၊ လယ်တီဆရာတော်ကြီးရဲ့ ဖွားရာမြေ စိုင်ပြင်ရွာက စတင်လို့ ဓမ္မစင်တာတွေ ဆောက်လုပ်လှူဒါန်းတာ အခုဆိုရင် ဓမ္မစင်တာ ငါးခုတည်ဆောက်ပြီးသွားပါပြီ၊ Lotus Foundation ညီအကိုမောင်နှမများရဲ့ စေတနာတွေပါ၊

ဆရာတော်ဦးနန္ဒမာလာကတော့ ကိုယ်လုပ်တဲ့အလုပ်တစ်ခုရဲ့ တန်ပြန်သက်ရောက်မှုကို သတိထားပြီး First Unity Second Unity Third Unity ဖြစ်ဖို့ ဩ၀ါဒချီးမြှင့်ပါတယ်၊

နောက်ဆုံးမှာတော့ ပါမောက္ခချုပ်ဆရာတော်ကြိးနဲ့ စုပေါင်းဓာတ်ပုံရိုက်ပြီး ဆရာတော်ကြီးကို ဦးချကန်တော့ကာ ပြန်လာခဲ့တယ်၊ အပြင်ဖက်မှာတော့ စင်္ကာပူရဲ့ ဒီဇင်ဘာက ချမ်းအေးခြင်းမရှိဘဲ အုံ့နွေးနွေးဖြစ်နေတယ်၊ ည ကိုးနာရီထိုးတော့မှာမို့ သွားလာလှုပ်ရှားသူတွေလဲ လျော့နည်းစပြုလုို့ပေါ့၊
လူသားတွေကို တတ်နိုင်သလောက် နွေးထွေးမှုပေးပြီး အားနည်းနေတဲ့ လူတွေကို ကရုဏာနှလုံးသားနဲ့ ကူညီနိုင်ဖို့ အပြန်လမ်းခရီးရဲ့ အတွေးတွေထဲမှာ ကျယ်ကျယ်လောင်လောင် မြည်သွားတာကိုလဲ သတိပြုမိလိုက်ပါရဲ့၊

lotus Foundation ညီအကိုမောင်နှမများရဲ့ လုပ်ဆောင်ချက်တွေကို လေ့လာလိုတယ်ဆိုရင် http://www.lotusfoundationmm.org မှာလေ့လာနိုင်ပါတယ်

ဖြူးဆရာတော်ကြီးအား ရည်စူး၍ ကောင်းမှုကုသိုလ်ပြု

27-11-2009 သောကြာနေ့ စင်္ကာပူနိုင်ငံ ဓာတ်တော်ကျောင်းတိုက်တွင် ကျေးဇူးတော်ရှင် နိုင်ငံကျော်နယ်လှည့် ဓမ္မကထိက ဖြူးဆရာတော်ကြီးအား ရည်စူး၍ ဘုရားအမှူးရှိသော သံဃာတော်အရှင်သူမြတ်များအား ဆွမ်းသင်္ကန်း န၀ကမ္မ၀တ္ထု လှူဒါန်းခဲ့သလို ဆရာတော်ကြီး၏ တပည့် ဒေါက်တာ ဥတ္တမသီရိမှ သာသနာတော်အတွက် ဆရာတော်ကြီးဆောင်ရွက်ခဲ့ပုံများကို ဂုဏ်ရည်တမ်းတ ပြောပြခဲ့ပါတယ်။ ၎င်းနောက်အရှင်တိက္ခဥာဏာလင်္ကာရမှ ရေစက်သွန်းချကာ တပည့်ဒကာ ဒကာမများကကျေးဇူးရှင်ဖြူးဆရာတော်ကြီးအား ကောင်းမှုအစုစုအတွက် အမျှအတမ်းပေးဝေခဲ့ကြပါတယ်။

Lotus Foundation အဖွဲ့ရဲ့ ရဟန်းခံအလှူမင်္ဂလာ

၂၇-၁၁-၂၀၀၉ သောကြာနေ့ Lotus Foundation အဖွဲ့၏ ရဟန်းခံအလှူမင်္ဂလာ အခန်းကို စင်္ကာပူနိုင်ငံ တိုပါရိုး မြန်မာဘုန်းတော်ကြီးကျောင်းတွင် စည်ကားစွာ စိတ်တူ ကိုယ်တူကျင်းပခဲ့ကြသည်၊ အခမ်းအနားအစီအစဉ်အဖြစ် ရဟန်းလောင်း ကိုမျိုး(ဩစတေးလျ-Dhammaramsi.net) အား မြင့်မြတ်သော ရဟန်းအဖြစ်သို့ သွတ်သွင်းပေးကြပြီး အရှင်တိက္ခဥာဏာလင်္ကာရ အား ပုနောပသမ္ပဒ သိက္ခာထပ်မင်္ဂလာ ပြုလုပ်ကြကာ ကြွရောက်လာကြသည့် သံဃာတော်များအား လှူဘွယ်ဝတ္ထုနှင့် န၀ကမ္မများ ဆက်ကပ်လှူဒါန်းကြသည်။ သံဃာတော်များကလည်း ပရိတ်တရားများ ချီးမြှောက်ရွတ်ဖတ် ပေးတော်မူသည်။
အခမ်းအနားအပြီး Lotus Foundation အဖွဲ့ဝင်များ စုပေါင်းကာ မှတ်တမ်းတင်ဓာတ်ပုံရိုက်ကူးကြသည်။
စိတ်တူ ကိုယ်တူပြုလုပ်ခဲ့သည့် ကုသိုလ်ပွဲ အောင်မြင်ခြင်းအတွက် ၀မ်းမြောက်နုမော် သာဓုခေါ်ဆိုနိုင်စေရန် ကုသိုလ်အမျှ ပေးဝေအပ်ပါသည်။


Lotus Foundation အဖွဲ့၏ လောက ဘာသာ သာသနာအတွက်ဆောင်ရွက်ချက်များကိုhttp://www.lotusfoundationmm.orgတွင် လေ့လာဖတ်ရှုနိုင်ပါသည်။

ကျေးဇူးတော်ရှင် ဖြူးဆရာတော်ကြီးအား ရည်စူး၍ ကောင်းမှုကုသိုလ်ပြုလုပ်မည်

၂၄-၁၁-၂၀၀၉ အင်္ဂါနေ့ နံနက် (၆)နာရီအချိန် မြန်မာနိုင်ငံ အာရှတော်ဝင်ဆေးကုခန်းတွင် ဘ၀နတ်ထံပျံလွန်တော်မူသော ကျေးဇူးတော်ရှင် နိုင်ငံကျော် ဓမ္မကထိက ဖြူးဆရာတော်ကြီးအား ရည်စူး၍ ဆရာတော်ကြီး၏ တပည့်ဒေါက်တာ ဥတ္တမသီရိ ဦးဆောင်မှုဖြင့် ဆရာတော်ကြီး၏တပည့်သာဝကများ ဓမ္မကျေးဇူးတင်ရှိဖူးသူများ စုပေါင်းကာ စင်္ကာပူနိုင်ငံ ဓာတ်တော်ကျောင်းတိုက်တွင် သံဃာတော်များအား နေ့ဆွမ်းဆက်ကပ်လှူဒါန်းပြီး ရေစက်ချ အမျှအတန်းပေးဝေ ကုသိုလ်ပြုမည် ဖြစ်ပါ၍ ဆရာတော်ကြိး၏ တပည့် ဒါယကာ ဒါယိကာမများနှင့် ဓမ္မကျေးဇူးရှိသူများ မည်သည်မဆို ကြွရောက်ကုသိုလ်ယူနိုင်ပါကြောင်း အသိပေးအပ်ပါသည်။

စပွန်ဆာ အလှူရှင်- ကိုရဲထွဋ်+မအေးသီတာ နှင့် ဆရာတော်ကြီး၏ တပည့် ဒကာ ဒကာမများ

နေ့ရက်- ၂၇-၁၁-၂၀၀၉၊ သောကြာနေ့
အချိန်- နံနက် ၁၀ နာရီမှ ၁၂ နာရီအထိ
နေရာ- ဓာတ်တော်ကျောင်းတိုက်
Lorong 4- Geylang- No-59
Near Kallang MRT
ဆက်သွယ်ရန်- +၆၅ ၈၃၁ ၉၈၀ ၄၂
ကလန်း MRT မှ ဘတ်စ်ကား ၃၂ ကိုစီးလာလျှင် နှစ်မှတ်တိုင်မြောက်တွင် ဆင်းရပါမည်။

ဖြူးဆရာတော်ဘုရားကြီး၏ အန္တိမဈာပနအခမ်းအနား

ဖြူးဆရာတော်ဘုရားကြီးအား ပူဇော်သောအနေဖြင့် ယနေ့ည (၂၅-၁၁-၂၀၀၉)မှ စ၍ ငါးညတိုင်တိုင် တရားပွဲများကို ကျင်းပမည်ဖြစ်ပါသည်။ တစ်ညလျှင် ဆရာတော်နှစ်ပါးကျစီ တရားဟောကြမည်ဖြစ်ပါကြောင်း ဘုန်းဘုန်း ဦးအဂ္ဂဝရမှ မိန့်တော်မူပါသည်။

၂၅-၁၁-၂၀၀၉ - ပျဉ်းမနားဆရာတော် ဦးဇဋိလနှင့် ဆရာတော်ဦးသုမင်္ဂလ (ဒယ်အိုးဆရာတော်)

၂၆-၁၁-၂၀၀၉ - မြစ်သားဆရာတော်ဘဒ္ဒန္တဝါသဝနှင့် တိပိဋက စွန်းလွန်းဆရာတော်ဦးသုန္ဒရ

၂၇-၁၁-၂၀၀၉ - (၁၂)ဘွဲ့ရ ကျိ်ုက်ထိုဆရာတော် ဘဒ္ဒန္တနန္ဒောဘာသာဘိဝံသ နှင့်
ဓမ္မဒူတဆရာတော် အရှင်ဆေကိန္ဒ

၂၈-၁၁-၂၀၀၉ - ဒေါက်တာကောဝိဒ နှင့် ပဲနွယ်ကုန်းဆရာတော် ဦးစန္ဒာဝရ

၂၉-၁၁-၂၀၀၉ - ညောင်ကန်အေးဆရာတော် အရှင် ဣန္ဒက နှင့် ဝါးခင်းကုန်းဆရာတော် ဦးတိက္ခ

၃၀-၁၁-၂၀၀၉ - ယင်းနေ့တွင် အန္တိမဈာပနအခမ်းအနားကို နေ့လည် (၁၂)နာရီတိတိ အချိန်တွင် စတင်ကျင်းပ မည်ဖြစ်ပြီး၊ ဖြူးဆရာတော်ဘုရားကြီး၏ ထေရ်ဆရာ အရှင်များဖြစ်ကြသော မြတောင် ဆရာတော်ဘုရားကြီးနှင့် ပေါက်မြိုင် ဆရာတော်ဘုရားကြီးတို့မှ သီလပေးသြဝါဒချီးမြှင့်ပေးကြမည်ဖြစ်ပါသည်။
ထို့နောက် သီတဂူဆရာတော်ဘုရားကြီး အရှင်ဥာဏိဿရမှ ရေစက်သွန်းချ အမျှပေးဝေပြီးနောက်တွင် ဖြူးဆရာတော်ဘုရားကြီး၏ ရုပ်ကလပ်တော်ကို ဆရာတော်ဘုရားကြီးများနှင့် တပည့်သံဃာများ၊ အစိုးရအဖွဲ့ဝင် လူကြီးမင်းများ၊ ဂေါပကအဖွဲ့ဝင်လူကြီးများ၊ တပည့်ဒကာ ဒကာမများနှင့် ဖြူးဆရာတော်ဘုရားကြီး၏ ဆွေတော် မျိုးတော်များမှ အဖွဲ့သုံးဖွဲ့ ခွဲကာ မင်းခမ်းမင်းနားဖြင့် ရေဝေးသုဿန်သို့ ပင့်ဆောင် မီးသဂြိုလ်မည်ဖြစ်ပါသည်။

ဖြူးဆရာတော်ဘုရားကြီး၏ ကြွင်းကျန်ရစ်သော အရိုးပြာကို ဈာပနပွဲအပြီး တစ်ပတ်ခန့်အကြာတွင် ပဲခူးတိုင်း၊ ဖြူးမြို့နယ်ရှိ ဖြူးမဟာစည်သာသနာ့ရိပ်သာ မူလကျောင်းတိုက်သို့ မြို့နယ်သံဃာနာယကအဖွဲ့ဆရာတော်များ၊ တာဝန်ရှိလူကြီးမင်းများ၊ တပည့်သံဃာတော်များနှင့် ဒကာ ဒကာမများမှ ပင့်ဆောင်ကြမည်ဖြစ်ပြီး ရိပ်သာတွင် သုံးညတိုင်တိုင် တရားပွဲများ ဆက်လက်ကျင်းပမည်ဖြစ်ပါသည်။
ထို့နောက် ဖြူးဆရာတော်ဘုရားကြီး၏ ကြွင်းကျန်ရစ်သော အရိုးပြာကို ဖြူးချောင်းတွင် ရေမျှောပူဇော်မည်ဖြစ်ပါ ကြောင်းကို ကမ္ဘာတစ်ဝန်းတွင် ရောက်ရှိနေကြပါသော ဓမ္မမိတ်ဆွေ မြန်မာနိုင်ငံသားများအားလုံးသို့ စေတနာရှေ့ထား၍ အသိပေးကြေညာအပ်ပါသည်။

ဝိမုတ္တိရသမှ ပေးပို့သည်ကိုပြန်လည်ဖော်ပြသည်။

ဖြူးဆရာတော်ဘုရားကြီး၏ အရေးပေါ်ကျန်းမာရေးသတင်း

ကြည်ညိုလေးစားခင်မင်ရပါသော ဆရာတော်အရှင်သူမြတ်များ၊ ဓမ္မမိတ်ဆွေများနှင့် ဓမ္မဘလော့ဂ်ဂါ ညီအကို မောင်နှမအပေါင်းတို့ (ဘုရား) ခင်ဗျား.....

ကျေးဇူးတော်ရှင် နိုင်ငံကျော်ဓမ္မကထိက ဖြူးဆရာတော်ဘုရားကြီး ရဲ့ သီလဂုဏ်၊ သမာဓိဂုဏ်၊ ပညာဂုဏ်တို့ နှင့် ဗုဒ္ဓသာသနာတော်အတွက် အားထုတ် ကြိုးပမ်းဆောင်ရွက်လုပ်ဆောင်ခဲ့မှုများကို အာရုံပြုကြည်ညိုနှလုံးသွင်း၍ အောက်ပါသတင်းစာသားကို ဓမ္မမိတ်ဆွေများ၏ ကိုယ်ပိုင် အင်တာနက်ဝက်ဘ်ဆိုဒ်များနှင့် အီးမေးလ်များမှတဆင့် ထပ်ဆင့် ဖြန့် ဖြူးဝေမျှပေးပါရန် လေးစားစွာဖြင့် မေတ္တာရပ်ခံ ပန်ကြားအပ်ပါတယ်ခင်ဗျား။
ှ
လေးစားစွာဖြင့်
ဝိမုတ္တိသုခ

------------------------------------------------------------------------------------------------------------

ဖြူးဆရာတော်ဘုရားကြီး၏ အရေးပေါ်ကျန်းမာရေးသတင်း





ကျေးဇူးတော်ရှင် နိုင်ငံကျော်ဓမ္မကထိက ပြည်တွင်းပြည်ပသာသနာပြု ဖြူးဆရာတော်ဘုရားကြီး ဘဒ္ဒန္တနရပတိ သည် ထိုင်းနိုင်ငံ၊ ဘန်ကောက်မြို့ ရှိ ဖလန်ကောက်ဆေးရုံ (PRARAM 9 HOSPITAL)၊ စတုတ္ထထပ် အတွင်းလူနာဆောင် အခန်းအမှတ် (၃)တွင် ကျောက်ကပ်ရောဂါဝေဒနာကို ဆေးကုသမှုခံယူလျှက်ရှိနေပါသည်။

ဆရာတော်သည် လွန်ခဲ့သော ၂-နှစ်က ကျောက်ကပ်အစားထိုးခဲ့ရာမှ ကျောက်ကပ်သို့ ပိုးဝင်ရောက်မှုကြောင့် ယခုအချိန်တွင် အရေးပေါ်ကုသမှုခံယူလျှက်ရှိပါသည်။

ဆေးရုံတွင် အထူးကုဆရာဝန်ကြီးများနှင့် ခေတ်မှီစက်ကိရိယာများဖြင့် ကုသလျှက်ရှိရာ ကုသစရိတ်မှာ တစ်ရက်လျှင် ကျပ်သိန်း(၃၀)ခန့် ကုန်ကျလျှက်ရှိပါသည်။ ယခုအချိန်အထိ ကုန်ကျငွေမှာ ကျပ်သိန်းငါးရာ ကျော်လာပြီဖြစ်ပါသည်။

သို့ပါသောကြောင့် ဆရာတော်ဘုရားကြီ၏ သီလဂုဏ်၊ သမာဓိဂုဏ်၊ ပညာဂုဏ်တို့ ကို ကြည်ညိုကြသော တပည့်ဒါယကာ၊ ဒါယိကာမများအနေဖြင့် ဘေသဇ္ဇဒါန ကျန်းမာရေးဆေးအလှူတော်အတွက် စွမ်းနိုင်သမျှ ကုသိုလ်တော် ပါဝင်လိုကြပါလျှင် အောက်ပါဖုံးနံပါတ်များသို့  ဆက်သွယ်လှူဒါန်းနိုင်ကြပါကြောင်း ကုသိုလ်အကျိုးမျှော်၍ အသိပေးနှိုးဆော်ကြေညာအပ်ပါသည်။


ထိုင်းနိုင်ငံ
ဦးစန္ဒောဘာသ
ဦးအဂ္ဂဝရ (ခေတ္တ ဘန်ကောက်မြို့၊ ထိုင်းနိုင်ငံ)
ဖုံးနံပါတ်။ ။+၆၆ ၈ ၁၄၃၉ ၄၅၉၆။
ဆန်စစ်ကရစ်ယူနီဗာစီတီ၊ ဗာရာဏသီ၊ အိန္ဒိယ
ဓမ္မရက္ခိတ ဖြူးမဟာစည်၊ ရန်ကုန် နှင့်
မဟာစည်သာသနာ့ရိပ်သာ၊ ဖြူးမြို့။

စင်္ကာပူနိုင်ငံ
ကိုညီညီလွင်+ မစမ်းမြ
ဖုံးနံပါတ်။ ။ +၆၅ ၉၀၀၉၆၈၂၀၊ +၆၅ ၉၈၅၁၇၆၆၀

မြန်မာနိုင်ငံ
အကျိုးတော်ဆောင်အဖွဲ့ -
ဓမ္မရက္ခိတဖြူးမဟာစည်သာသနာ့ရိပ်သာ၊
အမှတ်(၅)ရပ်ကွက်၊ လှိုင်မြို့နယ်၊ ကမာရွတ်ဘူတာအနီး၊ ရန်ကုန်မြို့။
ဖုန်း - ၀၁-၅၃၀၀၆၈ ၊ ၅၀၁၈၄၆ (Ext- ၁၈၁) ၊ ၀၉၅၀ - ၁၇၅၅၄

မေတ္ထာကမ္ဘာလူမှုကူညီရေးအသင်း၏ ဒုတိယအကြိမ်မြောက်အလှူတော်အတွက်နှိုးဆော်လွှာ

မေတ္တာကမ္ဘာ လူမှုကူညီရေးအသင်းရဲ့ စည်းရုံးရေးမှူး မနှင်းဟေမာhttp://hninhaymar.blogspot.com ရေးသားနှိုးဆော်မှုကို ပြန်လည် ဖော်ပြပါသည်။

စာနာထောက်ထားခြင်း၊ ဖေးမကူညီခြင်း၊ ငဲ့ညှာသနားခြင်း၊စွန့်လွှတ်အနစ်နာခံခြင်း၊ရက်ရောပေးကမ်းခြင်း၊ ချီးမြှောက်ကယ်တင်ခြင်း ၊ ဂရုဏာထားခြင်း တည်းဟူသော မေတ္တာတရား၏ အနှစ်သာရ နှင့် ဗုဒ္ဓ၏ အဆုံးအမများကို အခြေခံ၍

မိမိတို့ နိုင်ငံ၏ အမျိုးဘာသာ သာသနာတော်အား တစ်ထောင့်တစ်နေရာမှ တတ်စွမ်းသလောက် ထိန်းသိမ်း စောင့်ရှောက်သွားရန်၊

အမှန်တစ်ကယ် လိုအပ်လျှက်ရှိသော နေရာများအား မွန်မြတ်သော ပရဟိတစိတ်ဓါတ်ဖြင့် မိမိတို့ တတ်စွမ်းသလောက် ကူညီထောက်ပံ့ သွားရန်နှင့်

့်နွမ်းပါးသော ကလေးငယ်လေးများ၏ အနာဂတ် ဘ၀အခြခိုင်မာမှုအတွက် တတ်နိုင်သမျှ ကူညီဖေးမသွားကြရန်..

ဟူသော ရည်ရွယ်ချက်များဖြင့် ဖွဲ့စည်းတည်ထောင်ခဲ့ကြသော. မြန်မာပြည်သို့ အကူအညီပေးမည့် မေတ္တာကမ္ဘာလူမှုကူညီရေးအသင်း၏ ဒုတိယ အကြိမ်မြောက်အလှူတော်ကို ( 21-09-2009) စင်္ကာပူစံတော်ချိန် နေ့လည် ၂နာရီတွင် ပြုလုပ်ပြီးစီးသော အသင်း၏ အစည်းဝေးဆုံးဖြတ်ချက်အရ အမှန်တစ်ကယ် လိုအပ်လျှက်ရှိသော နေရာများထဲမှ အလိုအပ်ဆုံးနေရာလေးတစ်ခုအား လှူဒါန်းရန် အတည်ပြုသတ်မှတ်ခဲ့ကြပါသည်...။

အသင်းသားအားလုံး၏ သဘောတူဆုံးဖြတ်ချက်အရ အောက်တိုဘာလကုန်၌ အခြခံပညာမူလတန်းလွန်ကျောင်းလေးတွင် အရေးတကြီးလိုအပ်လျှက်ရှိသော စာသင်ဆောင် တစ်ဆောင် ဆောက်လုပ် လှူဒါန်းသွားမည် ဖြစ်ပါသည်။

အမြန်ဆုံးအကောင်အထည်ဖော်လှူဒါန်းနိုင်ရေးအတွက် စေတနာရှင် အလှူရှင်များ အနေဖြင့် ကျမ တို့ မေတ္တာကမ္ဘာလူမှုကူညီရေးအသင်း နှင့်ပူးပေါင်းပါဝင်လှူဒါန်းမှုများ ပြုလုပ်နိုင်ကြရန် ကျမ မနှင်းဟေမာ ( စည်းရုံးရေးမှူး - စင်္ကာပူ ) မှ အသင်းအဖွဲ့တစ်ခုလုံး၏ ကိုယ်စား အားလုံးသော ဘလော့ဂါ မောင်နှမများ ၊ မေတ္တာကမ္ဘာ အသင်းသားများ နှင့် စေတနာထက်သန်ကြသော အလှူရှင်များထံသို့ အသိပေးနှိုးဆော်အပ်ပါသည်....။

ဒုတိယ အကြိမ်မြောက် မေတ္တာကမ္ဘာလူမှုကူညီရေးအသင်းမှ လှူဒါန်းမည့် နေရာ

မေတ္တကမ္ဘာအသင်း၏ ဒုတိယအကြိမ်မြောက် အလှူတော် အတွက် သတ်မှတ်ချက်နေရာမှာ မန္ထလေးတိုင်း၊ မြင်းခြံခရိုင်၊ တောင်သာမြို့နယ် အတွင်းရှိ မကြီးချိုကျေးရွာ အခြခံပညာ မူလတန်းလွန်ကျောင်း ဖြစ်ပါသည်။

ထိုကျောင်းလေးမှာ မြို့နှင့် ၁၅ မိုင်ခန့်ကွာဝေးပြီး ယခင်က မူလတန်းအဆင့်၌သာရှိ၍ သူငယ်တန်းမှ စတုတ္ထတန်းထိ ကလေးငယ်လေးများ ပညာဆည်းပူးသင်ယူလျှက်ရှိကြပါသည်....။ စတုတ္ထတန်း အောင်မြင်ပြီးကြသော ကလေးငယ် လေးများမှာ ရွာနှင့် ၄ မိုင်ခန့်ကွာဝေးလှသော ဆီမီးကန်ကျေးရွာ ၊ အခြေခံပညာ တွဲဘက် အထက်တန်းကျောင်းသို့ နေ့စဉ် ခြေလျင် တက်ရောက် ပညာသင်ကြားရပါသည်....။

လမ်းခရီးကြမ်းတမ်းမှု ၊ ရာသီဥတု ဆိုးရွားမှု နှင့် ချောင်း၊ မြောင်းဖြတ်သန်းသွားလာရန် အခက်အခဲဖြစ်မှုတို့ ကြောင့် ထိုပတ်ဝန်းကျင် ကျေးရွာလေးများမှ ကလေးငယ် များသည် စတုတ္ထတန်းအောင်မြင်ပြီးလျှင် ကျောင်းဆက်လက်မတက်ရောက်နိုင်မှု နှုန်းထား ပိုမို များပြားလာခဲ့ပါသည် ...။ ထိုအခက်အခဲအမျိုးမျိုးတို့ကြောင့် ကျေးရွာ လူကြီးများမှ ကြိုးပမ်းဆောင်ရွက်လာခဲ့ရာ ယခုနှစ်မှ စတင်၍ မူလတန်းလွန်ကျောင်းလေးအဖြစ်သို့ ရောက်ရှိလာခဲ့သည်ဟု သိရပါသည်....။

ထိုကျောင်းလေးတွင် စုစုပေါင်း စာသင်ဆောင် ၂ဆောင်ရှိရာ မူလတန်း ကလေးငယ်လေးများ၏ စာသင်ဆောင်မှာ ဆိုးရွားစွာ ယိုယွင်းပျက်စီးနေမှု ၊ အမိုးမလုံ အကာမလုံမှု ၊ ကျောင်းသစ်သားတိုင်များမှာလည်း ဆွေးမြေ့ယိုင်နဲ့နေမှု နှင့် ကျေးရွာလေး၏ စီးပွားရေးအခြေအနေအရ ပြန်လည်ပြုပြင်ရန်အခက်အခဲရှိမှုတို့ ကြောင့် ထိုကျောင်းလေးတွင် ပညာသင်ကြားပေးကြရသော ဆရာ၊ဆရာမလေးများ နှင့် ပညာသင်ယူလျှက်ရှိကြသော ကျောင်းသား ကျောင်းသူ ကငယ်လေးများမှာ အခက်အခဲများစွာဖြင့် ကြုံတွေ့နေကြရပါသည်....။

ကျောင်း၏ လိုအပ်ချက်ကွက်လပ်နှင့် လက်ရှိအခြေအနေ

ဘေးပတ်လည်မှ ယိုယွင်းပျက်စီးနေသော ကျောင်း၏ လက်ရှိအနေအထား

ကျမတို့ အသင်းအနေဖြင့် မိမိတို့တတ်နိုင်သလောက် ငွေကြေးပမာဏလေးဖြင့် လက်ရှိကျောင်းဆောင်အဟောင်းလေးအား ပြန်လည်၍ စာသင်ဆောင်အသစ်လေးတစ်ဆောင် ကို ဆောက်လုပ်လှူဒါန်းသွားကြမည်ဖြစ်ပါသည်။ထိုကျောင်းဆောင်လေးအား
လာမည့်အောက်တိုဘာလကုန်မှ စတင်ပြီး ဆောက်လုပ်သွားမည်ဖြစ်ပါသည်။

လှူဒါန်းမည့်ကျောင်းဆောင်သစ်တွင် ကျောင်းအုပ်ရုံးခန်းအပါအ၀င် သူငယ်တန်းလေး၊ သူငယ်တန်းကြီး ၊ ပထမတန်း ၊ ဒုတိယတန်း ၊ တတိယတန်း ၊ ကလေးငယ်လေးများ အတွက် စာသင်ခန်း ၅ ခန်း ပါဝင်မည် ဖြစ်ပါသည်.....။ကျမတို့ ကောက်ခံရရှိသော အလှူငွေအပေါ်တွင် မူတည်ပြီး စာသင်ဆောင်အနေအထားနှင့်ကလေးငယ်လေးများ သက်သာစွာ ပညာ သင်ယူနိုင်ရေးအတွက် စာရေးခုံလေးများပါ ထည့်ဝင်လှူဒါန်းသွားမည်ဖြစ်ပါသည်....။

အတန်းအလိုက် ကလေးငယ်လေးများ စာသင်ယူနေကြပုံ

ကျောင်းလေးမှာ အမိုးမလုံသည့်အတွက် ကလေးငယ်လေးများမှာယခုကဲ့သို့ စာသင်ယူကြရပါသည်။ မိုးတွင်းကာလ၌လည်း စာသင်ကြားရန်အတွက် အခက်အခဲရှိသည်ဟု သိရပါသည်။

သို့ပါ၍ တစ်ယောက်အားဖြင့်ယူသော်မရ တစ်သောင်းအားဖြင့်ယူမှ ရမည်ဟူသော စကားအတိုင်း အများ၏ ပူးပေါင်းမှုဖြင့် ပိုမိုကောင်းမွန် ခိုင်ခံ့သော စာသင်ကျောင်းလေးတစ်ကျောင်း ဖြစ်ပေါ်လာစေရန် နှင့် ကလေးငယ်လေးများ၏ အနာဂတ် ပညာရေးအခက်အခဲလေးများကို တစ်ဘက်တစ်လမ်းမှ ကူညီဖြည့်ဆည်းပေးကြရန်အတွက် မေတ္တာကမ္ဘာလူမှုကူညီရေးအသင်း အနေဖြင့် မိမိတို့၏ အလှူတော်တွင် ပူးပေါင်းပါဝင်လှူဒါန်းလိုကြသော အလှူရှင်အပေါင်းတို့အားလည်း လှိုက်လှဲစွာဖြင့် ကြိုဆိုဖိတ်ခေါ်အပ်ပါသည်....။

“အစားအစာကို ပေးလှူတဲ့သူဟာ ခွန်အားကို ပေးလှူရာရောက်ပါတယ်၊

အ၀တ်အထည်ကို ပေးလှူတဲ့သူဟာ အဆင်းကို ပေးလှူရာရောက် ပါတယ်၊

ဆီမီးအလင်းရောင်ကို ပေးလှူတဲ့သူဟာ မျက်စိအမြင်ဓာတ်ကို ပေးလှူရာရောက်ပါတယ်၊

အိမ်ကျောင်း အဆောက်အအုံကို ပေးလှူတဲ့သူဟာ ကောင်းကျိုးအားလုံးကို ပေးလှူရာ ရောက်ပါတယ်” ........ လို့

ကျမတို့ရဲ့ မြတ်စွာဘုရားရှင် ဟောကြားဆုံးမတော် မူခဲ့တဲ့အတိုင်း အလွန်ကြီးကျယ်မြင့်မြတ်လှသော ကျောင်းအလှူတော်ကို အမှန်တစ်ကယ် ဖြည့်ဆည်းပေးရန်လဲ လိုအပ်နေသော နေရာလေးတစ်ခုကို မိမိတို့ချွေးနည်းစာများထဲမှ တက်နိုင်သလောက် ကူညီလှူဒါန်းကြပါရန် ကျမ၏ မောင်နှမ အားလုံးကို တိုက်တွန်းနှိုးဆော်အပ်ပါတယ်ရှင်.....။

လှူဒါန်းလိုသူများအနေဖြင့် ကျမ နှင်းဟေမာ ( mwf.hninhaymar@gmail.com ) Email ထံသို့ ဆက်သွယ်၍ မေးမြန်း၍ လှူဒါန်းနိုင်ကြပါသည်....။

“ငါကောင်းစားဖို့ဟူသော ရည်ရွယ်ချက်မပါပဲ...သူတစ်ပါးကောင်းစားဖို့ ဟူသော ရည်ရွယ်ချက်ဖြင့် ဒါနပြုခြင်း၊ သီလဆောက်တည်ခြင်း၊ အများအကျိုး (ပရဟိတ) ဆောင်ရွက်ခြင်းများသည် ၀ိပဿနာတရား နာကြားအားထုတ်သည့်နည်းတူ ငါစွဲတည်းဟူသော ဒိဌိကိလေသာ ၊ ငါကောင်းစားဖို့ တည်းဟူသော လောဘကိလေသာများကို ပါ အထိုက်အလျောက် လျော့ပါးကုန်ခမ်းစေသော အကျိုးကျေးဇူးများစွာကို ရရှိစေသည့် ပရဟိတအများအကျိုးပြုလုပ်ငန်းများကို စိတ်ပါဝင်စားစွာဖြင့် မိမိတို့ တတ်စွမ်းသလောက် ပူးပေါင်းပါဝင်လှူဒါန်းမှုများ ပြုနိုင်ကြရန် အတွက် ကျမ နှင်းဟေမာ မှ မေတ္တာကမ္ဘာလူမှုကူညီရေးအသင်း၏ ကိုယ်စား တိုက်တွန်းနှိုးဆော်လိုက်ရခြင်းဖြစ်ပါသည်.....။

အားလုံးပဲ မေတ္တာစိတ်ဓါတ် ၊ တရားမြတ်ဖြင့် လွှမ်းပတ်ကမ္ဘာတည်ကြပါစေ...

နှင်းဟေမာ ( စည်းရုံးရေးမှူး )

မေတ္တာကမ္ဘာလူမှုကူညီရေးအသင်း ( စင်္ကာပူ )

မေတ္တာကမ္ဘာအတွက် ပရဟိတများအတွက် စိတ်အားထက်သန်စွာ ဆောင်ရွက်ပေးမှုများ အတွက် အသင်းမန်ဘာများရဲ့ ကိုယ်စား ကျေးဇူးတင်ပါတယ်။ ။

သီတဂူအယုဒါနဆေးရုံအလှူတော်

ဟိုလွန်ခဲ့တဲ့တချိန်တုန်းက စစ်ကိုင်းတောင်ရိုး၌ လျှပ်စစ်မီးအလင်းရောင် ကောင်းစွာမရသေး၊ သွားလမ်း လာလမ်း လည်း ကောင်းစွာမရှိသေး၊ တယ်လီဖုန်းအဆက်အသွယ်လည်း မရှိသေး၊ ဆေးရုံလည်း မရှိသေး။ ထိုကဲ့သို့သော အခါက သီတဂူဆရာတော်လောင်းလျာ ဦးပဉ္စင်းလေးသည် ၁၀-ဝါမျှသာ ရှိသေးသည်။ အနီးစခန်းဆရာတော်ထံ၌ အထက်တန်းပိဋကတ်စာပေနှင့် ဘာသန္တရစာပေများကို လေ့လာဆည်းပူးနေချိန် ဖြစ်ပေသည်။


မိုးတစိမ့် စိမ့်ရွာနေသည့် တစ်ခုသော နံနက်ခင်းဝယ် သီလရှင် ဆရာလေးတစ်ပါးသည် နံနက်ဆွမ်း ချက်ရန်အတွက် ထင်းပုံကို လက်နှင့် နှိုက်လိုက်ရာ အမှတ်မထင် မြွေဟောက်က ကိုက်လေ၏။ ဆရာလေးသည် အဆိပ်တက်ပြီး မေ့မျောလဲကျသွားလေတော့၏။ ချောင်ပိုင်သီလရှင် နာယကဆရာကြီးများ ပျာယာခတ်ပြီး ခြေ မကိုင်မိ လက်မကိုင်မိ ဖြစ်ကုန်တော့၏။ ထို့ကြောင့် သီတဂူဆရာတော် အလောင်းအလျာ ဦးပဉ္စင်းလေးကို အကူအညီတောင်းပါတော့သည်။

ဦးပဉ္စင်းလေးကလည်း ချက်ချင်း လိုက်သွားပြီး မြွေကိုက်သည့်ဒဏ်ရာ၏အထက်၌ ခါးပန်းကြိုးနှင့် ချည်လိုက်၏။ ဒဏ်ရာကို ဓားနှင့်ခွဲပြီး သွေးကို ညှစ်ထုတ်လိုက်၏။ သံပရာသီးနှင့်ဆားကို ရော၍ ဒဏ်ရာကို သိပ်ပေးပြီး ဆရာလေးကိုလည်း ယင်းသံပရာသီးနှင့်ဆားကိုပင် ဖျော်၍ တိုက်လေ၏။

ထို့နောက် လူနာကို စောင်နှင့်ထုပ်ကာ မြင်းလှည်းဂိတ်သို့ ထမ်းပို့လိုက်ကြ၏။ မနက်အစောကြီး ဖြစ်သောကြောင့် မြင်းလှည်းသမားကိုလည်း အိမ်ထိ သွားခေါ်ရသေး၏။ ထိုမှတဖန် မြင်းလှည်းဖြင့် တောင်ရိုးမှ မိုးမလင်းမီ စစ်ကိုင်းပြည်သူ့ဆေးရုံသို့ သွားကြရ၏။ မိုးလင်းသောအခါမှသာ ဆရာဝန်နှင့်သူနာပြုများ၏ ဆေးကုသမှုကို ခံယူရလေသည်။ ကံကောင်းထောက်မစွာ ဆရာလေး အသက် ရှင်ခဲ့လေသည်။ အကယ်၍ ဒဏ်ရာသာ ပြင်းထန်လျှင် အသက်ရှင်သန်ဖို့မလွယ်ကူတော့။

ထိုအခက်ခဲတို့တွေ့ရခြင်းမှာ တောင်ရိုး၌ ဆေးရုံမရှိခြင်း ကြောင့်ဖြစ်ပေသည်။ ဆေးရုံရှိလျှင် အလွယ် တကူ ဆေးကုသနိုင်ပါသည်။ ``တောင်ရိုးမှာ ဆေးရုံရှိသင့်တယ်´´ဟု စိတ်ထဲ၌ တွေးမိလေသည်။ ဤကား ဆေးရုံဆောက်လုပ် ရန်စိတ်ကူး၏ ပထမဆုံး အကြံဖြစ်၏။

ဒုတိယမ္ပိ ကြံစည်မိ

သီတဂူဆရာတော်သည် စစ်ကိုင်းတောင်ရိုး သဒ္ဓမ္မသီတဂူချောင်ကို ၁၃၃၈-ခုနှစ်တွင် တည်ဆောက်ခဲ့ သည်။ နှစ်စဉ် တော်သလင်းလတွင် ကျင်းပသည့် မန္တလေးမြို့ မလွန်ဆန်လှူရေစက်ချပွဲသို့ မြန်မာပြည်တဝှမ်း မလွန် ဆန်လှူ အသင်းထောက်များမှ တချို့အသင်းဝင်လူများသည် ထိုသီတဂူချောင်သို့ လာရောက် တည်းခိုကြ၏။

ဧရာဝတီတိုင်း မလွန်ဆန်လှူအသင်းထောက်တစ်ခုမှ ဆွမ်းဆန်အလှူရှင် ဒကာကြီးတစ်ယောက်သည် တစ်ညတွင် ဝမ်းလျှောလေ၏။ ဝမ်းအကြိမ်ပေါင်း ၂၇- ကြိမ်သွားလေသည်။ ထို့ကြောင့် သီတဂူဆရာတော်သည် ထိုလူနာကို ရေနွေးပူပူ ပျားရည်ချိုချို နှမ်းဆီမွှေးမွှေး ပတ္တမြားသွေးဆေးတို့ဖြင့် ရော၍တိုက်လေသည်။ ထိုက် သလောက် သက်သာသွားလေ၏။

သို့သော် လူနာကို စိတ်မချသဖြင့် ညဉ့်နက်သန်းခေါင် အချိန်ကြီး၌ စစ်ကိုင်းဆေးရုံသို့ မြင်းလှည်း ဖြင့် ပို့လိုက်လေသည်။ လူနာ အသက်ချမ်းသာရာ ရဖို့အတွက် အပြေးအလွှား စိတ်မောကိုယ်မောဖြင့် ခက်ရာ ခက်ဆစ်ပို့ရ၏။ ယင်းသို့ပို့ရခြင်းမှာ တောင်ရိုးမှာ ဆေးရုံမရှိသောကြောင့် ဖြစ်ပါသည်။ ထို့ကြောင့် ``တောင်ရိုး မှာ ဆေးရုံရှိလျှင် ကောင်းမှာပဲ´´ဒုတိယမ္ပိ အကြံဖြစ်မိပြန်ပါသည်။

တတိယမ္ပိ ကြံစည်မိ

သီတဂူဆရာတော်သည် ရှမ်းပြည်မြောက်ပိုင်း နမ်းခမ်းမြို့သို့ ရောက်ခဲ့စဉ်က အမေရိကန်နိုင်ငံသား ခရစ်ယာန်သာသနာပြု ဒေါက်တာဆီးဂရေး၏ ဆေးရုံကြီးကို တွေ့ခဲ့ရသဖြင့် တအံ့တဩ ငေးမောကြည့်ရှုခဲ့ရ ပေသည်။ ``ငါတို့နိုင်ငံမှာ ဘာသာခြားဆေးရုံတွေ ရှိနေပြီး ငါတို့ ဗုဒ္ဓဘာသာပိုင်ဆေးရုံမရှိတာဟာ ငါတို့ ရဟန်းတော်များရဲ့ အားနည်းချက်ပဲ´´ဟု စဉ်းစားမိခဲ့ပါသည်။

သီတဂူဆရာတော်သည် အူကျရောဂါဖြစ်သဖြင့် ရန်ကုန်မြို့ရှိ ရာမကရစ်ရှနားအသင်းပိုင် ဂန္ဓီဆေးရုံသို့ တက်ရောက်၍ ကုခဲ့ရသေးသည်။ ဗုဒ္ဓဘာသာရဟန်းတော် တစ်ပါးအနေဖြင့် ဘာသာခြားများ၏ ဆေးရုံ၌ တက်ရောက်၍ ကုရခြင်းမှာ အမျိုး ဘာသာ သာသနာမျက်စိဖြင့် ကြည့်လျှင် အောက်တန်းကျ လှပေသည်။ ကိုယ့်နိုင်ငံ ကိုယ့်တိုင်းပြည်မှာနေ၍ ဘာသာခြားပိုင်ဆေးရုံမှာတက်ရသည်မှာ တွေးကြည့်လေ ရှက်စရာကောင်း လေပင်တည်း။

ထို့ကြောင့် ``ငါတို့နိုင်ငံမှာ ဗုဒ္ဓသားတော် ရဟန်းတော်များ ဦးစီးတဲ့ ဆေးရုံရှိသင့်တယ်၊ ငါ စွမ်းနိုင်တဲ့ တနေ့ကျရင် ဆေးရုံဆောက်မည်´´ဟူသော ခိုင်မာသော အဓိဋ္ဌာန် ချလိုက်မိပါသည်။

ဘာသာခြားများ ပိုင်ဆိုင်သည့် ထိုဆီးဂရေးဆေးရုံနှင့် ဂန္ဓီဆေးရုံတို့က သီတဂူဆရာတော်ကို သီတဂူ အာယုဒါနဆေးရုံဆောက်လုပ်ဖို့အတွက် မဖြစ်ဖြစ်အောင် တိုက်တွန်းခဲ့ကြသည်။ ယင်းသို့ တိုက်တွန်း ခဲ့သော ကြောင့် သီတဂူဆရာတော်သည် အခက်အခဲပေါင်းများစွာကို ကျော်လွှားပြီး သီတဂူအာယုဒါနဆေးရုံကို ၁၃၅၀-ခုနှစ်တွင် ပန္နက်ရိုက်၍ ၁၃၅၁-ခုနှစ်တွင် တည်ဆောက် ခဲ့ပါသည်။



ယနေ့သီတဂူဆေးရုံ

ယနေ့အချိန်၌ သီတဂူဆေးရုံသည် ရဟန်း, သာမဏေ, သူတော်, သီလရှင်, ဗုဒ္ဓဘာသာဝင် လူအများ၏ အားကိုးရာဖြစ်၍ နေပေတော့သည်။ မန္တလေးမြို့မှ အထူးကုဆရာဝန်ကြီးများကလည်း နေ့စဉ် လုပ်အားဒါန ပြုလုပ်၍ ကုသပေးလျက် ရှိပေသည်။ သဒ္ဓါတရားကောင်းလှသည့် ထိုဆရာဝန်များကလည်း ဘုရားလက်ထက်က သမားတော်ကြီး ဆရာဇီဝကကို အားကျအတုယူဟန်ရှိလေ၏။

ပြည်ပနိုင်ငံအသီးသီးမှ အထူးကုဆရာဝန်ကြီးများကလည်း ဤဆေးရုံကြီးသို့ လာရောက်၍ နှစ်စဉ် နှစ်တိုင်း လုပ်အားဒါနပြုနေကြပါသည်။ ဆေးရုံအုပ်, ဆရာဝန်, သူနာပြု ဝန်ထမ်းပေါင်း ၇၀-ကျော်တို့က နေ့စဉ် အတွင်းလူနာ ၈၀-ခန့်၊ အပြင်လူနာ ၂၀ဝ-ခန့်တို့ကို ကုသပေးလျက်ရှိပါသည်။ အထူးသဖြင့် သီတဂူ အာယုဒါနဆေးရုံတော်မှ မျက်စိအလင်း ရရှိသူပေါင်း ၁၅၀ဝ-ခန့် ရှိသွားပေပြီ။

ယခုအချိန်၌ ဆေးရုံ၏ အထွေထွေကုန်ကျစရိတ်မှာ တစ်လလျှင် ပျမ်းမျှ ကျပ်သိန်း ၇၀-ကျော် ဝန်းကျင် ရှိပါသည်။ မြန်မာပြည်တွင်းမှ အလှူရှင်များ၊ ပြည်ပနိုင်ငံအသီးသီးမှ အလှူရှင်များက စေတနာထက်သန်စွာ လှူ ဒါန်းလျက်ရှိပေသည်။

-----------------

သီတဂူ အရှင်ဒေ၀ိန္ဒာဘိဝံသ

(ashindevindabhivamsa@gmail.com)

သီတဂူကမ္ဘာ့ဗုဒ္ဓတက္ကသိုလ်၊ စစ်ကိုင်း

(၂၄ - ၀၈ - ၂၀၀၉)

နတ်လူသာဓုခေါ်စေသော် (သို့) အနာဂတ်ပန်းလေးများ ရှင်သန်နိုင်ဖို့ (၂)

မေတ္တာကမ္ဘာ လူမှုကူညီရေး အသင်းရဲ့ ပထမ ဦးဆုံး အလှူအဖြစ် လှည်းကူးမြို့နယ် ရဲမွန်မြို့ ရဲမွန်တပ်ဦး ဘုန်းတော်ကြီးသင် ပညာရေးကျောင်းမှာ အမှန်တကယ် လိုအပ်နေတဲ့ လီတာ တစ်ထောင်ဆန့် ရေသန့်စက်ကို လှူဒါန်းခဲ့ပါတယ်၊ မြန်မာကျပ်ငွေ ရှစ်သိန်း ငါးသောင်းတန်ဖိုးရှိ သောက်ရေသန့်စက်ကို မေတ္တာကမ္ဘာ လူမှုကူညီရေး အသင်းက စေတနာအပြည့် မေတ္တာဖြည့်ပြီး လှူဒါန်းနိုင်ခဲ့ပြီ ဖြစ်လို့ မန်ဘာများ အလှူရှင်များနဲ့ ဓမ္မချစ်ခင် သူတော်စင်တို့ ၀မ်းမြောက်နုမော် သာဓုခေါ်ဆိုနိုင်ရန် မေတ္တာကမ္ဘာ လူမှုကူညီရေး အသင်းက မျှဝေအပ်ပါတယ်။

ကလေးငယ်ပေါင်း တစ်ရာကျော်ရဲ့ အသိဥာဏ်ရှင်သန်နိုင်ဖို့ ကြိုးစားနေတဲ့ အမှန်တကယ်လည်း လိုအပ်နေတဲ့ နေရာလေးမှာ ကူညီခွင့်ရလို့ တကယ့်ကို ၀မ်းသာပီတိ ဖြစ်ရပါတယ်၊ မေတ္တာကမ္ဘာရဲ့ ကူညီမှုဟာ ပုဂ္ဂိုလ်စွဲ ဒေသစွဲ ဆရာစွဲ ဂိုဏ်းစွဲမပါဘဲ မွန်မြတ်တဲ့ စေတနာနဲ့ ကူညီခဲ့တာမို့ ဒီကောင်းမှုရဲ့အကျိုးဟာ မွန်မြတ်သန့်စင်ပြီး အမြတ်ဆုံးဖြစ်တဲ့ ငြိမ်းအေးမှုကို လျင်မြန် လွယ်ကူစွာ ရရှိမှာဖြစ်ပါတယ်။

မေတ္တာကမ္ဘာ လူမှုကူညီရေး အသင်း ပုံမှန် လှူဒါန်းနိုင်ရန်အတွက်လည်း အလှူရှင်များကို ဖိတ်ခေါ်အပ်ပါတယ်. လက်တွေ့ကျတဲ့ မေတ္တာနှလုံးသားကို အတူတကွ ဖော်ဆောင်ကြပါစို့။ အလှူရှင်များ အနေဖြင့်လည်း မေတ္တာကမ္ဘာ လူမှုကူညီရေး အသင်းကို ပါဝင် လှူဒါန်းလိုတယ်ဆိုရင် အောက်ပါ အီးမေးလ် ဖုန်းနံပါတ်တွေကို ဆက်သွယ် လှူဒါန်းနိုင်ပါတယ်။ ။


အရှင်တိက္ခဥာဏာလင်္ကာရ
mail.. bhikkhu.tikkhanana@gmail.com
rev.tikkha@yahoo.com
Ph. 94-71 36 00 9 88
65-8266 2972

ကိုမျိုးမင်းကျော်
mail. myominkyaw2008@gmail.com
ph. 65-9235 5291

ကိုဝေယာလင်း
mail; waiyar@gmail.com
ph. 65-9295 0857

မအိမီကို
mail; eimeko@gmail.com
ph. 65-9189 5772

အနာဂတ် ပန်းလေးများ ရှင်သန်နိုင်ဖို့ (၁)

ကြည်နူးစရာ အနာဂတ်ပျိုးပင်ငယ်လေးများ

အိုးမဖုတ်ခင် အိုးလုပ်စဉ်ဝယ်
အိုးတွင်နှိပ်ခပ် တံဆိပ်မှတ်ကား
မပြတ်မစဲ အိုးပင်ကွဲလည်း
အမြဲတစေ တည်ရှိနေသို့
ထွေထွေသွေးသား ကလေးများ၌
ဘုရားတံဆိပ် ဘာသာစိတ်ကို
ခတ်နှိပ်နိုင်မှ သက်ဆုံးကျအောင်
ဗုဒ္ဓ၀ါဒီ စွဲ၍တည်မည်
ကိုယ်စီ ခပ်နှိပ်စေသတည်း။ ။
( အမရပူရ မဟာဂန္ဓာရုံဆရာတော်)

မမာလွန်း မပျော့လွန်းတဲ့ အချိန်မှာ ရိုက်နှိပ်ထားတဲ့ တံဆိပ်ဟာ အိုးကွဲသွားပေမယ့် ပျောက်မသွားဘဲ တည်နေရှိနေသလို အနာဂတ် သားကောင်းရတနာ သမီးကောင်း ရတနာလေးများရဲ့ စိတ်မှာ အဖြူရောင်များဆဲ (အမည်းတွေ အားနည်းနေဆဲအချိန်) ဘာသာတံဆိပ်လေးတွေ ရိုက်နှိပ်ပေးနိုင်မှ ပီပြင်တဲ့ ဗုဒ္ဓဘာသာဝင်လေးတွေ ဖြစ်ကြမယ် လို့ ဆရာတော်ကြီးက ဆုံးမလမ်းညွှန်တော်မူခဲ့တာပါ၊

ကိုယ့်ဘာသာ ကိုယ့်သာသနာ ကိုယ့်ရေ ကိုယ့်မြေကို တကယ်ချစ်တယ်ဆိုရင် လက်တွေ့အကောင်အထည် ဖော်ဖို့အချိန်ရောက်နေပါပြီ။ တကယ်တော့ ကလေးငယ်တွေဆိုတာ အနာဂတ် မြန်မာနိုင်ငံရဲ့ သားကောင်းရတနာ သမီးကောင်းရတနာလေးတေလို့ဆိုရပါမယ်၊ ရတနာထိုက်တဲ့ ဒီကလေးငယ်တွေကို ၀ိုင်းဝန်းကူညီစောင့်ရှောက်ကြဖို့ တာဝန်ရှိသိသူတိုင်းမှာ တာဝန်ရှိနေပါတယ်။

နှမ်းတစ်လုံးထဲ ကြိတ်လို့ ဆီမဖြစ်ပေမယ့် နှမ်းစေ့လေးတွေစုပေါင်းလိုက်တဲ့အခါ လူခန္ဓာကိုယ်အတွက်လိုအပ်တဲ့ အဖိုးတန်ဆီတွေဖြစ်လာသလို မိမိတို့ တာဝန်သိသူတွေ ပူးပေါင်းဆောင်ရွက်ပြီး တတ်နိုင်သလောက် အကူအညီပေးကြရင် ဒီကလေးငယ်များရဲ့ ဘ၀ဟာ အထိုက်အလျောက် စိုပြေလန်းဆန်းလာမယ်လို့ ယုံကြည်မိပါတယ်၊

ဒီလိုယုံကြည်ချက်နဲ့ အကောင်အထည်ဖော်ကြိုးစားနေတဲ့ သူကတော့ မကွေးတိုင်း ပေါက်မြို့နယ် ကမ်းပြိုရွာက ဆရာတော် အရှင်တေဇိန္ဒပါ၊

ကမ်းပြိုရွာဆိုတာ သွားရေး လာရေး မလွယ်ကူလှသလို အညာဒေသရဲ့ ပြယုဂ်ကို ပီပီပြင်ပြင် ဖော်ညွှန်းနေတဲ့ ခြောက်သွေ့ဒေသဖြစ်ပါတယ်၊ အနောက်ဖက်ကို ငေးမျှော်ကြည့်ရင် ချင်းတောင်တန်းပဲ ရှိတော့တာမို့ တကယ့်ကို ဝေးလံတဲ့နေရာ ရွာလေးတစ်ခုပါ။

အဲဒီဝေးလံ ခေါင်သီတဲ့နေရာလေးမှာ ဆရာတော် အရှင်တေဇိန္ဒက သူရဲ့ စေတနာ မေတ္တာအား ငွေကြေးအားနဲ့ တပိုင်တနိုင် အနာဂတ်ပန်းခင်းလေးထဲက ပျိုးပင်ငယ်လေးတွေကို ရေလောင်း ပေါင်းသင်ပေးနေတာပါ။ တကယ်လဲ လေးစားကြည်ညိုစရာ ကောင်းလှပါတယ်၊

နွေရာသီကျောင်းပိတ်ရက်ရောက်တိုင်း ကလေးများအတွက် အထူးတရားစခန်းပွဲတွေဖွင့်ပြီး ကလေးငယ်များရဲ့ စာရိတ္တ အသိပညာ တိုးပွားဖို့ ဆောင်ရွက်ပေးနေသလို တကယ့်ဗုဒ္ဓဘာသာဝင် တစ်ယောက်ဖြစ်အောင် ဗုဒ္ဓ၀င် ယဉ်ကျေးမှုတွေကိုလည်း သင်ကြားပေးပါတယ်။ ပြီးတော့ စုပေါင်းရှင်ပြု ရဟန်းခံပွဲတွေကိုလည်း ဆရာတော်က ဦးဆောင်ပြီး ပြုလုပ်ပေးပါတယ်။

ဆရာတော်ရဲ့ ခံယူချက်က မိဘတွေကို ပြုပြင်လို့မရတော့ရင် အနာဂတ်ပျိုးပင်ငယ်နဲ့တူတဲ့ ကလေးငယ်တွေကို ပြုစုပျိုးထောင်မယ်တဲ့၊ တရားစခန်း ၀င်ပြီးတဲ့ ကလေးငယ်နဲ့ တရားစခန်းမ၀င်ဘူးတဲ့ ကလေးငယ်တွေ မတူညီကြောင်းကိုလည်း ဆရာတော်က အမိန့်ရှိပါတယ်။ အခု ဆရာတော်ရဲ့ စီမံကိန်းတစ်ခုက ကမ်းပြိုရွာမှာ အနာဂတ်ပျိုးပင်လေးများအတွက် မြေ၀ယ်ပြီး အထက်တန်းကျောင်း တစ်ဆောင်ဆောက်မယ်လို့ အမိန့်ရှိပါတယ်..မြေဖိုးတော့ အလှူခံရရှိပါပြီတဲ့..ကျောင်းဆောက်ဖို့ ငွေအားတော့ ကြိုးစားရှာဖွေရမှာပါတဲ့..

ကဲ စာရှုသူ..တာဝန်သိသူ တစ်ယောက်က တိုင်းပြည်ရဲ့ အညွန့်အဖူး အနာဂတ်ပျိုးပင်ငယ်လေးတွေ ရှင်သန်ဖို့အတွက် စတင်ဆောင်ရွက်နေပါပြီ၊ လိုအပ်တဲ့နေရာမှာ လိုအပ်တဲ့ အကူအညီပေးရင်း ကျွန်ုပ်တို့ရဲ့ ဘ၀ကို အဓိပ္ပါယ်ရှိအောင် ပုံဖော်ကြိုးစားကြစို့။ ။

ဘုရားလက်ထက်က ပထမဆုံး ကျောင်းဒကာဖြစ်တဲ့ ရာဇဂြိုဟ်သူဋ္ဌေးဟာ ဗုဒ္ဓဘာသာဝင် တစ်ယောက် မဟုတ်ပါဘူး၊ ရဟန်းတော်တွေ တောထဲ တောင်ထဲမှာ ကျောင်းမရှိဘဲ တရားကျင့်နေတာကို တွေ့မြင်တော့ သူ့နှလုံးသားက ဒီရဟန်းတွေအတွက် နေရာလေး လုပ်ပေးရရင် ကောင်းမှာပဲ ဆိုတဲ့ အကြင်နာနှလုံးသားနဲ့ ကျောင်းပေါင်း ခြောက်ဆယ်ကို လှူဒါန်းခဲ့တာပါ၊ နောက်ဘ၀မှာ ဘာဖြစ်ချင်တယ်ဆိုတာလုံးဝမရှိဘဲ အခက်အခဲကြုံနေရတဲ့ အနေအထား တခုကို ပြေလည်အောင် ဖြေရှင်းပေးရင်း သူ့ရဲ့ လှပတဲ့နှလုံးသားကို လက်တွေ့ပြခဲ့တာပါ။ ဒီလိုမွန်မြတ်တဲ့ စိတ်ဓာတ်တွေကြောင့်လဲ သာသနာ့သမိုင်းမှာ ပထမဦးဆုံး ကျောင်းဒကာရယ်လို့ ဒီနေ့အထိအောင် မော်ကွန်းထိုးနိုင်ခဲ့တာ ဖြစ်ပါတယ်၊ ဗုဒ္ဓဘာသာဝင် မိမိတို့ကလဲ တတ်နိုင်သလောက် အကူအညီပေးရင်း မော်ကွန်းတစ်ခုကို အတူစိုက်ထူကြပါစို့…အနာဂတ်ဥယျာဉ်ကြီးထဲမှာ ဖူးပွင့်လန်းဆန်းမယ့် ဒီကလေးငယ်တွေကို တတ်နိုင်သလောက် ကူညီကြပါစို့လို့ စေတနာ စကားနဲ့ တိုက်တွန်းရပါတယ်၊ ဒါမှလဲ အနာဂတ်ပန်းလေးများ အမျိုး ဘာသာ သာသနာ့အလယ်မှာ ရှင်သန် ကြီးထွားလာမယ် မဟုတ်ပါလား ။ အနာဂတ်ပန်းလေးများ ရှင်သန်နိုင်ဖို့ ၀ိုင်းဝန်းကူညီဆောင်ရွက်စို့ ။ ။

ဆက်သွယ်ရန်…

အရှင်တိက္ခဥာဏာလင်္ကာရ
email;rev.tikkha@yahoo.com
email;bhikkhu.tikkhanana@gmail.com
ph.0094- 071 36 00 9 88
0065-8266 2972

အရှင်တေဇိန္ဒ
ကမ်းပြိုကျေးရွာ
ပေါက်မြို့နယ်
မကွေးတိုင်း
email;trbk007@gmail.com

C/O
ဦးလှဋ္ဌေး ဒေါ်စန်းတင့်
ယောထိပ်တန်း ပခုက္ကူ
၀၆၂-၂၂၅၂၄ ၀၉-၂၃၀၁၁၃၂