မင်္ဂလာရှိအောင်နေ

မိမိသည် လွန်ခဲ့သော မတ်(ခ်ျ)လ လောက်မှာ တက္ကဆက်သို့ အလည်ခရီး သွားရောက် ခဲ့သည်။ ကံကောင်းသဖြင့် ဓမ္မဒူတဆရာတော် အရှင်ဆေကိန္ဒနှင့် တက္ကဆက် သီတဂူ ကျောင်းတွင်ဆုံစည်းခွင့်ရခဲ့သည်။ ဆရာတော်ရောက်ရှိခိုက် ဓမ္မလက်ဆောင် ၁၅ မိနစ်ခန့်  ဒကာ၊ ဒကာမများကို မိန့် ကြားခဲ့သည်၊ မိမိလည်းဆရာတော် ဘာများပြောမလဲ နားစိုက်ခဲ့သည်။ ဆရာတော်သည် ပရိတ်ကြီး ပါဠိအဆုံးနားတွင်ပါသော မင်္ဂလာဆုတောင် ဂါထာလေး ကို ရှင်းပြဟေားကြားခဲ့သည်။ အရမ်းရှင်းလင်းသော ဆုမ္မစကား တရားလက်ဆောင်တခုဖြစ် သည်။ မိတ်ဆွေအားလုံးကို မျှဝေခံစားချင်ပါသည်၊
ဆရာတော်မိန့် ကြားသောဂါထာသည် အများနေ့ စဉ်ရွက်ဆိုသော ဂါထာတစ်ပုဒ်ဖြစ်သည်။

ဘ၀တု သဗ္ဗမင်္ဂလံ၊ ရက္ခန္တု သဗ္ဗဒေ၀တာ၊
သဗ္ဗဗုဒ္ဓါနုဘာဝေန၊ သဒါ သုခီ ဘ၀န္တုတေ။

ဆရာတော်က အမိန့် ရှိပါသည်၊ ဘ၀တု သဗ္ဗမင်္ဂလံ- မင်္ဂလာပေါင်းနဲ့ ပြည့်စုံပါစေ၊ ရက္ခန္တု သဗ္ဗဒေ၀တာ- နတ်မြတ်နတ်ကောင်းတွေစောင့်ရှောက်ပါစေ၊ အဲသလိုဘာသာ ပြန်ဆိုမလား တဲ့။ ပရိသတ်ကိုမေးပါသည်။ အဲသလိုဘာသာ ပြန်မည့်အစား၊ ဦးဇင်းကတော့ မင်္ဂလာအပေါင်း နဲ့ ပြည့်စုံအောင်နေလို့ ဘာသာပြန်လိုက်ချင်ပါတယ်။ နတ်မြတ်နတ်ကောင်းတွေ စောင့်ရှောက် ပါစေလို့ ဘာသာပြန်မည့်အစားနတ်မြတ်နတ်ကောင်းတွေ စောင့်ရှောက်အောင်နေလို့ ဘာသာ ပြန်လိုက်ချင်ပါတယ်။ ပါစေ..ပါစေ ဆိုတာနဲ့ မင်္ဂလာတွေက ပြည့်စုံနိုင်ပမလား၊ နတ်မြတ်နတ် ကောင်းတွေက လာစောင့်ရှောက်မလား၊ မဖြစ်နိုင်ပါဘူး၊ ဦးဇင်းတို့ ပရိသတ်တွေ ကိုယ်တိုင် မင်္ဂလာအပေါင်းနဲ့ ပြည့်စုံအောင်ကိုနေမှ မင်္ဂလာအပေါင်းနဲ့ ပြည့်စုံမှာပါ၊ နတ်မြတ်နတ်ကောင်း တွေစောင့်ရှောက်အောင်နေမှ နတ်ကောင်းနတ်မြတ်တွေက စောင့်ရှောက်မှာပါ၊ ကိုယ်ကနေ ချင်သလိုနေ ဖြစ်ချင်သလိုဖြစ် နေလို့ ကတော့ ဝေးပါသေးတယ်၊ ဘယ်မင်္ဂလာမှ ပြည့်စုံမှာ မဟုတ်သလို ဘယ်နတ်ကောင်းတွေကမှ လာပြီစောင့်ရှောက်မှာမဟုတ်ပါဘူး။ အင်္ဂလိပ်စာမှာ May Be and Must Be ဆိုတာရှိပါတယ်။ ဦးဇင်းတို့ ပရိသတ်တွေ ပါစေ..ပါစေဆိုတဲ့ May be ကို မလုပ်ပါနဲ့ ၊ မင်္ဂလာအပေါင်းနဲ့ ပြည့်စုံအောင် နေကိုနေမယ်လို့ ဆိုတဲ့ သဘောမျိုး Must be ဖြစ်အောင်လုပ်စေချင်ပါတယ်။ သဗ္ဗဗုဒ္ဓါနုဘာဝေန- သဒါ သုခီ ဘ၀န္တုတေ- ဘုရားအဆူအဆူ တို့ ၏ တန်ခိုးတေဇော် အာနုဘော်တော်ကြောင့်၊ သင့်အားချမ်းသာခြင်းတွေအမြဲဖြစ်ပါစေ၊ အဲသလို ပြောမလား။ ဦးဇင်းတို့ ဂေါတမမြတ်ဗုဒ္ဓနှင့်တကွ ပွင့်တော်မူကြကုန်သောဘုရားရှင် အားလုံးသည် တန်ခိုးအာနုဘော်ကြီးတော်မူကြပါတယ်။ ဘုရားအဆူဆူဟောကြားသော တရားကို နည်းနည်းလေးမျှ မကျင့်ကြံဘူး၊ ဘုရားရှိခိုးတာတောင် မလုပ်ဘူးတဲ့သူ အတွက် ဘယ်လို ချမ်းသာခြင်းဖြစ်နိုင်မလဲ။ ပုံပြင်လေးပြောပြပါမယ်။ တောရွာတစ်ရွာမှာ သစ်သီး သစ်ဥများကို ရောင်းချကာ အသက်မွေးဝမ်းကြောင်းပြုတဲ့ လင်မယားနှစ်ယောက်ရှိပါတယ်။ ရတနာသုံးကိုလည်း ယုံကြည်လေးစားတယ်။ အမြဲတမ်းလည်း သူတို့ ရောင်းချနေတဲ့ သစ်သီး သစ်ဥတွေထဲက အဦးအဖျားကို ဆွမ်းကပ် ဆွမ်းလောင်းလုပ်လေ့ရှိတယ်။ တစ်နေ့ ယောင်္ကျား ဖြစ်သူက နောက်ရက်ဈေးရောင်းဖို့ အတွက် တောထဲသွားပြီး သစ်သီး သစ်ရွက်သွားခူးကာ တောင်ထဲထည့်ကာ ထမ်းပြီးပြန်လာသတဲ့။ ရွာအ၀င် ကန်ကြီးမှာ သူခူးဆွတ်လာတဲ့ သစ်သီး သစ်ရွက်တွေရေဆေး၊ သစ်ပင်ရင်မှာ ရေချိုးဖို့ အ၀တ်စားလဲကာ ပြန်ဝတ်မည့် အ၀တ်ဖြင့် တောင်ကို အုပ်ထားပြီးရေဆင်းချိုးတယ်။ ရေချိုးပြီး အ၀တ်လဲဖို့ အ၀တ်ကိုယူလိုက်တော့ တောင်းထဲမှာ ရှိတဲ့ သစ်သီး သစ်ဥတွေက ရွှေတုံး ရွှေခဲတွေဖြစ်နေတယ်လို့ သူ့ မျက်ထဲမှာ မြင်နေရတယ်။ သူမယုံကြည်ဖြစ်နေပြီး မျက်လုံးပွတ်ကာ ပွတ်ကာနဲ့ အ၀တ်လဲပြီး သစ်ပင်ရင်း မှာထိုင်နေတုန်း ရုက္ခစိုးနတ်မင်းက အမောင်ယောင်္ကျား သင်ကိုယ်ပိုင်ပစ္စည်းတွေကို ယူပြီပြန် လေလို့ ပြောသတဲ့။ အဲဒီတော့ အမျိုးသားက ကျန်ုပ်ပစ္စည်းမဟုတ်ပါ၊ ကျန်ုပ်ပစ္စည်းများက သစ်သီး သစ်ဥများသာဖြစ်သည်ဟုပြန်ပြောသတဲ့။ ရုက္ခစိုးနတ်မင်းက သင့်ကုသိုလ်ကြောင့် သင်ရတာ သင့်ပစ္စည်းပဲပေါ့ဟုပြောမှ အမျိုးသားက ရွှေတောင်းကိုထမ်းကာ ပြန်သွားလေသတဲ့။ အဲဒီတော့ ပရိသတ်ကို ပုံပြင်လေးပြောပြပြီးပြီဆိုတော့ အမျိုးသားဟာ ရုက္ခစိုးနတ်မင်းက ဖန်ဆင်းပေးတာလား၊ ဘုရားတန်ခိုးတော်ကြောင့် ရွှေတွေကို ရတာလား၊ ဖြေကြပါဦး၊ ပရိသတ် များက ဖြေကြသည်၊ တချို့ က ဘုရားကိုနေ့ စဉ်ဆွမ်းကပ်လို့ ၊ တချို့ က ဘုရားရှိခိုးလို့ ရုက္ခစိုး နတ်မင်းက ဖန်ဆင်းပေးတာလို့ အမျိုမျိုးဖြေကြသည်။ ထို့ နောက် ဆရာတော်က အေးဘုရား ပေးတာလည်မဟုတ်ဘူး၊ ရုက္ခစိုးနတ်မင်း ဖန်ဆင်းပေး တာလည်းမဟုတ်ဘူးတဲ့။ သူကိုယ်တိုင် လုပ်တဲ့ ကုသိုလ်ကြောင့်ရတာပါ။ သူလုပ်လို့ သူ ရတာပေါ့။ သူမလုပ်ရင် ဘယ်လိုနည်းနဲ့ မှမရ နိုင်ပါဘူး။ သဘောပေါက် တယ်နော် ပရိသတ်။ ဘုရားတန်ခိုးတော်ကြောင့် ကျနော် ကျမ ကျန်းမာပါစေ ချမ်းသာပါစေလို့ ဆုတောင်းလို့ မရ ဘူးနော်။ ကိုယ်ချမ်းသာချင်ရင် ကိုယ်တိုင်း ဘုရားပေးတဲ့ ဓမ္မကို ကိုယ်တိုင်ကျင့်သုံးမှ ကိုယ်ချမ်းသာတာ။ ပါစေ..ပါစေနဲ့ ဘယ်တော့မှမရဘူးဆိုတာမှတ်ပါ။ ကဲ..ဒီတော့ မင်္ဂလာ အပေါင်းနဲ့ ပြည့်စုံအောင်နေ.. နတ်ကောင်းနတ်မြတ်တွေ စောင့်ရှောက်အောင်နေ.. ချမ်းသာ အောင် မြတ်ဘုရားတရားဓမ္မတွေကို ကျင်းသုံးကြပါလို့ တိုက်တွန်းပါတယ်…

posted by a shin nayakalankara