Double – think. Double-talk Double- standard

ဒီနေ့ဆရာဖေမြင့်ရေးတဲ့ စာဖတ်သမားများ၏ မှတ်စုများ စာအုပ်ကိုဖတ်နေခဲ့တယ်။ တွေးစရာ စိတ်ဝင်စား စရာတွေ အများကြီးပါ ။အဲဒီထဲက သဘောအကျဆုံး အာတီကယ်လေး တခုကို မျှဝေခံစားလိုက်ပါတယ်။

ကျနော်တို့ ငယ်ငယ်က လောကကြီးကို အဖြူ အမည်း နှစ်မျိုးတည်းပဲ မြင်သည်၊ ဖြူသည် မည်းသည်၊ မှန်သည် မှားသည်၊ တရားသည် မတရားသည်၊ တွေ့အကြုံနည်းတော့ ကျနော်တို့သိတာတွေလည်းနည်းသည်။ သို့သော် သိသမျှသည် ရိုးရိုး စင်းစင်း ရှင်းရှင်း ကလေး။
နောက်တော့ တဖြေးဖြေး ပိုသိလာသည်၊ ပိုရှုပ်ထွေးတာတွေမြင်လာသည်၊ ဖြူတိုတို ညိုတိုတို မည်းတည်းတည်း စသဖြင့်၊ မသိချင်၍လဲ မရ ဩ၀ါဒတွေ မကြာခဏ ကြားနေရသည်၊
ဟေ့ကောင်- အားလုံးတသမတ် တည်းမတွေးနဲ့။ ခြွင်းချင်ဆိုတာ ရှိတယ်။ အလိုက်သင့် အလျားသင့်ဆိုတာ ရှိတယ်။ တစ်ဦးချင်း တစ်ခုချင်းရဲ့ ထူးခြားတဲ့ အနေအထားတွေနဲ့ လိုက်လျောညီထွေ စဉ်းစားပေးရတာတွေရှိတယ် ။လောကကြီးမှာ နေရာတကာ ရှင်းရှင်းလင်းလင်း တိတိကျကျ ဖြတ်လို့မရဘူး။ လောကသဘာဝဟာ အပိုင်းပိုင်း အပြတ်ပြတ် မဟုတ်ဘူး။ အကန့်လိုက် အကန်လိုက် မနေဘူး ။ တိကျတဲ့နယ်နိမိတ်စည်းမရှိဘူး တဆက်တည်းစီးဆင်းရင်းက ပြောင်းလဲသွားတာမျိုး။ ရောင်ပြေးအထည်လို ဒီဘက်ကပြာပေမယ့် ဟိုဘက်ကစိမ်းတယ်။ ပြာလိုက် စိမ်းလိုက် ယ စနမ်းလိုက်ပြာလိုက်. အဲဒီတော့ တခုတည်း မူသေမှတ်တဲ့ အကျင့်ကိုဖျောက် ။မအနဲ့ ၊မတုံးနဲ့ ၊ မကြောင်နဲ့ ၊နားလည်မှုရှိပါစေ ဟိုဘက် သည်ဘက်မြင်တတ်ပါစေ ။ မယုတ်မလွန်ပြောတတ်ပါစေ။လူရည်လည်ပါစေ။

သည်လိုနဲ့ တဖြည်းဖြည်းကျနော်တို့ နုရာမှ ရင့် လာကြသည်။ စကားကို ဟိုမရောက်သည် မရောက်ပြောတတ်လာသည်၊ ယုံတာ မယုံတာ အပထား ရောရောင်ဖြီးဖြန်းလုပ်တတ်လာသည်. အမှတ်တမဲ့ အဖို့တော့ ဟုတ်သလိုလို။ ခုမှဘဲ တတ်လာသလိုလို။လိမ္မာလာသလိုလို၊ သို့သော် အဲသည် လိုလို တွေနှင့် အနေကြာသည့်အခါ ကျနော်တို့ ခေါင်းထဲမှာ ကိစ္စတစ်ခုကို ဖြူသလား မည်းသလား မကွဲပြားတော့။ မှားသည် မှန်သည် မခွဲခြားနိုင်တော့။ တရားသလား မတရားသလား စဉ်းစားရကောင်းမှန်းမသိတော့။
နှစ်ခွတွေး နှစ်မျိုးပြော နှစ်ပုံရပ်ကာ ကျင်လည်လာရင်း တဖြည်းဖြည်း ငယ်စဉ်က ရှိခဲ့သည့် ရိုးစင်းဖြောင့်မှန်သော အသိဥာဏ်တွေ ကွယ်ပျောက်ကာ အရာရာ ၀ိုးတိုးဝါးတားနှင့် သုညသမား ဖြစ်တော့မည်။

( Double-think- ဆန့်ကျင်ဘက် အယူအဆနှစ်မျိုးကို တစ်ပြိုင်တည်း လက်ခံခြင်း။
့ Double-talk - ဝေ့လည်ကြောင်ပတ် မရေမရာ ပြောဆိုခြင်း။
Double- standard -စံနှစ်မျိုးထားခြင်း ၊ လိုသူကိုတစ်မျိုး မလိုသူကို တစ်မျိုး ခွဲခြားသတ်မှတ်ခြင်း။

(သည်အတွက် ဖြေဆေးက အသိဥာဏ် Intelligence နဲ့ စိတ်ဓာတ်သတ္တိ Moral courage ။ အဲသည် နှစ်ခု ဖွံ့ဖြိုးအောင် ဖြည့်ဆည်းပေးနိုင်တာ ပညာရှာဖွေမှု Education ။ )