30.04.2009
လူသားတိုင်း သတ္တ၀ါတိုင်း အချစ်နဲ့ မကင်းနိုင်ကြပါဘူး။ လူသားတွေက ချစ်ခြင်းအကြောင်းအရာတွေကို ပြောပြီးရင်းပြော ချစ်ပြီးရင် ဆက်ချစ်နေကြအုံးမှာပါ။ သားချစ် အမေချစ် ၊ ဆရာချစ် တပည့်ချစ် ၊မောင်ချစ် နှမချစ် သူငယ်ချင်းအချစ် ချစ်သူများအချစ် ဆိုပြီး အချစ်ကလဲ ပုံစံမျိုးစုံနဲ့ လောကကြီးထဲရှိနေတာပါ။
သမုတိသစ္စာနယ်ပယ်က ချစ်ခြင်းတရားတွေကတော့ အရောင်ခြယ်ထားတဲ့ စွဲလမ်းမှုပေါ်မှာ ရှိနေကြတာ များတယ်လို့ ထင်ပါတယ်။ ဓမ္မရှုဒေါင့် သို့မဟုတ် ပရမတ္ထရှုဒေါင့်ကနေ ကြည့်ရင်တော့ အချစ်မှန်သမျှ ဖြတ်တောက်နိုင်အောင် ကြိုးစားကြရမှာပါ။ သမုတိသစ္စာနယ်ကနေ အချစ်ကြောင့် တရားထူးရခဲ့တဲ့ အမေတယောက်အကြောင်း ပြောပြချင်ပါတယ် …………..
လွန်ခဲ့တဲ့ နှစ်ပေါင်း ၂၅၀၀ ကျော်က …. အိန္ဒိယနိုင်ငံ .. ရာဇဂြိုဟ်မြို့သူ အမျိုးသမီးတယောက်. အရွယ်ရောက်လာပေမယ့် ချစ်ခြင်းတွေကို စိတ်မ၀င်စားခဲ့ဘူး ၊သာသနာဘောင်ဝင်ဖို့သာ စိတ်ထက်သန်ခဲ့သူ ဒါပေမယ့် မိဘတွေခွင့်မပြုလို့ သာသနာဘောင်ဝင်ခွင့်မရခဲ့ပါဘူး . လောကအလယ် ရှင်သန်ရင်း မိဘတွေဆန္ဒကို လိုက်လျော လက်ထပ်ခဲ့ရပေမယ့် စိတ်ဝင်စားမှုမရှိခဲ့ဘူး….. လက်ထပ်ပြီးမကြာခင်မှာ အမျိုးသားကို ခွင့်ပန်ပြီး သာသနာ့ဘောင်အပြီး ၀င်လာခဲ့တယ်။
ဒါပေမယ့် သူ့မှာကိုယ်ဝန်ရလာခဲ့တာကို သူမကိုယ်တိုင် သတိမထားခဲ့မိဘူး .ဘိက္ခုနီကျောင်းရောက်မှ ကိုယ်ဝန်က ရင့်လာခဲ့တယ်… ပတ်ဝန်ကျင်အမြင်မှာ ထူးဆန်းလုို့ပေါ့ … ဒီလိုသတင်းတွေကြားတော့ ကျောင်းအမကြီး ၀ိသာခါကိုယ်တိုင် ကျောင်းကိုရောက်လာပြီး အကျိုးအကြောင်းကုန်စင် သိရတော့ ဒီကိုယ်ဝန်ကို မွေးဖွားဖို့ ကူညီခဲ့ပါတယ်။ ဒီလိုနဲ့ သားလေးတယောက်မွေးဖွားခဲ့တယ် ဘိက္ခုနီကျောင်းမှာပဲပေါ့။ အရွယ်ရောက်လာတော့ သားဖြစ်သူလဲ သာသနာဘောင်ဝင် …… နောက်ပိုင်းမှာ ဘုရားရှင်ထံက ကမ္မဋ္ဌာန်းအားထုတ်နည်း သင်ယူပြီး တောထွက်ခဲ့ပါတယ် . တောထဲမှာ (၁၂ ) နှစ်ပတ်လုံး တရားအားထုတ်နေခဲ့တယ်…
သားရဟန်းတောထွက်တဲ့နေ့က စပြီး အမေဖြစ်သူ ဘိက္ခုနီမမှာ သားစိတ်ကြောင့် အမြဲငိုနေခဲ့တယ်၊ သားကိုတွေ့ချင် သားအသံကိုကြားချင်တဲ့ အမေရဲ့ အရောင်ခြတယ်တဲ့ချစ်ခြင်းတွေက စိတ်ကို ပင်ပန်းစေခဲ့တယ်၊ သားရဟန်းလဲ တရားထူးရလို့ ကျောင်းကိုပြန်ကြွအလာ သားကိုမြင်တော့ မျက်ဝန်းက ထွက်ကျနေတဲ့ မျက်ရည်တွေကို ဂရုမစိုက်နိုင်ဘဲ သားရေ သားရေ လို့ အော်ခေါ်ရင်း သားနောက်က ပြေးလိုက်သွားခဲ့တယ်…
သားဖြစ်သူ ရဟန္တာအရှင်မြတ်က .အင်း ငါ့ရဲ့ချိုသာတဲ့ စကားသံကို ကြားရင် ငါ့အမေတော့ ဒီချစ်ခြင်းသံသရာက လွတ်နိုင်မှာ မဟုတ်တော့ဘူး- လို့တွေးမိပြီး လေသံပြတ်ပြတ်နဲ့ ပြောထည့်လိုက်တယ်… အမေ..ဘာလို့ သားနောက်ကို လိုက်နေတာလဲ… ချစ်ခြင်းတရားကို မဖြတ်တောက်နိုင်ဘူးလား..လို့ပြောပစ်လိုက်တော့.. အော် ငါကတော့ သူတောထွက်တဲ့နေ့ကစလို့ ၁၂ နှစ်လုံးလုံး မျက်ရည်နဲ့မျက်ခွက် ငိုနေခဲ့ရတာ…သူကတော့ ငါ့အပေါ် ပြောရက်တယ် …ရက်စက်လိုက်တာ သားငယ်… အမေ့ရဲ့ချစ်ခြင်းကို ဥပေက္ခာပြုရက်တဲ့ သားငယ်.. ဆိုပြီး အရောင်ခြယ်ချစ်ခြင်းကို ဖြတ်ပြီး တရားအားထုတ်လိုက်တာ အဲဒီနေ့မှာပဲ တရားထူးတရားမြတ်ကို ရခဲ့ပါတယ်… သူ့နာမည်ကတော့ ကုမာရကဿပမာတုထေရီတဲ့. သားရဲ့စိမ်းကားခြင်းက အမေ့အတွက် တရားထူးရသလို အရောင်ခြယ်အချစ်ကို စနစ်တကျသုံးလိုက်တော့ သစ္စာတရားဆိုတာကို တွေ့သွားခဲ့ပါတယ်။ အမေရဲ့ အချစ်ကို ဥပေက္ခာပြုရက်တဲ့ သားငယ်ရေ.. ကျေးဇူးအနန္တပါကွယ်...
Wednesday, April 29, 2009
အမေ့ရဲ့ အချစ်ကို ဥပေက္ခာပြုရက်တဲ့ သားငယ်
အကြင်နာ နှလုံးသားတို့ ဖူးပွင့်ရာ…….
ဆယ်စုနှစ်ပေါင်းများစွာ ဖြစ်ပွားနေတဲ့ သီရိလင်္ကာပြည်တွင်းစစ်ရဲ့ ရိုက်ခတ်မှုက အပြစ်မဲ့ ပြည်သူတွေ အမြောက်အများ စစ်ဘေး စစ်ဒဏ်ကိုခံစားကြရပါတယ်။ လောလောဆယ် စစ်ပွဲကို အရှိန်မြှင့်နေချိန်မို့ ပြည်သူများ အထူးသဖြင့် စစ်မြေပြင်နဲ့နီးရာ တမီးလ်ပြည်သူများ ဒုက္ခရောက်ကြရပါတယ်။ ဒီလို ဒုက္ခရောက်ပြည်သူတွေကို တတ်နိုင်သလောက်ကူညီနိုင်ဖို့ သီရိလင်္ကာနိုင်ငံ ပါလီမန်အမတ်ဘုန်းတော်ကြီးများ ဦးဆောင်ပြီး မြန်မာစာသင်သားရဟန်းတော်များက မြို့တွင်းလှည့်လည်ကာ ဆွမ်းဆန်စိမ်းခံထွက်ခဲ့ကြပါတယ်.
လမ်းဘေးဝဲယာတလျှောက် ဈေးတွင်းတလျှောက်ပြည်သူများက အ၀တ်အထည် အစားအသောက်များ လောင်းလှူခဲ့ကြတယ်။ ဒါတွေကို ဒုက္ခခံစားနေရတဲ့ ပြည်သူတွေထံ ပေးပို့လှူဒါန်းပြီး မိမိတို့ မနောကံမေတ္တာတွေကို လက်တွေ့ပြောင်းလဲကာ ကာယကံမေတ္တာအဖြစ် ဖော်ထုတ်နိုင်ခဲ့ပါတယ်။
မိမိတို့အကြင်နာ နှလုံးသားတွေကို ပြခွင့်ကြုံလို့ တကယ့်ကိုဝမ်းသာရပါတယ်။ ဒုက္ခရောက်နေသူတွေကို တတ်နိုင်သလောက် ကူညီခြင်းဟာ ဗုဒ္ဓအလိုကျ ပြုမူခြင်းလို့လဲ ဆိုနိုင်ပါတယ်. တကယ်တော့ အကြင်နာ နှလုံးသားတို့ ဖူးပွင့်ရာ ဒီမြေ.... အကြင်နာနှလုံးသားတို့ဖူးပွင့်ရာ ဒီအချိန်.....ဟာ လောကအတွက် တကယ့်ကို မြတ်နိုးစရာတွေပါ။ အကြင်နာ နှလုံးသားတွေကို လိုအပ်တဲ့နေရာ ပုဂ္ဂိုလ်များ ဆီ ဆက်လက် ဖြန့်ဝေကြပါစို့။
Thursday, April 16, 2009
မြန်မာ နှစ်သစ်ကူး
ရိုးရာယဉ်ကျေးမှု ဓလေ့ထုံးတမ်းတွေ အနည်းနဲ့ အများ မတူခြားနာပေမယ့် သက္ကရာဇ် ကိုယ်ပိုင်ရှိတဲ့ လူမျိုးတိုင်းကတော့ ကိုယ့်ရဲ့နှစ်သစ်ကူးနေ့ကို တန်ဖိုးထားမြတ်နိုးကြပါတယ်၊ ဒီနေ့ဟာ မြန်မာအမျိုးသားတို့အတွက် မြန်မာကောဇာသက္ကရာဇ် ၁၃၇၀ ခုနှစ်ကနေ ၁၃၇၁ ခုနှစ်ကို ပြောင်းရွှေ့ တဲ့ နေ့ရက် သို့မဟုတ် နှစ်ဆန်းတရက်နေ့ပဲဖြစ်ပါတယ်။
သီရိလင်္ကာနိုင်ငံရဲ့ နှစ်သစ်ကူးနေ့ဟာ နက္ခတ် ဗေဒင်ဆရာများရဲ့အလိုအရ ပြောင်းရွှေ့ ကြသလို မြန်မာနှစ်သစ်ကူးဟာလဲ နက္ခတ် ဗေဒင်ဆရာများရဲ့ အလိုအတိုင်းပြောင်းရွှေ့ကြတာတွေ့ရတယ်။ ဘယ်လိုပဲဖြစ်ဖြစ် သင်္ကေတအောက်မှာ လျှောက်လှမ်းကြသူများအဖို့ မိမိတို့ရဲ့ ကိုယ်ပိုင်နှစ်သစ်ကူးနေ့မှသည် တနှစ်လုံးအတွက် အကောင်းဆုံးဖြစ်အောင် ပြုပြင်ဖန်တီးကြိုးစားကြမယ်ဆိုတဲ့စိတ်ကလေးတွေကတော့ အရမ်းကိုချစ်မြတ်နိုးစရာ ကောင်းလှပါတယ်။ စာရေးသူအနေနဲ့လည်း ဗုဒ္ဓရဲ့ နှစ်သစ်ကူးမေတ္တာလက်ဆောင်ကို အားလုံးအတွက် ဖြန့်ဝေလိုက်ပါတယ် ။
ဒုက္ခပ္ပတ္တာ စ နိဒ္ဒုက္ခာ - ဆင်းရဲခမ်းသိမ်း ငြိမ်းကြပါစေ ။
ဘယပ္ပတ္တာ စ နိဗ္ဘယာ - ကြောက်ရွံခြင်းကင်းကြပါစေ ။
သောကပ္ပတ္တာ စ နိေဿာကာ - စိုးရိမ်ခြင်း ပူဆွေးခြင်းကင်းကြပါစေ၊
လို့သာ နှစ်သစ်လက်ဆောင်အဖြစ် နှုတ်ဆက်ဖြန့်ဝေ ပရစေလား။
Wednesday, April 15, 2009
သီရိလင်္ကာ နှစ်သစ်ကူးနေ့
သီရိလင်္ကာနိုင်ငံ၊ အလုအ၀ုရုဓု (Aluth Avurudhu)လို့ ခေါ်တဲ့ နှစ်သစ်ကူးကာလဟာ နှစ်စဉ် ဧပြီလ ၁၃-ရက်၊ ၁၄-ရက်မှာ ကျရောက်ပါတယ်။ ဆင်ဟာလ(သီရိလင်္ကာ)ဒဏ္ဍာရီအလိုအရ နေမင်း ကြီးဟာ မီးဧနရရှိယ(Meena Rashiya)ကနေ မေရှရရှိယ(Mesha Rashiya)ကို ရွှေ့ပြောင်းသွားတဲ့ အခါ သီရိလင်္ကာနှစ်သစ်ကူးတယ်လို့ ဆိုပါတယ်။
လူမျိုးတိုင်းမှာ ချစ်စရာကောင်းတဲ့ ဓလေ့လေးတွေရှိပါတယ်၊ သီရိလင်္ကာနိုင်ငံမှာတော့ နှစ်သစ်ကူးနေ့မှာ အလုပ်မလုပ်ကြပါဘူး။ အဲဒီနေ့မှာ အလုပ်လုပ်ရင် ကျက်သရေမရှိဘူးလို့ယူဆကြပါတယ်၊ နှစ်သစ်ကူးတဲ့နေ့မှာ ဘုရားကျောင်းကန်တွေကို သွားပြီး မင်္ဂလာယူကြပါတယ်။ ဆရာတော် သံဃာတော်များနှင့် လူကြီးသူမများက သစ်ခေါက်တွေ သစ်ရွက်တွေနဲ့ ပြုလုပ်ထားတဲ့ ဆီတွေနဲ့ လူငယ် လူကြီး အားလုံးကို ဆီသုတ်လိမ်းပေးရပါတယ်၊ မင်္ဂလာရှိတဲ့ ဆီသုတ်လိမ်းပွဲအပြီးမှာတော့ ဆင်ဟာလိ အစားအစာတွေနဲ့ လာသမျှလူတွေကို ဧည့်ခံကျွေးမွေးကြပါတယ်၊
နှစ်သစ်ကူးကာလမှာ ပြုလုပ်တဲ့ ထူးခြားချက်တစ်ခုကတော့ မိဘနှစ်ပါးနှင့် အသက်အရွယ်ကြီး ရင့်သူတို့အား ကွမ်းယာပေးကမ်းကြခြင်းပါပဲ။ ဒီကွမ်းယာဟာ မေတ္တာတရားနဲ့ ကျေးဇူးတရားတွေရဲ့ အမှတ်သင်္ကေတလို့ ဆိုကြပါတယ်။ မိဘတွေနဲ့ ဘိုးဘိုး၊ ဘွားဘွားများကလဲ ကွမ်းယာကို လက်ခံပြီး ဆုမွန်ကောင်းများ ပြန်လည်ပေးကြပါတယ်။
လူမျိုးတိုင်းမှာ နှစ်သစ်ကူး ကိုယ်စီရှိနေကြပါတယ် နှစ်သစ်ကို ကူးတဲ့ပထမဆုံးသော နေ့ရက်မှာ ကောင်းခြင်းမင်္ဂလာတွေ ပြုလုပ်ရင်း ကံကောင်းဖို့ ပြင်ဆင်ကြပါတယ်။ ရေမြေတွေခြားလို့ ယဉ်ကျေးမှုတွေကွဲပြားပေမယ့် ဘ၀အတွက် ကံကောင်းခြင်းတွေ ဖြစ်စေလိုတဲ့ ဆန္ဒကတော့ အားလုံးထပ်တူညီမျှပါပဲ။
Saturday, March 21, 2009
သရဲတွေကို ဘယ်လိုကိုင်တွယ် ဖြေရှင်းမလဲ
22-03-2009
ဗုဒ္ဓဘာသာဝင်တွေကတော့ သေပြီးရင်နောက်ဘ၀ ရှိသေးတယ်ဆိုတာကို ယုံကြည်တယ်၊ ပြီးတော့ကိုယ်ပြုတဲ့ ကံအားလျော်စွာ ဘ၀အမျိုးမျိုးကို ရောက်နိုင်တယ်ဆိုတာကိုပါ လက်ခံကြတယ်။ မနေ့ကဘဲ အွန်လိုင်းကနေ စကားတခွန်း နားထောင်လိုက်ရပါတယ် စင်္ကာပူမှာ ဖြစ်ပျက်တဲ့ အဖြစ်အပျက်လေးပါ၊ မိမိနဲ့ရင်းနှီးတဲ့ အမတစ်ယောက်က အဲဒီ ကုမ္ပဏီမှာ အလုပ်လုပ်နေတာပါ၊ သူမပြောပြတာက " ဦးဇင်းရေ CCTV ကင်မရာတွေမှာ လူအရိပ်လိုလို အရာတွေပေါ်နေတယ်တဲ့၊ ကင်မရာမှာ တခုခုများ ကပ်နေမလားဆိုပြီး သွားကြည့်တော့ ဘာမှမရှိပါဘူးတဲ့၊ သူတို့ Boss ရော သူတို့တတွေကော ယုံကြည်ကြတာက ဒါဟာ သရဲခြောက်တာဘဲလို့ ယုံကြည်ပါတယ်တဲ့ ၊ အဲဒါကို ဘယ်လို ဖြေရှင်း ကိုင်တွယ်ရမလဲဆိုတာ သိချင်ပါတယ်တဲ့"၊
ထေရ၀ါဒ ရှုဒေါင့်ကနေဘဲ ပြန်ပြီးပြောပြခဲ့ပါတယ်၊ တစ္ဆေ သရဲဆိုတာ လူတွေရဲ့ ပတ်ဝန်းကျင် အနီးအနားမှာ ရှိနေကြတာများပါတယ် စာပေမှာတော့ ဒါကို ပြိတ္တာလို့သုံးတယ်။ ထေရ၀ါဒ ဗုဒ္ဓဘာသာ ကျမ်းစာတွေမှာတော့ တစ္ဆေတွေ သရဲတွေ ခြောက်ခံရလို့ ကိုင်တွယ်ဖြေရှင်းပုံတွေ အမြောက်အများရှိပါတယ်၊
ဘုရားရှင် လက်ထက်တော်အခါကပေါ့ တပည့်ရဟန်း ၅၀၀ တောထဲကို တရားထိုင်ကြွကြပါတယ်၊ တောထဲလဲရောက်ရော သရဲ တစ္ဆေတွေက အနံ့ဆိုးတွေပေး ကိုယ်ထင်တွေပြ ကိုယ်ပြတ် ခေါင်းပြတ်တွေလုပ်ပြီး ခြောက်လှန့်တော့ ရဟန်းတော်တွေ တရားအားထုတ်လို့ မရကြတော့ပါဘူး၊ ဒါနဲ့ ဘုရားရှင်ဆီ ပြန်ကြွလာကြပြီး သူတို့တွေ့ကြုံရတဲ့ အဖြစ်အပျက်တွေကို လျှောက်ထားတော့ ဘုရားရှင်က မေတ္တာသုတ်ကိုသင်ပေးပြီး အဲဒါကိုရွတ်ဆို သွားကြလို့ လမ်းညွှန်တော်မူခဲ့ပါတယ်။
တပည့် ရဟန်း ၅၀၀ လဲ ဘုရားရှင်လမ်းညွှန်တဲ့အတိုင်း မေတ္တာပို့ပြီး တောထဲပြန်ကြွသွားခဲ့တယ်၊ မေတ္တာပို့အပြီး မေတ္တာသုတ်ရွတ်အပြီးမှာ ခြောက်လှန့်တာတွေ ကိုယ်ထင်ပြတာတွေမရှိတော့ပါဘူး၊
နောက်ထင်ရှားတဲ့ သာဓကတခုက ဗိမ္ဗိသာရရှင်ဘုရင်ကြီးပါ။ ညပိုင်း စက်တော်ခေါ်နေချိန် တစ္ဆေ သရဲတွေလာပြီး ခြောက်ကြ ကိုယ်ထင်ပြကြပါတယ်၊ ဘုရင်ကြီးလည်း ဘုရားရှင်ထံသွားပြီး အကျိုးအကြောင်းလျှောက်ထားတော့ ဒါတွေဟာ ဟိုးအရင်ဘ၀က သင်ရဲ့ ဆွေတော်မျိုးတော်တွေ ဖြစ်ကြောင်း သင်ပြုလုပ်တဲ့ ကုသိုလ်ကောင်းမှုရဲ့ အမျှကိုလိုချင်လို့ လာရောက်တာဖြစ်ကြောင်း ရှင်းပြတော်မူခဲ့ပါတယ်၊ နောက်ရက်မှာ ဘုရားအမှူးရှိတဲ့ သံဃာတွေကို ပင့်ဖိတ်ပြီး အမျှအတမ်းပေးဝေလိုက်တော့ ဒီတစ္ဆေတွေ သရဲတွေနောက်ထပ်မလာကြတော့ပါဘူး၊
ကြားဖူးတာလေး တခုရှိပါတယ် မန္တလေးမှာ ဖြစ်ပျက်ခဲ့တာပါ မူစလင် ကောင်မလေးတယောက်ဟာ ကွယ်လွန်ပြီးတဲ့နောက်မှာ အဲဒီအိမ်မှာဘဲ သရဲဖြစ်နေခဲ့ပါတယ်၊ သူ့မိသားစုကို ကိုယ်ထင်ပြပြီး နှုတ်ဆက်လေ့ရှိပါတယ်၊ ဘ၀ခြားသူတယောက်ရဲ့ နှုတ်ဆက်မှုဟာ ကျန်ရစ်တဲ့ မိသားစုအတွက်တော့ ကြောက်လန့်စရာ ကောင်းလှပါတယ်။ ကျန်ရစ်သူမိသားစု ကိုယ်တိုင်လည်း ဘာလုပ်ရမယ် ဘယ်လိုဖြေရှင်းရမယ်ဆိုတာ မသိပါဘူး၊ တနေ့မှာ ကွယ်လွန်သွားတဲ့ မူစလင် ကောင်မလေးကိုယ်တိုင်က ဗုဒ္ဓဘာသာ ဘုန်းကြီးတွေကို ပင့်ပြီး ပရိတ်ရွတ်ပေးပါလို့ အိပ်မက်ပေးပါတယ်။ သူမအိပ်မက်အတိုင်း ဘုန်းကြိးတွေကို ပင့်ပြီး ပရိတ်ရွတ်လိုက်တော့ နောက်ရက်တွေမှာ ပေါ်မလာတော့ပါဘူး။ သူငယ်ချင်းပြောပြတဲ့ ဇာတ်လမ်းလေးတခုကို မျှဝေခြင်းပါ။
မိမိကိုယ်တွေ့ လေးတခုကို ပြောပြချင်ပါ သေးတယ်၊ သိပ်မကြာသေးခင်က ကိုလံဘိုနဲ့ ကီလိုမီတာ ၄၅၀လောက်ဝေးတဲ့ တောထဲမှာ တရားအားထုတ်ခဲ့တယ်။ တရားအားထုတ်သူတွေ တွေ့ကြုံရတဲ့ ပရလောကတွေရဲ့ အနှောင့်အယှက်ကို ခံခဲ့ရတယ်၊ မိမိတရာထိုင်တာက တောတောင်တခုရဲ့ ကျောက်ဂူထဲမှာ တပါးတည်းပါ၊ သမာဓိ အားကောင်းလာတဲ့အချိန်မှာ မိမိနားအနီးနား တ၀ိုက်မှာ တရားဆက်ထိုင်လို့ မရလောက်အောင် အသံတွေဆူညံခဲ့ပါတယ်။ နှောင့်ယှက်နေပြီဆိုတာ သိတာနဲ့ မေတ္တာကို အားစိုက်ပြီးပို့ပါတယ် မရပါဘူး အဲဒီနေ့ မနက် လက်မြှောက်အရှုံးပေးပြီး တရားထိုင်တာကို ဖြုတ်လိုက်ရတယ်။
နေ့လည်အချိန်မှာ ပြန်ထိုင်တော့လည်း ပြန်ရောက်လာပါတယ်။ မိမိလည်း ကြိုးစားပြီးမေတ္တာပို့ ပြန်ပို့ပါတယ် နေ့လည်အချိန်မှာတော့ မိမိအောင်နိုင်ခဲ့ပါတယ်။ စိတ်ရဲ့အစွမ်းဆိုတာ တကယ်သုံးရင် တကယ်ပေါ်ထွက်လာပြီး တကယ်ထိရောက်တာကိုတွေ့ရတယ်။ တစ္ဆေသရဲတွေကိုလည်း ဒီစ်ိတ်အစွမ်းနဲ့ဖြေရှင်း နိုင်ပါတယ်၊
ထေရ၀ါဒ ရှုဒေါင့်ကနေဆိုရင်တော့ မေတ္တာပို့ပေးခြင်း အမျှပေးဝေးခြင်းတွေနဲ့ သူတို့ကို ကိုင်တွယ်ဖြေရှင်းနိုင်ပါတယ်၊
ဒီနေရာမှာ မေတ္တာပို့သူရဲ့ ကိုယ့်ကျင့်တရား မြင့်ရင်မြင့်သလောက် ထိရောက်မှုလည်း ပိုပြီးရှိလာနိုင်ပါတယ်။ ဒီလိုဖြေရှင်းလို့မှ လုံးဝမရတော့ဘူးဆိုရင် ဘုန်းတော်ကြီးတွေကို ပင့်ဖိတ်ပြီး ကမ္မ၀ါစာ ရွတ်ရင်တော့ သေချာပေါက် သူတို့ထွက်ပြေးမှာ သေချာပါတယ်။
Thursday, January 22, 2009
Intensive English Course in Kandy
ကန္ဒီမြို့ ရှုခင်း
သီရိလင်္ကာနိုင်ငံရဲ့ ဒုတိယမြို့တော် ကန္ဒီမြို့မှာ အမေရိကန် ဆရာများ သင်ကြားပေးတဲ့ Intensive English Course ကို ၁၂-၀၁-၂၀၀၉ ကနေ ၂၁-၀၁၀၂၀၀၉ ထိ တက်ရောက် သင်ယူခဲ့ကြပါတယ်၊ စိတ်ဝင်စားစရာတွေ ပြည့်နေတဲ့ ဒီသင်တန်းလေးမှာ ဆိုက်ဘေးရီးယား တရုတ် ဘုန်းတော်ကြီးများ အပါအ၀င် မြန်မာ သံဃာတော် ၂၇ ပါး တက်ရောက်ခဲ့ကြတယ်၊
ထူးခြားတာက ဒီသင်တန်းမှာ ပို့ချတဲ့ ဆရာတွေက ဗုဒ္ဓဘာသာ အဖြစ်ပြောင်းလာကြတာ မကြာသေးပါဘူး၊ သင်တန်းမှာ အဓိက သင်ကြားပေးတဲ့ မစ္စတာကင်နဲ့ မစ္စ် ၀ိသာခါတို့ဟာ ဘာသာရေးအမျိုးမျိုးကို လေ့လာခဲ့ကြပြီး နောက်ဆုံးမှာ ဗုဒ္ဓဘာသာကို ကူးပြောင်းလာကြတာပါ၊ သံဃာတော်တွေကို သူတို့ရဲ့သား အရင်းတွေလို တကယ့်ကို ဂရုတစိုက်နဲ့ နာရီ ၅၀ တိတိ ပညာဒါနပြုခဲ့ပါတယ်၊
မစ္စတာ ဒမ်ကတော့ ခုမှ ဗုဒ္ဓဘာသာကို ကူးပြောင်းဖို့ ကြိုးစားနေသူဖြစ်ပါတယ်၊ သီရိလင်္ကာနိုင်ငံသူ မစ္စ် လလိတာကတော့ အင်္ဂလန်နိုင်ငံမှာ ကျောင်းတက်ခဲ့ပြီး ပေတာဒနိယ တက္ကသိုလ်မှာ ပါမောက္ခတာဝန်ကို ထမ်းဆောင်နေသူဖြစ်ပါတယ်၊ မစ္စတာ ရာ့ဂ်ျကတော့ သီရိလင်္ကာမှာ မွေးဖွားပြီး ကနေဒါနိုင်ငံမှာ ကြီးပြင်းသူဖြစ်ပါတယ်၊ ဗုဒ္ဓဘာသာရဲ့ ငြိမ်းအေးမှုကို ဥာဏ်နဲ့ ရှာဖွေဖို့ သီရိလင်္ကာကို ပြန်ရောက်လာတာ မကြာသေးပါဘူး၊ မစ္စတာလားကတော့ လူငယ်ပီပီ မြန်မာရဟန်းတော်တွေကို တက်တက်ကြွကြွ ပညာဒါနပြုခဲ့ပါတယ်၊
၂၁=၀၁=၂၀၀၉ နေ့ ညနေ လေးနာရီမှာ Intensive English Course ပိတ်ပွဲအခမ်းအနား ပြုလုပ်ပြီး အောင်လက်မှတ်တွေ ပေးအပ်ခဲ့ပါတယ်၊ တကယ့်ကို ပျော်ရွှင်စရာကောင်းတဲ့ သင်တန်းလေး ဖြစ်ခဲ့ပါတယ်၊သင်တန်းအသွား အပြန်တွေမှာ မြန်မာ့ဂုဏ်သိက္ခာ သာသနာ့ ဂုဏ်သိက္ခာကို ဆောင်တဲ့အနေနဲ့ သင်တန်းကို သွားတဲ့အခါ သင်္ကန်းရုံပြီး သွားကြ ပြန်ကြပါတယ်၊ မြင်ရသူတွေအဖို့ တကယ့်ကို ကြည်နူးစရာ မြင်ကွင်းတခု ဖြစ်ခဲ့ပါတယ်၊ သင်တန်းနဲ့ မိမိတို့ တည်းခိုတဲ့နေရာနဲ့ မိနစ် ၃၀ လမ်းလျှောက်ပြီး သွားကြရပါတယ်၊ ပညာလည်းရ မြန်မာ့သာသနာကို ဖြန့်ဖြူးရာလဲ ရောက်ခဲ့တဲ့ ဒီသင်တန်းလေးဟာ အတိုင်းအတာ တခုထိ မိမိတို့ကို အမှတ်တရ ရှိနေစေမှာဖြစ်ပါတယ်၊
Subscribe to:
Posts (Atom)
