မေတ္တာတရား အစဉ်ပွား

မကျေနပ်စရာတွေကို ကြည့်နေမယ်ဆိုရင် မုန်းစရာတွေပေါ်မယ်၊
ရန်ငြိုးပြေပျောက်ချင်လျှင် မကျေနပ်ချက်ကို မကြည့်ပါနဲ့၊မုန်းကွက်တွေကို မကြည့်ပါနဲ့၊

ချစ်ကြည်မြတ်နိုးနိုင်လောက်အောင် ကောင်းတဲ့အကွက်တွေကိုပဲ ရှာကြည့်ပါ၊
ဘယ်လိုမှ ကောင်းကွက်ကို ရှာမတွေ့တော့ဘူးဆိုလျှင် မုန်းစရာလို့ သဘောမထားဘဲ သနားစရာလို့ အောက်မေ့လိုက်ရတယ်၊

သူ့ကံနဲ့သူပဲလို့ ဆင်ခြင်ပြီး ကိုယ့်မှာအကုသိုလ်တွေ မဖြစ်အောင်နေရတယ်၊ချစ်စရာမြတ်နိုးစရာ အကွက်တွေကို ဖော်ထုတ်ပြီးဆင်ခြင်လိုက်၊ ဘယ်အခါတုန်းက သူကငါ့ကို ကောင်းခဲ့တယ်၊ဘယ်လိုဆောင်ရွက်ပေးခဲ့တယ်ဆိုတာကို တွေးတောဆင်ခြင်ုလိုက်၊

မေတ္တာဆိုတဲ့ ကော်အစေးဓာတ်ရှိလျှင် ဘယ်တော့မှ မကွဲတော့ဘူး၊ မေတ္တာဓာတ်ခံ ပါမှဖြစ်မယ်၊ ချစ်ကြည်ရေး၊မျှတရေး၊ စည်းရုံးရေး ဆိုတဲ့အရေးသုံးပါးကိုအလေးထားကျင့်သုံးရမယ်၊

ကိုယ့်စောင့်တရားလေးပါးကိုလဲ ပွားများရမည်၊ မေတ္တာဓာတ်ဝင်လျှင် မေတ္တာဖြစ်ပြီ၊ မိတ်ဆွေဖြစ်လျှင် အကူအညီပေးကြတော့မယ်၊ မေတ္တာပွားလျှင် အကျိုးတရားတွေ ရနေမှာပဲ၊
အသိဥာဏ်မရှိတဲ့ တိရိစ္ဆာန်တောင်မှ မေတ္တာစူးရှသေးတာ၊အသိဥာဏ်ရှိတဲ့လူဆိုရင် ပိုပြီးစူးရောက်မယ်၊

(ရွှေတောင်ကုန်းဆရာတော်ကြီး၏ ဩ၀ါဒကို ပြန်လည်မျှဝေပါသည်၊ လက်တွေ့ကျင့်သုံးဖွယ် ကောင်းလှ၏)

မောင်းထောင်မြေဇင်းဆရာတော်ဘုရားကြီး ၏ ဆုံးမသြ၀ါဒများ

www.lotusfoundation.orgမှ စာစဉ်အမှတ်ကိုးကို ပြန်လည်ဖော်ပြပါသည်။

ပဒေသာဟာ သာသနာ

လူ့ဘ၀ဆိုတာ ဘာမှမပိုင်ဘူး၊ ဘာမှမသေချာဘူး၊ ချောက်ကမ်းဘေး၊ လမ်းလျှောက်နေရသလို အချိန်မရွေး ကျသွားနိုင်တယ်၊ ကြက်ဥ ငှက်ဥတွေလို အချိန်မရွေး ပေါက်ကွဲသွားနိုင်တယ်။
မသေချာ မရောရာဘဲ လျှောက်လှမ်းနေရတဲ့ ဘ၀သံသရာကြီးထဲ မြတ်စွာဘုရားသာသနာတော်ကြီး နှင့် တွေ့ ကြုံနေရတဲ့အခါ ဘ၀ပဒေသာပင်ကြီးကနေ ကိုယ်လိုချင်တဲ့အသီးကို ဆွတ်ခူးလို့ရတယ်။
- ဒါန အသီးကို ဆွတ်ခူးမလား
- သီလ အသီးကို ဆွတ်ခူးမလား
- သမထ ၀ိပဿနာ အသီးကို ဆွတ်ခူးမလား
ဘာဆွတ်ဆွတ် ဘာခူးခူးရတာချည်းဘဲ၊ အထက်သွားမလား အောက်သွားမလား ရတယ်။ အဲ အဆွတ်ခူးမှား ပြီး လူ့ပြည်ပြန်ရောက်ရင် သာသနာက ရှိမှာမဟုတ်ဘူး။
ဘယ်အသီးကို ဆွတ်ခူးခူး နိဗ္ဗာန်ကိုပဲ ဆုတောင်းပြီး ဆွတ်ခူးကြ။


ဘုရားအကြိုက်ဆုံးပူဇော်နည်း

မြတ်စွာဘုရားကို အခြားလှူဖွယ်ပစ္စည်းတွေနှင့် ပူဇော်တာထက် အခုလို ယောဂီတို့ တစ်ရှူ တစ်ရှိုက် တရားနှင့် ပူဇော်တာက ပိုမွန်မြတ်တယ်။
ဘာလို့လဲဆိုတော့ - မြတ်စွာဘုရား ပရိနိဗ္ဗာန်စံခါနီး လူတွေ၊ နတ်တွေ၊ ဗြဟ္မာတွေက အတီးအမှုတ် တွေနဲ့သီဆိုပြီး ပန်းနံ့သာအမွှေးအကြိုင်တွေနှင့် လိုလေသေးမရှိ အခါမဲ့ပန်းတွေလဲ ပွင့်လို့ ၊ သက်ရှိသက်မဲ့ တွေကတောင် ပူဇော်ကြတာ။
ဒီလိုပူဇော်တာတွေကြည့်ပြီး မြတ်စွာဘုရားက အရှင်အာနန္ဒာကို နောက်ဆုံးမှာသွားတာက ချစ်သား အာနန္ဒာ…… ‘ ဒီလိုပစ္စည်းဝတ္ထုတွေနဲ့ ပူဇော်တာ ငါဘုရားကို ရိုသေလေးစားရာမရောက်ဘူး ၊ မြတ်နိုးကော်ရော် ရာလဲ မရောက်ဘူး၊ ရဟန်းဖြစ်စေ၊ လူဖြစ်စေ တရားနှလုံးသွင်း ရှုမှတ်ပြီး ပူဇော်တာကမှ အကောင်းဆုံး ပူဇော် ရာရောက်တယ် ’ လို့ ဟောထားခဲ့တာ။
ယခု ယောဂီတို့ ဘုရားကြိုက်တဲ့ ပူဇော်နည်းနှင့် ပူဇော်နေကြပြီ။


ဘုရားကသာကယ်နိုင်

လူတွေက သူလို ကိုယ်လိုတွေပေါနေတော့ လူ့ဘ၀ကို လွယ်လွယ်ကူကူရနေတယ်လို့ ထင်နေကြ တာ၊ ရခဲတယ်လို့ မထင်ကြဘူး၊ တန်ဖိုးရှိတယ်လို့မထင်ကြဘူး။
ကိုယ့်ဘ၀ကိုယ် တန်ဖိုးရှိမှန်းမသိကြ၊ မထင်ကြတော့၊ အချိန်တွေဖြုန်းပြီး မေ့မေ့လျော့လျော့ ပေါ့ပေါ့ တန်တန် နေကြတယ်။
သေခါနီးမှ အဖေကယ်ပါ ၊ အမေကယ်ပါ၊ သားကယ်ပါ၊ သမီးကယ်ပါ နှင့် ဘယ်သူမှ မကယ်နိုင်ဘူး၊ လက်ပိုက်ကြည့်နေရတာ။
ကိုယ်လုပ်ထားတဲ့ ကုသိုလိ ကိုယ်လုပ်ထားတဲ့တရားကမှ ကယ်နိုင်တာ။ ဒါကြောင့် --- မဃဒေ၀- က
ရေဘေး မီးဘေး ပြည်ပျက်ဘေးကား - ဆယ်ရေးတစ်ရေး ကယ်နိုင်သေး၏
အိုဘေး နာဘေး သေခြင်းဘေးဟု ဤဘေးသုံးပါး လွန်ကြီးမားကား
သားနှင့်အမိ ဖြစ်တုံဘိလည်း မျက်စိအောက်တွင် ရင်ခွင်တင်လျက်
သက်သက်ရေးပိုင် မကယ်နိုင်ဘူး လက်မှိုင်ချကာ နေရစွာရှင့် …။


တရားလက်လွတ် ငှက်တောင်ကျွတ်

အတောင်ပံအားကိုးပြီး ပျံသန်းနေတဲ့ငှက်ဟာ တောင်ပံကျွတ်သွားရင် တောင်ပံကျိုးသွားရင် ပျံသန်း နိုင်ဦးမလား။
လူတွေလဲ ငယ်ရွယ် သန်မြန်တဲ့အချိန် သွားနိုင်လာနိုင်တုန်း က ဒါနဆိုတဲ့အလှူအတန်းကို တတ်နိုင် သလောက် မလှူမတန်း၊ သီလ ဆိုတဲ့ ငါးပါးသီလ၊ ရှစ်ပါးသီလ ကိုလဲ ဟုတ်တိပတ်တိ မဆောက်တည်၊ သမထ ၀ိပဿနာ တရားကိုလည်း တစ်နာရီ၊ တစ်ရက်မှ ပြည့်အောင်မထိုင်၊ သားကျွေးမှု မယားကျွေးမှုတွေ နှင့် ရက်တွေလတွေနှစ်တွေကုန် အသက်အရွယ်တွေက ကြီးလာတော့ ခြေမနိုင် လက်မနိုင်ဖြစ်တဲ့အချိန် ဘယ်တရားကို အာရုံပြုရမယ် ဘာကိုမှတ်နေရမယ်ဆိုတာတောင် မသိတော့ဘူး။
ဒါနဲ့ မိမိပြုလုပ်ခဲ့တဲ့ မကောင်းတဲ့ နိမိတ်ကထင်လာ၊ အာရုံတွေလွဲမှားပြီး အပယ်လေးပါးဆိုတဲ့ ငရဲ ၊ တိရိစ္ဆာန် ပြိတ္တာ အသူရကာယ် ဘ၀တွေရောက်ရော။
ကိုင်း -- ဘုရားသာသနာတော်ကြီးနှင့် တွေ့ပါလျက် အပါယ်လေးပါးရောက်သွားတာ ------ ကြောက်စရာ မကောင်းဘူးလား၊ သနားစရာမကောင်းဘူးလား။ ‘ ဒါကြောင့် တရားလက်မလွတ်ကြစေနှင့် ’



မိမိရရကိုးကွယ်ကြ

ဗုဒ္ဓံ သရဏံ ဂစ္ဆာမိ
ဓမ္မံ သရဏံ ဂစ္ဆာမိ
သံဃံ သရဏံ ဂစ္ဆာမိ လို့ ဘုရားရှင်က ဟောထားခဲ့တဲ့အတိုင်း ဘုရား တရား သံဃာ ဆိုတဲ့ ရတနာ သုံးပါးကို ဆည်းကပ်ကိုးကွယ်ကြတဲ့အခါ -
ဂစ္ဆာမိ ဆိုတဲ့အတိုင်း မိမိရရ ကိုးကွယ်ကြ ၊ မမိတမိ၊ မထိတထိ ကိုင်ထားကိုးကွယ်ရင် အပါယ် လေးပါး ချောက်ကြီးထဲ ပြုတ်ကြမှာ-
မိမိရရ ကိုင်ထား ကိုးကွယ်ထားတော့ ယခုမျက်မှောက်ဘ၀ရော ၊ နောင်တမလွန် ဘ၀ရော -
 ဘေးရန် အန္တရာယ်တွေလဲ ကင်းရှင်းမယ်
 လောကီ လောကုတ္တရာ စည်းစိမ်တွေလဲ တိုးတက်တယ်
 ကောင်းတဲ့ သုဂတိ ဘုံဘ၀လည်း ရောက်ရတယ်
 မဂ်ဖိုလ် - နိဗ္ဗာန် ချမ်းသာကိုလည်း ဘ၀တိုတိုနှင့် ခံစား စံစားရောက်ရှိနိုင်တာပေါ့
ဒါကြောင့် ရတနာသုံးပါးကို ရိုရိုသေသေ မိမိရရ ဆည်းကပ်ကိုးကွယ်ကြ။


လည်လွန်း၍လွဲခဲ့ကြ

ဘုန်းကြီးတို့ရော ယောဂီတို့ရော - ဂင်္ဂါဝါဠု သဲစုမက - သမုဒ္ဒ၀ါဠု သဲစုမက ဘုရားအဆူဆူပွင့်သွား ကြတာတောင် ပါမသွားဘူး။
ဘယ်ချောင်ကပ်ပြီး ဘယ်ရှောင်တိမ်းလို့ ဘယ်အလည်လွန်နေကြတယ် မသိဘူး။
ဘုန်းကြီး လည်တွေ
ယောင်္ကျား လည်တွေ
မိန်းမ လည်တွေ ချည်းပဲ
သံသရာလုံး လည်လာခဲ့တာ ရှောင်တိမ်းခဲ့တာ ကိုယ့်ကိုကိုယ် သနားစရာ ၀မ်းနည်းစရာတွေ။ အခု ဘုရားစစ်ဘုရားမှန် ၊ တရားစစ် တရားမှန် ၊ သံဃာစစ် သံဃာမှန် တွေ တွေ့ လဲတွေ့နေပြီ။
အချိန်လဲရသေးတယ် --- အားထုတ်လို့လဲရသေးတယ်
ချောင်ကပ်မနေကြနဲ့တော့
ရှောင်တိမ်းမနေကြနဲ့တော့
ကြိုးစားအားထုတ်ကြတော့






ထမင်းလိုမမေ့ကြနှင့်

လူတွေက စားဖို့သောက်ဖို့ ထမင်းဟင်းကြတော့ နေ့စဉ် နေ့တိုင်း စားရမှာမမေ့ကြဘူး မဟုတ်လား၊ ကိုယ့်ကို ကယ်တင်ပေးမယ့် ဘုရား တရား သံဃာ ဆိုတဲ့ ရတနာသုံးပါးကြတော့ တစ်နေ့တစ်ခါ ရှိခိုးဝပ်ချဖို့ ကြတော့ မေ့ကြတယ်။ သတိမရကြဘူး။
မမေ့ကြနှင့် လူ့ဘ၀က အသက်တိုတိုလေး နေရတာ။ ဘယ်သူမှလဲ အသက်တစ်ရာထိ မနေရတော့ဘူး။ အသက်တစ်ရာ နေရတဲ့ ဆေးလဲ မရှိဘူး။ ဆေးရှိရင်လည်း ဘယ်လောက်ပေးရပေးရ ၀ယ်စား ကြမှာ။
အသက်ရှည်တာ တိုတာ အတိတ်ဘ၀က ကိုယ့်ရဲ့ ကိုသိုလ်၊ သီလတွေနှင့် လာခဲ့ကြတာ။ ဒါကြောင့် ယောဂီတို့ လူ့ဘ၀နေရတဲ့ အချိန်ပိုင်းလေးမှာ သီလတွေလဲ လုံခြုံအောင် စောင့်ထိန်းကြ၊ တရားဘာဝနာ တွေလဲ ကြိုးစားအားထုတ်ကြ ။
ဘုရား တရား သံဃာဆိုတဲ့ ရတနာသုံးပါးကိုလဲ ထမင်းစားဖို့ မမေ့သလို နေ့စဉ်ကန်တော့ဖို့ မမေ့ကြပါ နှင့်။

ကိုယ်တိုင်ရှာ ရအောင်ဖြည့်

ကျေးဇူးတော်ရှင် တိပိဋက ယောဆရာတော်ကြီးရဲ့ သံဝေဂဓမ္မ ကဗျာကို ပြန်လည်မျှဝေအပ်ပါတယ်၊ ကိုယ်ရှာတာ ကိုယ့်အတွက်လား လူများအတွက်လားဆိုတာ စဉ်းစားစရာပါ၊ ကိုယ်ရှာတဲ့ ရှာဖွေခြင်းကကော ဗုဒ္ဓအလိုကျ ရှာဖွေခြင်းမျိုးဖြစ်ပြီလား ဆိုတာလဲ ကုသိုလ်ယှဉ်တဲ့အတွေးနဲ့ တွေးသင့်ပါတယ်၊

ရာထူးဂုဏ်သိန်၊ စည်းစိမ်ဥစ္စာ၊

အဖြာဖြာသည်

ငါ့ဟာ ငါ့ဟာ သမုတ်ပါလည်း၊

ခန္ဓာကြွေပျောက် သေပြီးနောက်ဝယ်၊

ကိုယ့်နောက်မပါ၊ အိမ်ဂေဟာ၌၊

စုကာပုံလျက် ကျန်နေခဲ့၏။

ဆွေမျိုးမိဘ အ၀၀သည်၊ ချစ်ကြသော်လည်း၊

မလွဲမသွေ ကွဲရပေမည်၊

သေရာကိုယ့်နောက်၊ တစ်ယောက်မပါ၊

ငိုယိုကာဖြင့်၊ မြှုပ်ရာသင်္ချိုင်း၊

မြေလုပ်တိုင်းမှ၊ မဆိုင်းမတွ၊

ပြန်ကြလေ၏၊

ကိုယ်တိုင်စီမံ၊ ကုသိုလ်ကံသာ၊

မကွာကိုယ့်နောက်၊ တကောက်ကောက်၊

လိုက်တတ်မြဲမို့၊

ကိုယ့်ဖို့ဥစ္စာ၊ ကိုယ်တိုင်ရှာ၊

ရှိကာရှိတုန်း ရအောင်ဖြည့်။ ။

သြ၀ါဒ ၁၀၁

မိမိဘလော့စာမျက်နှာကို မေတ္တာရှေ့ထားရောက်လာသူများကို ပို့စ်အသစ်မတင်နိုင်ခြင်းအတွက် နားလည်ပေးဖို့ တောင်းပန်အပ်ပါတယ်၊ ခရီးထွက်နေဆဲ အချိန်မို့ ဘလော့ဖက်ကို သိပ်မလှည့်ဖြစ်တာပါ၊ အခုလဲ အီးမေးလ်က ရတဲ့ ပထမရွှေကျင်ဆရာတော်ကြီးရဲ့ ဩ၀ါဒကို ပြန်လည်မျှဝေပါတယ်၊ အဆုံးအမ လမ်းညွှန်မှုကို လက်ခံနိုင်သည့် သောဝစဿတာ မင်္ဂလာနဲ့ ပြည့်စုံနိုင်ပါစေလို့ ဆန္ဒမွန်ပြုပါတယ်။ ။

၁။ ယစ်မသည် ဥအတွက်အသေခံသည်။
၂။ စာမရီသားကောင်သည် အမြီးအတွက် အသေခံသည်။
၃။ ရဟန်းသည် သီလအတွက် အသေခံသည်။
၎။ သစ်ပင်အားနည်းလျှင် လေမုန်တိုင်း တိုက်လှဲသည်။
၅။ ရဟန်းသမာဓိနည်းလျှင် ကိလေသာမုန်တိုင်း တိုက်လှဲသည်။
၆။ စိတ်သည် တောမျောက်ကဲ့သို့ လော်လည်ဧ။် ။ အလိုမလိုက်ရာ။
၇။ ကာလကို လူ-မစားလျှင် လူကို ကာလ စားသည်။
၈။ သည်းခံခြင်း လက်နက်ဆောင်လျှင် ဒေါသမီး မလောင်။
၉။ တုတ်လက်နက်ဆောင်လျှင် ခွေးဟောင်သည်။
၁၀။ ဦးခေါင်းပြောင်ရိတ်ခြင်းသည် မာနကိုလည်း ရိတ်သည်မည်ဧ။် ။

၁၁။ ဦးချိုကျိုးသော နွားသည် မာနလည်းကျိုးသည်။
၁၂။ မြွေဆိုး ပါးပျဉ်းထောင်လျှင် လူရိုက်ခံရသည်။
၁၃။ ရန်မထောင်မှ ရန်အောင်သည်။ ရန်ထောင် ရန်လှောင်မိတတ်သည်။
၁၄။ ရန်မလိုမှ ရန်ပြိုသည်။ ရန်လို ရန်ပိုတတ်လှသည်။
၁၅။ သလေးနှံ အဆံမရှိခင် ထောင်သည်။ အဆံပြည့်လျှင် ညွတ်သည်။
၁၆။ ဂါရ၀ကင်းသူ ဂုဏ်သတင်းမပြူ။ နွားစာငုတ်တိုနှင့်တူသည်။
၁၇။ သူတစ်ပါးလှေကို ဖာနိုင်လျှက် မိမိလှေကို မဖာလျှင် ရေနစ်တတ်သည်။
၁၈။ ဥဒေါင်းငှက် အက ကောင်းသော်လည်း စအိုပေါ်၍ အဆိုအမည်ခံရသည်။
၁၉။ ရေကန်၌ မှော်ကိုဖယ်၍ သောက်ရေခတ်ရသည်။
၂၀။ မသူတော်၌ အပြစ်ကိုဖယ်၍ ဂုဏ်ကောင်းရှာရသည်။

၂၁။ တုံးတတားလျှောက်စဉ် အရပ်တစ်ပါးမကြည့်နှင့် ချောက်သို့ကျလိမ့်မည်။
၂၂။ သံသရာတံတားလျှေက်စဉ် သူတစ်ပါးအပြစ်မကြည့်နှင့် သံသရာချောက်သို့ ကျလိမ့်မည်။
၂၃။ တရားပွဲကား လူကျဲတဲ၊ ရပ်ရွာပျော်ပွဲ တသဲသဲ။
၂၄။ ရိုသေစွာ ခစားလျှင် မင်းခစားပင် မင်းကိုနိုင်သည်။
၂၅။ အဆင်းလှလျှင် အိမ်သူဇနီးပင် လင်ကိုနိုင်သည်။
၂၆။ ကျင့်ဝတ်မချွှတ်လျှင် တပည့်ပင် ဆရာကိုနိုင်သည်။
၂၇။ မြင်းနိုင်လို ဇက်ဆွဲ၊ လှေနိုင်လို တက်ဆွဲ၊ ဆရာနိုင်လို ကျင့်ဝတ်ရိုသေမြဲ။
၂၈။ အပြစ်ပြ၍ ဆုံးမသူကို ရွှေအိုးပေးသူဟု ဆည်းကပ်ရမည်။
၂၉။ ပန်းပဲဆရာ အထုမခံသော သံတုံး လက်နက်မဖြစ်။
၃၀။ ကျောက်ဆစ်ဆရာ အဖြတ်မခံသော ကျောက်တုံး အရုပ်မဖြစ်။

၃၁။ ဆရာကောင်းအဆုံးအမ မခံသောတပည့် သူကောင်းမဖြစ်။
၃၂။ ရေနက်ရာသို့ ပြေးဝင်သော ငါး ကျီးငှက်အစာမဖြစ်။
၃၃။ အဆုံးအမသို့ ပြေးဝင်သောတပည့် မာရ်နတ်အစာမဖြစ်။
၃၄။ နွားကျောင်းသားသည် နွား-ခြင်မကိုက်အောင် မီးခိုးတိုက်သည်။
၃၅။ ဆရာသည် တပည့် ကိလေသာခြင် မကိုက်အောင် တရားမီးခိုးတိုက်သည်။
၃၆။ မြေခွေးသည် ခြင်္သေ့စားကြွင်းဖြင့် မာန်တက်သည်။
၃၇။ ပုထုဇဉ်သည် အရိယာစားကြွင်းဖြင့် မာန်တက်သည်။
၃၈။ ဖားငယ်သည် ဆောင့်ကြောင့်ထိုင်လျှက် ခြင်္သေ့မာန်တက်လျှက် ကျီးချီသောအခါ ပီယတ်ပီယတ်မြည်သည်။
၃၉။ ပုထုဇဉ်သည် လာတ်ပေါလျှင် သူဌေးမာန်တက်လျှက် ဖျားနာသောအခါ တအင်အင်ညည်းသည်။
၄၀။ ကြာပင်အောက်ကဖား ကြာဝတ်ဆံမစား ရွှံ့စားသည်။
ပိတုံးကား အဝေးမှကြာဝတ်ဆံ လာစားသည်။

၄၁။ သာသနာတွင်းသား သာသနာဝတ်ဆံမစားလျှင် ပိတုံးအား ရှက်သင့်သည်။
၄၂။ သစ်ပင်ကြီးသည် ခုတ်လှဲသူကို မလှဲမချင်း အရိပ်ဖြင့် အေးစေဧ။် ။
၄၃။ နံ့သာတုံးသည် မီးရှို့သူကို မကျွှမ်းမခြင်း အနံ့ဖြင့် မွှေးစေဧ။် ။
၄၄။ သူတော်ကောင်းသည် ညှင်းဆဲသူကိုသော်လည်း မသေမချင်း အကျိုးဆောင်ဧ။် ။
၄၅။ တောမီးသည်သစ်ရွက်ခြောက်ကို လောင်လွယ်ဧ။် ။ သစ်ရွက်စိုကို မတတ်နိုင်။
၄၆။ မသူတော်မီးသည် မေတ္တာခန်းသူကို လောင်လွယ်ဧ။် ။ မေတ္တာဖြန်းသူကို မတတ်နိုင်။
၄၇။ ဆေးဆရာသည် လူနာနှင့်ပြိုင်၍ အသက်မထွက်ကောင်း။
၄၈။ အကောင်းသည် အရူးနှင့်ပြိုင်၍ အ၀တ်မလစ်ကောင်း။
၄၉။ သူတော်ကောင်းသည် မသူတော်နှင့်ပြိုင်၍ ဒေါသမဖြစ်ကောင်း။
၅၀။ ကျားကြောက်၍ ပြေးစဉ် ခွေးဟောင်သည်ကို အရေးမယူရ။

၅၁။ ငရဲကြောက်၍ သီလစောင့်စဉ် မသူတော်ညှင်းသည်ကို အရေးမယူရ။
၅၂။ ရန်သူကို မီးခဲ ကိုင်ပစ်လျှင် မိမိလက် ရှေးဦးစွာ လောင်ဧ။် ။
၅၃။ ရန်သူကို အမျက်ထွက်လျှင် မိမိဂုဏ် ရှေးဦးစွာ ပျက်၏ ။
၅၄။ ရန်သူလာဆဲ၍ ပြန်ဆဲလျှင် မိမိလည်း အရှက်ကွဲ၏ ။
၅၅။ မာရ်နတ်ပစ်သော လက်နက်သည် သည်းခံသော ဘုရားရှေ့၌ ပန်းကုံးအသွင်ဖြင့် အဖူးအမျှော်ဝင်ဧ။် ။
၅၆။ သမုဒ္ဒရာရေ မီးကြောင့် မကျွှမ်း၊ မြင်းမိုရ်တောင် လေကြောင့် မလှုပ်၊ ကျောက်ခဲ ရေကြောင့် မကြေ၊ သူတော်ကောင်း မသူတော်ကြောင့် မတုန်လှုပ်။
၅၇။ မသူတော် အမျက်ကြောင့် သူတော်ကောင်းဂုဏ်ပျက်မခံ။
၅၈။ သူတော်ကောင်း အမျက်ထွက်လျှင် မသူတော် အလိုပြည့်သည်။
၅၉။ ရန်သူညှင်းဆဲခြင်းသည် မိမိ၏ ရှေးကံ ရှေးဥစ္စာပင်တည်း။
၆၀။ မိမိကံကြောင့် မိမိ ဒုက္ခတွေ့သည် ဘယ်သူမပြု မိမိမှု။

၆၁။ ညဥ့်အခါ သားကို ခွေးထင်၍ သတ်သော အဘသည် သား၏ ရန်သူလော။
၆၂။ သစ်ပင်မှ ကျသေလျှင် သစ်ပင်သည် ထိုသူ၏ ရန်သူလော။
၆၃။ စစ်သူရဲသည် ပြင်ပရန်သူကို နိုင်သော်လည်း အတွင်း ရန်သူမှ ရှုံး၏ ။
၆၄။ အမျက်ထွက်သူကို အမျက်မထွက်သူ အမြဲ နိုင်၏ ။
၆၅။ မကောင်းပြောသူကို အကောင်းပြောသူ အမြဲ နိုင်၏ ။
၆၆။ စေးနှဲသူကို ပေးကမ်းသူ အမြဲ နိုင်၏ ။
၆၇။ မုသားဆိုသူကို သစ္စာဆိုသူ အမြဲ နိုင်၏ ။
၆၈။ သိကြားမင်း လက်နက်ကား မိုးကြိုး။
၆၈။ ယမမင်း လက်နက်ကား မျက်စောင်း။
၆၉။ ဝေဿ၀ဏ် လက်နက်ကား အစွယ်။
၇၀။ မသူတော်လက်နက်ကား ဒေါသ။

၇၁။ သူတော်ကောင်း လက်နက်ကား ခန္တီ။(သည်းခံခြင်း)
၇၂။ ဗီလုံးငှက်သော်လည်း ကျွဲခြေရာခွက်ကို အမှီရလျှင် ဂဠုန်နှင့်တူ၏ အန္တရာယ်မရှိ။
၇၃။ ပုထုဇဉ်သော်လည်း သီလရှိလျှင် အရိယာနှင့်တူ၏ ။ အပါယ်မရောက်။
၇၄။ ရေရှိမှ ကြာပွားသည် သီလရှိမှ သမာဓိ များသည်။
၇၅။ ဗဟုဿုတရှိလျှက် သီလမရှိလျှင် ရေမတည်သော ကန်နှင့်တူ၏ ။
၇၆။ ပညာရှိလျှက် သီလမရှိလျှင် အသီးမရှိသော သစ်ပင်နှင့်တူ၏ ။
၇၇။ သီလရှိမှ ဒါနနှင့် ဘာဝနာအကျိုးပေးသန်သည်။
၇၈။ ပင်လယ်ကူးလိုလျှင် လှေသင်္ဘောတည်။ နတ်ပြည်တက်လိုလျှင် သီလလှေကားထောင်။
၇၉။ ပင်လယ်ကူးလိုလျှင် သင်္ဘောလုံအောင်ဖာ။သံသရာကူးလိုလျှင် သီလလုံအောင်ဖာ။
၈၀။ လောကီဥစ္စာစောင့်လျှင် တစ်သက်ချမ်းသာဧ။် ။

၈၁။ သီလစောင့်လျှင် ဘ၀အဆက်ဆက် ချမ်းသာဧ။် ။
၈၂။ ဆီမီးသည် လင်းခိုက် လူလယ်တင့်၏ ။ ငြိမ်းလျှင် မှောင်၏ ။ ညှော်နံ့ထွက်၏ ။
၈၃။ သီလသည် စောင့်ထိန်းခိုက် လူလယ်တင့်၏ ။ ပျက်လျှင် မှောက်၏ ။ ညှော်နံ့ထွက်၏ ။
၈၄။ တောအုပ်၌ မိဘကင်းသော သားသမီး ကျားစာဖြစ်၏ ။
၈၅။ သာသနာ၌ ဩ၀ါဒကင်းသော ရဟန်း မာရ်နတ်အစာဖြစ်၏ ။
၈၆။ ပေါက်ဖက်သော်လည်း မြလေးပန်းမှီ၍ လူဦးခေါင်းထက် ရောက်သည်။
၈၇။ မြေခွေးသော်လည်း ခြင်္သေ့မင်းခစား၍ ကျားမကိုက်နိုင်။
၈၈။ သူကန်းသော်လည်း ခြေသံနားထောင်လျှက် လိုရာအရပ် ရောက်သေးသည်။
၈၉။ ခြင်္သေ့သည် ကျားကိုနိုင်၏ ကိုယ်တွင်း ခွေးလေးသန်းကို မနိုင်။
၉၀။ မသူတော်သည် သူတော်ကောင်းကိုနိုင်၏ ။ ကိုယ်တွင်းအကုသိုလ်ကို မနိုင်။

၉၁။ ကျင်ကြီးသည် နွေးသည်ဖြစ်စေ အေးသည်ဖြစ်စေ အဆင်းလှသည်ဖြစ်စေ မလှသည်ဖြစ်စေ ရွံဘွယ်သာတည်း။
၉၂။ မသူတော်သည် အမျက်ထွက်သည်ဖြစ်စေ မထွက်သည်ဖြစ်စေ စကားလှသည်ဖြစ်စေ မလှသည်ဖြစ်စေ ရွံဘွယ်သာတည်း။
၉၃။ မီးခဲသည် ပူသောအခါ လက်လောင်၏ အေးသောအခါ လက်မဲ၏ ။
၉၄။ မသူတော်သည် ဒေါသအခါ ကြောက်စရာ လောဘအခါ ရွံစရာဖြစ်၏ ။
၉၅။ ခွေးရူးကိုက်လျှင် ထိုသူရူး၏ ။ ထိုသူကိုက်လျှင် နောက်လူ ရူး၏ ။
၉၆။ ခွေးရူးသည် လူကောင်းအဆက်ဆက်ကို ရူးစေ၏ ။
၉၇။ မသူတော်သည် လူကောင်းအဆက်ဆက်ကို ယုတ်မာစေ၏ ။
၉၈။ ပဒုမ္မာကြာရိုးသည် ထက်ပိုင်းပြတ်သော်လည်း အမျှင်မပြတ်။
၉၉။ သူတော်ကောင်းသည် အဆက်ပြတ်သော်လည်း မေတ္တာမပြတ်။
၁၀၀။ အဆင်းမှီ၍ အကျင့်ပျက်လျှင် ထိုအဆင်းသည် ရွံဘွယ်တည်း
၁၀၁။ပညာမှီ၍ မာန်တက်လျှင် ထိုပညာသည် ရွံဘွယ်တည်း။

မိမိကိုယ်ကို ဆင်ခြင်နည်း

ဘဒ္ဒန္တ သီရိန္ဒာဘိဝံသ ၊ မစိုးရိမ်ဆရာတော်ကြီး ၏ ဩ၀ါဒကထာကို ပြန်လည်ဖော်ပြပါသည်၊

၁။ ပါပိစ္ဆာ--
အလိုဆိုးရှိသောသူကို ငါသည် မချစ် မနှစ်သက်။
“ငါလည်း အလိုဆိုးရှိသူ ဖြစ်လျှင် ငါ့ကိုလည်း သူတပါးတို့ ချစ်ခင်နှစ်သက်ကြမည် မဟုတ်” ဟု ရှုဆင်ခြင်၍ အလိုဆိုးရှိသူ မဖြစ်ရအောင် စိတ်ကို ဖြစ်စေရမည်။

၂။ အတ္တုက္ကံသန ပရဝမ္ဘန--
မိမိကိုယ်ကို မြှင့်တင်၊ သူတစ်ပါးကို ရှုတ်ချတတ်သောသူကို ငါသည် မချစ် မနှစ်သက်။
“ငါလည်း မိမိကိုယ်ကို မြှင့်တင်၊ သူတစ်ပါးကို ရှုတ်ချတတ်သူဖြစ်လျှင် ငါ့ကိုလည်း သူတပါးတို့ ချစ်ခင်နှစ်သက်ကြမည် မဟုတ်” ဟု ရှုဆင်ခြင်၍ မိမိကိုယ်ကို မြှင့်တင် သူတပါးကို ရှုတ်ချသူ မဖြစ်ရအောင် စိတ်ကို ဖြစ်စေရမည်။

၃။ ကောဓန--
အမျက်ထွက်သူကို ငါသည် မချစ် မနှစ်သက်။
“ငါလည်း အမျက်ထွက်သူဖြစ်လျှင် ငါ့ကိုလည်း သူတပါးတို့ ချစ်ခင် နှစ်သက်ကြမည် မဟုတ်” ဟု ရှုဆင်ခြင်၍ အမျက်ထွက်သူ မဖြစ်ရအောင် စိတ်ကို ဖြစ်စေရမည်။

၎။ ဥပနာဟီ --
အမျက်ထွက်ခြင်းဟူသော အကြောင်းကြောင့် ရန်ငြိုးဖွဲ့သူကို ငါသည် မချစ် မနှစ်သက်။
“ငါလည်း ရန်ငြိုးဖွဲ့တတ်သူဖြစ်လျှင် ငါ့ကိုလည်း သူတပါးတို့ ချစ်ခင်နှစ်သက်ကြ မည် မဟုတ်” ဟု ရှုဆင်ခြင်၍ ရန်ငြိုးဖွဲ့တတ်သူ မဖြစ်ရအောင် စိတ်ကို ဖြစ်စေရမည်။

၅။ အဘိသင်္ဂိ --
အမျက်ထွက်ခြင်းဟူသော အကြောင်းကြောင့် အစွဲကြီးသူကို ငါသည် မချစ် မနှစ်သက်။
“ငါလည်း အစွဲကြီးသူဖြစ်လျှင် ငါ့ကိုလည်း သူတပါးတို့ ချစ်ခင်နှစ်သက်ကြမည် မဟုတ်” ဟု ရှုဆင်ခြင်၍ အစွဲကြီးသူ မဖြစ်ရအောင် စိတ်ကို ဖြစ်စေရမည်။

၆။ ကောဓနော ကောဓသာမန္တဝါစံ နိစ္ဆာရေတာ --
ရန်စကားပြောသူကို ငါသည် မချစ် မနှစ်သက်။
“ငါလည်း ရန်စကားပြောသူဖြစ်လျှင် ငါ့ကိုလည်း သူတပါးတို့ ချစ်ခင် နှစ်သက်ကြမည် မဟုတ်” ဟု ရှုဆင်ခြင်၍ ရန်စကားပြောသူ မဖြစ်ရအောင် စိတ်ကို ဖြစ်စေရမည်။

၇။ ပရိပ္ဖရတိ--
စောဒက က စောဒနာသော် စောဒကကို ဆန့်ကျင်ဘက်ပြုသူကို ငါသည် မချစ် မနှစ်သက်။
“ငါလည်း စောဒက-က စောဒနာသော် စောဒကကို ဆန့်ကျင်ဘက် ပြုသူဖြစ်လျှင် ငါ့ကိုလည်း သူတပါးတို့ ချစ်ခင် နှစ်သက်ကြမည် မဟုတ်”ဟု ရှုဆင်ခြင်၍ စောဒက-က စောဒနာသော် စောဒကကို ဆန့်ကျင်ဘက် ပြုသူ မဖြစ်ရအောင် စိတ်ကို ဖြစ်စေရမည်။

၈။ အပသာဒေတိ--
စောဒက-က စောဒနာသော် စောဒကကို ကြိမ်းမောင်းသော သူကို ငါသည် မချစ် မနှစ်သက်။
“ငါလည်း စောဒက-က စောဒနာသော် စောဒကကို ကြိမ်းမောင်သူဖြစ်လျှင် ငါ့ကိုလည်း သူတပါးတို့ ချစ်ခင် နှစ်သက်ကြမည် မဟုတ်” ဟု ရှုဆင်ခြင်၍ စောဒက-က စောဒနာသော် စောဒကကို ကြိမ်းမောင်းသူ မဖြစ်ရအောင် စိတ်ကို ဖြစ်စေရမည်။

၉။ ပစ္စာရောပေတိ--
စောဒက-က စောဒနာသော် စောဒကကို အပြစ်ပြန်တင်သော သူကို ငါသည် မချစ် မနှစ်သက်။
“ငါလည်း စောဒက-က စောဒနာသော် စောဒကကို အပြစ်ပြန်တင်သူဖြစ်လျှင် ငါ့ကိုလည်း သူတပါးတို့ ချစ်ခင် နှစ်သက်ကြမည် မဟုတ်” ဟု ရှုဆင်ခြင်၍ စောဒက-က စောဒနာသော် စောဒကကို အပြစ်ပြန်တင်သူ မဖြစ်ရအောင် စိတ်ကို ဖြစ်စေရမည်။

၁၀။ အညေနညံ ပဋိစရတိ ဗဟိဒ္ဓါ ကထံ အပနာမေတိ ကောပဉ္စ ဒေါသဉ္စ အပ္ပစ္စယဉ္စ ပါတုကရောတိ--
စောဒက-က စောဒနာသော် စကားတစ်မျိုးဖြင့် စကားတစ်မျိုးကို ဖုံးလွှမ်းတတ်သော၊ စကားကို အပသို့ လွှဲဖယ်တတ်သော၊ အမျက်ထွက်ခြင်း ပြစ်မှားခြင်း စိတ်ဆိုးခြင်းကို ထင်ရှားပြုတတ်သော သူကို ငါသည် မချစ် မနှစ်သက်။

“ငါလည်း စောဒကက စောဒနာသော် စကားတစ်မျိုးဖြင့် စကားတစ်မျိုးကို ဖုံးလွှမ်းတတ်သော၊ စကားကို အပသို့ လွှဲဖယ်တတ်သော၊ အမျက်ထွက်ခြင်း ပြစ်မှားခြင်း စိတ်ဆိုးခြင်းကို ထင်ရှားပြုတတ်သောသူဖြစ်လျှင် ငါ့ကိုလည်း သူတပါးတို့ ချစ်ခင်နှစ်သက်ကြမည် မဟုတ်” ဟု ရှုဆင်ခြင်၍ စောဒက-က စောဒနာသော် စကားတစ်မျိုးဖြင့် စကားတစ်မျိုးကို ဖုံးလွှမ်းတတ်သော၊ စကားကို အပသို့ လွှဲဖယ်တတ်သော၊ အမျက်ထွက်ခြင်း ပြစ်မှားခြင်း စိတ်ဆိုးခြင်းကို ထင်ရှားပြုတတ်သောသူ မဖြစ်ရအောင် စိတ်ကို ဖြစ်စေရမည်။

၁၁။ အပဒါနေ န သမ္ပာယတိ--
စောဒကက စောဒနာသော် မိမိ၏ ဖြစ်စဉ် အတ္ထုပ္ပတ္တိကို ပြေလည်အောင် မဖြေဆို နိုင်သောသူကို ငါသည် မချစ် မနှစ်သက်။

“ငါလည်း စောဒကက စောဒနာသော် မိမိ၏ ဖြစ်စဉ် အတ္ထုပ္ပတ္တိကို ပြေလည်အောင် မဖြေဆိုနိုင်သောသူဖြစ်လျှင် ငါ့ကိုလည်း သူတပါးတို့ ချစ်ခင် နှစ်သက်ကြမည် မဟုတ်” ဟု ရှုဆင်ခြင်၍ စောဒကက စောဒနာသော် မိမိ၏ ဖြစ်စဉ် အတ္ထုပ္ပတ္တိကို ပြေလည်အောင် ဖြေဆိုတတ်သူ ဖြစ်ရအောင် စိတ်ကို ဖြစ်စေရမည်။

၁၂။ မက္ခီ ပဠာသီ--
ဂုဏ်ကျေးဇူး ချေဖျက်သူ၊ ဂုဏ်ပြိုင်သူကို ငါသည် မချစ် မနှစ်သက်။
“ငါလည်း ဂုဏ်ကျေးဇူး ချေဖျက်သူ၊ ဂုဏ်ပြိုင်သူဖြစ်လျှင် ငါ့ကိုလည်း သူတပါးတို့ ချစ်ခင်နှစ်သက်ကြမည် မဟုတ်” ဟု ရှုဆင်ခြင်၍ ဂုဏ်ကျေးဇူး ချေဖျက်သူ၊ ဂုဏ်ပြိုင်သူ မဖြစ်ရအောင် စိတ်ကို ဖြစ်စေရမည်။

၁၃။ ဣဿုကီ မစ္ဆရီ--
မနာလို ဝန်တိုသူကို ငါသည် မချစ် မနှစ်သက်။
“ငါလည်း မနာလို ဝန်တိုသူဖြစ်လျှင် ငါ့ကိုလည်း သူတပါးတို့ ချစ်ခင် နှစ်သက်ကြ မည် မဟုတ်” ဟု ရှုဆင်ခြင်၍ မနာလို ဝန်တိုသူ မဖြစ်ရအောင် စိတ်ကို ဖြစ်စေရမည်။

၁၄။ သဌော မာယာဝီ --
ဟန်ဆောင်သူ လှည့်ပတ်သူကို ငါသည် မချစ် မနှစ်သက်။
“ငါလည်း ဟန်ဆောင်သူ လှည့်ပတ်သူဖြစ်လျှင် ငါ့ကိုလည်း သူတပါးတို့ ချစ်ခင် နှစ်သက်ကြမည် မဟုတ်” ဟု ရှုဆင်ခြင်၍ ဟန်ဆောင်သူ လှည့်ပတ်သူ မဖြစ်ရအောင် စိတ်ကို ဖြစ်စေရမည်။

၁၅။ ထဒ္ဓေါ အတိမာနီ --
ခက်ထန် မောက်မာသောသူကို ငါသည် မချစ် မနှစ်သက်။
“ငါလည်း ခက်ထန် မောက်မာသောသူဖြစ်လျှင် ငါ့ကိုလည်း သူတပါးတို့ ချစ်ခင် နှစ်သက်ကြမည် မဟုတ်” ဟု ရှုဆင်ခြင်၍ ခက်ထန် မောက်မာသောသူ မဖြစ်ရအောင် စိတ်ကို ဖြစ်စေရမည်။

၁၆။ သန္ဒိဋ္ဌိ ပရာမာသီ အာဒါနဂ္ဂါဟီ ဒုပ္ပဋိနိဿဂ္ဂီ --
မိမိအယူကို စွဲလမ်းတတ်သော၊ မြဲမြံစွာ ယူတတ်သော၊ မစွန့်လွှတ်နိုင်သောသူကို ငါသည် မချစ် မနှစ်သက်။

“ငါလည်း မိမိအယူကို စွဲလမ်းတတ်သော၊ မြဲမြံစွာ ယူတတ်သော ၊ မစွန့်လွှတ်နိုင် သောသူဖြစ်လျှင် ငါ့ကိုလည်း သူတပါးတို့ ချစ်ခင် နှစ်သက်ကြမည် မဟုတ်” ဟု ရှုဆင်ခြင်၍ မိမိအယူကို စွဲလမ်းတတ်သော ၊ မြဲမြံစွာ ယူတတ်သော၊ မစွန့်လွှတ်နိုင်သောသူ မဖြစ်ရအောင် စိတ်ကို ဖြစ်စေရမည်။

ဤသို့ နေ့ရော ညပါ အခါမလပ် ရှုဆင်ခြင်ပါက “ပီတိ ပါမောဇ္ဇ” တရား တနေ့တခြား တိုးပွားလာသည့်အပြင် ကြေးမုံ မှန်ပြင်ကို ကြည့်ရှုသောသူသည် မိမိမျက်နှာရိပ်ကို ထင်ရှားစွာ တွေ့မြင်ရဘိသကဲ့သို့ --
“အပါယဂမနီယ အကုသိုလ်ပါပဓမ္မများ” ကို “မိမိလက်ကို အတင်းအကြပ် ဆွဲခေါ်နေသော သူသတ်သမား” အသွင် ထင်မြင်လာပါတော့သည်။

ထိုအခါ အကုသိုလ်တရားများကို ပယ်ရှားရန်အတွက် “ကသိုဏ်းပရိကမ် အလုပ်”ကို အားထုတ်လျက် “ ဝိပဿနာတရား” ထပ်ဆင့်ပွားများပြီးလျှင် “သန္တိသုခ အမတနန်း” သို့ တက်လှမ်းနိုင်မည်သာ ဖြစ်ပါတော့သည်။

သူတော်ကောင်းတို့ရဲ့ ဘ၀လမ်းညွှန် (၅)

မသွားဘဲနဲ့ နီးနေတာ တစ်ခု

မသွားဘဲနဲ့ နီးနေတာ တစ်ခုရှိတယ်၊ ဒါကတော့ သုဿာန်ပေါ့၊
ဘယ်သူမှ သုဿာန်ကို သွားလည်း မသွားဘူး၊သွားလဲ မသွားချင်ဘူး
၊ဒါပေမယ့် သွားလဲမသွားဘဲနဲ့ အိမ်ထဲနေရင်း မနေ့ကထက် ဒီကနေ့ သုဿာန်နဲ့
နီးလာပြီ၊ အရင်လထက် ယခုလက သုဿာန်ဘက် နီးလာပြီ၊အရင်နှစ်တုန်းကထက်
ဒီနှစ်သုဿာန်နဲ့ ပိုနီးလာပြီ။ လောကမှာ မသွားဘဲနဲ့ အလိုအလျောက်နီးလာတာက
သုဿာန်၊ သင်္ခါရကြိုးကဆွဲ ဆွဲသွားတော့ အမြဲတမ်းနီးနေတာပဲ။

ခန္ဓာကို မိတ်ဆွေဖွဲ့ရတယ်

ခန္ဓာကြီးကို နေ့စဉ်ကျွေးရသလို ကျွေးရကျိုးနပ်အောင် ခိုင်းရတယ်၊
ခန္ဓာကို မိတ်ဆွေဖွဲ့ရတယ်။ ခန္ဓာက မိတ်ဆွေမဖွဲ့ ရင် အိုပစ်လိုက်ရမလား
နာပစ်လိုက်ရမလား သေပစ်လိုက်ရမလားနဲ့ အမြဲခြိမ်းခြောက်နေတာ။

အိုတာ နာတာ သေတာ ခန္ဓာရဲ့ အလုပ်ပဲ၊ ဒါပေမယ့် ခန္ဓာကို သီလဖြစ်အောင်
သမာဓိပေါ်အောင် ၀ိပဿနာပေါ်လာအောင် ကိုယ်ကကျွေးမယ်
ပြီးတော့ကျွေးရကျိုးနပ်အောင်

ဒါနစွမ်းအားနဲ့ ကျေးဇူးဆပ်ခိုင်း၊
သီလစွမ်းအားနဲ့ ပြန်တောင်း၊
သမာဓိစွမ်းအားနဲ့ ပြန်ထုတ်ခိုင်း၊
ဝိပဿနာစွမ်းအား ရအောင်တောင်းယူ

အဲသလို ဥာဏ်ရှိတဲ့ ပုဂ္ဂိုလ်က ခန္ဓာကို မိတ်ဆွေဖွဲ့ပြီး စွမ်းအားကို လိမ်မာပါးနပ်စွာယူတယ်။

တိပိဋကဓရ ယောဆရာတော်

အလုပ်သမား သုံးမျိုး

အလုပ်သမား သုံးမျိုးရှိပါတယ်၊

၁။ လုပ်ရမယ်ဆိုလို့ လုပ်တဲ့ အလုပ်သမားက တစ်မျိုး
၂။ လုပ်ရမယ်ထင်လို့ လုပ်တဲ့ အလုပ်သမားက တစ်မျိုး
၃။ လုပ်ရမယ်မြင်လို့ လုပ်တဲ့ အလုပ်သမားက တစ်မျိုးလို့ သုံးမျိုးရှိပါတယ်။

၁။ လုပ်ရမယ်ဆိုလို့ လုပ်တဲ့ အလုပ်သမားဆိုသည်မှာ တာဝန်ပေးချက်အရ စေခိုင်းချက်အရ ဆောင်ရွက်ရတဲ့ ပုဂ္ဂိုလ်များဖြစ်တယ်။ တာဝန်ကျေအောင်တော့ လုပ်တတ်ကြ လုပ်နိုင်ကြတယ်၊
အချိန်စေ့အောင် လုပ်ငန်းပြီးအောင်တော့ ကြိုးစားပြုလုပ်အားထုတ်တတ်ကြတယ်၊ သို့သော်လည်း ကိုယ့်အတွက် တရားစွမ်းအား အနှစ်ပါအောင် ယူဖို့ကျတော့ သတိမပြုမိတတ်ဘဲ နေကြပါတယ်။

၂။ လုပ်ရမယ်ထင်လို့ လုပ်တဲ့ အလုပ်သမားဆိုတာ အထင်လေးပါလာတော့ စိတ်ဝင်စားမှုရှိတယ်၊ သို့သော်လည်း အထင်ဟာ အမြင်မဟုတ်တဲ့အတွက် စွမ်းအားတွေ တိတိကျကျ ပြည့်ပြည့်၀၀ ရအောင်ယူနိုင်ဖို့ ခက်ခဲနေပါတယ်၊ အထင်ဆိုတာ စာစကားနဲ့ပြောရင် တဏှာ မာန ဒိဋ္ဌိ သံသာရာနယ်ချဲ့တွေ နေရာတိုင်းမှာ ဘောင်ကန့်သတ်ချက်ချည်းပါနေတဲ့ ဆောင်ရွက်မှုမျိုးစုံတွေပါပဲ၊
ငါ့အတွက်ပါမှ လုပ်နိုင်မယ်၊ ငါ့အတွက် မပါရင် မလုပ်နိုင်ဘူး ငါနဲ့ပတ်သက်တဲ့ ပုဂ္ဂိုလ်အတွက် ခံစားခွင့်ပါမှ လုပ်နိုင်မယ်၊ ခံစားခွင့်မပါရင် မလုပ်နိုင်ဘူး စသည်ဖြင့် ဘောင်တံတိုင်း ကျဉ်းမြောင်းမှု ဘောင်ခတ်မှုတွေပါနေတယ်၊
အဲဒီပုဂ္ဂိုလ်များရဲ့ ဆောင်ရွက်ချက်သည် စ်ိတ်ဝင်စားမှုရှိသော်လည်း ကိုယ့်ဝန်ကိုယ်ထမ်း လူ့အစွမ်းဆိုတဲ့ကိုယ်ပိုင်တရား အနှစ်အထိရအောင် ယူနိုင်တဲ့ အင်အားဆိုတာ ပါချင်မှ ပါမှာပေါ့။

၃။ လုပ်ရမယ် မြင်လို့လုပ်တဲ့ အလုပ်သမားဆိုတာကတော့ ပညာဦးစီးလာတယ်၊ သဒ္ဓါတရားပါလာတယ်၊ မေတ္တာတရားပါလာတယ်၊ ရောက်တဲ့နေရာ ကိုယ့်အရပ် တွေ့တဲ့သူဟာကိုယ့်ဆွေမျိုး ကိုယ်လုပ်တဲ့အလုပ်မှန်သမျှွှ ကိုယ့်အလုပ်ဆိုတဲ့ အဲသလိုကြည်လင် ပြတ်သားတဲ့ ဆုံးဖြတ်ချက် အမြင်များနဲ့ ပြုလုပ်အားထုတ်တတ်ကြတယ်၊ ဘောင်တံတိုင်း ကန့်သတ်ချက်မရှိ၊ အကုန်လုံးကို အကောင်းဆုံးဖြစ်အောင် လုပ်ပေးမယ်လို့ စစ်မှန်တဲ့ စေတနာ သဒ္ဓါ မေတ္တာ ပညာများနဲ့ ဆောင်ရွက်တတ်တယ်၊ အဲဒီတော့ အလုပ်လည်းပြီးတယ် အမှားအယွင်းလည်းနည်းတယ်၊ အချိန်လုပ်ငန်းတို့အတွက်လည်း တွက်ကိန်းကိုက်တယ်၊ အားရစရာကောင်းပုံကတော့ ကိုယ်ပိုင်တရားစွမ်းအားတွေ တစ်ခါတည်းပါသွားတယ်။

တိပိဋက ယောဆရာတော်

သူတော်ကောင်းတို့ရဲ့ ဘ၀လမ်းညွှန် (၄)

ဗုဒ္ဓသာသနာနှင့် စိတ်ကောင်းရှိသူ

ဗုဒ္ဓသာသနာမှာ စိတ်ကောင်းထားသူတွေ အများကြီးလိုပါတယ်၊ သာသနာသည် စိတ်ကောင်းထားသူတို့
လက်ထဲ၌သာနေပါတယ်။ ပိုက်ဆံပေါင်တိုင်း သာသနာနေလို့ မရဘူး၊ ပစ္စည်းပေါတိုင်း သာသနာနေလို့
မရဘူး၊ လောကီပညာတွေ လျှမ်းလျှမ်းတောက်တတ်တိုင်းလည်း သာသနာဝင်ရောက်ခိုလှုံလို့ မရပါ။
ဗုဒ္ဓသာသနာသည် စိတ်ကောင်းရှိသူတို့၏ သန္တာန်မှာသာ ခိုအောင်း၍ နေနိုင်သော အံ့ဖွယ်စွမ်းအားပါ။

အဆင့်မြင့်စိတ်

သူတော်ကောင်း တစ်ယောက်ဖြစ်ဖို့(အမှန်တော့) မလွယ်ဘူး၊ ကိလေသာနဲ့ စိတ်ကိုလုတဲ့ အလုပ်က
သာမန်အင်အားနဲ့ ဖြစ်တာမှမဟုတ်ပဲ၊ စိတ်ကလေးကို ကိလေသာလက်ထဲက မနည်းကို ကြိုးကြိုးစားစား
လုယူပြီးတော့ သီလ သမာဓိ ပညာစွမ်းအားနဲ့ ပြုပြင်ရတယ်၊ ပြုပြင်လို့ အဆင့်မြင့်စိတ်ကလေး ဖြစ်လာပြန်
တော့ စိတ်ထားလေးတွေ ထားတတ်လာတယ်၊ အာရုံနဲ့စိတ် အဆင်ပြေလာတယ်၊ လူလည်းမြင့်မြတ်သွားတယ်
အဆင့်မြင့်သွားတယ်။

အဖိုးတန်စိတ်

စိတ်ကောင်းစိတ်မြတ်လေးကို သီလနဲ့ သန့်စင် သမာဓိနဲ့ဆေးကြော ၀ိပဿနာနဲ့ထက်အောင် သွေးလိုက်တော့
အရောင်တဖိတ်တဖိတ်တောက်တဲ့ ကျောက်မျက်ရတနာလေးလို အဖိုးတန်စိတ်လေးဖြစ်လာတယ်၊ အဖိုးတန်စိတ်ကလေးအဖြစ် ရောက်လာတဲ့အခါ မိမိသူတပါး လောကသာသနာကောင်းကျိုး ပြုအင်အားတွေ
အကွက်စေ့စေ့ ထိထိရောက်ရောက် တိတိကျကျ ပြည့်ပြည့်၀၀ ရအောင်ဆောင်ရွက်နိုင်တယ်၊
စိတ်ထားတတ်လာတယ်၊ အာရုံနဲ့စိတ်အဆင်ပြေအောင် နေတတ်လာတယ်၊လူလည်းမြင့်မြတ်သွားတယ်၊
စိတ်ထားတတ်လို့ မြင်မြတ်တော့ လူပါဂုဏ်တက်သွားတယ်၊ ပစ္စုပ္ပန်မှာလည်း ချမ်းသာအောင် နေတတ်လာတယ်။

သူတော်ကောင်းတို့ရဲ့ ဘ၀လမ်းညွှန် (၃)

ပျက်စီးခြင်း ၅- မျိုး

ပျက်စီးခြင်း ၅-မျိုးရှိတယ်။

(၁) ဆွေမျိုးပျက်စီးခြင်း၊
(၂)ဥစ္စာပျက်စီးခြင်း၊
(၃)ကျန်းမာရေးပျက်စီးခြင်း၊
(၄)ကိုယ်ကျင့်တရားပျက်စီးခြင်း၊
(၅)အသိ(ပညာ)တရားပျက်စီးခြင်း၊

အဲဒီပျက်စီးခြင်း ၅-မျိုးမှာ ရှေ့သုံးမျိုးကြောင့်တော့ စိတ်သာချ၊
အပါယ်မရောက်စေရဘူး၊ အားမခံတယ်၊
နောက်အပျက်နှစ်မျိုးဝင်လာရင် အပါယ်ရောက်မယ်၊ ဆင်းရဲဒုက္ခ သံသရာ
မဆုံးနိုင်အောင် လာကြတော့မယ်။
ဒါကြောင့် ရှေ့အပျက် သုံးမျိုးကို တရားနဲ့မြင်အောင်ကြည့်၊ နောက် နှစ်မျိုး
ပျက်တာကို ကောင်းအောင်ချက်ချင်းပြင်။ ။

ရက်ရာဇာ ပြဿဒါး

လောကမှာ ကောင်းကင်က နက္ခတ် အသွားအလာကို ကြည့်ပြီးတော့ ဒီနေ့က
ရက်ရာဇာ၊ ဒီနေ့က ပြဿဒါးစသည်ဖြင့် သတ်မှတ်ထားကြတယ်၊
သာသနာကတော့ ကောင်းမှုကုသိုလ်ကို ဖြစ်အောင်လုပ်နေတဲ့ အချိန်ဟာ
အမြဲတမ်း ရက်ရာဇာချည်းပဲ။
အကုသိုလ် မကောင်းမှုတွေကို ပြုလုပ်နေချိန်ဟာ အမြဲတမ်း ပြဿဒါးတွေချည်းပါ။
ကောင်းကင်က နက္ခတ်က ဘာလုပ်ပေးနိုင်မှာမို့လဲ၊ ကိုယ့်ရဲ့စိတ်ကောင်းကြောင်ံ ရလာတဲ့ ကုသိုလ်ကသာ ကောင်းကျိုးပေးမှာပဲ။

ဓမ္မနည်းအရတော့ ပြဿဒါးက မကောင်းကျိုးပေးမှာ မဟုတ်ဘူး၊ကိုယ့်ရဲ့ မကောင်းတဲ့ စိတ်မိုက် စိတ်ရိုင်းတွေကြောင့်ရလာတဲ့ အကုသိုလ်တွေကသာ မကောင်းကျိုးပေးမှာ ဒါကြောင့်၊

* စိတ်ကောင်းရှိသူမှာ အမြဲတမ်း ရက်ရာဇာ
*စိတ်ကောင်းရှိသူအတွက် အချိန်ကောင်းတွေချည်းပဲ၊
*သတိဦးစီးတဲ့ သဒ္ဓါ ၀ီရိယ ပညာစတဲ့ တရားတွေ
*၀င်ရောက်နေချိန်မှာ
*ကောင်းကင်ကို မော်မကြည့်နဲ့
*ကိုယ့်မှာ ရက်ရာဇာချည်းပဲ။

ကိုယ့်စိတ်က မကောင်းတဲ့ လောဘ ဒေါသ မောဟ စတဲ့ အပူအခိုးအငွေ့ ၀င်နေတဲ့အချိန်ဟာ
ကောင်းကင်ကို မော့မကြည့်နဲ့ ကိုယ့်အတွက် ပြဿဒါးဖြစ်နေပြီ။ ။

တိပိဋက ယောဆရာတော်

သူတော်ကောင်းတို့ရဲ့ ဘ၀လမ်းညွှန် (၂)

သတိဖြင့် ဘ၀ပင်လယ် ကူးသူ

ကုသိုလ်တရားတို့၌ မမေ့မလျော့မပေါ့မတန် ထက်သန်သော
သတိရှိရင် ဘ၀ပင်လယ် မြစ်ပြင်ကျယ်ကြီးကို ကူးနိုင်တယ်၊
ခန္ဓာဝန်ထမ်းဆောင်ရင်း စားဝတ်နေရေး အလုပ်လုပ်ရင်းနဲ့တောင်မှ
အပ္ပမာဒဆိုတဲ့ သတိလေးကိုင်ထားတဲ့ ပုဂ္ဂိုလ်ဟာ တရားအလုပ်လုပ်နေတာ၊
ဘ၀ပင်လယ်ကူးနေတဲ့ ပုဂ္ဂိုလ်ပဲ။

မအားလို့ ကုသိုလ်မရဘူးဆိုပြီး အားငယ်စရာမလိုပါဘူး၊ ပိုက်ဆံမရှိလို့ ကုသိုလ်
မလုပ်ရဘူးဆိုပြီး အားငယ်စရာမလိုဘူး၊ နေ့တိုင်းကုသိုလ်ထုပ်ပေါ် တက်ထိုင်နေကြတာ၊
အပ္ပမာဒ သတိရှိသူအတွက် စိတ်မနိုင်လို့ ကိလေသာဖြစ်တာတောင်မှ အမြတ်ထွက်တယ်၊
သတိပဋ္ဌာန်လုပ်ငန်းစဉ် အသိလေးတွေပါလာတဲ့အခါ ကိလေသာဖြစ်တာတောင်မှ ဘာဝနာ
အာရုံဖြစ်သွားတယ်၊

အပ္ပမာဒသတိရှိသူတွေအတွက် တကယ်လို့ လူမမာကြီး ဖြစ်သွားရင်တောင်မှ ဝေဒနာနုပဿနာ
သတိပဋ္ဌာန်လေးကိုင်ပြီး ရှုမှတ် ပွားများ အားထုတ်တတ်ရင် လူမမာဘ၀နဲ့ အမြတ်ထွက်တယ်။
သာသာနာအတွင်း လူဖြစ်တဲ့ သတိရှိသူအတွက် ဘာမှအရှုံးမထွက်တာမရှိဘူး၊
အမှိုက်ပုံထဲက ရွှေထုပ်ကောက်တယ်ဆိုတာ ဒါပေါ့။


လူ့ကိစ္စမျိုးစုံကို ထိန်းချုပ်တာသတိ

လောကရှိသစ်ပင်များမှာ သီးနေတဲ့ သစ်သီးများဟာ အညှာခိုင်ခိုင်မာမာ ရှိနေသမျှ
သူတို့ဟာ တင့်တင့်တယ်တယ် ထည်ထည်ဝါ၀ါ ပေါင်းစုပြီး ကြည့်လို့ကောင်းရှုလို့ကောင်းတာပေါ့။
အညှာမခိုင်လို့ ပြုတ်ကျသွားပြန်တော့လည်း အဲဒီအညှာကို မှီနေကြတဲ့သစ်သီးတွေဟာ ဖရိုဖရဲကျကွဲ
ကမောက်ကမတွေ ဖြစ်ကုန်ကြတယ်၊

ဒါမျိုးလိုပေါ့ ရေတွက်မရအောင်များပြားလှတဲ့ လူ့ကိစ္စမျိုးစုံဆိုသည်မှာ အသီးတစ်ရာနဲ့တူတယ်၊
အဲဒီအသီးတစ်ရာ အားလုံးကိုထိန်းချုပ်ထားသော အရာသည်ကား သာသနာက နံပတ်တစ်တောင်းထားတဲ့
အပ္ပမာဒခေါ်တဲ့ သတိတရားပေါ့။ ။

ကံတရားသည် စည်းကမ်းအတိကျဆုံး

လောကမှာကံတရားဟာ စည်းကမ်းအတိကျဆုံးပါ၊ ဘယ်သူ့ကိုမှ မျက်နှာမလိုက်ပါဘူး၊
ဘယ်တော့မှလည်း မျက်နှာမလိုက်ပါဘူး၊ သူရှိတာပေးမှာပါ၊ မရှိတာကိုလည်း သူမပေးဘူး၊
ရှိလျက်သားနဲ့လည်း လျှို့ဝှက်မထားဘူး၊ ကံတရားဟာ ကိုယ့်အပေါ်မှာ အင်မတန်စည်းကမ်း
ရှိပါတယ်၊ ကောင်းတဲ့ကံတရားဆိုတာ အလွန်သစ္စာရှိပါတယ်၊မကောင်းတဲ့ ကံတရားကတော့
ကိုယ့်အပေါ်အလွန်သစ္စာဖောက်ပါတယ်၊ ဖြစ်ချင်တိုင်းဖြစ်တာမဟုတ်ဘဲ အကြောင်းကံ အရင်းခံ
ရှိသလောက်သာ ဖြစ်နေကြရပုံတွေ မဖြစ်ချင် မလိုချင်သော်လည်း အကြောင်းကံရှိသလို ရနေကြပုံ
တွေဟာ ဥာဏ်ရှိသလောက် ကမ္မဿကတာ သမ္မာဒိဋ္ဌိဆိုတဲ့ ဥာဏ်မှန်ပြောင်းတပ်ပြီး ကြည့်လိုက်လို့
ရှိရင် ပြတ်ပြတ်သားသား မြင်ရပါတယ်။

(တိပိဋကယောဆရာတော်)

သူတော်ကောင်းတို့ရဲ့ ဘ၀လမ်းညွှန် (၁)

`ဩ၀ဒေယျ နုသာသေယျ၊ အသဗ္ဘာ စ နိဝါရယေ။
သတံ ဟိ သော ပိယော ဟောတိ၊အသတံ ဟောတိ အပ္ပိယော။

မကောင်းမှုကို တားမြစ်ပြီး ကောင်းမှုတွေဖြစ်အောင် ဆုံးမ သွန်သင်ရာ၏။ ဒီလို သွန်သင်ဆုံးမသူကို သူတော်ကောင်းတို့က ချစ်နှစ်သက်ပြီး မသူတော်တို့က မုန်းတီးကြ၏၊ (ဓမ္မပဒ)

အသိ အကျင့်ဘက်စုံမြှင့်ပြီး မြန်မာ့သာသနာကျက်သရေဆောင် တိပိဋက ယောဆရာတော် အရှင် သိရိန္ဒာဘိဝံသရဲ့ ဩ၀ါဒများကို အခန်းဆက် အဖြစ် ဖော်ပြပေးမှာပါ. တရားချစ်ခင် သူတော်စင်တို့ အသိမှသည် အကျင့် . အကျင့်မှသည် ထိုးထွင်းသိသို့ လျှောက်လှမ်းနိုင်ကြပါစေ. ...

တရားနှင့် အကြပ်အတည်း

လောကမှာ လူတွေဆိုတာ ရံဖန်ရံခါ အခက်အခဲ အကြပ်အတည်း တွေ့ရစမြဲပဲ၊
အခက်အခဲအကြပ်အတည်းဆိုသည်မှာတရားမရှိသူအတွက်ဘ၀ကိုပျက်သွား စေတတ်တယ်၊
တရားရှိသူအတွက် ဘ၀ကို တစ်ဟုန်ထိုး တက်သွားစေတယ်။ ။

လောကဓံမုန်တိုင်း

လောကဓံမုန်းတိုင်း သောကအပူတွေဆိုတာ
တချို့ရှောင်လို့ရတယ်၊
တချို့ ရှောင်လို့မရဘူး၊
ရှောင်လို့ရတာကို ရှောင်၊
ရှောင်လို့မရတာကို တရားနဲ့ ကာကွယ်ခုခံ။


တရားရဲ့ အဓိက ကုန်ကြမ်းပစ္စည်း

တရားရဲ့ အဓိက ကုန်ကြမ်းပစ္စည်းဆိုတာ စိတ်ကောင်းလို့ သိကြပါတယ်နော်၊
စိတ်ကောင်းကို သဒ္ဓါတရားကသာ ဖော်ထုတ်နိုင်တာ၊
စိတ်ကောင်းအရင်းအနှီး မရှိရင် ပိုက်ဆံဘယ်လောက်ပေါပေါ
အချိန်ဘယ်လောက်ရရ ပညာရှိတွေ လက်မြှောက်တယ်၊ မတတ်နိုင်ဘူးတဲ့၊
သဒ္ဓါတရားဆိုတဲ့ စိတ်ကောင်းရှိရင် ပညာရှိတွေ ချီးမြှောက်တယ်၊ သူတော်ကောင်းတွေ ချီးမြှောက်တယ်။


ဓမ္မလမ်းကြောင်းပေါ်ကလူ

ဓမ္မလမ်းကြောင်းပေါ်ရောက်တဲ့ပုဂ္ဂိုလ် ဘယ်တော့မှ အချိန်မဖြုန်း ဘယ်တော့မှ
ဘ၀ကို အလကားမဖြုန်း အသုံးဘက်ရောက်အောင် လိမ်မာပါးနပ်စွာ ယူတတ်တယ်။

သူတော်ကောင်းဂုဏ်ရည်

ပဒုမ္မာကြာရိုးသည် ထက်ပိုင်းပြတ်သော်လည်း အဆက်မပြတ် ။
သူတော်ကောင်းသည် (အနေဝေး၍ ) အဆက်ပြတ်သော်လည်း မေတ္တာမပြတ်။
သူတော်ကောင်းနှင့် ပေါင်းသင်းမှ ပစ္စုပ္ပန် သံသရာ မြင့်မြတ်သည်။
သူတော်ကောင်းခြေမှုန့် ကိုယ်၌ကပ်လျှင် အပါယ်မကျ။

သမုဒ္ဒရာရေ မီးကြောင့်မကျွမ်း ၊
မြင့်မိုရ်တောင် လေကြောင့်မတုန်လှုပ်၊
ကျောက်ခဲ ရေကြောင့် မကျေ ၊
သူတော်ကောင်း မသူတော်ကြောင့် မတုန်လှုပ် ၊

သစ်ပင်ကြီးသည် ခုတ်လှဲသူကို မလဲမချင်း အရိပ်ဖြင့် အေးမြစေ၏ ၊
နံ့သာတုံးသည် မီးရှို့  သူကို မကျွမ်းမချင်း အနံ့ဖြင့် မွှေးမြစေ၏ ၊
သူတော်ကောင်းသည် ညှင်းဆဲသူကိုသော်လည်း မသေမချင်း အကျိုးဆောင်၏ ။

ပထမရွှေကျင်ဆရာတော်ဘုရားကြီး၏
သိဿကောဝါဒကျမ်းစာ

သူတော်ကောင်းတို့ နှလုံးသား

ပိန္နဲသီးမှည့်တို့သည် ပြင်ပ၌ ဆူးများစွာ ရှိသော်လည်း အတွင်းအရသာကား ချိုမြိန်လှပေ၏ ၊
သူတော်ကောင်းတို့၏ စိတ်နှလုံးသည်လည်း ထို့အတူပင်ဖြစ်၏ ။

စန္ဒကူးပင်သည် သွေ့ခြောက်သွားသည့်တိုင် မွှေးရနံ့ကို မစွန့် ။
ဆင်ပြောင်သည် စစ်မြေပြင်သို့ ရောက်သော်လည်း ခန့်ထည်တင့်တယ်ခြင်းကို မစွန့်။
ကြံသည် ကြိတ်စက်သို့ရောက်သော်လည်း ချိုသော အရသာကို မစွန့် ။
ပညာရှိ သူတော်ကောင်းသည် ဘေးဒုက္ခဆင်းရဲသို့ ကျရောက်ငြားသော်လည်း သူတော်ကောင်းတရားကို မစွန့်။
လောကနီတိ