ပန်းတစ်ပွင့်ရဲ့ ဒိုင်ယာရီ (၄)

သမာဓိံ ဘိက္ခဝေ ဘာဝေထ၊ သမာဟိတော ဘိက္ခဝေ ဘိက္ခု ယထာဘူတံ ပဇာနာတိ။

ရဟန်းတို့! သမာဓိကို ပွားများကြလော့၊ သမာဓိရှိတဲ့ ရဟန်းဟာ အမှန်သဘောတရားကို ခွဲခြားသိနိုင်၏။ (အင်္ဂုတ္တရနိကာယ်)

ဗုဒ္ဓသာသနာတော်ရဲ့ သီလသိက္ခာ သမာဓိသိက္ခာ ပညာသိက္ခာ ဆိုတဲ့ သိက္ခာသုံးမျိုး ကျင့်စဉ်သုံးမျိုးကို ပန်းပွင့်နဲ့ တင်စားပြီး သီလပန်းတစ်ပွင့်ရဲ့ အကြောင်းအရာကို မိမိနားလည်သလို ဖော်ပြခဲ့တယ်၊ ဒီနေရာမှာ မိမိတို့ရဲ့ကျင့်စဉ် တစ်ခုကို လေ့ကျင့်တဲ့နေရာမှာ ကိုယ်လုပ်ရမယ့် ကိုယ်ကျင့်ရမယ့် လမ်းစဉ်ကို ရှင်းရှင်း လင်းလင်း သိထားဖို့လိုအပ်ပါတယ်၊ သမာဓိဆိုတာ ဘာလဲ၊ ဘာကြောင့်သမာဓိကို ပွားများသင့်တာလဲ၊ သမာဓိကို ပွားများတော့ ဘာဖြစ်မှာလဲ၊ သမာဓိကို မပွားများရင်ကော ဘယ်လိုဖြစ်မလဲ ဆိုတဲ့ မေးခွန်းတွေနဲ့အတူ သမာဓိပန်းတပွင့်ရဲ့ အကြောင်းကို တင်ပြချင်ပါတယ်။ အဘိဓမ္မာမှာတော့ သမာဓိ ဆိုတာကို ဧကဂ္ဂတာ- အာရုံတစ်ခုတည်း အပေါ်မှာ စိတ်ကိုထားမှုလို့ ဖော်ပြတယ်၊ မဂ်ဥာဏ်ရဲ့ အသင်းအပင်း (ဗောဓိပက္ခိယ) (၃၇)ပါးမှာလဲ သမာဓိဆိုတာကို သမာဓိနြေ္ဒ၊ သမာဓိဗိုလ်၊ သမာဓိဗောဇ္ဈင် သမ္မာသမာဓိမဂ္ဂင် စတဲ့ နာမည် အမျိုးမျိုးနဲ့ ဟောထားတာကို တွေ့ရပါတယ်။

စိတ်သည် လောကကို ဦးဆောင်၏၊ စိတ်သည် လောကကို ဆွဲငင်၏၊ အလုံးစုံသောတရား တို့သည် စိတ်ဟုဆိုအပ်သည့် တစ်ခုတည်းသော တရား၏အလိုသို့ အစဉ်လိုက်ပါကြရ၏ လို့ ဟောပြတော်မူတဲ့ ဒေသနာတစ်ခု ရှိပါတယ်။ ဆိုလိုတာက စိတ်ဟာ အစွမ်းအထက်ဆုံး တန်ခိုးအရှိဆုံး အရာဖြစ်တယ်လို့ မီးမောင်းထိုးပြတဲ့ သဘောပါ၊ ဒီလိုဆိုရင် မိမိတို့ရဲ့ စိတ်က ဘာဖြစ်လို့ အစွမ်းမထက်တာလဲ မေးစရာရှိလာတယ်၊ အဖြေကတော့ မိမိတို့ရဲ့ စိတ်ဟာ တည်ငြိမ်မှုမရှိလို့ လို့ ဖြေဆိုရုံပါပဲ၊ မိမိစိတ်လေး အစွမ်းထက်ချင်တယ် သစ္စာဆိုက်ရေးအတွက် ကျင့်ကြံချင်တယ်ဆိုရင် အာရုံတွေအပေါ်မှာ ပြေးလွှားနေတဲ့စိတ် မပျံ့လွင့်အောင် တည်ငြိမ်အောင် လေ့ကျင့်ယူဖို့ပါပဲ၊ ဒီလို စိတ်ကို အာရုံတစ်ခုတည်း အပေါ်မှာ ကောင်းမွန်စွာ ထားနိုင်ခြင်းကိုပဲ သမာဓိလို့ ခေါ်တာပါ၊ သူ့ရဲ့ ကိစ္စတာဝန်က စိတ်ကို မပျံ့လွင့်အောင် ပယ်ရှားပေးခြင်းဖြစ်ပြီး တရားဘာဝနာ ကျင့်ကြံသူရဲ့ ဥာဏ်မှာတော့ တည်ငြိမ်ရင့်ကျက်ခြင်းဆိုတဲ့ အာရုံ ရှေးရှု ပေါ်ပေါက်လာပါတယ်၊ သမာဓိဖြစ်ဖို့ အနီးဆုံး အကြောင်းတရား ကတော့ ကိုယ်စိတ်နှစ်ပါး ချမ်းသာခြင်းပါ၊ ဗုဒ္ဓရဲ့ မိန့်မှာချက်ကတော့ ချမ်းသာသောသူ၏ စိတ်သည် တည်ကြည်၏-လို့ မိန့်တော်မူတယ်။

ပြန့်ကျဲနေတဲ့ နေရောင်ခြည်တွေကို စုစည်းလိုက်တဲ့အခါ အံ့ဩစရာကောင်းတဲ့ ပူလောင်စေတဲ့ စွမ်းရည်တွေ ဖြစ်လာသလို ပြန့်ကျဲနေတဲ့စိတ်ကို တည်ငြိမ်အောင် စုစည်းလိုက်တဲ့အခါ အံ့ဩစရာ စိတ်စွမ်းရည်တွေ စိတ်ထက်မြက်မှုတွေ မြင့်တက်လာမှာ သေချာလှပါတယ်။ ဒီနေရာမှာ ဘာကြောင့် သမာဓိကို ပွားများသင့်တာလဲလို့ မေးရင် စိတ်စွမ်းရည် မြင့်တက်လာဖို့ မြင့်တက်လာတဲ့ စိတ်စွမ်းအားနဲ့ အမှန်ကို အမှန်အတိုင်းသိနိုင်ဖို့ သမာဓိကို ပွားများပါတယ်လို့ ဖြေဆိုဖို့ပါပဲ၊ သမာဓိ ပွားများပုံကို ဘုရားရှင်က နည်းလမ်းပေါင်း လေးဆယ် ရှိတယ်လို့ လမ်းညွှန်ပြခဲ့တယ်၊ စာလိုကတော့ ကမ္မဋ္ဌာန်း လေးဆယ်ပေါ့၊ ဒီနည်းလမ်းတွေကို သိသူတွေ စိတ်ငြိမ်းချမ်းမှု လိုလားသူတွေ လက်တွေ့ကျင့်ကြံ ခရီးပေါက်နေကြပြီး မသိသူတွေလည်း အမှန်တရားနဲ့ ဝေးနေကြဆဲပါ။

သမာဓိ ပွားများတဲ့နေရာမှာ နည်းလမ်း လေးဆယ်လုံးကို တပြိုင်နက် ပွားများစရာ မလိုဘဲ နည်းလမ်းတစ်ခုမှာ ဥပစာရသမာဓိ သို့မဟုတ် အပ္ပနာသမာဓိ အဆင့်ရောက်အောင် လေ့ကျင့်ယူပြီးရင် ကျန်တဲ့နည်းလမ်းတွေကို အလွန်လွယ်ကူစွာ လေ့ကျင့်နိုင်ပြီ ဖြစ်ပါတယ်၊ အဲဒီ သမာဓိပွားများနည်း နည်းလမ်းလေးဆယ်ထဲက အာနာပါနဿတိ ကမ္မဋ္ဌာန်းလို့ခေါ်တဲ့ ၀င်လေ ထွက်လေ ရှုမှတ်နည်း သမာဓိ လေ့ကျင့်ခန်းဟာ လူသိများတဲ့ သမာဓိပွားများနည်းဖြစ်ပါတယ်၊ အာနာပါနပွားများပုံ အစီအစဉ်တွေကို ဒီလင့်လေးမှာ သွားရောက် ဖတ်ရှုနိုင်ပါတယ် http://tknn.org/index.php?PHPSESSID=e1a737738d616474b3037e8390d34e44&topic=2.0

ဘာဝနာပွားများသူ စိတ်လေ့ကျင့်သူရဲ့ အဆင့်အလိုက် သမာဓိတွေ အဆင့်အတန်းတွေလည်း အမျိုးမျိုး ကွဲသွားနိုင်ပါတယ်၊ တရားရှုမှတ်ဖူးသူများ သိပြီးတဲ့ သမာဓိတွေကတော့ ပရိကမ္မသမာဓိ-စပြီး အခြေပြုမိတဲ့ သမာဓိ၊ ဥပစာရ သမာဓိ-စိတ်အတော် တည်ငြိမ်လာပြီး ဈာန်ကိုကူးရန် နီးစပ်တဲ့ သမာဓိ။ အပ္ပနာသမာဓိ-စိတ် အလွန်တည်ငြိမ်လာပြီး ဈာန်ကို ၀င်ရောက်နေသော သမာဓိမျိုးတွေနဲ့ လောကီသမာဓိ လောကုတ္တရာ သမာဓိ စသည်ဖြင့် ကွဲပြားသွားပါ လိမ့်မယ်၊ ဒီလိုလေ့ကျင့်ရင်း မိမိတို့ရဲ့ စိတ်စွမ်းရည်တွေ မြင့်မားလာတာကို ကိုယ်ပိုင်ဥာဏ်နဲ့ သိလာတဲ့အခါ တိုးပြီးလေ့ကျင့်လိုတဲ့ စိတ်တွေ တဖွားဖွားဖြစ်ပေါ်လာမှာ သေချာပါတယ်၊ စမိဖို့ ခက်ပေမယ့် စလိုက်ပြီးလို့ သမာဓိရဲ့ စွမ်းဆောင်နိုင်မှုကို နားလည်သွားပြီ ကိုယ်တိုင်သိသွားပြီ ဆိုရင်တော့ ဘယ်သူတားတား တားလို့မရလောက်အောင် သမာဓိပွားများတဲ့ စိတ်လေ့ကျင့်ခန်းကို လေ့ကျင့်နေတော့မှာ သေချာတယ်၊ ဒီလိုဆိုတော့ ယခု စာရှုနေသူတို့ရဲ့ ဘ၀အောင်မြင်ရေး စိတ်စွမ်းရည်မြင့်မားရေး ငြိမ်းချမ်းစွာ နေနိုင်ရေးဟာ စာရှုနေသူတို့ရဲ့ စိတ် စေတသိက်ထဲမှာ ရှိနေတယ်လို့ နားလည်ရပါလိမ့်မယ်၊ ငုပ်လျှိုးနေတဲ့ စိတ်စွမ်းရည်တွေကို အခုလို ဘုန်းကံကြီးတဲ့ သာသနာတော်ကြီးနဲ့ ကြုံခိုက် အစွမ်းကုန် ဖော်ထုတ်ထားသင့်လ ပါတယ်၊ ဒီလို စိတ်စွမ်းအင်တွေ စိတ်စွမ်းအားတွေ ဖော်ထုတ်နိုင်မယ် သမာဓိတွေပွားများနိုင်မယ်ဆိုရင် အံ့ဩစရာ စိတ်စွမ်းအားတွေကို ပိုင်ဆိုင်မှာ မလွဲပါဘူး။

သစ္စာတရား ရှာပုံတော်မှာ လျှောက်လှမ်းကျင့်ရမယ့် မဂ္ဂင်ရှစ်ပါး လမ်းကြောင်းမှာလည်း သီလမဂ္ဂင် သုံးပါး ပါဝင်သလို သမာဓိမဂ္ဂင် သုံးပါးလည်း ပါဝင်တာကို အားလုံးနားလည်နိုင်ပါမယ်၊ မဂ္ဂင်ထိုက်တဲ့ သီလဟာ အကြမ်းစားကိလေသာ လွန်ကျူးတဲ့ ကိလေသာကို ဖယ်ရှားနိုင်သလို မဂ္ဂင်ထိုက်တဲ့ သမာဓိဟာလည်း အပြင်ဖက်မှာ လွန်ကျူးတဲ့ အဆင့်မရောက်ပေမယ့် စိတ်ထဲမှာ ထကြွ သောင်းကျန်းနေတဲ့ ကိလေသာ တွေကို ဖယ်ရှားနိုင်သွားမှာ အသေအချာပါ၊ နောက်ဆုံး ဒီသမာဓိဟာ လောကုတ္တရာ အဆင့်ရောက်ပြီ ဆိုရင်တော့ ကာမနဲ့ ပတ်သက်တဲ့ စိတ်ကူးတွေ မကျေမနပ် ဖြစ်တာတွေ ထိုင်းမှိုင်းလေးလံ မလှုပ်ချင် မကိုင်ချင်ဖြစ်တာတွေ စိတ်ပျံ့လွင့်တာ လူနဲ့စိတ် ကပ်မနေတာတွေ သံသယတွေကိုပါ ပယ်ရှားပစ်နိုင်မှာပါ (လက်တွေ့ ကျင့်ကြည့်ရင် လက်တွေ့ ဒီသဘောတရားတွေကို သိလာပါလိမ့်မယ်) ဒါကြောင့် သမာဓိဆိုတာ စိတ်စွမ်းရည် မြင့်စေတဲ့ အလုပ်တစ်ခုဖြစ်ပြီး လေ့ကျင့်ရင် လေ့ကျင့်သလောက် ပွားများရင် ပွားများသလောက် ကိုယ့်စိတ်ကို တစ်ကန့်စီ သန့်ရှင်းနိုင်မှာဖြစ်ပြီး သမာဓိ မပွားများ မလေ့ကျင့်ရင်တော့ စိတ်တွေမော လူတွေမော စိတ်ညစ် စိတ်မချမ်းသာ စတဲ့ သဘောတွေနဲ့ ကြုံတွေ့ရမှာပါ။

ဘုရားရှင်က အရေးတကြီး မိန့်တော်မူနေတာက…. သမာဓိံ ဘိက္ခဝေ ဘာဝေထ၊ သမာဟိတော ဘိက္ခဝေ ဘိက္ခု ယထာဘူတံ ပဇာနာတိ။

ရဟန်းတို့! သမာဓိကို ပွားများကြလော့၊ သမာဓိရှိတဲ့ ရဟန်းဟာ အမှန်သဘောတရားကို ခွဲခြားသိနိုင်၏ တဲ့။ ကဲ.. စာရှုသူရော စာရေးသူရော သန့်စင်တဲ့ အမှန်တရား စွမ်းရည်မြင့်မားတဲ့ လူ့စိတ်စွမ်းအားကို ရယူနိုင်ဖို့ သမာဓိပန်းတစ်ပွင့်ကို ပန်ဆင်နိုင်အောင် ကြိုးစားကြစို့။

ဆက်လက်ဖော်ပြပါမည်။

အရှင်တိက္ခဉာဏာလင်္ကာရ