ပန်ဆင်သင့်တဲ့ ပန်းပွင့်လေးများ အကြောင်းကို ပန်းတစ်ပွင့်ရဲ့ ဒိုင်ယာရီဆိုတဲ့ ခေါင်းစဉ်နဲ့ ရေးခဲ့တာ အပိုင်းလေးပိုင်း ပြီးခဲ့ပါပြီ၊ တနည်းပြောရရင်တော့ ထေရ၀ါဒ ဗုဒ္ဓဘာသာရဲ့ ကျင့်စဉ် သီလသိက္ခာ သမာဓိသိက္ခာ ပညာသိက္ခာ ဆိုတဲ့ ကျင့်စဉ်တွေကို မိမိကိုယ်တိုင် အသိရှင်းရှင်း လက်တွေ့သွားနိုင်ဖို့နဲ့ စာရှုသူတွေကိုလဲ သိသမျှလေး ဖြန့်ဝေချင်လို့ ဖတ်မိသမျှနဲ့ လက်တွေ့ဘ၀ ပေါင်းစပ်ပြီး ဖော်ပြခြင်းမျှလည်း ဖြစ်ပါတယ်၊
မိမိတို့ ထေရ၀ါဒ ဗုဒ္ဓဘာသာရဲ့ အမြတ်ဆုံးပန်းတိုင်ဟာ နိဗ္ဗာန်ပါ၊ ဒီနိဗ္ဗာန်ကို မျက်မှောက်ပြုနိုင်ဖို့ ကျင့်ကြံရမယ့် ကျင့်စဉ်တွေက သီလ သမာဓိ ပညာဆိုတဲ့ သိက္ခာသုံးပါး ကျင့်စဉ်တွေဆိုတာ အားလုံးလည်း နားလည်ပြီးသား၊ ဒါပေမယ့် အဲဒီကျင့်စဉ်တွေကို ဘယ်လို ကျင့်ရမယ်ဆိုတာ မိမိနားလည်သလို ပြန်လည်ပြောပြချင်လို့ ပန်းတစ်ပွင့်ရဲ့ ဒိုင်ယာရီတွေ ဖြစ်လာခဲ့တာ၊
ရှေ့မှာ အပိုင်းလေးအထိ ဖော်ပြခဲ့တာတွေက သီလပန်းတစ်ပွင့်နဲ့ သမာဓိပန်းတစ်ပွင့်ရဲ့ အကြောင်းတွေပါ၊ အခု ကျန်နေတဲ့ ပညာပန်းတစ်ပွင့် သို့မဟုတ် ပညာသိက္ခာအကြောင်းကို သိသလောက်လေး တင်ပြပါရစေ၊
ကျင့်စဉ်ပိုင်းမှာ ပြောနေတဲ့ ပညာဆိုတာ.. ၀ိပဿနာပညာ သို့မဟုတ် ထိုးထွင်းသိပညာကို ရည်ရွယ်တာပါ၊ ထေရ၀ါဒ ဗုဒ္ဓဘာသာတို့ရဲ့ ကျင့်စဉ်ပိုင်းတွေကို ကျင့်တဲ့နေရာမှာလည်း အလွဲအလွဲ အချော်ချော်ဖြစ်မှုတွေ အုတ်ရောရော ကျောက်ရောရော ဖြစ်မှုတွေ ပရိယတ်သမားနဲ့ ပဋိပတ်သမားတို့ရဲ့ ငြင်းခုံမှုတွေကြောင့် စာပေအသိနည်းသူအချို့ ယောင်ဝါးဝါး ဖြစ်ရပြန်တယ်၊ စာတွေ့မပြောနဲ့ လက်တွေ့ပဲပြော ဆိုတဲ့ ပဋိပတ် လ္ဘက်ရည်ကြမ်းဝိုင်း စကားတွေ.. ပေါဋ္ဌိလမထေရ်ကြီးတို့ အရှင်နာဂတို့ စာခံလို့ တရားထူး မရတာဆိုတဲ့ စကားတွေကလည်း သာသနာကို အမှန်တကယ် စောင့်ရှောက်နေတဲ့ ပရိယတ် သံဃာတော်များကို သနားသလိုလို ဖြစ်နေကြပြန်တယ်၊
တကယ်တော့ အသိကော အကျင့်ပါ လက်တွေ့တွဲပြီး သွားနိုင်ရင် အကောင်းဆုံးပါပဲ၊ တခါတရံ နိဗ္ဗေဓိကပညာ ခေါ်တဲ့ ထိုးထွင်းသိ ကျင့်ကြံသိမပါတဲ့ အပေါ်ယံစာသမား တချို့က တရားထူးဆိုတာ ဒီနေ့ခေတ်မှာ မရနိုင်တော့ဘူးလို့ လုပ်လာပြန်တယ်.. ဘုရားရှင် သုဘဒ္ဒရဟန်းကို ဟောခဲ့တဲ့ ဒေသနာတော်ကို မေ့နေကြတယ် ထင်ပါတယ်..
ဘုရားရှင်က.. တရားစစ် တရားမှန်များ တည်ရှိ၍ ကျင့်ကြံညွှန်ပြသူများ ရှိနေသမျှ ခေတ်၊ နှစ်၊ အကန့်အသတ်မရှိ အချိန်အခါမရွေး ဖြစ်နိုင် အရာမရွေးဖြစ်နိုင်တယ် (မဟာပရိနိဗ္ဗာနသုတ်) ဆိုတဲ့ စကားက အလွန်ရိုးရှင်းစွာ သိနိုင်ပါတယ်၊ တစ်ဖက်မှာ သတိထားကြည့်ပြန်ရင်လည်း.. တရားထူးရ ပုဂ္ဂိုလ်ကြီး ဆိုပြီး ဆိုင်းဘုတ်တင်ကာ ပဋိပတ်မာန်ထောင်ပြ နေပြန်တယ်..
ဟန်ချက်ညီတဲ့ အရေးအသား အဟောအပြော ကျင့်ကြံမှုများနဲ့ တရားထူး သိဖို့အရေးမှာ ဆရာအစစ် အမှန်ကို ရှာဖွေနိုင်ဖို့ အရေးကြီးတယ် (ယထာဘူတံ ဥာဏာယ သတ္ထာ ပရိယေသိတဗ္ဗော)။
မိမိဂုဏ်သိက္ခာ နာမည်ကျော်ကြားလိုမှုကြောင့် အမှားကို အမှန်ဖြစ် အမှန်ကို အမှားဖြစ်အောင် ဟောပြော ဖြန့်ဝေ လုပ်ကြံနေတဲ့ ၀ါဒတွေကို သတိထားနိုင်ဖို့လဲ လိုအပ်တယ်. ဆရာအစစ် အမှန်အရေးကြီးသလို မိတ်ကောင်းဆွေကောင်းဟာလဲ သီလ သမာဓိ ပညာကျင့်စဉ်ကို ကျင့်တဲ့နေရာမှာ ရာနှုံးပြည့် အင်အားဖြစ်တယ် ဆိုတာကို မမေ့သင့် (သကလမေ၀ ဟိဒံ… ယဒိဒံ ကလျာဏမိတ္တတာ)။
ပညာသိက္ခာကို ဖြည့်ကျင့်နိုင်ဖို့ သီလသိက္ခာ-ကိုယ်ကျင့်တရား ကျင့်စဉ်နဲ့ သမာဓိသိက္ခာ. စိတ်စွမ်းရည်မြှင့်တဲ့ကျင့်စဉ်တွေကို အစဉ်အတိုင်း ကျင့်ယူရမယ်၊ သီလကို အခြေပြုပြီးကျင့်တဲ့ အကျင့်မှလဲ ရုပ်နာမ် တရားအပေါ်မှာ ထိုးထွင်းသိတဲ့ ပညာကို ရနိုင်မှာပါ၊ မဟာသတိပဋ္ဌာန သုတ်မှာ ဘုရားရှင် ရဲရဲတောက် ၀န်ခံခဲ့တာက..
၁။ သတ္တ၀ါတို့ရဲ့ စိတ်စင်ကြယ်ဖို့
၂။ ၀မ်းနည်းခြင်း ပူဆွေးခြင်း စိုးရိမ်ခြင်း ကြောင့်ကြနေရခြင်းတွေကို ကျော်လွှားနိုင်ဖို့
၃။ ကိုယ်ဆင်းရဲခြင်း စိတ်ဆင်းရဲခြင်းတွေ အပြီးသတ် ချုပ်ငြိမ်းသွားဖို့
၎။ မဂ်ဥာဏ် ဖိုလ်ဥာဏ်ကို ထိုးထွင်းသိဖို့
၅။ နိဗ္ဗာန်ကို မျက်မှောက်ပြုနိုင်ဖို့… တစ်ခုတည်းသော လမ်းက သတိပဋ္ဌာန်တရား ရှုမှတ်ပွားများခြင်းပါ-လို့ တိတိကျကျ မိန့်တော်မူခဲ့တာမို့ ယုံကြည်စွာ ကျင့်ကြံအားထုတ်ရင် သေချာတဲ့ အကျိုးတရားတွေ ရောက်လာပါလိမ့်မယ်၊ လောကီ အကျိုးစီးပွား ဆိုတာကတော့ ပြောစရာ မလိုလောက်အောင် ဖြစ်လာမှာပါ။
ဘုရားရှင်ဟောပြတဲ့ သတိပဋ္ဌာန်တရား လေးပါးဆိုတာ..
၁။ ကာယာနုပဿနာ သတိပဋ္ဌာန်- အဲဒီအပိုင်းမှာ ၀င်လေ ထွက်လေကို ရှုမှတ်မှု၊ သွားရင် သွားတယ် စားရင် စားတယ်လို့ရှုမှတ်မှု၊ သတိသမ္ပဇဉ်နဲ့ ဆင်ခြင်ပိုင်းခြားမှု၊ မိမိရဲ့ ခန္ဓာမှာရှိတဲ့ အစိတ်အပိုင်းတွေကို စက်ဆုပ်ဖွယ်ရာ အဖြစ်ရှုမှတ်မှု ၊ မာမှု ပျော့မှု အေးမှု ပူမှုစတဲ့ ဓာတ်သဘောတွေကို နှလုံးသွင်းပိုင်းခြားမှု အသုဘကိုးမျိုးကို ဆင်ခြင်းပိုင်းခြားမှု ဆိုပြိး ပညာသိက္ခာဖြည့်ကျင့်မှုအတွက် နည်းလမ်းတွေ အမြောက်အများ ပါဝင်ပါတယ်၊ (အသေးစိတ် ကျင့်စဉ်တွေကိုတော့ ဆိုင်ရာစာအုပ်များမှာသာ ဆက်လက် လေ့လာစေလိုပါတယ်)။
၂။ ဝေဒနာနုပဿနာ သတိပဋ္ဌာန်-ကိုယ့်ရဲ့ Feeling- ကို အစပြုပြီး ဆင်းရဲခြင်း ချမ်းသာခြင်း စတဲ့သဘောတရား၊ ဒီသဘောတရား ဝေဒနာနဲ့တွဲပြီးဖြစ်ပေါ်တဲ့ ရုပ်နာမ်တွေကို မြင်အောင် ရှုရပါမယ်။
၃။ စိတ္တာနုပဿနာ သတိပဋ္ဌာန်- လိုချင်မှုဖြစ်ရင် ငါလိုချင်မှုဖြစ်နေတယ်..ဒေါသဖြစ်ရင် ငါဒေါသဖြစ်နေတယ် စသည်ဖြင့် သိအောင်ရှုမှတ်ရပါမယ်.
၎။ ဓမ္မာနုပဿနာ သတိပဋ္ဌာန်- ရုပ်နာမ်တရားတို့ရဲ့ ဖြစ်ခြင်း အကြောင်းကို သိမ်းဆည်းပြီး အကြောင်းကြောင့် အကျိုးဖြစ်တယ်ဆိုတာကို ရှုမှတ်ရမှာပါ။
ဒီသတိပဋ္ဌာန်တရား လေးပါးကို အနှစ်ချုပ် ရှုမှတ်နိုင်တာက ခန္ဓာငါးပါးကို အနိစ္စ-မမြဲ၊ ဒုက္ခ-ဆင်းရဲ၊ အနတ္တ- အစိုးမရ ဒီလိုရှုမှတ်ရင် သတိပဋ္ဌာန်တရား လေးပါးလုံး အကျုံးဝင်သွားတယ်လို့ မှတ်ယူနိုင်တယ်။ (ကာယ- ရူပက္ခန္ဓာ။ ဝေဒနာ- ဝေဒနာက္ခန္ဓာ။ စိတ္တ-၀ိညာဏက္ခန္ဓာ၊ ဓမ္မ- သညာက္ခန္ဓာ သင်္ခါရက္ခန္ဓာ- လို့ မှတ်ထားနိုင်ပါတယ်)
ဘုရားရှင် ဟောကြားတော်မူတဲ့ သစ္စာတရားဟာ ဒီကမ္ဘာမှာ အကြီးကျယ်ဆုံး ကြောင်းကျိုး ဆက်စပ်မှုတရားဖြစ်လို့ ဒီအမှန်သစ္စာ တရားကို ထိုးထွင်းသိအောင် ပညာသိက္ခာ ပန်းတစ်ပွင့်ကို ပန်ဆင်နိုင်မှ.. တော်ကာကျမှာပါ၊
သီလပညာနဉ္စ လောကသ္မိံအဂ္ဂမက္ခာယတိ- သီလနဲ့ ပညာဟာ လောကမှာ အမြတ်ဆုံးလို့ ဆိုတဲ့ ဘုရားရှင်ရဲ့ တရားတော်ကိုကြည့်ရင် ထေရ၀ါဒ ဗုဒ္ဓဘာသာဟာ ရုပ်ပိုင်းဆိုင်ရာ တိုးတက်မှုထက် စိတ်ပိုင်းစိတ်ရာ တိုးတက်မှုကို ပိုပြီးတန်ဖိုးထားကြောင်း နားလည်နိုင်ပါတယ်၊
မိမိရဲ့ဘ၀မှာ ကိုယ့်ကျင့်တရား-သီလသိက္ခာကို ဖြည့်ကျင့်ပြီး စိတ်စွမ်းရည် မြှင့်တင်အသုံးချမှု- သမာဓိသိက္ခာကို ဆက်ကျင့်ရပါမယ်၊ ပြီးမှ ပညာသိက္ခာကို ဖြည့်ကျင့်ရင် ဒီလူဟာ လောကမှာ အမြတ်ဆုံး လူသား ဖြစ်ခွင့်ရပါပြီ၊ ဒီလို ကျင့်စဉ်တွေကို ဖြည့်ကျင့်တဲ့ နေရာမှာလဲ လွယ်ကူခြင်း ခက်ခဲခြင်းဆိုတာ မိမိတို့ရဲ့ စိတ်အပေါ်မှာပဲ မူတည်ပါတယ်.. စိတ်ဆောင်တော့ အောင်ဆိုတဲ့ လောက စကားပုံရှိတယ် မဟုတ်လား၊
ကိုယ်ကျင့်တရား ကောင်းအောင် ကြိုးစားခြင်း၊ စိတ်စွမ်းရည် မြှင့်တင် ဖော်ထုတ်ခြင်းနဲ့ တရားရှုမှတ်ခြင်းဟာ လူပျင်းတို့ရဲ့ အလုပ်-အလုပ်မရှိ အကိုင်မရှိသူတို့ရဲ့ အလုပ်လည်း မဟုတ်ပါဘူး အမှန်တရားကို မြတ်နိုးသူတို့ ဘ၀ဆင်းရဲအပေါင်းက လွတ်မြောက်လိုသူတိုင်း ကျင့်ယူရမယ့် မွန်မြတ်တဲ့ ကျင့်စဉ်တွေ ဖြစ်တယ်ဆိုတာ မမေ့သင့်ဘူး၊ ဒါကြောင့် သာသနာတော်နဲ့ ကြုံနေတုန်း ဆရာကောင်းတွေ ပေါများနေတုန်း အခွင့်အရေးကို မိမိအတွက် အရယူကာ သီလပန်း သမာဓိပန်း ပညာပန်းပွင့်လေးတွေကို မြတ်နိုးစွာ ပန်ဆင်ရင်း အခက်အခဲတွေကို ကျော်လွှားကြပါစို့ လို့ ဆန္ဒပြုပါရစေ။
(၀န်ခံချက်) ပန်းတစ်ပွင့်ရဲ့ ဒိုင်ယာရီဆောင်းပါးကို ရေးသားရာမှာ.. ငါသိ ငါတတ်လုပ်၍ ရေးခြင်းမဟုတ်ဘဲ၊ ဘုရားရှင် ဟောကြားတဲ့ ပါဠိတော်များ၊ ၀ိသုဒ္ဓိမဂ် ဘာသာပြန်၊ ဒေါက်တာမင်းတင်မွန်ရဲ့ အမြတ်ဆုံးပန်းတိုင် ဧကန်ပိုင်၊ ဆရာကြီးဦးဋ္ဌေးလှိုင်ရဲ့ ရဟန္တာနဲ့ ပုဂ္ဂိုလ်ထူးများ၊ တည်တော ဆရာတော်ကြီးရဲ့ သီလဟူသည်.. စာအုပ်များကို ဖတ်ရှု၍. မိမိနားလည်သလို ပြန်လည် ဖြန့်ဝေခြင်းမျှသာဖြစ်ပါတယ်၊ အမှားအယွင်း တစ်စုံတစ်ရာပါရှိက မိမိတာဝန်သာ ဖြစ်ပါတယ်။)
အရှင်တိက္ခဉာဏာလင်္ကာရ
မိမိတို့ ထေရ၀ါဒ ဗုဒ္ဓဘာသာရဲ့ အမြတ်ဆုံးပန်းတိုင်ဟာ နိဗ္ဗာန်ပါ၊ ဒီနိဗ္ဗာန်ကို မျက်မှောက်ပြုနိုင်ဖို့ ကျင့်ကြံရမယ့် ကျင့်စဉ်တွေက သီလ သမာဓိ ပညာဆိုတဲ့ သိက္ခာသုံးပါး ကျင့်စဉ်တွေဆိုတာ အားလုံးလည်း နားလည်ပြီးသား၊ ဒါပေမယ့် အဲဒီကျင့်စဉ်တွေကို ဘယ်လို ကျင့်ရမယ်ဆိုတာ မိမိနားလည်သလို ပြန်လည်ပြောပြချင်လို့ ပန်းတစ်ပွင့်ရဲ့ ဒိုင်ယာရီတွေ ဖြစ်လာခဲ့တာ၊
ရှေ့မှာ အပိုင်းလေးအထိ ဖော်ပြခဲ့တာတွေက သီလပန်းတစ်ပွင့်နဲ့ သမာဓိပန်းတစ်ပွင့်ရဲ့ အကြောင်းတွေပါ၊ အခု ကျန်နေတဲ့ ပညာပန်းတစ်ပွင့် သို့မဟုတ် ပညာသိက္ခာအကြောင်းကို သိသလောက်လေး တင်ပြပါရစေ၊
ကျင့်စဉ်ပိုင်းမှာ ပြောနေတဲ့ ပညာဆိုတာ.. ၀ိပဿနာပညာ သို့မဟုတ် ထိုးထွင်းသိပညာကို ရည်ရွယ်တာပါ၊ ထေရ၀ါဒ ဗုဒ္ဓဘာသာတို့ရဲ့ ကျင့်စဉ်ပိုင်းတွေကို ကျင့်တဲ့နေရာမှာလည်း အလွဲအလွဲ အချော်ချော်ဖြစ်မှုတွေ အုတ်ရောရော ကျောက်ရောရော ဖြစ်မှုတွေ ပရိယတ်သမားနဲ့ ပဋိပတ်သမားတို့ရဲ့ ငြင်းခုံမှုတွေကြောင့် စာပေအသိနည်းသူအချို့ ယောင်ဝါးဝါး ဖြစ်ရပြန်တယ်၊ စာတွေ့မပြောနဲ့ လက်တွေ့ပဲပြော ဆိုတဲ့ ပဋိပတ် လ္ဘက်ရည်ကြမ်းဝိုင်း စကားတွေ.. ပေါဋ္ဌိလမထေရ်ကြီးတို့ အရှင်နာဂတို့ စာခံလို့ တရားထူး မရတာဆိုတဲ့ စကားတွေကလည်း သာသနာကို အမှန်တကယ် စောင့်ရှောက်နေတဲ့ ပရိယတ် သံဃာတော်များကို သနားသလိုလို ဖြစ်နေကြပြန်တယ်၊
တကယ်တော့ အသိကော အကျင့်ပါ လက်တွေ့တွဲပြီး သွားနိုင်ရင် အကောင်းဆုံးပါပဲ၊ တခါတရံ နိဗ္ဗေဓိကပညာ ခေါ်တဲ့ ထိုးထွင်းသိ ကျင့်ကြံသိမပါတဲ့ အပေါ်ယံစာသမား တချို့က တရားထူးဆိုတာ ဒီနေ့ခေတ်မှာ မရနိုင်တော့ဘူးလို့ လုပ်လာပြန်တယ်.. ဘုရားရှင် သုဘဒ္ဒရဟန်းကို ဟောခဲ့တဲ့ ဒေသနာတော်ကို မေ့နေကြတယ် ထင်ပါတယ်..
ဘုရားရှင်က.. တရားစစ် တရားမှန်များ တည်ရှိ၍ ကျင့်ကြံညွှန်ပြသူများ ရှိနေသမျှ ခေတ်၊ နှစ်၊ အကန့်အသတ်မရှိ အချိန်အခါမရွေး ဖြစ်နိုင် အရာမရွေးဖြစ်နိုင်တယ် (မဟာပရိနိဗ္ဗာနသုတ်) ဆိုတဲ့ စကားက အလွန်ရိုးရှင်းစွာ သိနိုင်ပါတယ်၊ တစ်ဖက်မှာ သတိထားကြည့်ပြန်ရင်လည်း.. တရားထူးရ ပုဂ္ဂိုလ်ကြီး ဆိုပြီး ဆိုင်းဘုတ်တင်ကာ ပဋိပတ်မာန်ထောင်ပြ နေပြန်တယ်..
ဟန်ချက်ညီတဲ့ အရေးအသား အဟောအပြော ကျင့်ကြံမှုများနဲ့ တရားထူး သိဖို့အရေးမှာ ဆရာအစစ် အမှန်ကို ရှာဖွေနိုင်ဖို့ အရေးကြီးတယ် (ယထာဘူတံ ဥာဏာယ သတ္ထာ ပရိယေသိတဗ္ဗော)။
မိမိဂုဏ်သိက္ခာ နာမည်ကျော်ကြားလိုမှုကြောင့် အမှားကို အမှန်ဖြစ် အမှန်ကို အမှားဖြစ်အောင် ဟောပြော ဖြန့်ဝေ လုပ်ကြံနေတဲ့ ၀ါဒတွေကို သတိထားနိုင်ဖို့လဲ လိုအပ်တယ်. ဆရာအစစ် အမှန်အရေးကြီးသလို မိတ်ကောင်းဆွေကောင်းဟာလဲ သီလ သမာဓိ ပညာကျင့်စဉ်ကို ကျင့်တဲ့နေရာမှာ ရာနှုံးပြည့် အင်အားဖြစ်တယ် ဆိုတာကို မမေ့သင့် (သကလမေ၀ ဟိဒံ… ယဒိဒံ ကလျာဏမိတ္တတာ)။
ပညာသိက္ခာကို ဖြည့်ကျင့်နိုင်ဖို့ သီလသိက္ခာ-ကိုယ်ကျင့်တရား ကျင့်စဉ်နဲ့ သမာဓိသိက္ခာ. စိတ်စွမ်းရည်မြှင့်တဲ့ကျင့်စဉ်တွေကို အစဉ်အတိုင်း ကျင့်ယူရမယ်၊ သီလကို အခြေပြုပြီးကျင့်တဲ့ အကျင့်မှလဲ ရုပ်နာမ် တရားအပေါ်မှာ ထိုးထွင်းသိတဲ့ ပညာကို ရနိုင်မှာပါ၊ မဟာသတိပဋ္ဌာန သုတ်မှာ ဘုရားရှင် ရဲရဲတောက် ၀န်ခံခဲ့တာက..
၁။ သတ္တ၀ါတို့ရဲ့ စိတ်စင်ကြယ်ဖို့
၂။ ၀မ်းနည်းခြင်း ပူဆွေးခြင်း စိုးရိမ်ခြင်း ကြောင့်ကြနေရခြင်းတွေကို ကျော်လွှားနိုင်ဖို့
၃။ ကိုယ်ဆင်းရဲခြင်း စိတ်ဆင်းရဲခြင်းတွေ အပြီးသတ် ချုပ်ငြိမ်းသွားဖို့
၎။ မဂ်ဥာဏ် ဖိုလ်ဥာဏ်ကို ထိုးထွင်းသိဖို့
၅။ နိဗ္ဗာန်ကို မျက်မှောက်ပြုနိုင်ဖို့… တစ်ခုတည်းသော လမ်းက သတိပဋ္ဌာန်တရား ရှုမှတ်ပွားများခြင်းပါ-လို့ တိတိကျကျ မိန့်တော်မူခဲ့တာမို့ ယုံကြည်စွာ ကျင့်ကြံအားထုတ်ရင် သေချာတဲ့ အကျိုးတရားတွေ ရောက်လာပါလိမ့်မယ်၊ လောကီ အကျိုးစီးပွား ဆိုတာကတော့ ပြောစရာ မလိုလောက်အောင် ဖြစ်လာမှာပါ။
ဘုရားရှင်ဟောပြတဲ့ သတိပဋ္ဌာန်တရား လေးပါးဆိုတာ..
၁။ ကာယာနုပဿနာ သတိပဋ္ဌာန်- အဲဒီအပိုင်းမှာ ၀င်လေ ထွက်လေကို ရှုမှတ်မှု၊ သွားရင် သွားတယ် စားရင် စားတယ်လို့ရှုမှတ်မှု၊ သတိသမ္ပဇဉ်နဲ့ ဆင်ခြင်ပိုင်းခြားမှု၊ မိမိရဲ့ ခန္ဓာမှာရှိတဲ့ အစိတ်အပိုင်းတွေကို စက်ဆုပ်ဖွယ်ရာ အဖြစ်ရှုမှတ်မှု ၊ မာမှု ပျော့မှု အေးမှု ပူမှုစတဲ့ ဓာတ်သဘောတွေကို နှလုံးသွင်းပိုင်းခြားမှု အသုဘကိုးမျိုးကို ဆင်ခြင်းပိုင်းခြားမှု ဆိုပြိး ပညာသိက္ခာဖြည့်ကျင့်မှုအတွက် နည်းလမ်းတွေ အမြောက်အများ ပါဝင်ပါတယ်၊ (အသေးစိတ် ကျင့်စဉ်တွေကိုတော့ ဆိုင်ရာစာအုပ်များမှာသာ ဆက်လက် လေ့လာစေလိုပါတယ်)။
၂။ ဝေဒနာနုပဿနာ သတိပဋ္ဌာန်-ကိုယ့်ရဲ့ Feeling- ကို အစပြုပြီး ဆင်းရဲခြင်း ချမ်းသာခြင်း စတဲ့သဘောတရား၊ ဒီသဘောတရား ဝေဒနာနဲ့တွဲပြီးဖြစ်ပေါ်တဲ့ ရုပ်နာမ်တွေကို မြင်အောင် ရှုရပါမယ်။
၃။ စိတ္တာနုပဿနာ သတိပဋ္ဌာန်- လိုချင်မှုဖြစ်ရင် ငါလိုချင်မှုဖြစ်နေတယ်..ဒေါသဖြစ်ရင် ငါဒေါသဖြစ်နေတယ် စသည်ဖြင့် သိအောင်ရှုမှတ်ရပါမယ်.
၎။ ဓမ္မာနုပဿနာ သတိပဋ္ဌာန်- ရုပ်နာမ်တရားတို့ရဲ့ ဖြစ်ခြင်း အကြောင်းကို သိမ်းဆည်းပြီး အကြောင်းကြောင့် အကျိုးဖြစ်တယ်ဆိုတာကို ရှုမှတ်ရမှာပါ။
ဒီသတိပဋ္ဌာန်တရား လေးပါးကို အနှစ်ချုပ် ရှုမှတ်နိုင်တာက ခန္ဓာငါးပါးကို အနိစ္စ-မမြဲ၊ ဒုက္ခ-ဆင်းရဲ၊ အနတ္တ- အစိုးမရ ဒီလိုရှုမှတ်ရင် သတိပဋ္ဌာန်တရား လေးပါးလုံး အကျုံးဝင်သွားတယ်လို့ မှတ်ယူနိုင်တယ်။ (ကာယ- ရူပက္ခန္ဓာ။ ဝေဒနာ- ဝေဒနာက္ခန္ဓာ။ စိတ္တ-၀ိညာဏက္ခန္ဓာ၊ ဓမ္မ- သညာက္ခန္ဓာ သင်္ခါရက္ခန္ဓာ- လို့ မှတ်ထားနိုင်ပါတယ်)
ဘုရားရှင် ဟောကြားတော်မူတဲ့ သစ္စာတရားဟာ ဒီကမ္ဘာမှာ အကြီးကျယ်ဆုံး ကြောင်းကျိုး ဆက်စပ်မှုတရားဖြစ်လို့ ဒီအမှန်သစ္စာ တရားကို ထိုးထွင်းသိအောင် ပညာသိက္ခာ ပန်းတစ်ပွင့်ကို ပန်ဆင်နိုင်မှ.. တော်ကာကျမှာပါ၊
သီလပညာနဉ္စ လောကသ္မိံအဂ္ဂမက္ခာယတိ- သီလနဲ့ ပညာဟာ လောကမှာ အမြတ်ဆုံးလို့ ဆိုတဲ့ ဘုရားရှင်ရဲ့ တရားတော်ကိုကြည့်ရင် ထေရ၀ါဒ ဗုဒ္ဓဘာသာဟာ ရုပ်ပိုင်းဆိုင်ရာ တိုးတက်မှုထက် စိတ်ပိုင်းစိတ်ရာ တိုးတက်မှုကို ပိုပြီးတန်ဖိုးထားကြောင်း နားလည်နိုင်ပါတယ်၊
မိမိရဲ့ဘ၀မှာ ကိုယ့်ကျင့်တရား-သီလသိက္ခာကို ဖြည့်ကျင့်ပြီး စိတ်စွမ်းရည် မြှင့်တင်အသုံးချမှု- သမာဓိသိက္ခာကို ဆက်ကျင့်ရပါမယ်၊ ပြီးမှ ပညာသိက္ခာကို ဖြည့်ကျင့်ရင် ဒီလူဟာ လောကမှာ အမြတ်ဆုံး လူသား ဖြစ်ခွင့်ရပါပြီ၊ ဒီလို ကျင့်စဉ်တွေကို ဖြည့်ကျင့်တဲ့ နေရာမှာလဲ လွယ်ကူခြင်း ခက်ခဲခြင်းဆိုတာ မိမိတို့ရဲ့ စိတ်အပေါ်မှာပဲ မူတည်ပါတယ်.. စိတ်ဆောင်တော့ အောင်ဆိုတဲ့ လောက စကားပုံရှိတယ် မဟုတ်လား၊
ကိုယ်ကျင့်တရား ကောင်းအောင် ကြိုးစားခြင်း၊ စိတ်စွမ်းရည် မြှင့်တင် ဖော်ထုတ်ခြင်းနဲ့ တရားရှုမှတ်ခြင်းဟာ လူပျင်းတို့ရဲ့ အလုပ်-အလုပ်မရှိ အကိုင်မရှိသူတို့ရဲ့ အလုပ်လည်း မဟုတ်ပါဘူး အမှန်တရားကို မြတ်နိုးသူတို့ ဘ၀ဆင်းရဲအပေါင်းက လွတ်မြောက်လိုသူတိုင်း ကျင့်ယူရမယ့် မွန်မြတ်တဲ့ ကျင့်စဉ်တွေ ဖြစ်တယ်ဆိုတာ မမေ့သင့်ဘူး၊ ဒါကြောင့် သာသနာတော်နဲ့ ကြုံနေတုန်း ဆရာကောင်းတွေ ပေါများနေတုန်း အခွင့်အရေးကို မိမိအတွက် အရယူကာ သီလပန်း သမာဓိပန်း ပညာပန်းပွင့်လေးတွေကို မြတ်နိုးစွာ ပန်ဆင်ရင်း အခက်အခဲတွေကို ကျော်လွှားကြပါစို့ လို့ ဆန္ဒပြုပါရစေ။
(၀န်ခံချက်) ပန်းတစ်ပွင့်ရဲ့ ဒိုင်ယာရီဆောင်းပါးကို ရေးသားရာမှာ.. ငါသိ ငါတတ်လုပ်၍ ရေးခြင်းမဟုတ်ဘဲ၊ ဘုရားရှင် ဟောကြားတဲ့ ပါဠိတော်များ၊ ၀ိသုဒ္ဓိမဂ် ဘာသာပြန်၊ ဒေါက်တာမင်းတင်မွန်ရဲ့ အမြတ်ဆုံးပန်းတိုင် ဧကန်ပိုင်၊ ဆရာကြီးဦးဋ္ဌေးလှိုင်ရဲ့ ရဟန္တာနဲ့ ပုဂ္ဂိုလ်ထူးများ၊ တည်တော ဆရာတော်ကြီးရဲ့ သီလဟူသည်.. စာအုပ်များကို ဖတ်ရှု၍. မိမိနားလည်သလို ပြန်လည် ဖြန့်ဝေခြင်းမျှသာဖြစ်ပါတယ်၊ အမှားအယွင်း တစ်စုံတစ်ရာပါရှိက မိမိတာဝန်သာ ဖြစ်ပါတယ်။)
အရှင်တိက္ခဉာဏာလင်္ကာရ
0 comments:
Post a Comment