၂၀၁၀နဲ့ ပုံရိပ်ဟောင်းဆိုပြီး ရေးခဲ့တယ်၊ မိမိဘာတွေလုပ်တယ်ဆိုတဲ့ မှတ်တမ်းထက် မပိုပါဘူး။ ဒီနေ့ ၀၁၊၀၁၊၂၀၁၁(၁၁၁၁) တစ်လေးလုံး နယူးရီးယားမှာ နေရာသစ် စိတ်သစ် လူသစ်နဲ့ ပတ်ဝန်းကျင်သစ်ကို ရောက်နေခဲ့တယ်။ ပျော်ရွှင်သော နှစ်သစ်ဖြစ်ပါစေ..ဆိုတဲ့ ဆုတောင်းစကားထက် ပျော်ရွှင်တဲ့ နှစ်သစ်ဖြစ်အောင် ဘယ်လို ပြုမူ ပြောဆို တွေးကြံရမယ်ဆိုတာကို ပိုပြီး မျှော်လင့်တယ်။ စကားလုံးထက် လက်တွေ့လုပ်ဆောင်မှုကို ပိုပြီး အလေးပေးချင်တယ်။ စကားတွေအများကြီးပြောပြီး လက်တွေ့နဲ့ ပေါင်းစပ်နိုင်ဖို့ ဝေးကွာလွန်းရင် သဘာဝမကျဘူးလုိ့ ရိုးရိုးပဲတွေးထားတယ်။
ပျော်ရွှင်သောနှစ်သစ်ဖြစ်ဖို့ ပျင်းစရာကောင်းအောင် လုပ်ခဲ့မိတဲ့ ကိုယ့်ရဲ့ ပြုမူ ပြောဆိုကြံစည် တာတွေကို သတိထားပြုပြင်ဖို့ပါပဲ။ လေထဲမှာတင် ပျော်ရွှင်ပါစေ ဆိုရင် လေထဲမှာပဲ ပျော်ရွှင်မှုရမှာပါ။ တကယ့်လက်တွေ့ ဘ၀မှာတော့ ပျော်ရွှင်မှု ရဖို့ခက်ခဲပါလိမ့်မယ်။
.
တစ်လေးလုံး နယူးရီးယားကို မဟာပဋ္ဌာန်းပွဲနဲ့ စခဲ့ကြတယ်..ယုံကြည်ချက်တွေကိုတည်ဆောက်တယ်..ယုံကြည်ချက်တွေနဲ့ ဆက်လျှောက်တယ်။ ယုံကြည်ချက်တွေ ဖြစ်လာတယ်။ ဒါပါပဲ. တကယ့်ကို ရိုးရိုးလေး။ ရိုးရိုးလေးနဲ့ စဖြစ်တဲ့ ၂၀၁၁ ရေ။ ရိုးရိုးလေးပဲ သဘောကျပါတယ်။
0 comments:
Post a Comment