မွေးနေ့ပူဇာ ဓမ္မစာ

မွေးနေ့ပူဇာ ဓမ္မစာ

ဆရာတော် အရှင်တိက္ခဉာဏာလင်္ကာရ ရဲ့ ၂၇-မေလ-၂၀၀၉ မှာကျရောက်တဲ့ ၃၁-နှစ်ပြည့် မွေးနေ့အမှတ်တရအဖြစ် ရေးသားလိုက်တာပါ။

ကျွန်တော်လည်း ဆရာတော်နဲ့ အွန်လိုင်းပေါ်ကပဲ ခင်မင်ရင်းနှီးခဲ့တာပါ။ ဗုဒ္ဓတရားတော်တွေနဲ့ ပတ်သက်လာရင် မေးသမျှ ဖြေပေးပြီး ကူညီတတ်တဲ့ ဆရာတော်ပါ။ ဆရာတော်အတွက် မွေးနေ့အမှတ်တရ ပို့စ်တွေဖတ်ရပါတယ်။ ဆရာတော်ဟာ ၂၇-မေလ-၂၀၀၉ မှာ သက်တော် ၃၁-နှစ် ပြည့်တော့မှာဖြစ်ပြီး မွေးနေ့ အမှတ်တရ အင်တာနက် စာမျက်နှာတစ်ခုဖွင့်မယ်ဆိုတာလည်း သိခဲ့ရပါတယ်။ အဲဒီ စာမျက်နှာမှာ ဖော်ပြထားတဲ့ ဆရာတော်ရဲ့ အတ္ထုပ္ပတ္တိ အကျဉ်းချုပ် ကိုလည်း ဖတ်ရှုကြည်ညိုခဲ့ရပါတယ်။

ဆရာတော်ဟာ ဘုရားရှင်ရဲ့ သားတော်ပီပီ စရိယာ ၃-ပါးစုံအောင် ဖြည့်ကျင့်ဆည်းပူးသူပါ။

ငယ်စဉ်ကစလို့ ယနေ့ထိ ပရိယတ္တိလုပ်ငန်းနဲ့ သာသနာ့ဝန်ကို ကောင်းစွာထမ်းဆောင်ခြင်း၊ ဇာတိမြေမှာ ရိပ်သာဖွင့်၍ တရားဟောခြင်း၊ တရားဆွေးနွေးမေးမြန်းလိုသူ လူငယ်များကို ကိုယ်ကျိုးမျှော်ကိုးမှု လုံးဝမရှိဘဲ မညည်းမညူ ဖြေကြားပေးခြင်း၊ ကွန်ပြူတာ အင်တာနက်ခေတ်မှာ အွန်လိုင်းရေဒီယိုများက တရားတောင်းတဲ့အခါ ဟောကြားပေးခြင်းတို့ဖြင့် လောကအကျိုးအတွက် ဆောင်ရွက်လျှက်ရှိပါတယ်။

ဉာတတ္ထစရိယာ အနေနဲ့ကတော့ ယောနယ်ဇာတိဖြစ်တဲ့ ပြည်ပရောက်မြန်မာများကို စုစည်းပြီး ယောအသင်းကို ဦးဆောင်ကာ ဆွေတော်မျိုးတော် ယောနယ်သားများအကြား ဒါနကစလို့ သူတော်ကောင်းတရားအမျိုးမျိုး ထွန်းကားအောင် ထမ်းဆောင်နေသူဖြစ်ပါတယ်။

ဆရာတော်ဟာ အချိန်ရရင်ရသလို မိမိကိုယ်တိုင် နိဗ္ဗာန်ချမ်းသာမြတ်ကို မျက်မှောက်ပြုနိုင်ဖို့ ဗောဓိဉာဏ်အကျိုးတွက်လည်း ပဋိပတ္တိ အလုပ်ကို အားထုတ်ပါသေးတယ်။ လူသူဝေးတဲ့ တောထဲမှာ ကာလကြာရှည်စွာ သတင်းသုံးပြီး တရားအားထုတ်တတ်ပါတယ်။

ဆရာတော်နဲ့ ပတ်သက်ပြီး ကျွန်တော်သိသမျှကို စာဖတ်သူများ ကြည်ညိုပွားနိုင်အောင် စရိယာသုံးပါး ခွဲခြားပြီး ရေးသားပူဇော်လိုက်တာပါ။ တကယ်တော့ ဆရာတော်ရဲ့ စွမ်းဆောင်ချက်တွေက ကျွန်တော့်ရေးသမျှနဲ့ မပြည့်စုံနိုင်သေးပါ။

စာဖတ်ပရိတ်သတ်များလည်း ကြည်ညိုနိုင်အောင် ထေရုပ္ပတ္တိ အကျဉ်းချုပ်ကို ကူးယူဖော်ပြပေးလိုက်ပါတယ်။

အရှင်တိက္ခဉာဏာလင်္ကာရ၏ အတ္ထုပ္ပတ္တိ အကျဉ်းချုပ်

မြန်မာကောဇာသက္ကရာဇ် ၁၃၄၀ ခု ကဆုန်လပြည့်ကျော် (၆)ရက်၊ ခရစ်နှစ် ၁၉၇၈ ခု မေလ ( ၂၇ ) ရက်နေ့တွင် မကွေးတိုင်း ဂန့်ဂေါမြို့ ခင်သာရပ်ကွက်၌ ခမည်းတော် ဦးအံ့မော် မယ်တော် ဒေါ်ဟန်အေးတို့မှ ဖွားမြင်သည်။ အသက် ၁၁ နှစ်အရွယ်တွင် သာသနာ့ဘောင်သို့ စတင်ဝင်ရောက်ခဲ့သည်။ ရန်ကုန် မန္တလေးမြို့များ၌ စာပေကျန်းဂန်များ လေ့လာသင်ယူခဲ့သည်။ သာမဏေကျော်ဘွဲ့၊ ၀ိနယ၀ိဒူဘွဲ့၊ သာသနာဓဇဓမ္မာစရိယဘွဲ့ တို့ကိုရရှိ အောင်မြင်ခဲ့ပြီး သီရိလင်္ကာနိုင်ငံ ကေလနိယ တက္ကသိုလ်၌ M.A တန်းကို တက်ရောက်သင်ယူခဲ့သည်။

ကမ္ဘာအေး မဟာဂန္ဓာရုံကျောင်းတိုက်၊ ဗဟန်း ၀ိသုဒ္ဓါရုံတိုက်သစ် နှင့် မန္တလေးမြို့ ၀ိသုဒ္ဓါရုံတိုက်သစ် စည်ရှင်ကျောင်း၌ စာပေများပို့ချခဲ့သည်။

ဇာတိရပ်ရွာ၌ အုံ့တုံးတောင်တောရ ဓမ္မရိပ်သာကို ဆရာနှင့်တွဲကာ ဦးဆောင်ပြုဖွင့်လှစ်ခဲ့ပြီး တရားဓမ္မများ ဟောပြောပြသခဲ့သည်။ မြေဇင်းတောရ ဆရာတော်ဘုရားကြီး၏ နည်းအတိုင်း ကျင့်ကြံအားထုတ်ခဲ့သည့် အတွေ့အကြုံကို အဖြူရောင်သံစဉ် ရေဒီယိုမှ ကမ္ဘာတ၀ှန်း တရားချစ်ခင် သူတော်စင်တို့သိအောင် ဟောပြောခဲ့သည်။ လူမှုရေး လုပ်ငန်းများအဖြစ် ပြည်ပရောက် ယောနယ်အသင်းများကို ဦးဆောင် ဖွဲ့စည်းခဲ့သည်။

မွေးနေ့ပူဇာ တေးကဗျာ

(အရှင်)တိက္ခဉာဏ၊ မည်ရထေရ်သည်
ဗုဒ္ဓဘုရား၊ ချစ်သားဂုဏ်ညီ
လောကာ, ဉာတိ၊ ဗောဓိသုံးလီ၊
စရိယတရား ပွားများနေပေသည်။

၂၀၀၉ နှစ် သက္ကရာဇ်မှာ၊ ၂၇ ရက် မေလချိန်ခါ
၃၁ ပြည့် မွေးနေ့မင်္ဂလာ၊ စာဖတ်သူများ သဒ္ဓါပွားစေရာ
(ထေရုပ္ပတ္တိကျဉ်းမျှဖော်ကာ)
ဆရာတော်အတွက်၊ မွေးရက်ပူဇာ
ရေးလိုက်ရ၊ ပြုကြ နုမောဒနာ။

၃၁-နှစ်ပြည့် မွေးနေ့မင်္ဂလာမှ အစပြု၍ အရှင်တိက္ခဉာဏာလင်္ကာရ (ဆရာတော်ဦးယော) ကျမ်းမာပျော်ရွှင်စွာဖြင့် သာသနာ့အကျိုးကို ဆထက်တံပိုးတိုးကာ ထမ်းဆောင်နိုင်ပါစေ။

စာဖတ်သူများလည်း ဆရာတော်ရဲ့ ထေရုပ္ပတ္တိအကျဉ်းချုပ်ကို ဖတ်ရှုကာ သံဃာရတနာမြတ်အပေါ်ထားရှိသော သဒ္ဓါတရား တိုးပွားနိုင်ကြပါစေ။ ဝမ်းမြောက်ဝမ်းသာ သာဓုခေါ်ကာ ကုသိုလ်တရားတို့ ပွားများနိုင်ကြပါစေ။

ကိုရွက်ဝါ

အကောင်းဆုံးသာ ယူသွားပါ

ကုသိုလ်နဲ့ အသက်ဆက်တဲ့ မွေးနေ့ပွဲလေး ဖြစ်ဖို့ ဓမ္မပို့စ်များ မွေးနေ့ပူဇာရေးပို့ကြ မွေးနေ့ဆုတောင်း မွေးနေ့ကဒ်များပေးပို့ကြတဲ့ ကနေဒါ နော်ဝေ အီတလီ ထိုင်ဝမ် မော်စကို ဂျပန် ဖီလစ်ပိုင် စင်္ကာပူ ထိုင်း သီရိလင်္ကာ အမေရိကန် နိုင်ငံမှ ဓမ္မမိတ်ဆွေများ အားလုံးကို ကျေးဇူးတင်ပါတယ်..

မွေးနေ့အမှတ်တရ အဖြစ် အွန်လိုင်းတရားပွဲလေး ဖြစ်မြောက်အောင် စီစဉ်ပေးတဲ့ ကိုဝင်းမြင့်နဲ့ သူငယ်ချင်းများကိုလည်း ကျေးဇူးတင်ကြောင်း ပြောလိုပါတယ်..

ပြောင်းလဲနေတဲ့ လောက.. အကျိုးရှိ အကျိုးမဲ့နှစ်မျိုးပြတတ်တဲ့ လောကကြီးမှာ ကောင်းတဲ့ပြောင်းလဲမှုတွေကို ရှာဖွေနေကြပြီး ဘ၀မှာ အကောင်းဆုံး အကျိုးတရားတွေကို ကျင့်ကြံနေကြ တဲ့ သူတော်စင် ညီအကို မောင်နှမတွေကို တတ်နိုင်သလောက် ဓမ္မစကား ပြောကြားခွင့်ရလို့လဲ ဦးဇင်းရဲ့ ၃၁ နှစ်ပြည့် မွေးနေ့ပွဲလေးဟာ ပိုပြီး စိုပြေခဲ့ရပါတယ်.

သံဃာတွေကို ဆက်ကပ်တဲ့ အစာအာဟာရတွေကို ၀ိုင်းဝန်းကူညီဆောင်ရွက်ပေးကြတဲ့ ရဟန်းညီအကိုများကိုလဲ ကျေးဇူးတင်ရပါတယ်..

စက္ကန့်တိုင်းမှာ စိန်စီထားနိုင်ဖို့ အကောင်းဆုံးတွေကို ဥာဏ်မှီသလောက် ဥာဏ်ရှိသလောက် ယူနိုင်သလောက် လောကကြီးထဲကနေ ယူသွားကြပါစို့လို့သာ ဆန္ဒပြုချင်ပါတယ်.....

အရှင်တိက္ခဥာဏ

အချိန်ကို ပြန်လည်ဝါးမြို အသုံးချနိုင်ပါစေ

ယနေ့ ၂၇ရက်မေလ ၂၀၀၉နေ့သည်
သူငယ်ချင်း ယောကြီး၏ မွေးနေ့ဖြစ်သည်။ ရင်းနှီး
သည့် သူငယ်ချင်းတစ်ယောက်အနေဖြင့် အရှင်တိက္ခဥာဏကို ယောနယ်သားဖြစ်၍
ယောကြီးဟု ဘော်ဒါအသိုင်းဝိုင်းများ သမုတ်သည့် အမည်သညာဖြစ်သည်။

သူငယ်ချင်း
ရေ..ကိုယ့်မွေးနေ့အတွက် ဆောင်းပါးလေး ရေးပေးပါဦးလို့ တောင်ဆိုးနေတာ မွေးနေ့
မတိုင်ခင် နှစ်ပတ်ကျော်ကျော်လောက်ကဖြစ်သည်။ ရေးမယ်ရေးမယ်နဲ့ ကြံစည်လိုက်
တိုင်း ခေါင်းထဲမှာ ဘာမှပေါ်သဖြင့် နောက်မှပဲ နောက်မှပဲလို့အချိန်တွေများစွာ ကျော်
ဖြတ်လာခဲ့သည်မှာ ယနေ့မနက်သည် သူငယ်ချင်း၏ မွေးနေ့ပင်ဖြစ်နေပါတော့သည်။

ညကပဲ အွန်လိုင်းမှာ တွေ့သဖြင့် မွေးနေ့ဆောင်းပါး ဘယ်လိုလဲမေးမှ အင်းဟုတ်သားပဲ
လို့သတိဝင်လာပြီး သူငယ်ချင်း အိပ်ယာထရင် ဖတ်ရပါစေမယ်လို့ ကတိပေးလိုက်
သဖြင့် ယခု ယောကြီးမနိုးခင် ကြိုးစားကာ ရေးလိုက်ရသည့် မွေးနေ့ဆောင်းပါးမဟုတ်
သော်လည်း မွေးနေ့အတွက် ရင်ထဲမှပေါ်လာသည့် ၀ိဇာတပတ္ထနာသ၀ဏ်လွှာ ဖြစ်ပါ
သည်။

“ကာလသည် သတ္တ၀ါတို့ကို စား၏’’ စာပေလေ့လာသူအများပညာရှင်တို့ အကျွမ်း
ဝင်သည့် စကားလုံးတစ်ခုဖြစ်သည်။ ကာလော ဃသတိ ဘူတာနိ ဆိုသည့် ပညာရှင်တို့
မိန့်ဆိုသည့် စကားကို ဘာသာပြန်ဆိုခြင်းပါ။ မွေးနေ့ဆိုသည့် ဝေါဟာရသည် အချိန်ကို
ဖေါ်ပြသည့် စကားလုံးဖြစ်သည်။ မွေးဖွားသည့်နေ့ရောက်တိုင်း နှစ်၏ တကျော့ပြန်
လည်ပတ်ခြင်းဖြစ်သည်။ တကျော့ပြန်လည်ပတ်သည်ဟု ဆိုသော်လည်း နောက်ဆုတ်
သွားခြင်းမဟုတ်ပါ။ ရှေ့သို့သာ တိုးကာတိုးကာ ရွေ့လျားခြင်းဖြစ်သည်။

ယခု သူငယ်ချင်း၏ ၃၀နှစ်မွေးနေ့မှ ၃၁ နှစ်မွေးနေ့အဖြစ် ရှေးသို့တိုးကာ နှစ်၏ တပတ်
ပြန်လည်လာခြင်းဖြစ်သည်။ အသက်အားဖြင့် ရှေးသို့တိုးလာသော ရက်နှစ်တို့၏
တပတ်လည်လာသော သူငယ်ချင်း၏ မွေးနေ့တွင် သူငယ်ချင်း တယောက်နေဖြင့်
ထုံးတမ်း စဉ်လာအတိုင်း မွေးနေ့ဆိုတောင်းပေးချင်ပါတယ်… သူငယ်ချင်း သကလရဋ္ဌ
သာသနောပကာရ ၀ိသိဋ္ဌပုဂ္ဂလ ဖြစ်ပါစေလို့။

တိုင်းပြည်အကျိုး သာသနာအကျိုးကို သယ်ဆောင်နိုင်သည့် အာဇာနည်ကောင်း
တယောက် ဖြစ်စေချင်သည်မှာ သူငယ်ချင်း၏ အွန်လိုင်းတရားပွကို ကြားနာပြီးကတည်း
ကရင်ထဲမှာ ပေါက်ဖွားလာသည့် ဆန္ဒ တစ်ခုပါ။

သူငယ်ချင်း၏ တရားနာသူအပေါင်းကို နားလည်အောင် ပြောပြရှင်းပြနိုင်သည့် စွမ်းရည်
ရှိနေသည်ကို ရိပ်စားမိသည်။ သူငယ်ချင်းကို မြှောက်ပင့်ကာပြောချင်းမဟုတ်။
ဖြစ်လာမည် မဖြစ်လာမည်ကိုတော့ မပြောနိုင်သော်လည်း သူငယ်ချင်း စွမ်းရည်ကို
အထင်ကြီးမိသဖြင့် အထက်ပါအတိုင်း ဆုတောင်းပေးခြင်းဖြစ်သည်။

သူငယ်ချင်းအတွက် ဆုတောင်းပေးသည့် စကားလုံးသည် ဒေါက်တာနန္ဒမာလာဘိဝံသ
(ရန်ကုန် ထေရ၀ါဒတက္ကသိုလ်၊ စစ်ကိုင်း သီတဂူကမ္ဘာ့ဗုဒ္ဓတက္ကသိုလ်တို့၏
ပါမောက္ခချုပ်) အရှင်သူမြတ် ရွေးချယ်ကာ ရွှေကျင်နိကာယ အဓိပတိ သာသနာပိုင်
ဝါဆိုဆရာတော် ဘုရားကြီးမှ သီတဂူဆရာတော်ကို အပ်နှင်းသည့် ဘွဲ့ဖြစ်သည်။
မိမိအရမ်းပင် နှစ်သက်မြတ်နိုးသည့် နာမည်ဖြစ်သည်။

ထို့ကြောင့် နောင်တချိန်
တိုင်းပြည်နှင့် သာသာနာကို သူငယ်ချင်း စွမ်းစွမ်းတမံဆောင်ရွက်မည့် စိတ်ဓာတ်အင်
အားများစွာ ကိန်းအောင်းလာစေဖို့ သူငယ်ချင်းအတွက် ဆုတောင်းပေးခြင်းလည်း
ဖြစ်သည်။

သူငယ်ချင်းရေ..ကာလတွေက ၀ါးမျိုးခြင်းကိုခံလာခဲ့တာ ယခုသူငယ်ချင်း ၃၁နှစ်ပင်ရှိခဲ့
ပြီ။ သူငယ်ချင်းကလည်း အချိန်ကို ပြန်လည် အသုံးချဝါးမျိုးနိုင်ခဲ့လို့ မာစတာဘွဲ့ကြီးကို
အောင်မြင်စွာ ဆွတ်ခူး၊ ဗုဒ္ဓ၏ ဓမ္မတွေကို ဖြန့်ဖြူနိုင်တဲ့ ရဟန်းတပါးဖြစ်နေပါပြီ။

ရှေ့ဆက်၍လည်း အချိန်က ဒို့တတွေကို ၀ါးမျိုနေဦးမှာပဲ။ ဒို့ကိုဝါးမျိုးတဲ့အချိန်တွေကို
အကျိုးရှိရှိ အသုံးချပြီး. ကိုယ်ဆုတောင်းပေးတဲ့ ပတ္ထနာသ၀ဏ်လွှာလေး သူငယ်ချင်းဖြစ်
ပါစေ…အချိန်ကိုပြန်လည် ၀ါးမျိုး အသုံးချနိုင်တဲ့ ၀ိသိဋ္ဌပုဂ္ဂလဖြစ်ပါစေ..

မနက်ဖြန်

အနေလည်းတတ် အသေမြတ်ဖို့

ရာသီစက်ဝန်းကား တရွေ့ရွေ့နှင့် ပြောင်းလဲလည်ပတ်လာခဲ့ရာ ယနေ့ဆိုလျှင် မြန်မာသက်ကရာဇ် ၁၃၇၁ ခု နယုန်လဆန်း ၄ ရက် ၊ ( 27 May 2009) သို့ပင် ရောက်ခဲ့ပေပြီ...။ယနေ့သည် ဆရာတော် အရှင်တိက္ခဉာဏာလင်္ကာရ၏ (၃၁) နှစ်မြောက် မွေးနေ့မင်္ဂလာ နေ့ထူး နေ့မြတ်လည်း ဖြစ်ပေသည်။

သက္ကရာဇ်တွေ တစ်နှစ်ပြီး တစ်နှစ်တိုးလာသလို လောကကြီးမှာနေဖို့ရန်လည်း တစ်နှစ်ယုတ်လျှော့ခဲ့ပေပြီ...။မလွဲမသွေ ကြုံတွေ့ရမည့် သေခြင်းတရားကို ရဲဝံ့စွာရင်ဆိုင်နိုင်ဖို့၊ အသေတက်ဖို့မှာလဲ လွန်စွာမှအရေးကြီးလှပေသည်။

အနေတက်မှလည်း အသေတက်ပါလိမ့်မည်... ဟူသော စကားအတိုင်း ဆရာတော်အရှင်သည် သီရိလင်္ကာနိုင်ငံ တွင်သတင်းသုံးနေထိုင်လျှက်ရှိပြီး တရားဓမ္မချမ်းသာကို ရှာမှီးလိုကြကုန်သော တိုင်းနိုင်ငံအသီးသီးမှ ကြီးကြီးငယ်ငယ် ရွယ်ရွယ်လတ်လတ် ဓမ္မမိတ်ဆွေ ဒကာ၊ဒကာမတို့အား အသေလည်းတက်၊အနေလည်းမြတ်စေရန် မြတ်စွာဘုရားရှင်၏ တရားဓမ္မများကို မိမိတက်စွမ်းသလောက် လက်လှမ်းမှီသလောက် ဟောပြလမ်းညွန်တော် မူခဲ့ပါသည်။ တပည့်နောင်လာနောင်သားတို့ အားထားလေးစားရသော သာသနာ့ အာဇာနည် တစ်ပါးပေတည်း...။

မွေးနေ့အမှတ်တရ အဖြစ် ~
ဆရာတော် ၏ သက်တော် (၃၁)နှစ်မှသည် နောင်နှစ်ပေါင်း များစွာထိ ဘာသာ၊သာသနာ ၏ တာဝန် များကို ကျန်းမာစွာဖြင့် ဆထက်တပိုး ထမ်းဆောင်နိုင်ပါစေကြောင်း အဝေးတစ်နေရာမှ ဆုမွန်ကောင်း တောင်းလိုက်ပါသည် ဘုရား။

EI MI KO
Design & Application Engineer

ဘာဝနာမွေးနေ့ ဖြစ်ပါစေ

မွေးနေ့  မှာ တရားများနဲ့ ပျော်မွေ့ နိုင်ပါစေ။
မွေးနေ့ ဆိုတာလည်း နေ့ တိုင်းမွေးတဲ့ မွေးနေ့ ကို
ပြောချင်တာပါ။ တကယ်တမ်းမွေးခဲ့တာက တစ်ရက်ထဲ။
ခဏလေးမွေးခဲ့တဲ့ နေ့ ရက်ကို အကြောင်းပြု လို့  လူတွေက
ဘုန်းကြီးတွေက စမွေးခဲ့တဲ့နေ့ က ရေတွက်လျှင်
ဘယ်နှစ်နှစ်မြောက်ပြီ ဆိုတဲ့ နေ့ ကိုဘဲ မွေးနေ့ ကို လုပ်ကြလေရဲ .။
တရားနဲ့ ကြည့်ရင် ခဏမစဲ မွေးနေတာပါပဲ။

မွေးနေ့ မှာ မွေးနေ့ လက်ဆောင်တွေ အဖြစ်
အရှင့်ရဲ့  ဘလော့စပေါ့မှာ တွေ့ ရရဲ့ ။ လူတွေရဲ့ 
မွေးနေ့ လက်ဆောင်လေးတွေ။ကိတ်မုန့် တွေနဲ့ ။
မွေးနေ့ အတွက် ဆုတောင်းလေးတွေနဲ့ ။
ဓမ္မဘရားသား တစ်ပါးအနေနဲ့  စားမရတဲ့  ကိတ်မုံ့ ကို
လည်း မွေးနေ့  လက်ဆောင် အဖြစ်မပေးချင်။

သူတို့ အနေနဲ့ 
ပျော်စရာလည်းဖြစ်။အရှင်လည်း ကြည်နူးပီတိ ဖြစ်ကောင်းဖြစ်မယ်.။
အရှင် ဒီနေ့ ဆွမ်းးကပ်သလိုမျိုးသာ လက်တွေ့  ကပ်လိုက်ချင်ရဲ့ ။
သို့ သော် အဝေးရောက်နေပေမယ့် စိတ်က နီးစပ်နေတဲ့
တပည့်တော် အဖို့  အရှင်ကို မွေးနေ့ လက်ဆောင် အဖြစ်
တကယ်လက်တွေ့ ကျသော ယနေ့ လို ဆွမ်းးကပ်ခြင်းမျိုး။

နေ့ စဉ်စောင့်ထိန်းတဲ့ သီလ။ တရားဘာဝနာများ နှလုံးသွင်းခြင်း၊
နဲ့ တရားများ ဟောပြောပြသခြင်းများ၊ ဘလော့စာမျက်နှာကဖြန့် ဝေ
ခြင်းများ....အားလုံးကောင်းသော ဓမ္မ္မ များနဲ့  နေ့ စဉ် မွေးနေတဲ့
မွေးနေ့ တိုင်း ပျော်ရွှင် နိုင်ပါစေ ကြောင်း မွေးနဲ့ လက်ဆောင် တစ်ခု
အဖြစ် ပို့ သလိုက်ပါတယ်။

အရှင့်ရဲ့ 
ဓမ္မဘရားသား
အရှင်တေဇောဘာသ
ဂျာမဏီနိုင်ငံ

ရှင်သန်ခြင်းရဲ့ အဓိပ္ပါယ်

“နတ္ထိ ဇာတဿ အမရဏံ”
မွေးဖွားလာသူတိုင်း အမြဲတစေ ရှင်သန်ရတယ်ဆိုတာ မရှိဘူး။(Buddha)

အခု သူ ရောက်ရှိနေထိုင်နေတဲ့ နေရာက သီတဂူဝိဟာရကျောင်း(မင်နီဆိုးတာ ပြည်နယ်၊ အမေရိကန်)ဖြစ်လေတော့ စ ရောက်ရောက်ချင်းတော့ နေ့နဲ့ ည မှားနေတာ၊ ရာသီဥတုနဲ့ အစားအသောက်ကိစ္စတွေက မသိမသာတစ်မျိုး သိသိသာသာတစ်မျိုး အနှောက်ယှက်ပေး တာတွေ ကြုံရပါတယ်။ ဒီတော့ ကိုယ့်ကိုယ်ကို အံဝင်ခွင်ကျဖြစ်အောင် ပြင်ရင်းနဲ့ နေထိုင်လာတာ အခုဆို တစ်လပြည့်ခဲ့ပါပြီ။ ဒီလိုနေခဲ့တဲ့တစ်လအတွင်းမှာ မှတ်မှတ်ရရ အဖြစ်ပျက်လေး တစ်ခုရှိပါတယ်။ အဲဒါက ကွယ်လွန်သွားတဲ့ အမေရိကန်မကြီးတစ်ယောက်ရဲ့ ပစ္စည်းတွေကို ကျောင်းရန်ပုံငွေရအောင် လာလှူတာပါပဲ။ အစတော့ သူ မသိပါ ဘူး။ ဒီလောက်များတဲ့ပစ္စည်းတွေ ဘာလုပ်မှာလဲပေါ့။ နောက်တော့ ဆရာတော် အရှင်နာယကာလင်္ကာရနဲ့ ဒကာအချို့က ရှင်းပြလို့ သိခွင့်ရပါတယ်။ အဲဒီပစ္စည်း တွေကို ပြန်ရောင်းရင် ရန်ပုံငွေထွက်တယ်တဲ့။ ဆရာတော်အရှင်နာယကာလင်္ကာရ ဘာမှ ၀င်ပြောစရာမလိုအောင် ဒကာတွေက ၀ိုင်းဝန်းလုပ်ဆောင်ကြလို့ တော်တော်လေးလည်း ကျောင်းအတွက် ဖန်ငွေရပါ တယ်။ အဲဒီပစ္စည်းတွေထဲက တော်တော်များများက လုံးဝမသုံးရသေးပဲ ပါကင် လိုက်လေးပဲ အသစ်အတိုင်းရှိနေဆဲပါ။ ပစ္စည်းတွေကို ကြည့်ပြီး သူတွေးမိပါ တယ်။ “ ဒီအဖွားကြီး ပစ္စည်းတွေ ၀ယ်ပြီး မသုံးရက် မစွဲရက်နဲ့ သေသွားရှာတာ၊ နှမြောစရာ” လို့လေ။ နောက်ထပ်ကြားရပါတယ်။ ကွယ်လွန်သွားတဲ့ အဖွားကြီး ဟာ သူ့ယောက်ျားဆုံးသွားတော့ ငွေတွေ တော်တော်များများ ကျန်ဆိုပဲ။ သူမ ကိုယ်တိုင်လည်း အသက်ကြီးလာတော့ ငယ်မူပြန်စိတ်နဲ့ Shopping ထွက်ပြီး ငွေတွေ ဖြုန်းပစ်တယ်တဲ့။ သူ့ရင်ထဲ ရှိတာတွေ ၀ယ်ပြီး စုခဲ့ပေမယ့် သူ လုံးဝသုံးမသွားရှာပါဘူး။ အခုကျန်တဲ့သားသမီးတွေက ကျောင်းကို လှူပစ်ခဲ့ပါရော လား။ တကယ်တော့ အမေရိကန်လို နိုင်ငံမျုိးမှာ ပစ္စည်းအဟောင်းတွေကို စွန့်ပစ်မယ်ဆိုရင်တောင် တော်တော် ငွေကုန်ကြေးကျများတဲ့နိုင်ငံလေ။ ဒီတော့ ကျန်ရစ်ခဲ့တဲ့ သားသမီးတွေအနေနဲ့ သူတို့ မိဘပစ္စည်းတွေကို အကျိုးရှိအောင် လုပ်သွားတာဟာလည်း ချီးကျူးစရာမဖြစ်ခဲ့ရင်တောင် သူလည်းအကျိုးရှိ၊ ကိုယ်လည်း အကျိုးရှိအောင် လုပ်ခဲ့တဲ့စိတ်ကလေးကိုတော့ လေးစားမိပါတယ်။
ဒီတော့ အစကို ပြန်ကောက်ရရင် အဖွားကြီးရဲ့ ပစ္စည်းပုံတွေကြားရောက် နေရင်းနဲ့ သူ တွေးမိတဲ့အတွေးလေးတစ်ခုက “ သြော်... မွေးလာရင် သေဆုံးရ မှာပဲ” ဆိုတာလေးပါ။ မွေးခြင်းနဲ့ သေခြင်းနဲ့အကြားလေးမှာ တစ်ယောက်ကို တစ်ယောက် မေတ္တာတွေ ထားနိုင်ကြမယ်ဆိုရင်၊ ပြီးတော့ တစ်ယောက်အမှား ကို တစ်ယောက်က နားလည်ခွင့်လွတ် ပေးနိုင်ရင်၊ ရှင်သန်ရတဲ့ ဘ၀တိုတိုလေး မှာ တော်တော်လေး စိမ်းချမ်းမြေ့စရာပါပဲလေ။

မွေးခြင်းနဲ့ သေခြင်းအကြားက အကြောင်းလေးတွေကို တွေးရင်း ရွှေပြည်ကြီး က လဘက်ရည်ဆိုင်မှာ သူငယ်ချင်းတွေနဲ့ ၀ိုင်းဖွဲ့ပြောခဲ့တာလေးကို သတိရမိပါ တယ်။ (အခုတော့ အကြောင်းကြောင်းကြောင့် သူငယ်ချင်းတွေ ဝေး ကွာကုန် ပါပြီ) ချင်းမိုင်မှာကျောင်းတက်နေတဲ့ သူငယ်ချင်းက “ သေပြီးတဲ့ နောက် ဘာလုပ်လို့ ရတော့မှာလဲ ကိုမှူးရာ”တဲ့။ နေပြည်တော်မှာ နေတဲ့ သူငယ်ချင်းကတော့ “အဲဒီမသေခင်လေးကို ကိုယ်လုပ်ချင်တာ လုပ်သွားရရင် ကျေနပ်ပြီ”တဲ့။ သူငယ်ချင်းနှစ်ယောက် ပြောသွားတဲ့ စကားကို ကြည့်ရင် တစ်ယောက်က သေပြီးတဲ့နောက်ကို လှမ်းမျှော်ပြီး လက်ငင်းဘ၀မှာ အဓိပ္ပါယ်ရှိရှိနေသွားချင်တဲ့ ဆန္ဒကို သွယ်ဝိုက်ပြောသွားသလို ပဲ၊ နေပြည်တော်က သူငယ်ချင်းကတော့ မသေခင် လက်ရှိဘ၀ကိုပဲ ကိုယ့်အ တွက် တစ်ခုခုကျန်အောင်လုပ်သွားချင်တဲ့ ဝေဒနာလေးရှိနေတာကို တွေ့မြင်မိ မှာပါပဲ။
ခုနက ပစ္စည်းတွေ မသုံးစွဲပဲထားခဲ့တဲ့ အဖွားကြီးဟာ နေပြည်တော်က သူငယ် ချင်းပြောသွားသလိုပဲ နေထိုင်သွားတာပဲလား ဖြစ်နေမလားလို့ တွေးနေမိပါ တယ်။

ဘာပဲဖြစ်ဖြစ် ဘ၀မှာ တစ်ခါပဲ မွေးပြီး တစ်ခါပဲသေချင်တယ်ဆိုရင်တော့ ကိုယ် ဟာ အများအတွက်၊ နိုင်ငံနဲ့ ဘာသာ သာသနာအတွက်၊ စစ်မှန်တဲ့ အကျိုးလို လားတဲ့စိတ်နဲ့ ရှင်သန်သွားတတ်ဖို့တော့ သိပ်အရေးကြီးပါတယ်။ ဒီလိုမှ မဟုတ် ရင်တော့ တစ်ခါပဲမွေးပြီး အခါခါသေရတဲ့ဘ၀နဲ့ ကြုံနေဦးမှာ ဖြစ်သလို ကိုယ့်ဘ၀သမိုင်း ၊ ကိုယ့်ပတ်ဝန်းကျင်သမိုင်းနဲ့ ကိုယ့်ရာဇ၀င်တစ်ခု လုံး မီးသွေးဖုတ်ခံရ ထားရတဲ့ ထင်းတွေလို မည်းညစ်စုတ်ပြတ်နေမှာတော့ အသေချာပါ။ ဘာကြောင့်လည်းဆိုတော့ ဘ၀တစ်ခုဟာ မွေးခြင်းနဲ့ စပြီး သေခြင်းနဲ့ဆုံးရတဲ့ ကာလလေးတစ်ခုဖြစ်ပြီး အဲဒီကာလလေးမှာပဲ အကျိုးရှိရှိ ပျော်ပျော်ရွှင်ရွှင် ဖြတ် သန်းကြရတာမို့ပါလေ။

ဘာပဲဖြစ်ဖြစ်၊ ဒီအကြောင်းလေးကို တွေးနေဆဲမှာပဲ စိတ်ထဲ သတိရဖြစ်လိုက် တာက သင်/ဖတ်လက်စ အင်္ဂလိပ်စာစာအုပ်ထဲက ၀ါကျလေးတွေကိုပါ။ ဘာတဲ့......
"DO NOT WASTE YOUR TIME."
"NOTHING IN THIS WORLD IS PERMANENT OR STILL."

(မွေးနေ့ရှင် အရှင်တိက္ခာဥာဏာလင်္ကာရ( M.A)အရှင်မြတ်လည်း မွေးနေ့မှသည် နှစ်ပေါင်း များစွာ အမျိုးဘာသာသနာအကျိုးကို သယ်ပိုးနိုင်ပါစေကြောင်း ဆုမွန်ကောင်း တောင်းရင်း)

ရိုသေစွာဖြင့်.....နေသစ်မှူး (အင်တာနေရှင်နယ်တောသားကြီး)

လူ့ဘုံရိပ်နန်း ပယ်ခွါလှမ်း၍

သာသနာကျိုး ရွက်သယ်ပိုးမည့်
လောင်းလျာအရှင် ဆရာသခင်ကို
ကဆုန်လပြည့် ကျော်သည့်နေ့ရက်
ခြောက်ရက်မြောက်တွင် မယ်တော်ဝမ်းမှ
ဖွားတော်မူသည် ဇာနည်တစ်ပါး ပေါ်တယ်လေး။

ဖွားမြင်မြောက်ကာ ဆယ့်တစ်နှစ်ရွယ်
ချိန်ခါရယ်၌ လူဘုံရိပ်နန်း
ပယ်ခွာလှမ်း၍ သာသနာ့ဘောင်
သွတ်သွင်းဆောင်၏ စာပေကျမ်းဂန်
ဆည်းပူးမှန်သည် နတ်လူအကျိုး ဆောင်တယ်လေး။

သာမဏေကျော် ဘွဲ့တော်နှင့်တူ
သာသနာဓဇ ဓမ္မာစရိယဟု
အပ်နှင်းခံယူ အောင်တော်မူ၍
သီရိလင်္ကာ မြေမဟာ၌
ထပ်ဆင့်ကွန့်မြူး အောင်ကာထူးသည် ဆီမီးရောင်သို့ ထွန်းတယ်လေး။

လောကုတ်လောကီ နှစ်လီဋ္ဌာန
ပြည့်ဝအကျိုး သယ်ပိုးသည့်ရှင်
မြတ်သခင်၏ မွေးနေ့ခါ၌
ရေနံ့သာမောင် ကာရံဆောင်၍
ညွှန်းဆိုဖွဲ့သီ ဂုဏ်ကိုရည်သည် နတ်လူသာဓု ခေါ်တယ်လေ။ ။

ရေနံ့သာမောင် ရေးဖွဲ့သည်.

ဆရာတော် အရှင်တိက္ခဉာဏာလင်္ကာရအတွက် မွေးနေ့ပူဇာ ဆောင်းပါးလွှာ

ဘုန်းတော်အနန္တ၊ ဂုဏ်တော်အနန္တ၊ ဉာဏ်တော်အနန္တ၊ တန်ခိုးတော်အနန္တနှင့် ပြည့်စုံတော်မူသော မြတ်စွာဘုရားရှင်၏ မေတ္တာ၊ ကရုဏာတော်ကြီးမားပုံနှင့် သစ္စာတရားတော်အား ထုတ်ဖော် ဟောပြခဲ့သည်ကို နှလုံးသွင်း၍ ရိုသေမြတ်နိုး လက်စုံမိုးလျက် ရှိခိုးကန်တော့ပါ၏။

မြတ်စွာဘုရားရှင်၏ ရွှေနှုတ်တော်မှ မိန့်တော်မူပေထသော တရားဓမ္မများ၏ ဂုဏ်ကျေးဇူးကို ရည်စူး၍ ရိုသေမြတ်နိုး လက်စုံမိုးလျက် ရှိခိုးကန်တော့ပါ၏။

မြတ်စွာဘုရားရှင်၏ တရားဓမ္မများကို ကိုယ်တိုင် ကျင့်ကြံအားထုတ်၍ သတ္တဝါ ဝေနေယျများကိုလည်း ကရုဏာ ရှေ့ထား ဟောပြညွှန်ပြပေးအပ်သော သံဃာတော်အရှင်မြတ်များ၏ ဂုဏ်ကျေးဇူးတော်အား ရည်စူးစိတ်ညွှတ်၍ ရိုသေမြတ်နိုး လက်စုံမိုးလျက် ရှိခိုးကန်တော့ပါ၏။

ကျေးဇူးရှင် ဆရာတော် အရှင်တိက္ခဉာဏာလင်္ကာရ၏ မွေးနေ့ပူဇာ ဆောင်းပါးလွှာကို ရေးသားပူဇော်ပါမည်ဟု စိတ်မှ ဆုံးဖြတ်လိုက်သည်နှင့် ဆရာတော်အား လက်ဆောင်ပေးလိုသော စိတ်သည် ဖြစ်၏။

ဘယ်လက်ဆောင်ကို ပေးရမည်နည်းဟု မေးခွန်းလေး ထုတ်ကြည့်သော်.. ရတနာ အား လက်ဆောင်ပေးလို၏။ ဆရာတော်၏ တရားဓမ္မကို ကြားနာရ၍ မသိရသည်ကို သိခွင့်ရကုန်၏။ ထိုသိခွင့်ရသော အသိသည် ဒုက္ခပိနေသော ဘေးမှ လွတ်ကင်းနိုင်သော သတ္တိကို ကျေးဇူးပြု၍ ဆရာတော်၏ ကျေးဇူးသည် လွန်စွာကြီးမား၏။ ထို့ကြောင့် ဆရာတော်အား လက်ဆောင်ပေးလိုသော ရတနာသည် တန်ဖိုးကြီးမြတ် မြင့်မားသော ရတနာ ကို ရွေးချယ်ပေးလိုသော ဆန္ဒသည် ရှိ၏။ ရတနာထဲမှ တန်ဖိုးကြီးမြတ်သော ရတနာကို စိတ်ကတ္တီပါ အလွှာလေးပေါ်မှာ တင်ကြည့်ပြီး ရွေးကြည့်သော်… ဘုရား၊ တရား၊ သံဃာ ဤရတနာသုံးပါးကို တပည့်တော် ရှာဖွေ တွေ့ရှိပါ၏။

ဘုရားရတနာ၊ တရားရတနာ၊ သံဃာရတနာ ဟု ဆိုအပ်သော ဤရတနာသုံးပါးအား ဆရာတော်အား လက်ဆောင်ပေးအပ်ပါ၏။ ဤရတနာအား ပကတိစက္ခုဖြင့် မမြင်အပ်နိုင်ပေ၊ ဉာဏစက္ခုဖြင့်သာ ရတနာ၏ အရည်အသွေး အားလည်း မြင်အပ်ပေ၏။ တန်းဖိုးကြီးမြတ်မှုကိုလည်း သိအပ်ပေ၏။ တပည့်တော်၏ မွေးနေ့လက်ဆောင်အား အရှင်ဘုရား၏ ဉာဏစက္ခုဖြင့် ဆောင်ယူတော်မူပါကုန်၊ မြင်အပ်ပါပေကုန်၊ သိအပ်ပါပေကုန်။
အရှင်ဘုရား၏ မွေးနေ့တော်အား ရည်စူး၍ တပည့်တော် အဘယ်သို့သော အကြောင်းအရာကို ရေးရမည်ကို မသိသေး၊ ရေးသာခဲ့သည်မှာ ဤအထိတော့ ရှိနေပြီ။ တပည့်တော် သုံးသပ်ကြည့်ပါသည်။ လူမိုက်နှင့် လူလိမ္မာ ဘာကွာလဲ မေး။ မိုးကုတ်ဆရာတော်ဘုရားကြီး၏ တရားတော်မှ ကွာဟမှုကို တပည့်တော် သိခဲ့ရပါ၏။ ထိုကွာခြားချက်မှာ -
• လူမိုက်သည် အမှောင်ထဲမှ လာကြကုန်၏။ အမှောင်ထဲ၌ ကျင်လည်ကျက်စား ကြကုန်၏။ အမှောင်ရှိရာသို့ သွားကြကုန်၏၊ ဤသို့ အမှောင်ထဲမှလာ၍ အမှောင်ထဲသို့သာ သွားကြကုန်၏။
• လူလိမ္မာတို့သည် အမှောင်ထဲမှ လာကြကုန်။ အလင်းကို ရှာဖွေကြကုန်၏၊ အလင်းရှိရာသို့ သွားကြကုန်၏ ။ ဤသို့ အမှောင်ထဲမှာ လာကြသော်လည်း အလင်းကို ရှာဖွေတွေ့ရှိကြကုန်၏။
ဟု တပည့်တော် သိခဲ့ရပါသည်။ ဤအသိ ဖြင့် တပည့်တော် ယခုရေးသားမှုကို စတင်စ ပြုနေပါပြီ။
အရှင်ဘုရား၏ မွေးနေ့အတွက် ရည်စူး၍ ရေးသားပူဇော်သည့် ဆောင်းပါး ဖြစ်သောကြောင့် အရှင်ဘုရားကို ဦးတည်၍သာ တပည့်တော် ရေးပါရစေ အရှင်ဘုရား။ ဤနေ့သည် အရှင်ဘုရား၏ မွေးနေ့ဟုဆိုအပ်သော ကြောင့် ဤနေ့သည် အရှင်ဘုရား၏ အမှောင်ထဲမှ ရောက်လာခဲ့သောနေ့ (ဝါ) အလင်းရှာဖို့ ထွက်မြောက်လာသောနေ့ ဟု ဆိုအပ်သည်။ ထိုအမှောင် ထဲမှ ရောက်လာခဲ့ပြီးနောက် အရှင်ဘုရားသည် အလင်းကို ရှာဖွေသော သူဖြစ်၍ အလင်းရှိရာသို့ သွားနေသောသူ ဖြစ်၍နေပြီ။ အရှင်ဘုရားနှင့် ပါရမီအရင်းခံ တွေ့ဆုံကံပါ၍ တပည့်တော်တို့ ဤအခြင်းအရာအား သိခဲ့ရပါပြီ။ ဤသို့ လူလိမ္မာတို့ သွားသောလမ်း၌ အရှင်ဘုရား၏ ခြေဖဝါးရာကား ထင်ခဲ့လေပြီ။ ရှေ့က ကျင်လည်လာခဲ့သော သံသရာ၌ ဤသို့သောလမ်း၌ ခြေဖဝါးရာ မထင်ခဲ့၍ ကြီးစွာသော ဒုက္ခများဖြင့် သံသရာ၌ ဆင်းရဲခဲ့ရသည်ကို ယခုဘဝ ရထားသော ခန္ဓာ၏ သဘာဝလက္ခာဖြင့် ယှဉ်တွဲသုံးသပ်၍ သိမြင်အပ်ပေပြီ။

ကမ္ဘာကြီးအား Google Earth မှ zoom ဆွဲပြီးကြည့်သလို ဉာဏ်ဖြင့် လွှမ်းခြုံ၍ ဆင်ခြင်ကြည့်သော် လောကလူသားတစ်ချို့မှာ အသက်အရွယ်အားဖြင့် ကြီးရင့်နေပြီ၊ အရွယ်အားဖြင့် ရင့်နေပြီ။ သံဝေဂ ဉာဏ်ဒီဂရီအားဖြင့်ကား မတက်သေး၊ လောက၏ အမှန်တရားတစ်ခုကို မြင်နိုင်စွမ်းမရှိသေး၊ အမှောင်နယ်ထဲ၌သာ အဝိဇ္ဇာပြုံး ပြုံး၊ အဝိဇ္ဇာမဲ့ မဲ့လျက် လူမိုက်တို့သွားသည့် လမ်း၌ လျှောက်နေကြကုန်၏။ သူတို့သာ လျှောက်သည်မဟုတ်၊ အရွယ်နု လူငယ်ထုများကိုလည်း ဦးဆောင်ပြု ရှေ့ဆောင်မှု ရှိကြကုန်၏၊ ထိုသူတို့သည်ကား မိုက်ချက် ကန်းကုန် အကယ်ဒမီ နှစ်ထပ်ကွမ်း ပိုင်ရှင်များ ဖြစ်ကြ၏။

ဤအကယ်ဒမီ ပိုင်ရှင်များအား ဤလောက၌ မမြင်လိုသော်လည်း မြင်ရသည်။ ထိုသူတို့မှာ သဘာဝတစ်ခုကို ပုံဖော်ပေးသူများဟု ဆိုလျင် မမှားပေ။ အဘယ့်ကြောင့် ဆိုလျင် သဘာဝဟူသည်ကား အကောင်းနှင့် အဆိုးသည် ဒွန်တွဲလျက် ရှိသည်သာတည်း။ သံသရာပျော်သူ ဟု အမည်ပေးရမည်လား၊ သဘာဝသရုပ်ဖော်သူဟု အမည်ပေးရမည်လား ခွဲခြား၍မရချေ။

သေချာသည်က သူတို့မှာ သံသရာ၏ ဆင်းရဲဒုက္ခကို မမြင်အောင် ဖုံလွှမ်းထားသော အဝိဇ္ဇာတည်း ဟူသော တရားနှင့် ယှဉ်တွဲလျက် ပျော်နေသည့် တဏှာတရား၏ ပယောဂ လက်ချက် မိနေသော သူများသည်သာတည်း။

ဤသို့ ကမ္ဘာ့လူဦးရေအားဖြင့် ခြုံငုံ၍ မည်သည့်လမ်း၌ လျှောက်လှမ်းသူ ပမာဏ ပိုများသနည်းဟု ခွဲခြမ်းစီစစ်ကြည့်သော် လမ်းခင်းကျောက်နှင့် ပတ္တာမြားကဲ့သို့ လူမိုက်တို့လျှောက်သည့်လမ်း၌ လျှောက်သူပမာဏမှာ လွန်စွာ များပြား၏။ ပတ္တာမြား ပမာဏကား လွန်စွာနည်းပါး၏။

ဤသို့ အရေအတွက်သာ များ၍ အရည်အချင်းမရှိသော အစု၊ အရေအတွက်နည်းသော်လည်း အရည်အချင်းရှိသော အစု၊ ဤနှစ်စု၌ အရေအတွက်နည်းသော်လည်း အရည်အချင်းရှိသောသူအစု၌ အရှင်ဘုရား၏ ယခုအသက်အရွယ် မွေးနေ့ အချိန်အခါဝယ် ပါဝင်ခွင့်ရခဲ့ပြီ။ ဤသည်မှာ လွန်စွာပင် ဝမ်းသာဂုဏ်ယူစရာ ကောင်းသော အချက်ဟု တပည့်တော် သုံးသပ်၍ ဝမ်းမြောက်ရပါကုန်၏။ အားကျရပါကုန်၏။ အားကိုးရပါကုန်၏။

ဆက်လက်၍ မွေးနေ့ဟူသော နေ့တစ်နေ့၌ တွေ့ရသော လောကမြင်ကွင်း တစ်ချို့ကို သုံးသပ်ကြည့်သော်-

• တစ်ချို့မှာ ငယ်စဉ်အခါ၌သာ မွေးနေ့ရောက်တိုင်း လက်ဆောင်ရ၍ ပျော်ကြ၏။ အသက်အရွယ်ရလာသော် အရွယ်ကို မှန်မှာကြည့်၍ မျက်နှာမဲ့ကြ၏။ မပျော်နိုင်ကြ။
• တစ်ချို့မှာ ငယ်စဉ်အခါ၌ မွေးနေ့ရောက်တိုင်း လက်ဆောင်ရ၍ ပျော်ကြ၏။ အသက်အရွယ်ရလာသော် သေးမည့်ဘေးကို မျှော်တွေးသုံးသပ်၍ မသေမယ့်အရေးအားဖြင့် ရှိသေးလားဟု မေးမြန်း၍ မသေရာ အဇာတိဟု ဆိုအပ်သော နိဗ္ဗာန် ကို ဆန္ဒရည်သန်၍ တရားနာယူရန် သူတော်ကောင်းများထံသို့ ဆည်းကပ်ကြကုန်၏၊

နည်းနာခံယူ၍ တရားအားထုတ်ကြကုန်၏။ တသံသရာလုံးအားဖြင့် မကြားနာခဲ့ရသော သစ္စာတရားများကို ကြားနာရ၍ သူတို့မှာ ဝမ်းမြောက်ဝမ်းသာ ဖြစ်ကြကုန်၏၊ သစ္စာတရားအား နှလုံးသွင်းခွင့် ရကြကုန်၍လည်း လွန်စွာပင် ထပ်လောင်း ဝမ်းမြောက်ကြရကုန်၏။

ဤသို့အားဖြင့် ”သူများပျော်လို့ မပျော်နိုင် အဝိဇ္ဇာမှိုင်းကပ်လို့ မှိုင်” စသည်ဖြင့် မြင်ကွင်းနှစ်ခု၏ ခြားနားပုံကို တွေ့မြင်ကြရ၏။
ဤသို့ စသည်ဖြင့် ရှိကြအဖြာဖြာ ရေးသားစာပြု ရေးသားမှု မကုန်နိုင်ပြီ။ နိဂုံးမှာ ဆင်ခြင်မှုဉာဏ်အသွားဖြင့် စာကို အဆုံးသတ်ရလျင်-
ဤသို့ မွေးနေ့ရောက်တိုင်း ငါသည် - ယခုအသက်အရွယ်ထိ ဝဋ်ပျော်ကြီးဘဝဖြင့် အရှက်မရှိ နေထိုင်ခဲ့လေပြီ၊ ဝဋ်ဘေးအား အကြောက်တရားမရှိ နေထိုင်ခဲ့လေပြီ။ ဤသို့ ”အရှက်၊ အကြောက်” ကင်းမဲ့စွာဖြင့် အနှစ်သာရမရှိ နေထိုင်လာရခြင်းသည် အဘယ်မှာ မြင့်မြတ်သော ဘဝ ဖြစ်အံ့နည်း၊ အဘယ်မှာ လူ့ဘဝနှင့် ထိုက်တန်အံ့နည်း။

တစ်ချို့သည် ဝဋ်ခန္ဓာကြီးထမ်း၍ နေရသည်ကို ရှက်ခြင်း၊ ဤဝဋ်ဘေးအား ကြောက်ရွံ့ခြင်းများ ကို ဉာဏ်ဖြင့် ဆင်ခြင်ဖြစ်ပေါ်၍ ဝဋ်ခန္ဓာဘေးမှ လွတ်မြောက်ရာကို မြတ်စွာဘုရားရှင် သာသနာ့အလင်းရောင်အောက်၌ ရှာဖွေကြကုန်၏။ တွေ့ရှိကြကုန်၊ ဒုက္ခခပ်သိမ်း ငြိမ်းအေးကြကုန်၏။ ဤသို့သော သူတို့သည်သာ မြင့်မြတ်သောဘဝ ကို ပိုင်ဆိုင်ကြကုန်၏၊ လူ့ဘဝနှင့် ထိုက်တန်ကြကုန်၏။

ဤသို့ မြင့်မြတ်ခြင်း၊ ထိုက်တန်ခြင်း သို့ရောက်အောင် ငါသည် ကြိုးစားအပ်ပေ၏ဟု တပည့်တော်တို့အနေဖြင့် ဆင်ခြင်သင့်သည် မဟုတ်ပါလော…?
ဤသို့ဆင်ခြင်ဉာဏ်သွင်း၍ အလင်းအားရှာဖွေသူဖြစ်လင့် မရဏမင်းဖြင့် ရှာမတွေ့နိုင်ပြီ။


ရိုသေမြတ်နိုး လက်စုံမိုးလျက်
တပည့်၊တပည့်မ
ဝင်းမြင့်၊မေဟန်

ကန်တော့ပန်းနှင့် ခွန်းခြွေဆက်၏

မြေဇင်းတောရ ဆရာ့ထံမှ

ဆည်းပူးပညာ နည်းယူကာဖြင့်

ကျင့်ကြံပွားများ ထိုတရားကို

နောင်လာနောက်သား သိစေသားလို့

ဘုရားသားတော် မည်တော်ရသည့်

အရှင်တိက္ခ ဆောင်ရွက်လေသည်။

သုံးဆယ်တစ်ဘုံ သတ္တ၀ါအစုံ

သုံးဖြာစေတနာ ရှေ့မှာထား၍

သာသနာကျိုး သယ်ပိုးရွက်ခါ

ဝါတော်တစ်ဆယ် ရောက်ခဲ့လေပြီ။

အနိစ္စ၊ ဒုက္ခ၊ အနတ္တဟု ဥာဏ်နှင့်လွှာကာ

ဆင်ခြင်ပြုတော့ သက်တော်၃၁သို့

တိုင်ခဲ့လေပြီ။


အိုခြင်းတရား မပျက်သေးခင်

မေတ္တာတရား ရှေ့ဝယ်ထား၍

တရားပြခါ ကယ်ချွတ်မည်ဟု

ဘုရားသားတော် အရှင်တိက္ခ

ကြံဆောင်ပြုသည် သတ္တ၀ါ အပေါင်း

မြတ်တရားထူး ရစေသတည်း ။

ကဆုန်လမြတ် နှစ်ဆယ့်ခွန်ဝယ်

ဘုရားကျေးဇူး တရားထူးနှင့်

မြတ်သောအလှူ ပြုလိုက်လေသည်။


မွေးနေ့ပိုင်ရှင် ဆရာတော်အား

တရားချစ်ခင် တပြည့်တော်သည်

သဒ္ဓါရိုကျိုး လက်စုံမိုး၍

ကန်တော့ပန်းနှင့် ခွန်းခြွေဆက်ဧ။်

ပျော်ရွှင်စရာ မွေးနေ့ပိုင်ဆိုင်

ပါစေသတည်း။




ဘုန်းဘုန်းဦးတိက္ခဧ။် မွေးနေ့ရက်မြတ် ၂၇.၅.၂၀၀၉ နေ့အား ဤကဗျာအား မွေးနေ့လက်ဆောင်အဖြစ်
ပူဇော်ပါသည်။

ချယ်ရီ ဆုတောင်း....

တည်ငြိမ်ရင့်ကျက် မြင့်မြတ်စိတ်ထား
စေတနာပွား၍ ဟောကြားဒေသနာ
အဖြာဖြာကို လွယ်ကူသိအောင်
လမ်းပြဆောင်သည့် ဆရာတော်……

မရှိခြင်းနှင့် ရှိခြင်းတွေကြား
ဗျာများ၍နေ များဝေနေကို
တရားအလင်း ဆောင်ကျဉ်းပေးသည့်
ဆရာတော်….

၃၁ ပြည့် မွေးနေ့မင်္ဂလာ
ဤအခါမှ
သာသနာအကျိုး ဘာသာကျိုးကုို
စိတ်ရှိသမျှ ဆောင်ခွင့်ရ၍
သက်ရှည်ကျန်းမာ ချမ်းသာစွာဖြင့်
လိုရာဆန္ဒ ပြည့်စုံခလျက်
ရွှမ်းမြ ကျက်သရေ အထွေထွေလည်း
ခညောင်းပါကြောင်း ဆုမွန်တောင်းသည်
အေးငြိမ်းနိဗ္ဗာန်တိုင်…ပါဘုရား။ ။

နှင်းချယ်ရီ

မွေးနေ့ သံဝေကဗျာ

ကိုအောင်ဦး ပေးပို့သည့် မွေးနေ့ သံဝေဂ ကဗျာကို ပြန်လည်မျှဝေပါသည်။

မွေးနေ့ ဆုတောင်း

ယွန်းတာရာ ရေးစပ်ပူဇော်သည့် မွေးနေ့ပူဇာ ဆုတောင်းနှင့် မွေးနေ့ကိတ်

Happy Everyday

(ဘုန်းဘုန်း ဦးတိက္ခဉာဏာလင်္ကာရ (ယောဆရာတော်ဘုရား) ရဲ့  (၃၁) နှစ်မြောက် မွေးနေ့ အတွက် အမှတ်တရ ရေးသားပူဇော်ပါသည်။)

လောကကြီးထဲကို လူသားတစ်ယောက် မိခင်ရဲ့ ဝမ်းကြာတိုက်ကနေ ရောက်ရှိလာတဲ့နေ့ ကို မွေးနေ့  (Birthday) ရယ်လို့ ခေါ်ဝေါ်သမုတ်ကြပါတယ်။ နှစ်စဉ် အဲဒီနေ့ ရက်ကို ပြန်ရောက်တိုင်း ရောက်တိုင်းလည်း ဘယ်နှစ်နှစ်မြောက် မွေးနေ့ ရယ်လို့ လည်း သတ်မှတ်တတ်ကြပြန်ပါတယ်။ ကမ္ဘာပေါ်မှာရှိကြတဲ့ လူမျိုး၊ ဘာသာ၊ ဓလေ့ထုံးတမ်း အစဉ်အလာတွေ မတူညီကြပေမယ့်လို့  မိမိတို့ အနေအထားအလျှောက် အခြေအနေပေးသလောက် မွေးနေ့ အမှတ်တရ အဖြစ် အဲဒီနေ့ မှာ သတ်သတ်မှတ်မှတ်လေး တစ်ခုခုတော့ လုပ်တတ်ကြပါတယ်။ တချို့ က မွေးနေ့ ကိတ်လှီးမယ်၊ တချို့ က ဘုရားသွားမယ်၊ အလှူဒါန လုပ်မယ်။ တချို့ က ကိုယ့်ဖာသာကိုယ်ဘဲ အမှတ်တရ တစ်ခုခုလုပ်ကြမယ်။ စသည်ဖြင့်ပေါ့...။

ဒါပေမယ့် လူတွေအားလုံးတူညီနိုင်တဲ့အချက်ကတော့ မွေးနေ့  မှာ တတ်နိုင်သလောက် တစ်နေ့ လုံး ကောင်းတဲ့အာရုံတွေနှင့် ဖြစ်နေအောင်၊ မင်္ဂလာရှိအောင်၊ ပျော်ရွှင်စရာကောင်းတဲ့နေ့ လေး တစ်နေ့ ဖြစ်အောင် လုပ်တတ်ကြတာပါဘဲ။

တခြားသူတွေတော့မပြောတတ်ပါဘူး။ ကျွန်တော်ငယ်ငယ် ကလေးဘဝတုန်းကတော့ မွေးနေ့ ကိုရောက်ပြီဆိုရင် မနက်စောစောထ၊ မြတ်စွာဘုရားကို ဆွမ်းတော်ကပ်၊ သောက်တော်ရေကပ်၊ ပြီးတော့ သီလယူ၊ မေတ္တာပို့ ၊ တရားနှလုံးသွင်း စတာတွေလုပ်၊ ပြီးတော့ ဆွမ်းခံကြွလာတဲ့ သံဃာတော်တွေကို ဆွမ်းလောင်း၊ ပြီးတာနှင့် သူငယ်ချင်းတွေကို ခေါ်ပြီးကျွေး၊ နောက်ပြီးတော့ တစ်နေရာရာကို လျှောက်လည် စသည်ဖြင့် အဲဒီနေ့ လေးကို ထူးထူးခြားခြား ပျော်စရာတွေ၊ စိတ်ချမ်းသာစရာတွေနှင့် ပြည့်နေအောင် ကြိုးစားနေထိုင်ပါတယ်။ အဲဒီမွေးနေ့ ပြီးနောက်ရက်တွေကတော့ ပုံမှန်အတိုင်း ပြန်ဖြစ်သွားတာ ပါဘဲ။

အခုအသက်ကြီးလာတဲ့အချိန်ရောက်တော့လည်းဘဲ မွေးနေ့ ရောက်ပြီဆိုရင် ကုသိုလ်ကောင်းမှုတွေကို တခြားနေ့ တွေကထက်စာ ပိုသတိထားလုပ်ရင်း မိမိစိတ်ကိုလည်း ကောင်းတဲ့အာရုံတွေမှာ ပိုပြီး ဂရုစိုက်ထားရင်း အကုသိုလ်ဖြစ်စရာတွေကို တတ်နိုင်သလောက်ရှောင်ရင်း အဲဒီတစ်နေ့ စာကို စိတ်ချမ်းသာအောင် နေထိုင်းရင်း ဖြတ်သန်းတတ်ပါတယ်။ အဲဒီနေ့ ပြီးလို့  နောက်ရက်တွေမှာတော့ ကောင်းဆိုးအာရုံတွေကြားထဲမှာ စိတ်ညစ်လိုက်၊ ပျော်လိုက်နှင့် ဒုံရင်းဘဝကို ပြန်ရောက်သွားတတ်ပါတယ်။

ကျွန်တော် ဖတ်ဖြစ်တဲ့ စာအုပ်တစ်အုပ်ထဲမှာ စာရေးသူက “မွေးနေ့ မှာ Happy Birthday ပျော်ရွှင်စရာ မွေးနေ့ လို့ ပြောကြတယ်။ ပျော်လည်း ပျော်ကြတယ်။ နေ့ တိုင်း အဲဒီလိုပျော်လို့  မဖြစ်ဘူးလား။” လို့  တွေးစရာလေး ရေးထားပါတယ်။ ကျွန်တော်တို့ တွေ ကိုယ့်မွေးနေ့ မှာ ထူးထူးခြားခြား ကုသိုလ်ကောင်းမှုတွေလုပ်၊ စိတ်ချမ်းသာစရာတွေလုပ်သလို နေ့ တိုင်း နေ့ တိုင်း ဒီလိုမျိုး လုပ်လို့ ၊ နေထိုင်လို့  မဖြစ်နိုင်ဘူးလားလို့  ကိုယ့်ကိုယ်ကို မေးခွန်းပြန်ထုတ်မိပါတယ်။

နောက်ပြီးတော့ရှိပါသေးတယ်။ ကျွန်တော်တို့ မြန်မာလူမျိုးတွေ တစ်ယောက်နှင့်တစ်ယောက် ဆုတောင်းပေးကြတဲ့အခါမှာ “အသက် ၁၂၀ ရှည်ပါစေ” ဆိုတာလေး ပြောလေ့ပြောထရှိကြပါတယ်။ ကျွန်တော်တို့ တွေကိုယ်တိုင်လည်း အသက်တစ်ရာတမ်းမှာ သက်တမ်းစေ့နေချင်ကြတဲ့ စိတ်ကူးလေးတော့ ရှိတတ်ကြပါတယ်။

ကျွန်တော့် ပတ်ဝန်းကျင်မှာ မြင်တွေ့ ရတတ်တဲ့ အသက်ကြီးပိုင်း ပုဂ္ဂိုလ်တွေကို တစေ့တစောင်းလေ့လာမိဖူးပါတယ်။ တချို့ လူကြီးတွေကတော့ သေဆုံးတဲ့အချိန်အထိ စီးပွားရေး၊ ကြီးပွားရေးတွေနှင့်ဘဲ အချိန်ကို ကုန်ဆုံးကြပါတယ်။ တချို့ တွေကတော့ အိပ်၊ စား၊ ပျော်ပါးပြီးဘဲ သေချိန်ရောက်ခဲ့ကြ ပါတယ်။ တချို့ တွေကျတော့ ကျန်းမာရေးမကောင်းတော့လို့  နာတာရှည်ရောဂါသည် ဘဝနှင့် အိပ်ယာထဲမှာဘဲ အချိန်ကုန်လွန်သွားကြပါတယ်။ တချို့ ကျတော့ သူငယ်ပြန်သလိုမျိုးတွေဖြစ်ပြီး မေ့မေ့လျော့လျော့နှင့် သက်တမ်းကုန်ကြပြန်ပါတယ်။ ရှားရှားပါးပါး တချို့ တလေသာ သတိကောင်းကောင်းနှင့် မိမိအကျိုး အများအကျိုးရှိတဲ့ ကိစ္စတွေကို လုပ်ရင်း သက်တမ်းကုန်လို့ သေကြရပါတယ်။

တကယ်လို့ များ ကျွန်တော်တို့ တွေ သက်တမ်းစေ့နေထိုင်နိုင်ကြမယ်ဆိုရင် ဘာတွေလုပ်ကြမှာလဲ။ ဘယ်လို နေ့ စဉ်ဘဝကို ဖြတ်သန်းကြမှာလဲ။ ဒီနေရာမှာ အရေအတွက် (Quantity) နှင့် အရည်အချင်း (Quality) ကို ထည့်သွင်းစဉ်းစားရမယ့် အပိုင်းလို့ ထင်ပါတယ်။ ဗုဒ္ဓဘာသာဝင် တစ်ဦးအနေနှင့် ဗုဒ္ဓအလိုကျ ဘယ်လို နေထိုင်ရင်ကောင်းမလဲလို့ တွေးမိပြီး စာပေထဲမှာ ကျွန်တော်ရှာတော့ ဂါထာ သုံးပုဒ်ကို သတိထားမိပါတယ်။

၁။ ယော စ ဝဿသတံ ဇီဝေ၊ အပဿံ ဥဒယဗ္ဗယံ။
ဧကာဟံ ဇီဝိတံ သေယျော၊ ပဿတော ဥဒယဗ္ဗယံ။

ခန္ဓာငါးပါးတို့၏ အဖြစ်အပျက်ကို မရှုမမြင်ဘဲ အနှစ်တစ်ရာပတ်လုံး အသက်ရှည် နေရခြင်းထက် ခန္ဓာငါးပါးတို့၏အဖြစ်အပျက်ကို မပြတ်ရှုမြင်သောပုဂ္ဂိုလ်၏ တစ်ရက်မျှ အသက်ရှည်ရခြင်းသည် မြတ်၏။


၂။ ယော စ ဝဿသတံ ဇီဝေ၊ အပဿံ အမတံ ပဒံ။
ဧကာဟံ ဇီဝိတံ သေယျော၊ ပဿတော အမတံ ပဒံ။

သေခြင်းကင်းသောနိဗ္ဗာန်ကိုမမြင်ဘဲ အနှစ်တစ်ရာပတ်လုံး အသက်ရှည်နေရခြင်းထက် သေခြင်း ကင်းသောနိဗ္ဗာန်ကို မြင်သောပုဂ္ဂိုလ်၏ တစ်ရက်မျှ အသက်ရှည်ရခြင်းသည် မြတ်၏။


၃။ ယော စ ဝဿသတံ ဇီဝေ၊ အပဿံ ဓမ္မမုတ္တမံ။
ဧကာဟံ ဇီဝိတံ သေယျော၊ ပဿတော ဓမ္မမုတ္တမံ။

မြတ်သောလောကုတ္တရာတရားကိုမမြင်ဘဲ အနှစ်တစ်ရာပတ်လုံး အသက်ရှည်နေရခြင်းထက်မြတ်သော လောကုတ္တရာတရားကို မြင်သောပုဂ္ဂိုလ်၏ တစ်ရက်မျှအသက်ရှည်ရခြင်းသည်မြတ်၏။

ဒီတရားဂါထာတော် သုံးပိုဒ်ကတော့ မြတ်စွာဘုရားရှင်က ကျွန်တော်တို့ ကိုဖြစ်စေချင်တဲ့၊ ဗုဒ္ဓအလိုကျ ကျွန်တော်တို့ တွေ အသက်ရှင်နေရမယ့် ရက်တွေကိုအသုံးချဖို့  ဆုံးမထားတာလေးဖြစ်ပါတယ်။

ကျွန်တော် ကိုယ့်ကိုယ်ကို ထပ်ကွန့် ပြီးစဉ်းစားမိတာ၊ မေးခွန်းမေးမိတာ တစ်ခုက တကယ်လို့ များ မနေရလို့  အခုနေ (ဒါမှမဟုတ်) နောက် ၂၄ နာရီအတွင်းများ သေရတော့မယ်ဆိုပါရင် အဲဒီအဆုံးအမ (၃) ပိုဒ်ထဲက ဘယ်တစ်ခုခုကိုများ လိုက်နာကျင့်ကြံအားထုတ်ဖြစ်ခဲ့ပြီလဲလို့ ပါခင်ဗျား။

ဘုန်းဘုန်း မွေးနေ့ အတွက် အမှတ်တရဖြစ်အောင် တစ်ခုခု ရေးမယ်လို့ စိတ်ကူးရင်း ခေါင်းထဲပေါ်လာတာလေးတွေကို ချရေးလိုက်တာပါ။ ကိုယ့်ကိုယ်ကိုလည်း သတိပေးရင်း၊ ခင်မင်ရတဲ့ ဓမ္မမောင်နှမတွေကိုလည်း တွေးစရာလေးတွေပေးရင်းပေါ့ခင်ဗျား။

(ဒီဆောင်းပါးလေးနှင့်ဘဲ ဘုန်းဘုန်းမွေးနေ့ အတွက် တပည့်တော် ဓမ္မပူဇာအနေဖြင့် ပူဇော်ဂါရ၀ပြုပါတယ်ဘုရား။ ခွင့်ပြုပေးတော်မူပါဘုရား။ ဘုန်းဘုန်းရေ…Happy Everyday! ပါ။)

ရိုသေစွာရှိခိုးဦးတင်လျက်
ဝိမုတ္တိသုခ

အရှင်တိက္ခဉာဏာလင်္ကာရ (သို့မဟုတ်) ထွန်းတောက်သောအလင်းနိမိတ်

-သာသနာ့ အာဇာနည်တစ်ဦး
မမြင်ဘူး၊ မတွေ့ဘူး၊ မဖူးမျှော်ဘူးခဲ့ပါ---။

-ဤအရှင်မြတ်ရဲ့စေတနာ…ဒါပေမဲ့မြင်သာနေတယ်။
-ဤအရှင်မြတ်ရဲ့ မေတ္တာ…..ဒါပေမဲ့သိသာနေတယ်..။
-ဤအရှင်မြတ်၏စရဏ……ဒါပေမဲ့- မှန်းဆကြည်ညိုနေမိတယ်။
-ဤအရှင်မြတ်၏ ခံယူချက်(ရိုးသာမှုသာ၊ချစ်စရာ)….နှစ်သက်လေးစားမိနေတယ်။
-ဤအရှင်မြတ်၏ ရဲရင့်ခြင်း၊ ကြောက်ရွံခြင်းပယ်ရှား၊ ဗုဒ္ဓသားတော် ပီပြင်တယ်။
-ဤအရှင်မြတ်ရဲ့ တည်ကြည်မှု၊ ခံ့ညားမှုတွေရှိနေတယ်။

-ကိုယ်တွေ့ စစ်စစ်၊ အနှစ်သာရအမှန် ဘာဝနာမယဉာဏ်ဖြင့်
အလင်းများသယ်ဆောင်၊အမှောင်တစ်ချို့လင်းစေတယ်။
ဉာဏ်ရောင်တစ်ချို့လက်စေတယ်။

-ဤအရှင်မြတ်၏တရား၊နှလုံးသားထဲ မှ အသံလှိုင်းတွေ--
လေထဲမှာစီးဆင်း ၊ရင်နှီးကျွမ်းဝင်။ ဦးတင်ကိုးစား၊တန်ဘိုးထားခဲ့ဘူးပါတယ်။

-သာသနာမထွန်းသစ်ဘူးရယ်လို့
ပစ္စန္တရာဇ်ခံစားမှု၊သက်သာမှုလည်းရခဲ့ဘူးတယ်။

-ဤအရှင်၏မွေးနေ့ အချိန်၊၃၁ကြိမ် ပြည့်မြောက်၊မကြာခင်ကျရောက်တော့မယ်။

-မွေးနေ့ဟုဆိုပါလျင်
မိခင်နွယ်ဖွား မိန်းမသားတစ်ဦးရဲ့ အနာကျင်ဆုံးဝေဒနာခံစားရတဲ့ နေ့တစ်နေ့…
အမေ့ အတွက် ပေါင်းစု၊ဂုဏ်ပြုရမဲ့ ဝိသေသ၊အခါသမယလည်းဖြစ်နေတယ်။

-အနာကျင်ဆုံးဝေဒနာ-----အမေတစ်ကာ----အမေများစွာထဲတွင် ....

-ဤအရှင်မြတ်၏မိခင်
သင်၏နာကျင်ခြင်း၊မြင့်မြတ်ခြင်းများပြည့်နှက်
လောကအတွက် လက်ဆောင် ၊ ဆောင်ယူခဲ့ခြင်း---ပေးဆက်ခြင်း---
အလင်းရောင် ထွန်းတောက်
အာဇာနည်သားတစ်ယောက်အတွက်၊
လေးနက် ညွတ်နူး ကျေးဇူး အထူးတင်ပါရစေ။

၂၇.၅.၂၀၀၉တွင်ကျရောက်မည့်-အရှင်တိက္ခဉာဏလင်္ကာရ (Yaw Community) ၏ (၃၁) နှစ်မြောက်မွေးနေ့ ကိုဂုဏ်ပြုလျက် အရှင်မြတ်၏ သာသနာပြုလုပ်ငန်းများ အောင်မြင်ပါစေကြောင်း ဆုတောင်းမေတ္တာ ပို့သ အပ်ပါသသည်။
သစ္စာအလင်း ရေးသားသည့် မွေးနေ့ပူဇာ စာကဗျာကို အားလုံးအတွက် ပြန်လည်မျှဝေပါသည်။ ။

မှတ်သားဖွယ်ရာ ဖောင်ဥပမာ

မဇ္ဈိမ နိကာယ် မူလပဏ္ဏာသပါဠိတော်.
အလဂဒ္ဒူပမသုတ္တန် ကောက်နှုတ်ချက်

ရဟန်းတို့ !! သိမ်းပိုက်ထားရန် မဟုတ်ဘဲ ကူးမြောက်ဖို့ရန် အကျိုးငှါ ဖောင် ဥပမာရှိသော တရားကို သင်တို့အား ဟောကြားပေအံ့၊ ထိုတရားကို နာကြားကြကုန်၊ ကောင်းစွာနှလုံးသွင်းကြကုန်။ ဟောကြားအံ့ဟု မိန့်တော်မူ၏ ၊ အရှင်ဘုရား ကောင်းပါပြီ ဟု ထိုရဟန်းတော်တို့သည် မြတ်စွာဘုရားအား ပြန်လည်လျှောက်ထားကုန်၏။

မြတ်စွာဘုရား သည် ဤတရားကို ဟောကြားတော်မူ၏ ။

ရဟန်းတို့ ဥပမာသော်ကား ခရီးရှည်သွားသော ယောကျာင်္ားသည် ရေပင်လယ်ကြီးကို မြင်ရာ၏၊ ဤဘက် ကမ်းသည် ရွံရှာဖွယ် ရှိ၏၊ ဘေးဘျမ်းရှိ၏၊ ဟိုဖက်ကမ်းကား အေးချမ်း၏၊ ဘေးဘျမ်းမရှိ၊

ထိုယောင်္ကျားမှာ ဤဖက်ကမ်းမှ ဟိုဖက်ကမ်းသို့ ကူးသွားဖို့ရန် လှေဖောင်လည်းမရှိ၊ ပေါင်းကူး တံတားလည်းမရှိ၊ ‘ ထိုယောင်္ကျားအား ‘ ဤကား ရေပင်လယ်ကြီးတည်း။ ဤဖက်ကမ်းသည် ရွံရှာဖွယ် ရှိ၏၊ ဘေးဘျမ်းရှိ၏၊ ဟိုဖက်ကမ်းက အေးချမ်း၏၊ ဘေးဘျမ်းမရှိ၊ ဤဖက်ကမ်းမှ ဟိုဖက်ကမ်းသို့ ကူးသွားရန် လှေဖောင်လည်းမရှိ၊ ပေါင်းကူး တံတားလည်း မရှိပေ၊ ငါသည် မြက် သစ်သား သစ်ခက် သစ်ရွက်ကို စုရုံး၍ ဖောင်ဖွဲ့ကာ ထိုဖောင်ကို မှီရာပြုလျက် လက်ခြေတို့ဖြင့် အားစိုက်လျက် ချမ်းသာစွာ ဟိုဖက် ကမ်းသို့ ကူးရမူ ကောင်းပေမည်’ ဟု အကြံအစည် ဖြစ်ပေါ်ရာ၏၊

ရဟန်းတို့ ထို့နောက် ထိုယောင်္ကျားသည် မြက်သစ်သား သစ်ခက် သစ်ရွက်ကို စုရုံး၍ ဖောင်ဖွဲ့ကာ ထိုဖောင်ကို မှီရာပြု၍ လက်ခြေတို့ဖြင့် အားစိုက်လျက် ချမ်းသာစွာ ဟိုဖက် ကမ်းသို့ကူးရာ၏၊
ကမ်းတဖက်သို့ ကူးမြောက်ပြီးသော ထိုယောင်္ကျားအား ‘`ဤဖောင်သည် ငါ့အား ကျေးဇူးများ၏၊ ငါသည် ဤဖောင်ကို အမှီပြု၍ လက်ခြေတို့ဖြင့် အားစိုက်လျက် ချမ်းသာစွာ ကမ်းတဖက်သို့ ကူးခဲ့၏၊ ငါသည် ဤဖောင်ကို ခေါင်းပေါ်၌ တင်ရွက်၍သော်လည်းကောင်း
ပခုံးပေါ်၌ ထမ်း၍သော်လည်းကောင်း အလိုရှိရာ အရပ်သို့ ဖဲသွားရမူ ကောင်းပေမည်ဟု အကြံအစည် ဖြစ်ပြန်ရာ၏။

ရဟန်းတို့ ထိုအရာကို အဘယ်သို့ မှတ်ထင်ကြကုန်သနည်း၊ ထိုယောင်္ကျားသည် ဤသို့ပြုသော် ထိုဖောင်၌ ပြုသင့်သော အမှုကို ပြုသူ ဖြစ်ရာသလော ဟု မေးတော်မူ၏။

အရှင်ဘုရား မဖြစ်ပါ ဟု လျှောက်ကြကုန်၏၊ ရဟန်းတို့ ထိုယောင်္ကျားသည် အဘယ်ပုံ ပြုသည်ရှိသော် ထိုဖောင်၌ ပြုသင့်သော အမှုကို ပြုသူ ဖြစ်ရာသနည်း၊ ရဟန်းတို့ ကမ်းတစ်ဖက်သို့ ကူးမြောက်ပြီးသော ထိုယောင်္ကျားအား ‘ ဤဖောင်သည် ငါ့အား ကျေးဇူးများ၏၊ ငါသည် ဖောင်ကို အမှီပြု၍ လက်ခြေတို့ဖြင့် အားစိုက်လျက် ချမ်းသာစွာ ကမ်းတစ်ဖက်သို့ ကူးခဲ့၏၊
ငါသည် ဤဖောင်ကို ကုန်း၌ဆယ်တင်၍သော်လည်းကောင်း ရေ၌ ပေါလောမျှော၍သော်လည်းကောင်း အလိုရှိသော အရပ်သို့ ဖဲသွားရမူ ကောင်းပေမည် ဟု အကြံအစည် ဖြစ်ရာ၏။

ရဟန်းတို့ ထိုယောင်္ကျားသည် ဤသို့ပြုသည်ရှိသော် ထိုဖောင်၌ ပြုသင့်သော အမှုကို ပြုသူဖြစ်ရာ၏၊ ရဟန်းတို့ ဤအတူပင် သိမ်းပိုက်ထားရန် မဟုတ်ဘဲ ကူးမြောက်ဖို့ရန် အကျိုးငှါ ဖောင် ဥပမာရှိသော တရားကို သင်တို့အား ငါဟောကြား၏၊ ရဟန်းတို့ သင်တို့အား ဟောကြားထားသော ဖောင် ဥပမာရှိသော တရားကိုသိသော သင်တို့သည် တရားမှု ( သမထ ၀ိပဿနာ၌ ဖြစ်သော ဆန္ဒရာဂ )တို့ကို ပယ်သော်လည်း ပယ်စွန့်ရမည်၊ မတရားမှု ( ကာမဂုဏ်၌ ဖြစ်သော ဆန္ဒရာဂ ) တို့ကိုကား ပြောဆိုဖွယ်ပင် မရှိတော့ပေ။

အိပ်မက်ပြဿနာ ရှင်းတမ်း

အခုရက်ပိုင်းအတွင်း ထူးထူးဆန်းဆန်း အိပ်မက် မြင်မက်ကြသူတွေက မေးခွန်းတွေ မေးခဲ့ကြပါတယ်၊ သူတို့တတွေရဲ့ မေးခွန်းတွေကို အဖြေပေးရင်း စိတ်ဝင်စားစရာ ကောင်းတာမို့ ဘုရားရှင်ဟောကြားတော်မူတဲ့ ပါဠိတော်နဲ့ အဋ္ဌကထာဆရာများရဲ့ စာပေတွေကို လေ့လာဖတ်ရှုဖြစ်ပါတယ်၊

ဝိပလ္လာသ (၁၂ ) ပါးကို မပယ်သတ်ရသေးတဲ့ ပုထုဇဉ်နဲ့ သေက္ခပုဂ္ဂိုလ်များဟာ အိပ်မက် မက်ကြပြီး ရဟန္တာပုဂ္ဂိုလ်ကတော့ အိပ်မက် မမက်တော့ဘူးလို့်လို့ဆိုပါတယ်၊ အိပ်မက် မက်ရခြင်း အကြောင်းကို ပြဆိုရမှာတော့..

ဓာတုက္ခောဘ - သည်းခြေစသည်တို့ တုန်လှုပ်ခြောက်ခြားတဲ့အတွက်၊
အနုဘူတ ပုဗ္ဗ- ရှေးကခံစားခဲ့ဖူးတဲ့ အာရုံဖြစ်တဲ့အတွက်၊
ဒေ၀တောပသံဟာရ - နတ်တို့ရဲ့ တန်ခိုးနဲ့ ကောင်းကျိုး ဆိုးကျိုးကို သိစေလိုတဲ့အတွက်၊
ပုဗ္ဗနိမိတ္တ - ကိုယ်ပြုလုပ်ထားတဲ့ ကောင်းကံ ဆိုးကံရဲ့ အစွမ်းနဲ့ ကောင်းကျိုး ဆိုးကျိုးကို
ကို ကြိုတင် သိရှိစေတဲ့ ပုဗ္ဗနိမိတ်ကြောင့်…အိပ်မက် မြင်မက်တယ်လို့ စာပေတွေမှာ ဖော်ပြထားပါတယ်၊ ( အံ.ပဉ္စက.ပါ၊ ဋ္ဌ ) မိလိန္ဒပဥှ ပါဠိတော်မှာတော့ အိပ်မက် မက်ခြင်း အကြောင်းကို (၆) မျိုးခွဲခြားပြပါတယ်၊

အဲဒီအထဲမှာ ပုဗ္ဗနိမိတ်လို့ခေါ်တဲ့ ကိုယ်လုပ်ခဲ့တဲ့ ကောင်းကံ ဆိုးကံရဲ့ အစွမ်းနဲ့ ကောင်းကျိုး ဆိုးကျိုးကို ကြိုတင်သိရှိစေတဲ့ အိပ်မက် မျိုးဟာ မှန်ကန်တယ်လို့ ဆိုပါတယ်၊ ပြီးတော့ အချိန်ကာလအနေနဲ့ မနက်ပိုင်း မက်တဲ့ အိပ်မက်က ပိုမှန်တယ်လို့ စာပေတွေမှာ ဖော်ပြပါတယ်၊ ဥပမာပြောရရင် မှန်ထဲမှာ အရိပ်ပေါ်လာတာဟာ အဲဒီအရိပ်ကိုယ်တိုင်က မှန်ရှေ့ကို ရောက်လာလို့ မှန်ထဲမှာ ပေါ်လာသလို ကိုယ်လုပ်တဲ့ကံတွေက ကိုယ့်စိတ်ထဲမှာ အရိပ်လို လာပေါ်တာကို ပုဗ္ဗနိမိတ်ကြောင့် အိပ်မက် မြင်မက်တယ်လို့ ဆိုရပါတယ်၊ အိပ်မက် မက်ချိန်ဟာ နိုးတ၀က် ပျော်တ၀က် ကာလလေးမှာ မြင်မက်တတ်ပါတယ်၊

ဘုရားလောင်းကိုယ်တော်တိုင် ဘုရားမဖြစ်ခင်မှာ အိပ်မက်ကြီး ငါးမျိုးကို မြင်မက်တော်မူခဲ့ပါတယ်
( အံ.ပဉ္စက ပါဠိ ).
သဗ္ဗညုတ ဥာဏ်တော်မြတ်ကို ထိုးထွင်းသိခြင်းရဲ့ ကြိုတင်နိမိတ် အဖြစ်နဲ့ ဘုရားလောင်း မြင်မက်ခဲ့တာက ဒီမြေကြီးကို အိပ်ယာလုပ် ဟိမ၀န္တာတောင်ကို ခေါင်းအုံးလုပ်ကာ အရှေ့ အနောက် သမုဒ္ဒရာမှ လက်နှစ်ဖက်ကို ထားပြီး တောင်သမုဒ္ဒ၇ာမှာ ခြေတောက် နှစ်ဖက်ကို ထားရတယ်လို့ မြင်မက်ခဲ့ပါတယ်၊

မဂ္ဂင် ရှစ်ပါးကို ထိုးထွင်းသိပြီး လူ နတ် ဗြဟ္မာတွေကို တရား ဟောပြရမယ်ဆိုတဲ့ ကြိုတင် နိမိတ်အနေနဲ့ တိဏ မြက်က ဘုရားလောင်းရဲ့ ချက်တော်ကနေ ထိုးထွက်ပြီး ကောင်းကင်ကို ပျံတက်သွားတယ်လို့ မြက်မက်ခဲ့ပါတယ်။

လူနတ်ဗြဟ္မာတွေ သရဏဂုံတည်ပြီး ရတနာသုံးပါးကို ဆည်းကပ်လာကြမယ်ဆိုတဲ့ ကြိုတင် နိမိတ်အနေနဲ့ ဦးခေါင်းမှာ အမည်းရောင်ရှိတဲ့ ပိုးကောင်လေးတွေဟာ ဘုရားလောင်းရဲ့ ပုဆစ် ဒူးဝန်းတခုလုံးကို ဖုံးလွှမ်းပြီး တက်တယ်လို့ မြင်မက်ပါတယ်၊

အမျိုးလေးပါးက လူတွေ ဘုရားရှင် သာသနာတော်မှာ ရဟန်းပြုကြမယ်ဆိုတဲ့ ကြိုတင်နိမိတ်အနေနဲ့ အရပ်လေးမျက်နှာက အရောင်သွေးစုံတဲ့ ငှက်တွေဟာ ဘုရားလောင်းရဲ့ ခြေတော်ရင်းမှာ တကိုယ်လုံး အဖြူရောင် ဖြစ်သွားကြတယ်လို့ အိပ်မက်ထဲမှာ မြင်တော်မူတယ်

ပစ္စည်း လေးပါး အပေါ်မှာ ကပ်ငြိခြင်းမရှိဘဲ သုံးစွဲတော်မူမည့် အကြိုနိမိတ်အနေနဲ့ ဘုရားလောင်းမြင်မက်တာက မစင်ပုံကြီးအပေါ်မှာ မစင်တွေမလူးဘဲ လမ်းလျှောက်နေရတယ်လို့ မြင်မက်တော်မူပါတယ်…ဒါကတော့ ဘုရားလောင်း ဘ၀က ကြိုတင်နိမိတ်အနေနဲ့ မြက်မက်ခဲ့သလို တကယ်လည်း ဘုရားဖြစ်လာတဲ့အခါမှာ တကယ့်ကို ကွက်တိမှန်ကန်နေတာကို တွေ့မြင် ကြည်ညိုနိုင်ပါတယ်။
ပြီးတော့ ကောသလ အိပ်မက် ဟာလည်း ယနေ့ခေတ်မှာ မှန်ကန်နေတာကို ထောက်ချင့်သိနိုင်ကြမယ်လို့ ယုံကြည်မိပါတယ်.

ဘယ်လိုပဲ ဖြစ်ဖြစ်.. မလွန်ဆန်နိုင်တဲ့ သဘာဝလောကကြီးထဲမှာ ရှင်သန်နေရသူများမို့ အိပ်မက်တွေ မြင်မက်တိုင်း ဒီတရားတော်တွေကို ပြန်လည်ဆင်ခြင်သုံးသပ်ပြီး အကောင်း အဆိုး ကံအမျိုးမျိုးအတွက် ပြင်ဆင်နိုင်ကြပါလိမ့်မယ်၊

ကောင်းကောင်း ဆိုးဆိုး အိပ်မက်မျိုးစုံကို တွေ့ကြုံ မြင်မက်ရတိုင်း ကိုယ့်ကံတွေကို မြှင့်တင်နိုင်အောင် သို့မဟုတ် အိပ်မက်က ပြောတဲ့ သံဝေဂတွေနဲ့ ကိုယ့်အတွက် အကောင်းဆုံးဖြစ်အောင် ပြင်ဆင်ကြပါစို့လို့သာ စေတနာစကားနဲ့ တိုက်တွန်းပရစေလား၊။


ကျမ်းညွှန်း၊ ၊အဘိ-၂ ဋ္ဌ-၃၈၉
အံ ပဉ္စက ပါဠိ-၂၀၉
မဟာနိ ပါ-၂၉၇

ထိုင်းဆရာတော်ဘုရားကြီး ဖရအာဂျန်မန်း သို့မဟုတ် Acariya Mum

သာသနာကို လက်ဆင့်ကမ်း သယ်ဆောင်တော်မူခဲ့ကြသည့် ဆရာတော်သံဃာတော်များ ပရိယတ္တိဝန်ဆောင် ပဋိပတ္တိဝန်ဆောင်သံဃာတော်များစွာ အနက် (1870-1949 ) ကာလမှာ ထင်ရှားကျော်ကြားခဲ့တဲ့ ထိုင်းဆရာတော်ကြီး ဖရအာဂျန်မန်းအကြောင်းကို ပြောပြလိုပါတယ်.

ထိုင်းနိုင်ငံမှာံ ပရိယတ္တိသံဃာတော်များ မြန်မာနိုင်ငံလောက်ထွန်းပေါက်ခြင်း မရှိခဲ့ပေမယ့် ပဋိပတ္တိသံဃာတော် အတော်များများ နေလိုလလို ထွန်းပေါက်ခဲ့ကြတာကို သမိုင်းမှတ်တမ်းများအရ သိရပါတယ်။

ထိုင်းဆရာတော်ကြီး. ဖရအာဂျန်မန်း အမှုးပြုတဲ့ ရဟန်းမြတ်များဟာ မြန်မာနိုင်ငံတောင်တန်းများပေါ်နှင့် လောနိုင်ငံတောင်တန်းများပေါ်မှာ် နှစ်ပေါင်းများစွာနေပြီး ဂူများစွာ ကျိန်းစက်လျက် တရားများ ပြင်းပြင်းထန်ထန် အားထုတ်ခဲ့ကြပါတယ်၊

ဖရအာဂျန်မန်းဟာ သူရဲ့ လက်ရင်းငယ် သံဃာတစ်ပါးအား သူတွေ့ရှိခဲ့တဲ့ ကိုယ်တွေ့အဖြစ်အပျက်များကို အမြဲပြောကြားခဲ့ပါတယ်၊ ဒါပေမယ့်လဲ သူ့မှာ စိုးရိမ်စိတ်ကတော့ ရှိနေခဲ့ပါတယ်. သူ့ကိုယ်တွေ့ အဖြစ်အပျက်တွေကို ပြောပြနေရင် မယုံကြည်တဲ့ သူတွေရှိနေမယ်ဆိုတာပါပဲ၊ ( ဘုရားလက်ထက်တော်အခါကလဲ အရှင်မဟာမောဂ္ဂလာန်နဲ့ အရှင်လက္ခဏတို့က သူတို့တွေ့မြင်တဲ့ ဂိဇ္ဈကိုဋ်တောင်စောင်းက ပြိတ္တာတွေ အကြောင်းလျှောက်တဲ့အခါ ငါဘုရား စောစောကပင် မြင်တော်မူကြောင်း သို့သော် မျက်မြင်သက်သေမရှိလို့ မပြောဆိုသေးတာဖြစ်ကြောင်း မြတ်စွာဘုရား ပြန်လည်မိန့်ကြားရတဲ့ သာဓကတွေအများကြီးရှိပါတယ်၊ )

ဒါကြောင့်တပည့်ဖြစ်သူ âcariya Mahà Boowa ¥àõasampannoကိုသူပျံတော်မူရင် သူ့ကိုယ်တွေ့ဖြစ်စဉ်တွေကို စာအုပ်ရေးသားပါလို့ မိန့်မှာတော်မူခဲ့ပါတယ်.. တပည့်ဖြစ်သူကလဲ စာမျက်နှာပေါင်း ၆၈၀ ကျော်ခန့်ရှိ စာအုပ်တအုပ်ကို ရေးသားခဲ့ပါတယ်။.

ဆရာတော်အာဂျန်မန်းကို ထိုင်းနိုင်ငံအရှေ့မြောက်ပိုင်းမှာ မွေးဖွားခဲ့တာပါ။
မိသားစုကိုးယောက်မှာ အကြီးဆုံးသားဖြစ်ပြီး အသက် ၁၅ နှစ်မှာ ကိုရင်ဝတ်ခဲ့ပါတယ်။ ကိုရင်ဝတ်နဲ့ ၂ နှစ်လောက် တရားကျင့်ကြံ အားထုတ်ခဲ့ပြီး မိဘအလုပ်ဖြစ်တဲ့ တောင်သူအလုပ်ကို ကူညီလုပ်ကိုင်ဖို့် သူ့ကို လူထွက်ခိုင်းခဲ့ပါတယ်
အသက် ၂၂ နှစ်အရွယ်မှာ မိဘများကို ခွင့်ပန်ပြီး ရဟန်းဘောင်သို့ ၀င်ခဲ့ပြန်ပါတယ်၊ ရဟန်းဘ၀ကို ရောက်ပြီဆိုတာနဲ့ ကမ္မဋ္ဌာန်း ၀ိပဿနာကို နေ့စဉ်မပြတ်အားထုတ်ခဲ့တယ်။ ထိုင်းနိုင်ငံ အလယ်ပိုင်း တောကလည်းနက် ရေတံခွန်များ ဂူများပေါများတဲ့ နခနရုတ်ဒေသကို သွားရောက်ပြီး သာယာတဲ့ ဂူကြီးတခုကိုတွေ့တော့ ဒီမှာပဲ တရားအားထုတ်တော့မယ်ဆိုပြီး တောင်ခြေမှာ ရှိတဲ့ ဒကာတချို့ကို ပြောပါတယ်.. ဒကာ ဒကာမတွေက ဒီဂူမှာ တရားအားမထုတ်ပါနဲ့ ဒီဂူမှာ တရားအားထုတ်တဲ့ သံဃာတော်တွေ ရုတ်တရက် ပျံလွန်တော်မူကြတယ်ဘုရား အခုဆိုရင် ပျံတော်မူတာ လေးပါးတောင် ရှိနေပါပြီလို့ လျှောက်ထားပြီး ဒီဂူမှာ တရားအားမထုတ်ရန် တားမြစ်ကြပါတယ်.

ဆရာတော် ဖရအာဂျန်မန်းကတော့ သတ္တ၀ါဆိုတာ တနေ့သေရမှာပဲ ရဟန်းဘ၀နဲ့ တရားရှုမှတ်ပြီးသေတာ ပိုပြီးမြင့်မြတ်ပါတယ် လို့ အမိန့်ရှိကာ ဒီဂူမှာပဲ ပထမည ဒုတိယည တတိယည သုံးညလွန်မြောက်ခဲ့ပါတယ်. ဆရာတော်အတွက်လဲ အေးချမ်းသာယာစွာ တ၇ားများ ပွားများအားထုတ်နိုင်ခဲ့တယ်

စတုတ္ထညမှာတောူ့ ဆရာတော့် ၀မ်းတွင်းက ပူလောင်လာပြီး ဓာတ်များမရပ်မနား သွားပါတော့တယ်. ကာယဂတာသတိ ကမ္မဋ္ဌာန်းကို ပွားများနေရာက ဝေဒနာကို ပြောင်းပြီး ရှုမှတ်ခဲ့ရာ ကိုယ်တွင်းမှာတောက်ပြောင်တဲ့ အလင်းရောင်ကို ရှုမြင်ရပြီး ခန္ဓာကိုယ်မှာလဲ ပေါ့ပါးလာကာ. ဝေဒနာလည်း ကင်းပျောက်ပြီး နေထိုင်၍ အလွန်ကောင်း တရားပွား၍ အလွန်ကောင်းလာပါတယ်။

ထိုစဉ်အခါတွင် ဂူကြီးထဲကို ခန္ဓာကိုယ်ကြီးမားတဲ့ သတ္တ၀ါကြီး ၀င်လာပါတယ် နတ်လား ဘီးလူးလား မခွဲခြားနိုင်ပါဘယး ပြီးတော့ ဒီသတ္တ၀ါကြီးက ဆရာတော့်ကို ပြောပါတယ်.. သူဟာ ဒီတောတောင်မှာ တန်ခိုးအာဏာကြီးတဲ့ တောင်စောင့်ဘီးလူးကြီးပါတဲ့..ဒီလိုပြောပြီး သူ့လက်ထဲမှာပါလာတဲ့ တင်းပုတ်ကြီးကို ပြပြီး ဒီတင်းပုတ်နဲ့ ဆင်ကိုတောင် မြေကြီးထဲဝင်သွားအောင် ၀င်သွားအောင် ရိုက်သတ်ခဲ့ဖူးကြောင်း ဒီဂူထဲကို လာပြီးတရားအားထုတ်တဲ့ သံဃာလေးပါးကိုလည်း ဒီတင်းပုတ်နဲ့ ရိုက်သတ်ခဲ့တာ ဖြစ်ကြောင်းလျှောက်ထားပါတယ်......

.အခုလဲ ဆရာတော်အနေနဲ့ ဒီဂူကနေ ချက်ချင်းထွက်သွားပါ..ထွက်မသွားရင် ဒီတင်းပုတ်ကြီးနဲ့ ရိုက်သတ်ပစ်မည် ဖြစ်ကြောင်းလျှောက်ထားပါတယ်… ဆရာတော် အာဂျန်ချမ်းကတော့ ကြောက်ရွံမှုမရှိ တည်ငြိမ်တဲ့လေသံနဲ့… အသင်ဘီလူး… သတ္တ၀ါမှန်ရင် တနေ့သေကြရမှာပါ… ရဟန်းဘ၀နဲ့ မြတ်စွာဘုရားရဲ့ တရားတွေကို ပွာများအားထုတ်ရင်း ကိလေသာစစ်တပ်ကို အောင်နိုင်ဖို့ ဒီဂူကို ရောက်လာခြင်းသာဖြစ်ပါတယ်၊

သင့်ကို နှောင့်ယှက်ဖို့ ရောက်လာတာမဟုတ်ဘဲ ငြိမ်းချမ်းစွာ အားထုတ်ဖို့လာတာဖြစ်ပါတယ်…သင်ပြောသလို သင်ဟာတကယ် တန်ခိုးကြီးတယ်ဆိုရင် သင့်ကိုယ်တွင်းက ကိလေသာတွေကို အောင်နိုင်အောင် ဖြိုခွင်းနိုင်သူ ဖြစ်ပါရဲ့လား…သင် သတ်လိုက သတ်ပါ.. ငါ့အတွက်တရားပွားများရင်း မြတ်သောသေခြင်းနဲ့ သေရမှာမို့ ငါ့မှာ ကြောက်ရွံစရာ လုံးဝမရှိပါဘူး သင်ကသာ ရဟန်းမြတ်ကို သတ်လို့ ဒုက္ခကြီးစွာ ရလိမ့်မယ်. မမိုက်ပါနဲ့ ကောင်းမှုကုသိုလ်များ အားထုတ်ပါဟု တရားဟောလိုက်တော့ ဒီတောင်စောင့်ဘီလူးကြီးဟာ သေးငယ်သွားပြီး ဆရာတော်ကို ဦးချကန်တော့ပါတယ်.

ပြီးတော့ ဒီဂူမှာပဲ ဆက်ပြီးတရားအားထုတ်ပါလို့ လျှောက်ထားပြီး ပျောက်ကွယ်သွားပါတယ်၊ နောက်ပိုင်းမှာတော့ သူ့ရဲ့ တပည့်တပန်းတွေကို ပါခေါ်လာပြီး ဆရာတော်ထံမှာ တရားတွေ နာကြားပါတယ်၊. ရုက္ခစိုးပေါင်း ထောင်သောင်းများစွာလည်း ဆရာတော့်တရားကို နာယူဖို့ လာရောက်ကြပါတယ်၊


ဆရာတော် ကမ္မဋ္ဌာန်းစတင်ပွားများစဉ်က သူ့ဆရာ အာဂျန်စောက ၀င်သက်ရှုသည့်အခါ ဗု ဟူ၍မှတ်ပြီး ထွက်သက်မှာ ဓော ဟုမှတ်ရန် ပြောပြထားလို့ စိတ်ကိုမလွှင့်စေပဲ ဗုဓော ဗုဓော ဟု ပွားများသလို၊ လမ်းလျှောက်ရာတွင်လည်း ဘယ်ခြေတွင် ဗု ဟုမှတ်ကာ ညာခြေတွင် ဓော ဟု မှတ်ကာပွားများအားထုတ်တယ်။ ဒီလို သုံးလလောက် ပြင်းပြင်းထန်ထန် အားထုတ်လိုက်တော့ ပိုးလောက်တွေ လူသေကောင်တွေ အလောင်းကောင်တွေ့မြင်ရတော့ ဆရာဖြစ်သူ အာဂျန်စောကို လျှောက်ဖြစ်ပါတယ်.. ဆရာက
ကာယဂတာ သတိပဋ္ဌာန်ကို ပွားများအားထုတ်ဖို့ လမ်းညွှန်ပြတယ်။ တခါတရံ ဦးခေါင်းမှအောက်သို့ နှလုံး အသည်း အူ စသည်များကို စူးစိုက်ပြီး ပွားများအားထုတ်ပါတယ်၊ တခါတရံ ကျောကိုသာ အာရုံစူးစိုက်လျက်၎င်း တခါတရံ ဆံပင်ကိုသာ အာရုံစူးစိုက်လျက်၎င်းပွားများအားထုတ်ပါတယ်

ဒီကမ္မဋ္ဌာန်းကို ပျံလွန်တော်မူသည်အထိ ပွားများအားထုတ်ပြီး ဘယ်သောအခါမှ စိတ်ကို ကိုယ်တွင်းမှ ထွက်မသွားအောင် စိတ်ကို သတိဖြင့်ထားကြောင်းကို လည်းမိန့်ကြားပါတယ်၊

. နုနယ်စဉ်က စိတ်မှာ စူးစမ်းလိုစိတ်များ ပေါ်ပေါက်ခဲ့ဖူးတယ်၊ တနေ့မှာတော့ စိတ်ပျံလွင့်သွားပြီး ငရဲဘုံသို့ ရောက်သွားခဲ့တယ်။ ငရဲမှာ ခံစားနေရတဲ့ သူတွရဲ့ ဆင်းရဲမှုဝေဒနာတွေကို မြင်တွေ့ရပြီး သံဝေဂရ ငေးမောနေမိခဲ့တယ်။ အဲဒီနေ့မှာ မွန်းလွဲသွားလို့ ဆွမ်းမစားလိုက်ရပါဘူး

တခါမှာလည်းစိတက်ပျံလွင့်ပြီး နတ်ဘုံသို့ရောက်သွားပါတယ်. နတ်ဘုံမှာလည်း နတ်သားများက သူ့အား အရေးတယူ ကြည့်ရှုခြင်းမရှိကြောင်း သွားမြဲ လာမြဲ အလုပ်များ လုပ်ဆောင်နေကြကြောင်း သူတို့ဘာသာ နေကြကြောင်း တွေ့ရှိခဲ့တယ်လို့ မိန့်တော်မူပါတယ်၊

ဤဖြစ်ရပ်များကို သူ၏ဆရာ အာဂျန်စောအား လျှောက်ထားတဲ့အခါ ဆရာတော်က မင်းစိတ်ဟာ မျောက်စိတ်လိုပဲ ဟိုရောက် ဒီရောက်နဲ့ ကိုယ်ထဲက စိတ်ကို ဘယ်တော့မှ အပြင်မထွက်စေနဲ့လို့ ငါပြောထားသားပဲ ဟု မိန့်တော်မူလိုက်ပါတယ်၊
ဖရအာဂျန်မန်းဟာ် ကာယဂတာသတိပဋ္ဌာန်ကို ပွားများလို့ အတော်အတန် အသားကျပြီး မိမိကိုယ်ကို ယုံကြည်အားထားမှု ရှိလာတဲ့အခါ မြောက်ဖက်ဒေသသို့ တပါးတည်းကြွလာခဲ့တယ်

. နောက်ပိုင်း မြန်မာပြည်ဖက်ကိုကူးလာပြီး တောနက်နယ်စပ်တခုတွင် တရားများ ငါးနှစ်တိုင်တိုင် အားထုတ်ခဲ့တယ်။ ထိုစဉ်က မြန်မာကျေးရွာများမှ ဒကာ ဒကာမများနှင့် စကားပင်ပြောကြားနိုင်ခဲ့တယ်၊ ဒုတိယကမ္ဘာစစ်ကြီးဖြစ်တဲ့်အခါ ထိုင်းနိုင်ငံဘက်သို့ ပြန်ကြွလာခဲ့တယ်။ တောအထပ်ထပ် တောင်အထပ်ထပ်ကို ဖြတ်ကျော်ပြီးသုံးရက် သုံးည တိုင်တိုင်ကြွလာခဲ့တယ်

. ကျမ်းဂန်များမှာ ရုက္ခစိုးများက ဒီလို ရဟန်းတော်တွေကို ဆွမ်းကပ်ကြောင်းဖတ်ဖူးပေမယ့် ငါ့မှာ တစ်ယောက်မှ မရှိဟု စဉ်းစားလျက် ကျောက်ဖျာ တစ်ခုပေါ်မှာ အနားယူနေခိုက် ဘယ်သူမှန်းမသိရတဲ့ လူရည်သန့်တစ်ဥိးက ဆရာတော့်အား ဆွမ်းကပ်ပါတော့တယ်

. ဆရာတော်ကလည်း ဆွမ်းကို လက္ခံပြီး ဘယ်အရပ်က လာပါသလဲ ဟုမေးရာ မည်သို့မျှ ပြန်မပြောပဲ ခမ်းလှမ်းလှမ်းကို လက်ညှိုးထိုးပြပြီး လမ်းလျှောက်သွားပါတယ်. ဆွမ်းမှာလည်းအလွန်အရသာရှိတယ်. ဆရာတော်ကလည်း တောကြီးမျက်မည်းထဲ အိမ်တွေမရှိပါပဲ ဘယ်ကလာသလဲလို့ သိချင်တာနှင့် ထိုလူသွားရာကို ကြည့်နေရာ ခပ်လှမ်းလှမ်း သစ်ပင်တပင်ရင်းရောက်တော့ ပျောက်ကွယ်သွားပါတော့တယ်၊


ဆ၇ာတော်အာဂျန်ချမ်းဟာ ကမ္မဋ္ဌာန်းနှင့်သာ မွေ့လျော်လေ့ရှိတယ်။ ညဖက်မှာ နတ်ဒေ၀ါများ နဂါးများ လာရောက် တရားနာလေ့ရှိပါတယ်။်။ ဆရာတော်ဟာ် တနေရာ တဒေသတွင် ကြာကြာ သီတင်းသုံးတော်မမူပါဘူး။ ဇင်းမယ်နယ်ဖက်မှာတော့ ကြာကြာသီတင်းသုံးပါတယ်.

ဇင်းမယ်နယ်ဖက်မှာ် ဒေ၀တာများ များပြားစွာလာရောက်တရားနာယူကြသည်ကို သတိပြုမိကြောင်း အရှေ့မြောက်ပိုင်းတွင် ဒေ၀တာများ မများပဲ နဂါးများ လာရောက်သည်ကများပြားကြောင်း မှတ်တမ်းမှာ ဖော်ပြထားပါတယ်။ နဂါးတွေဟာ ညဖက် ၁၀ နာရီမှ ၁၁ နာရီခန့်တွင် လာရောက်တရားနာလေ့ရှိသလို ၊ဒေ၀တာများကတော့ ညသန်းခေါင်ယံအချိန်မှ လာရောက်ကြပြီး နံက်မိုးသောက် ၂ နာရီခန့်ရှိမှ ပြန်လေ့ရှိကြောင်း အမိန့်ရှိတော်မူပါတယ်.

နတ်များ နဂါးများဟာ် အလွန်စည်းကမ်းသေ၀ပ်ကြသလို တရားနာယူသည့်အခါမှာ် လူများကဲ့သို့လှုပ်ရှားခြင်းမရှိပဲ နာယူကြပါတယ်။ နတ်များဟာ လာရောက်တဲ့အခါ ဆရာတော်ကို သုံးပတ်လှည့်၍ ကန်တော့ကြတယ်၊ တည်ငြိမ်စွာ တရားနာပြီးသည့်အခါ သာဓု သုံးကြိမ်ခေါ်ကြပြီး နောက်သို့ ရွေ့လျားသွားကြပြီး တခဏချင်းပင်လျှင် ၀ါဂွမ်းပုံလေးကဲ့သို့ဖြစ်ပြီး လျင်မြန်စွာ ကောင်းကင်၌ ပျောက်ကွယ်သွားကြပါတယ်၊

တခါက နဂါးမင်းနှင့် နဂါးပရိသတ်များ နေ့စဉ်ရက်ဆက် တရားနာလာကြပါတယ် လာတဲ့်အခါ နဂါးမင်းက သူ့ရဲ့ ရာဇပလ္လင်ကိုပါ ယူလာပြီ်း သူ၏ ရာဇပလ္လင်ပါ သူ့ပရိသတ်နဲ့ တရားနာယူပါတယ်။ သူသောက်ဖို့ယူလာတဲ့ ရေကို ဆရာတော် အာဂျန်ချန်းကို အရင်ဆက်ကပ်ပြီးမှ သူသောက်လေ့ရှိပါတယ်။သုတ္တန်ဒေသနာတော်နှင့် အောင်ခြင်းရှစ်ပါး တရားကို နတ်များအလွန်နှစ်သက်ကြတယ်လို့ အမိန့်ရှိပါတယ်။ ပဋိပတ်စခန်းကို ကျွမ်းကျင်စွာ ကျင့်ကြံတော်မူတဲ့ ဆရာတော် ဖရအာဂျန်ချမ်းဟာ ၁၉၄၉ခုမှာ လူ့ဘ၀ဇာတ် သိမ်းတော်မူပါတယ်၊။


ဆရာတော်ကြီးရဲ့ ကိုယ်တွေ့ ထူးဆန်းထွေလာ ပရလောကကမ္ဘာကို သိရှိနိုင်ဖို့ ဒီစာအုပ်မူရင်းမှာ ဆက်လက်ဖတ်ရှုနိုင်ပါတယ်၊
Ven. Acariya Mun - Spiritual Biography + photos

"HOW BIG ARE YOU?

ဓမ္မမောင်နှမတို့ ရေ

(ခေါင်းစဉ်ကိုကြည့်ပြီး လန့် တော့မသွားကြပါနဲ့ နော်။)

၁၆၊ ၅၊ ၂၀၀၉ (စနေနေ့ ) တုန်းက ဘုန်းဘုန်း ဦးတိက္ခဉာဏလင်္ကာရ (ယောဆရာတော်) ရဲ့ “ကူညီဖေးမ ပရဟိတ” ခေါင်းစဉ်နှင့် တရားတော်ကို အွန်လိုင်းကနေ နာယူလိုက်ရပါတယ်။ ဆရာတော်က “ဆ၀ါလာတ သုတ္တန်” ကိုအခြေခံပြီး ဟောာကြားဆုံးမသွားခဲ့ပါတယ်။

ဘုန်းဘုန်း ဦးတိက္ခဉာဏရဲ့ တရားကို နာယူနေရင်းက ကျွန်တော်တရားတိပ်ခွေလေးတစ်ခုကို ချက်ချင်းသတိရလိုက်တယ်။ ဆရာတော်ဦးဇောတိက ၁၉၉၇ခုနှစ်လောက်က သြစတြေးလျမှာ ဟောထားတဲ့တရားလေးပါ။ "Giving & Loving" တဲ့။ ကျွန်တော် မကြာမကြာနာဖြစ်ပါတယ်။ အထူးသဖြင့် စိတ်ထဲမှာ ကိုယ့်အတ္တတွေနှင့် ပိတ်လှောင်မွန်းကြပ်မှုတွေ ဖြစ်လာတဲ့ အချိန်တွေမှာပေါ့။

တရားထဲမှာ ဆရာတော်က လူတစ်ယောက်အကြောင်းကို အဓိကပြောသွားပါတယ်။ Dr. Albert Schweitzer အကြောင်းပါ။ အာဖရိကကိုသွားပြီး ဘ၀ကိုမြှုပ်နှံပြီး လူသားအကျိုးပြုအလုပ်တွေ လုပ်ခဲ့တဲ့ ဆရာဝန်တစ်ယောက်အကြောင်းပါ။ ကျွန်တော် သူ့ အကြောင်းကို နားထောင်မိတိုင်း အားကျကြည်ညိုစိတ်ဖြစ်ရပါတယ်။ သူ့ ဘ၀နှင့် သူ့ လုပ်ဆောင်မှုတွေကို စာပေမှာရှာဖတ်တော့လည်း တကယ်ကို စိတ်ဝင်စားဖို့ ကောင်းပါတယ်။ အတုယူဖို့ ကောင်းပါတယ်။ ကြည်ညိုစရာကောင်းပါတယ်။

သူဟာ တခြားဘာသာဝင်တစ်ယောက်ပါ။ တခါတလေ သူ့ လုပ်ငန်းအတွက် ပိုက်ဆံလိုရင် ဥရောပနိုင်ငံတွေမှာ လိုက်တရားဟောပြီးတောင် ရံပုံငွေရှာတဲ့သူပါ။ ဒါပေမယ့် သူ့ ရဲ့ လုပ်ဆောင်မှုတွေကတော့ ဗုဒ္ဓအလိုကျဖြစ်နေပါတယ်။ သူ့ ရဲ့ စိတ်ဓါတ်ကလည်း ဗုဒ္ဓရဲ့ အဆုံးအမကို လိုက်နာနေသူလိုပါဘဲ။ တခါက သူ့ အကြောင်းကို ဦးဇင်းလေးတစ်ပါးနှင့် ပြောဖြစ်တော့ သူက တကယ်လို့ သာ ဒီပုဂ္ဂိုလ်ဟာ ဗုဒ္ဓဘာသာဝင် တစ်ယောက်ဆိုရင် ဦးဇင်းတို့ က ဆုကြီးပန်လို့ တောင် ပြောချင်တာတဲ့။

ဟုတ်ပါတယ်။ ဒီဆရာဝန်ကြီးဟာ တကယ်ကိုကိုယ်ကျိုးစွန့် ပြီး အများအကျိုးကိုလုပ်သွားခဲ့သူပါ။ ဗုဒ္ဓဘာသာဝင်လို့ နာမည်ခံထားတဲ့ ကျွန်တော်တောင် သူ့ စိတ်ဓါတ်ရဲ့  တစ်စိတ်တစ်ပိုင်းကို မှီဖို့  အချိန်တော်တော်ယူပြီး ကြိုးစားရအုံးမှာပါ။

ဆရာတော်ဦးဇောတိက က သူ့ ရဲ့ တရားကို ကဗျာတစ်ပုဒ်နှင့် အဆုံးသတ်ထားပါတယ်။ ကဗျာနာမည်က "Splendid Torch" တဲ့။ George Bernard Shaw ရဲ့ လက်ရာပါ။ အဲဒီကဗျာကို နားထောင်ရင်း၊ ဖတ်ကြည့်ရင်း အဲဒီကဗျာထဲမှာသုံးထားတဲ့ "Use Up" ဆိုတဲ့စကားလုံးလေးက ကျွန်တော့်ကို စဉ်းစားစရာတွေ အများကြီးဖြစ်စေခဲ့ပါတယ်။

ကျွန်တော်တို့ ဒီဘ၀ ကံအလျောက်ရလာတဲ့ ခန္ဓာကြီးကို ဘယ်လောက်ထိအသုံးချခဲ့ပြီးပြီလဲ။ ဘာတွေအတွက်အသုံးချခဲ့ပြီးပြီလဲ။ မြတ်စွာဘုရားအစရှိတဲ့ အရိယာသူတော်ကောင်းကြီးများကတော့ သူတို့ ရရှိလာတဲ့ခန္ဓာကိုယ်ကို မိမိအကျိုး၊ သူတစ်ပါးအကျိုးတွေအတွက် အကုန်အသုံးချပြီး ဖယောင်းတိုင် တစ်တိုင်ရဲ့  မီးစာရော၊ ဖယောင်းရော ကုန်တော့မှ မီးငြိမ်းသလိုမျိုး အသုံးချလို့ ရသမျှ အကုန်ထုတ်ပြီး သုံးသွားခဲ့ကြပါတယ်။ နောက်ဆုံး ခန္ဓာဝန်ချမယ့်အချိန်အထိ အများဝေနေယျတို့ ရဲ့ အကျိုးကို ရှေ့ ရှုဆောင်ရွက်တော်မူသွားခဲ့ကြပါတယ်။

မြတ်စွာဘုရား နှင့် အရိယာသူတော်ကောင်းတို့ ရဲ့ တပည့်ဖြစ်ချင်ကြတဲ့ ကျွန်တော်တို့ ကရော ဘယ်အတိုင်းအတာအထိ ကျွန်တော်တို့ ဘ၀တွေကို ဘာတွေအတွက် အသုံးချခဲ့ပြီးပြီလဲဆိုတာ ပြန်သုံးသပ်စရာကောင်းပါတယ်။ နောက်ပြီး ကျွန်တော်တို့ ရဲ့ နောက်ပိုင်း မျိုးဆက်သစ်တွေအတွက်ကော ဘာတွေ ပြင်ဆင်ပေးပြီးပြီလဲ။ လက်ဆင့်ကမ်းပေးရမယ်ဆိုရင်ကော ဘာတွေကို ပေးခဲ့မှာလဲ။

ဘုန်းဘုန်း ဦးတိက္ခဉာဏရဲ့ တရားတော်ကို အဲဒီညကနာလိုက်ရာက အချိန်တော်တော်ကြာ ကိုယ့်ကိုယ်ကို မမေးဖြစ်တော့တဲ့ ဒီမေးခွန်းတွေခေါင်းထဲ ပြန်ရောက်လာအောင် သတိပေးလိုက်သလို ဖြစ်သွားပါတယ်။

"Giving & Loving" တရားခွေထဲမှာ ဆရာတော် ဦးဇောတိက က "How big are you?" လို့ မေးထားပါတယ်။ ကျွန်တော်လည်း ဒီမေးခွန်းကို ကိုယ့်ကိုယ်ကိုရော၊ ညီအကိုမောင်နှမအားလုံးကိုပါ ထပ်ဆင့်ပြီး မေးလိုက်ပါတယ်ခင်ဗျား။ "HOW BIG ARE YOU?" လို့ ။

Splendid Torch

This is the true joy in life:
the being used for a purpose
recognized by yourself as a mighty one.

The being a force of nature,
instead of a feverish, selfish little clod of ailments and grievances
complaining that the world will not devote itself to making me happy.

I am of the opinion that
my life belongs to the whole community,
and as long as I live,
it is my privilege to do for it whatever I can.

I want to be thoroughly used up when I die -
for the harder I work, the more I live.
I rejoice in life for its own sake.

Life is no "brief candle" to me;
it is a sort of splendid torch
which I have got hold of for the moment,
and I want to make it burn as brightly as possible
before handing it on to future generations.

(George Bernard Shaw)

ရိုသေလေးစားရပါသော ဘုန်းဘုန်းဦးတိက္ခဉာဏလင်္ကာရ နှင့် ပရဟိတလုပ်ငန်းများကို အားကျိုးမာန်တက်လုပ်ဆောင်နေကြတဲ့ ညီအစ်ကိုမောင်နှမများအားလုံးကို ဒီဆောင်းပါး၊ ဒီကဗျာလေးဖြင့် ရိုသေစွာဂါရ၀ပြုလိုက်ပါသည်။

လေးစားစွာဖြင့်
ဝိမုတ္တိသုခ

(ကိုဝိမုတ္တိသုခ ပေးပို့လာတဲ့ အီးမေးလ်ကို ပြန်လည်မျှဝေပါသည်၊ လူသားပီသတဲ့ နှလုံးသားတွေကို ဖော်ထုတ်ကြပါစို့ )

ကူညီဖေးမ ပရဟိတ

(စင်္ကာပူ ယော အသင်း တနှစ်ပြည့်မြောက်ခြင်း နှစ်ပတ်လည်အတွက် ဂုဏ်ပြုရေးသားပါသည် )


၁၉-၀၅-၂၀၀၈ ယောအသင်း စတင်ဖွဲ့စည်းသည့်နေ့က မှတ်တမ်းပုံရိပ်များ

ငါကဲ့သို့ စွမ်းအားနှင့်ပြည့်စုံသော ယောကျားင်္ အတွက် တကိုယ်ထည်းကူးမြောက်၍ အဘယ်ကဲ့သို့အကျိုးရှိအံ့နည်း။ငါသည် သဗ္ဗညုတဥာဏ် ရပြီးနောက် နတ်နှင့်တကွသော လောကကို ကူးမြောက်စေအံ့.( ဇာတက နိဒါန်း )

၁၆-၀၅-၂၀၀၉ စနေနေ့မှာ ကနေဒါ နော်ဝေ ထိုင်ဝမ် ထိုင်း ဖီလစ်ပိုင် မော်စကို စင်္ကာပူ ဂျပန် အီတလီမှ ဓမ္မချစ်ခင် ညီအကို မောင်နှမတို့ကို ကူညီဖေးမ ပရဟိတ ခေါင်းစဉ်နဲ့ ဟောပြောခဲ့ပါတယ်၊ လောကလူသား တစ်ယောက်အတွက် ရှိသင့်တဲ့ လူ့အရည်အသွေးမှာ တိုင်းတာစရာ အဖြစ်ပါဝင်နေတဲ့ ပရဟိတဟာ လူသားမှန်ရင် အသိဥာဏ်ရှိသူမှန်ရင် ဆောင်ရွက်ကြရပါလိမ့်မယ်..

လူ့သားတစ်ယောက် တန်ဖိုးကို တိုင်းတာရာမှာ အတ္တကိုယ်ဖယ်ရှားပြီး အများအကျိုး ဘယ်လောက်လုပ်နိုင်သလဲဆိုတာနဲ့လည်း တိုင်းတာရပါမယ်. ရှင်သန်သမျှ ကာလလေးမှာ လူဟာ အမြဲကိုလှုပ်ရှား ရုန်းကန်နေရပါတယ်. အသာလေးထိုင်ပြီး အိပ်စား လုပ်နေခွင့်မရှိပါဘူး၊ ဗုဒ္ဓအလိုတော်အရဆိုရင်တော့ ဥဋ္ဌာနဖလူပဇီဝီ ဖြစ်နေလို့ပါပဲ၊

ဆ၀ါလာတ သုတ္တန်မှာ မြတ်ဗုဒ္ဓ ဟောပြတဲ့ ပုဂ္ဂိုလ် ၄ ယောက်ဟာ လည်း စိတ်ဝင်စားစရာကောင်းပါတယ်.

၁။ ကိုယ့်အကျိုးလဲ မလုပ် ပရဟိတလဲ မလုပ်သူ
၂။ ကိုယ်အကျိုးတော့လုပ်ပြီး ပရဟိတ မလုပ်သူ
၃။ ပရဟိတတော့လုပ်ပြီး ကိုယ့်အကျိုးအတွက် မဆောင်ရွက်သူ
၎။ ကိုယ့်အကျိုးလည်းလုပ် ပရဟိတလည်း ဆောင်ရွက်သူ..ဆိုပြီး ဒီကမ္ဘာကြီးထဲမှာ ရှိတဲ့ လူသားပေါင်း သန်း ၆ ထောင်ကျော်ကို တူရာတူရာ စုရင် ဒီ လေးမျိုးသာ ရကြောင်းဟောပြတော်မူပါတယ်..ဒီလေးယောက်ထဲမှာ ကိုယ့်အကျိုးလည်းလုပ်ပြီး ပရဟိတလည်းဆောင်ရွက်သူကို အမြတ်ဆုံးလူသားအဖြစ် မြတ်ဗုဒ္ဓသတ်မှတ်တော်မူပါတယ်.

ဘ၀တခုကို ရောက်လာတဲ့ မိမိတို့လဲ လူဖြစ်ရကျိုးနပ်အောင် လူပီသအောင် လူ့နှလုံးသားပီပြင်အောင် ပရဟိတ လုပ်ကြရပါမယ်…ဘုရားလောင်း ကြွေးကြော်ခဲ့တဲ့ အထက်ဖော်ပြပါ စကားဟာ ပရဟိတဆောင်ရွက်ဖို့ တွန်းအားတခုဖြစ်သလို ငါလိုယောကျာင်္းက တယောက်တည်း နိဗ္ဗာန်သွားလို့အကျိုးမရှိဘူး ဒီလောကကြီးထဲက နတ်လူဗြဟ္မာတွေကိုလဲ ကူးမြောက်စေမယ် ဆိုတဲ့ ကျူးရင့်သံဟာ တကယ့်ကို မိမိတို့ နှလုံးသားကို လှုပ်နှိုးနေခဲ့ပါတယ်…

လောကကြီးထဲက သစ်ပင်တွေဟာ အသီးနဲ့ လောကကြီးကို အကျိုးပြုနေပါတယ်.မြစ်တွေ ချောင်းတွေဟာ အမြဲစီးဆင်းပြီး သန့်စင်တဲ့ရေစင်နဲ့ လောကကြီးကို အကျိုးပြုသလို နေဟာလည်း နေရောင်ခြည်နဲ့ လောကြီးကို အကျိုးပြုနေပါတယ်. လရောင်ဟာလည်း အေးမြတဲ့အလင်းရောင်နဲ့ လောကကြီးကိုအကျိုးပြုနေပါတယ်.. ဒါတွေဟာ သက်ရှိတွေမဟုတ်သလို အသိဥာဏ်ရှိတဲ့လူတွေလည်း မဟုတ်ပါဘူး..ဒီလို သက်မဲ့တွေတောင် လောကကြီးကို ကျေးဇူးပြုနိုင်သေးရင် အသိဥာဏ်ရှိတဲ့ လူသားဖြစ်တဲ့ မိမိတို့က လူလူချင်း ကျေးဇူးမပြုသင့်ဘူးလား….လူပီသတဲ့လူ… မြတ်ဗုဒ္ဓသတ်မှတ်တဲ့ လူမြတ်စာရင်းဝင်အောင် ကြိုးစားဆောင်ရွက်သင့်ပါတယ်..

မိမိတို့တတွေဟာ တခဏမျှ လူ့ဘ၀ရကြ။လူထဲသူထဲ လူနဲ့သူနဲ့နေကြ။လူ့ကိစ္စ လူ့ဝတ္တရား လူ့တာဝန်ယူကြရ။လူ့အတွေး လူ့အမြင် လူ့အသိတွေ သိကြရစဉ်ကာလမှာ ဘယ်လောက်ကြာအောင် မျိုးဆက်ရှည် တည်တံ့ဦးမယ်မှန်း မသိတဲ့ လူ့လောကအတွင်း လူသားအချင်းချင်း ရိုင်းပင်းကူညီမှု၊ လူသား အချင်းချင်း ချစ်ကြည်ရင်းနှီးစေမှုတွေနဲ့ လူ့သတင်း လူချင်းဆောင်ကာ လူ့သမိုင်းကောင်းစေဖို့ အလုပ်ကောင်းတွေ လုပ်ကြရပါမယ်. အလုပ်ကောင်းလုပ်နိုင်ဖို့ အဓိက က စိတ်ကောင်းရှိဖို့ ထက်သန်တဲ့ဆန္ဒရှိဖို့ စေတနာသန့်ဖို့တော့လိုပါတယ်..

ပြီးတော့ လူလောကကြီးထဲက ဘာတွေယူသွားကြမလဲ ဘာတွေထားသွားမလဲဆိုတာလဲ စဉ်းစားကြရပါမယ်..မြတ်ဗုဒ္ဓကတော့ အချိန်များစွာ အသက်များစွာ ဘ၀များစွာ စည်းစိမ်ဥစ္စာများစွာ ပေးဆပ်ခဲ့ပြီး ဓမ္မဆိုတာကို ထားပစ်ခဲ့ပါတယ်.သူထားခဲ့တဲ့ ဓမ္မဆိုတာ ဘယ်လောက်များ လောက လူသားတွေကို ကျေးဇူးပြုနေသလဲဆိုတာ အားလုံးနားလည် သိနိုင်ပါတယ်…မိမိတို့တတွေက ကော ဘာတွေယူပြီး ဘာတွေထားရစ်ခဲ့ကြမလဲ…..

မေတ္တာသုတ်မှာတော့ နာညမညဿ ဒုက္ခမိစ္ဆေယျ..လူများရဲ့ ဒုက္ခကို မလိုလားပါနဲ့..အပြန်အားဖြင့်တော့ ကူညီဖေးမ ပရဟိတ လုပ်ကြပါလို့ ပြောနိုင်ပါတယ်. လူသားဒုက္ခရောက်တာကို ကိုယ့်နှလုံးသားက ဘာမှမဖြစ်ဘူးဆိုရင် ဒီလူနှလုံးသားဟာ သူတော်စင် နှလုံးသားလို့ မဆိုနိုင်ပါဘူး..သူတပါး ဒုက္ခရောက်တာကို မြင်ရရင် ရင်ထဲမှာ တကယ့်ကို နာကြင်စွာခံစား တုန်လှုပ်မှ သူတော်စင်နှလုံးသားလို့ ဆိုရပါမယ်…
ဘုရားလောင်းတော် ကတော့ ဥဒါန်းကျူးရင့်တော်မူနေပါတယ်……. ငါကဲ့သို့ စွမ်းအားနှင့်ပြည့်စုံသော ယောကျားင်္ အတွက် တကိုယ်ထည်းကူးမြောက်၍ အဘယ်ကဲ့သို့အကျိုးရှိအံ့နည်း။ငါသည် သဗ္ဗညုတဥာဏ် ရပြီးနောက် နတ်နှင့်တကွသော လောကကို ကူးမြောက်စေအံ့….

အိုစာရှုသူ….သင်ရော အကျွန်ုပ်တို့ရော တတ်နိုင်တဲ့ ပရဟိတတွေ လက်တွဲဆောင်ရွက်ကြပါစို့…လူ့တန်ဖိုးတွေကို ဖော်ထုတ်ကြပါစို့…..သူတပါး ဒုက္ခရောက်တာကို မလိုလားသူ ကူညီသူ ဖေးမသူ ပရဟိတ ဆောင်ရွက်သူ ဖြစ်အောင် ကြိုးစားကြပါစို့……….

(၁၉-၀၅-၂၀၀၉ ရက်နေ့ဟာ စင်္ကာပူနိုင်ငံရောက် ယောအသင်းကို တည်ထောင်ဖွဲ့စည်းခဲ့တာ တနှစ်တင်းတင်းပြည့်ခဲ့ပါပြီ..အတူဆင်နွှဲတဲ့ ကောင်းမှုပွဲလေးတွေ ဆောင်ရွက်နိုင်ခဲ့တာ စုစည်းတဲ့ ယောညီအကို မောင်နှမတို့ရဲ့ ညီညွတ်ရေး စိတ်ဓာတ်များကြောင့်သာဖြစ်ပါတယ်.ထက်သန်တဲ့ဆန္ဒတွေနဲ့ လူသားတန်ဖိုးတွေကို ဆက်လက်မြှင့်တင် ဖော်ထုတ်နိုင်ကြမယ်လို့ ယုံကြည်နေပါတယ်.)

ု

သီရိလင်္ကာနိုင်ငံမှာ ကျင်းပနေတဲ့ Vesak Day ပွဲတော် မြင်ကွင်းများ

ဒီလို မဏ္ဍပ်ကြီးတွေ ဆောက်ပြီး ဗုဒ္ဓ၀င်တေးသရုပ်ဖော် နောက်ခံစကားပြောတွေနဲ့ ကျင်းပနေပါတယ်။

သီရိလင်္ကာ ၀ိဆတ်ဒေးပွဲတော်

လမ်းတွေပေါ်မှာတော့ လူတွေစည်ကားနေပါတယ်။ လမ်းတိုင်း လမ်တိုင်းမှာ နိုင်ငံတော်က ချပေးတဲ့ ဘတ်ဂျက်ငွေနဲ့ ကြီးမားတဲ့ မဏ္ဍပ်ကြီးတွေမှာ ဗုဒ္ဓ၀င်( ဘုရားရှင် အကြောင်း )ရုပ်ကြွတွေနဲ့ ပူဇော်ပြီး ဓမ္မတေးများနဲ့
သရုပ်ဖော်ပါတယ်။ အချို့ မဏ္ဍပ်တွေမှာ ဆင်ဟာလိ လူမျိုး မိန်းကလေးတွေက ဘုရားရှင်အကြောင်းကို သရုပ်ဖော် ပြောဆိုနေပါတယ်။ အချို့ မဏ္ဍပ်တွေမှာတော့ ဘုရားရှင် ဟောကြားခဲ့တဲ့ ဇာတ်တော်တွေထဲက အကြောင်းအရာတွေ သရုပ်ဖော်နေကြတယ်။ လူများစွာက သောက်စား ရမ်းကားခြင်းမရှိဘဲ မဏ္ဍပ်ကြီးတွေ ရှေ့မှာ ငြိမ်သက်စွာ လာရောက်နားထောင်ကြပါတယ်။

ဗုဒ္ဓနေ့မှာ ဂုဏ်တော်ပွားပြီး ပူဇော်မယ်

အရဟံ- လူနတ်ဗြဟ္မာတို့၏ ပူဇော်အထူးကို ခံယူတော်မူထိုက်သော မြတ်စွာဘုရား၊
အ-ရဟံ - ဆိတ်ကွယ်ရာအရပ်၌ မကောင်းမှုကို ပြုတော်မမူသော မြတ်စွာဘုရား။
အရ-ဟံ- ကိလေသာ ရန်သူတို့ကို သတ်တော်မူပြီးသော မြတ်စွာဘုရား ၊
( အရဟံ......၀င်လေတချက် ။ အရဟံ...ထွက်လေ တချက် စသည်ဖြင့်လဲ ထိရောက်သော ဂုဏ်တော်များကို အာနာပါန ၀င်လေ ထွက်လေဖြင့်ကပ်၍ ပွားများပူဇော်နိုင်ပါသည် )

အပူကင်းစင် ဘုရားရှင် ဦးတင်သူလဲ အပူကွာ၊
ပညာကြီးငြား မြတ်ဘုရား ဆည်းကပ်သူလဲ ဥာဏ်ကြီးပါ၊

ကဆုန်လပြည့် ဗုဒ္ဓနေ့မှာ တရားရှု့ မှတ်၍ ငြိမ်းအေးစွာ နေပါမည်။

ကဆုန်လပြည့် ဗုဒ္ဓနေ့ (သို့ ) Vesak Day

မဟာလူသား မြတ်ဗုဒ္ဓ ,သစ္စာတ၇ားကို လမ်းညွှန်ဖော်ထုတ်တော်မူတဲ့ မြတ်စွာဘုရား ရှင်ရဲ့ မွေးနေ့ကို ရောက်ပါပြီ၊ ခရစ်တော်နဲ့ လူထုပေါင်းစည်းတဲ့နေ့ကို ခရစ်စမတ်တဲ့ ။ ဗုဒ္ဓနဲ့ လူထုပေါင်းစည်းတဲ့နေ့ကို ၀ိဆတ်ဒေး လို့ခေါ်ပါတယ်။ နိုင်ငံတကာမှာ တနိုင်ငံနဲ့ တနိုင်ငံ ကျင်းပပုံတွေကလဲ မတူညီကြပါဘူး။ ရိုးရာ ပြက္ခဒိန်ကို လိုက်ပြီး နေ့ရက်တွေလွဲသလို အခေါ်အဝေါတွေလဲ လွဲနေတာ တွေ့ရပါလိမ့်မယ်။

အိန္ဒိယ၊ ဘင်္ဂလားဒေရ်ှနဲ့ နီပေါနိုင်ငံတွေမှာ ဤလပြည့်နေ့ကို ၀ိဆာခ်ပူဇ(Visakah Puja)၊ ဗုဒ္ဓ ပုရ်နိမာ(Buddha Purnima)၊ ဗုဒ္ဓဇယန္တိ(Buddha Jayanti)လို့လဲ အသိများပါတယ်။ ထိုင်းနိုင်ငံမှာက တော့ ၀ိဆာခဘုချ( Visakha Bucha)၊ ဗီယက်နမ်မှာ ဖက်ဒန်း(Phật Đản)၊ အင်ဒိုနီးရှားမှာ ၀ိုင်းဆက် (Waisak)၊ သီရိလင်္ကာမှာ ၀ိဆက်(ဝေ့ဆက်)( Vesak (Wesak))၊ တရုတ်စကားပြောတဲ့ မလေးရှားနဲ့ တရုတ်မှာ ဖောဒန်း(佛誕 (fó dàn))၊ တိဗက်မှာ စကဒ၀(Saga Dawa)လို့ အသီးသီး ခေါ်ဆို အသုံးပြုကာ ပွဲတော်များကို ကျင်းပလေ့ရှိပါတယ်။ လာအိုနိုင်ငံမှာလဲ ဒီပွဲတော်နဲ့ ထပ်တူဖြစ်တဲ့ ပွဲတော် တစ်ခုရှိပါတယ်။ အဆိုပါ ပွဲတော်ကတော့ ၀ိကဆက်ခ ဘောကဆ(Vixakha Bouxa)လို့ ခေါ်ပါတယ်။

မြန်မာနိုင်ငံမှာကတော့ ဒီအချိန်ကျင်းပတဲ့ ဒီပွဲတော်ကို ကဆုန်လပြည့်(Ka-sone-la-pyae)လို့ အမည်တွင်ပါတယ်။ အဓိပ္ပါယ်ကတော့ မြန်မာပြက္ခဒိန်ရဲ့ ဒုတိယမြောက်လဖြစ်တဲ့ ကဆုန်လပြည့်လို့ ဆိုလိုပါတယ်။ သီရိလင်္ကာ၊ မလေးရှား၊ မြန်မာ၊ ထိုင်း၊ စင်္ကာပူ၊ ဗီယက်နမ်နဲ့ အင်ဒိုနီးရှား၊ ဟောင်ကောင်၊ ထိုင်ဝမ်တို့မှာ ဒီဝိဆက်ပွဲတော်အခါသမယကို အများပြည်သူရုံးပိတ်ရက်အဖြစ် သတ်မှတ်ထားကြပါတယ်။
အမျိုးမျိုးသော ဓလေ့ထုံးစံများမှာ အသုံးပြုတဲ့ မတူထူးခြားတဲ့ ပြက္ခဒိန်တွေရဲ့ အလိုအရ ၀ိဆက်ပွဲတော်ရက်ကို အတိအကျ သတ်မှတ်ဖို့တော့ ခက်ပါတယ်။

ဗုဒ္ဓဘာသာပြက္ခဒိန်ကို လက်ခံ အသုံးပြုတဲ့ ထေရ၀ါဒတိုင်းပြည်များမှာ ထုံးစံအားဖြင့် ငါးလမြောက် သို့မဟုတ် ခြောက်လမြောက်ရဲ့ လပြည့်နေ့၊ ဥပုသ်နေ့မှာ ပွဲတော်ရက် ကျရောက်ပါတယ်။ တရုတ်နိုင်ငံမှာတော့ တရုတ်ပြက္ခဒိန်မှာ ပထမဆုံးလပြည့်ကျတဲ့ လေးလမြောက်ဖြစ်ပါတယ်။ အနောက်တိုင်းပြက္ခဒိန်အရကတော့ ပွဲတော်ရက် ဟာ တစ်သမတ်တည်း မရှိနိုင်ပါဘူး။ ဒါပေမယ့် များသောအားဖြင့် ဧပြီလနဲ့ မေလမှာတော့ ကျရောက် လေ့ရှိပါတယ်။

၁၉၅၀ခုနှစ်မှာ ကမ္ဘာလုံးဆိုင်ရာဗုဒ္ဓဘာသာဝင်များညီလာခံကြီးကို သီရိလင်္ကာနိုင်ငံမှာ ကျင်းပ ခဲ့ပါတယ်။ အဆိုပါ ညီလာခံမှာ မြတ်စွာဘုရားရဲ့ မွေးနေ့ကို ၀ိဆက်နေ့အဖြစ် ပွဲတော်ကျင်းပကြဖို့ ဆုံးဖြတ်ခဲ့ကြပါတယ်။ ၀ိဆက်အခါတော်နေ့ရောက်တိုင်း တစ်ကမ္ဘာလုံးမှာရှိတဲ့ဗုဒ္ဓဘာသာဝင်များဟာ ဗုဒ္ဓဘာသာဓလေ့ထုံးစံများရဲ့ ထူးခြားတဲ့ အဖြစ်အပျက်များကို အမှတ်တရ ဂုဏ်ပြုလေ့ရှိကြပါတယ်။ တခါတရံ ဗုဒ္ဓနေ့လို့လဲ သုံးကြပါသေးတယ်။ အမှန်ပြောရရင် ဒီပွဲတော်ရက်ဟာ ဗုဒ္ဓမြတ်စွာရဲ့ မွေးနေ့၊ သဗ္ဗညုတညာဏ်အလင်းရရှိတဲ့နေ့၊ ပရိနိဗ္ဗာန်စံဝင်တော်မူသောနေ့များနဲ့လဲ တိုက်ဆိုင်နေပါ တယ်။
ဒါကို မြန်မာ့ယဉ်ကျေးမှုမှာတော့ ဖွား ပွင့် ဟော စံ ဗျာဒိတ်ခံ မှတ်ရန် လကဆုန်လို့ မှတ်ရလွယ်အောင် သင်္ကေတ ပြုထားကြပါတယ်။

၁- ဒီပင်္ကရာ မြတ်စွာဘုရားက သုမေဓာ အမျိုးကောင်းသားကို လေးသင်္ချေ ကမ္ဘာတသိန်းထက်မှာ ဂေါတမ ဗုဒ္ဓနာမည်နဲ့ ဘုရားဖြစ်လိမ့်မယ်လို့ မိန့်ကြားခဲ့တာလဲ ဒီကဆုန်လပြည့်နေ့ပါပဲ။

၂- မြတ်စွာဘုရားရှင်ဟာ မဟာသက္ကရာဇ် ၆၈ ခု ကဆုန်လပြည့် ဘီစီ ၆၂၃ မှာ မွေးဖွားခဲ့ပါတယ်။

၃- မြတ်စွာဘုရားရှင်ဟာ မဟာသက္ကရာဇ် ၁၀၃ ခု ကဆုန်လပြည့် ဗုဒ္ဓဟူးနေ့ (ဘီစီ ၅၈၈ )မှာ ဘုရားအဖြစ်ကိုရောက်တော်မူပါတယ်။

၎- မဟာသက္ကရာဇ် ၁၀၄ ကဆုန်လပြည့် ဘီစီ ၅၈၇ မှာ ဗုဒ္ဓ၀င်အကျဉ်းကိုဟောတော်မူပါတယ်

၅= မဟာသက္ကရာဇ် ၁၄၈ ခု ကဆုန်လပြည့် အဂါင်္နေ့ ဘီစီ ၅၄၃ မှာ ပရိနိဗ္ဗာန် ၀င်စံတော်မူပါတယ်။
ဘုရားအဖြစ်နဲ့ ၄၅ ၀ါ သီတင်းသုံးတော်မူခဲ့တယ်။ အဲဒီ ၄၅ နှစ်အတွင်းမှာ တရားဟောခြင်း သံဃာ့အဖွဲ့အစည်း ထူထောင်ခြင်း နှင့် လူနတ်ဗြဟ္မာ သတ္တ၀ါတို့ရဲ့အကျိုးတရားကို နေ့မနားညမအား ကြိုးစားဆောင်ရွက်တော်မူခဲ့ပါတယ်။

ဝန်ခံချက်။ အရှင်ကုသလသာမိ၏ ဘာသာပြန်ဆောင်းပါးကို ကိုးကားဖော်ပြသည်။

တရားတော်နာ ကြွရောက်ပါ

တရားချစ်ခင် သူတော်စင်တို့ တရားနာ ကြွရောက်ပါရန် ဖိတ်ကြားအပ်ပါသည်။

အလင်းနိမိတ်နဲ့ ဘုရားဖူးခြင်းအပေါ် ပါမေက္ခချုပ်ဆရာတော်၏ သဘောထား အမြင်

မြေဇင်းတောရ ဆရာတော်ဘုရားကြီး၏ ပဓာနပါရဂူကျမ်းကို ဖတ်ရှုကြည့်ပါသည်၊ ဆရာတော်ဘုရားကြီးနှင့် ယောဂီပုဂ္ဂိုလ်တို့ တွေ့ရှိချက်တွေကို မေးဖြေနေတာတွေ့ရှိရသည်။ အချို့အချက် အလက်တွေကို ဆရာတော်ဘုရားကြီးက နည်းလမ်းမှန်အောင် ပြင်ဆင်ပေးသည်ကို တွေ့ရှိရပါသည်.

အာနာပါန ကမ္မဋ္ဌာန်းမှ အနုလောမဥာဏ်အထိ ရှင်းလင်းပြသသည်ကိုတွေ့ရှိရပါသည်၊ ဤစာအုပ်၌ ထူးခြားချက်မှာ အာနာပါနအားထုတ်ပြီး နိမိတ်တွေရလာသည်။ ၎င်းရလာသော နိမိတကို ကြီးထွားအောင် အားထုတ်ပြီး အဝေး အနီးဘုရားစေတီများကို အားထုတ်ခြင်းဖြစ်ပေသည်၊ ဤမျှလောက်အားထုတ်ရုံမျှဖြင့် ဘုရားစေတီများကို ဖူးလို့ရပါသလားဟု မေးဖွယ်ရှိ၏။် ဘုရားဟောကျမ်းစာတွေထဲမှာ ဤလိုနည်းတွေပါ ပါရဲ့လားဟုလည်း မေးဖွယ်ရှိ၏

အောက်ပါ အရုဏ၀တီသုတ္တန် နှင့် အဋ္ဌကထာတို့ကို ကြည့်ရှုလိုက်လျက် ရှင်းသွားပါလိမ့်မည်၊ ဤကမ္ဘာမှ ပြန်၍ရေတွက်သော် ၃၁ ကမ္ဘာအထက်၌ သိခီမြတ်စွာဘုရားပွင့်တော်မူ၏ သိခီမြတ်စွာဘုရားမှာ အဘိဘူ နှင့် သမ္ဘ၀ဟူသော အဂ္ဂသာဝက ရဟန္တာ ၂ ပါးရှိသည်။

တရံရောအခါ သိခီမြတ်စွာဘုရား နှင့် အဘိဘူ လက်ယာတော်ရံတပည့်တို့ ဗြဟ္မာဘုံသို့ ကြွသွားကြသည်။ သိခီမြတ်စွာဘုရား၏ စေခိုင်းချက်အရ အဘိဘူရဟန်းသည် အောက်ပါ နှစ်ဂါထာကို စကြာဝဠာတထောင်အတွင်းရှိ သတ္တ၀ါအားလုံး ကြားအောင် မြင်အောင် ဟောကြားလေသည်၊

အာရမ္ဘထ နိက္ကမထ ယုဉ္ဇထ ဗုဒ္ဓသာသနေ
ဓုနာထ မစ္စုနော သေနံ နဠာဂါရံဝ ကုဉ္ဇရော
ယော မသ္မိ့ ဓမ္မ၀ိနယေ အပ္ပမတ္တော ၀ိဟေဿတိ
ပဟာယ ဇာတိသံသာရံ ဒုက္ခဿန္တံ ကရိဿတိ။ ဟူသော နှစ်ဂါထာကို

ယခုခေတ် ရုပ်မြင်သံကြားဖြင့် အသံကော ရုပ်ကောင် မြင်အောင် ကြားအောင်ထုတ်လွှင့် သကဲ့သို့ အဘိဘူရဟန်းသည် မြင်အောင် ကြားအောင်ထုတ်လွှင့်ခဲ့လေသည်၊ ဒီနေရာ၌ အဋ္ဌကထာဆရာတော်က အဘိဘူရဟန်းထုတ်လွှင့်ပုံကို ဖော်ပြထားသည်မှာ

အဘိဘူရဟန်းသည် ရှေးဦးစွာ နီလကသိုဏ်းဈာန်ကို ၀င်စား၍ နီလကသိုဏ်းနိမိတ်ဖြင့် စကြာဝဠာတထောင်ကို ဖြန့်လိုက်သည်၊ ထိုအခါ စကြာဝဠာ တထောင်လုံး ညကဲ့သို့ဖြစ်သွားသည် မှောင်သွားသည်၊ ထို့နောက်မှ ဩဒါတကသိုဏ်းဈာန်ဝင်စား၍ ဩဒါတကသိုဏ်းနိမိတ်ဖြင့် စကြာဝဠာ တစ်ထောင်ကို ဖြန့်လိုက်သည်၊ ထိုအခါ စကြာဝဠာ တစ်ထောင်လုံး နေကဲ့သို့ လင်းထိုင်သွားသည် ထိုအခါမှ အထက်ပါ နှစ်ဂါထာကို ဟောကြားရာ အားလုံးသတ္တ၀ါတို့ အဘိဘူရဟန်း၏ ရုပ်အဆင်းကိုလဲ မြင်ရသည် တရားအသံကိုလည်း ကြားကြရသည်ဟု အဋ္ဌကထာဆရာတော်ဖွင့်ပြသည်။

မောင်းထောင်မြေဇင်းတောရ ဆရာတော်ဘုရားကြီး၏ နည်းသည်လည်း အရုဏ၀တီသုတ် အဋ္ဌကထာ အဖွင့်နှင့် ညီညွတ်သဖြင့် ယုံကြည်စိတ်ချစွာဖြင့် အားထုတ်သင့်ကြပေသည်၊ အကယ်၍ ဘုရားမဖူးချင်လျင်လည်း မိမိ ခန္ဓာရှိ ၃၂ ကောဋ္ဌာသအာရုံများကို အာနာပါန နိမိတ်ဖြင့် ထိုးကြည့်ပြီး ရုပ်နာမ်ဖြစ်ပျက်ကို ရှုလျင်လည်း အလွန်တရာမှကြည်လင်ပြတ်သားစွာ ဖြစ်မှု ပျက်မှုများကို မြင်နိုင်ပါသည်၊

အာနာပါန သမာဓိနှင့် ကသိုဏ်းနိမိတ်တို့၏ အကူအညီဖြင့် ၀ိဿနာရှုလျင်လည်း ၀ိပဿနာ သက်သက်ထက်ပို၍ ကောင်းပါသည်၊ ထို့ကြောင့် မောင်းထောင်မြေဇင်းတောရဆရာတော်၏ ပဓာနပါရဂူကျမ်းကို ကြည့်ရှု၍ အားထုတ်လိုသူများ စိတ်ချလက်ချ ယုံကြည်စွာဖြင့် အားထုတ်သင့်ကြပေသည်။


ဗန်းမော်ဆရာတော်
အဂ္ဂမဟာပဏ္ဍိတ
အပြည်ပြည်ဆိုင်ရာ ထေရ၀ါဒတက္ကသိုလ်
ဒုတိယပါမောက္ခချုပ်


ပဓာနပါဂူကျမ်း အမှာစာကို ကူးယူဖော်ပြပါသည်။ အဌကထာကို တိုက်ရိုက်ကြည့်ရှုလိုသူများအတွက် သံယုတ္တ အဋ္ဌကထာ ပထမအုပ် စာမျက်နှာ ၂၀၃။ ၂၀၄ မှာ ကြည့်ရှုနိုင်ပါသည်၊ မှန်ကန်သည့် ဓမ္မများကို ကျင့်ကြံခြင်းဖြင့် သိရှိနိုင်ပါစေ။
အရှင်တိက္ခဥာဏာလင်္ကာရ ( ယော )

ကျေးဇူး မင်္ဂလာ

ကိုဝင်းမြင့် ကိုဝိမုတ္တိ တို့ ဦးဆောင်ပြီး ကျင်းပတဲ့ အွန်လိုင်းတရားပွဲလေး ပြီးမြောက် အောင်မြင်သွားလို့ အားလုံးလဲ ပျော်ရွှင်ကြရပါတယ်၊ ပြီးတော့ ဟောပြောခဲ့တဲ့ တရားတွေကို အဖြူရောင်သံစဉ် ရေဒီယိုတဆင့် ထပ်ဆင့်လွှင့်ပေးလို့ တရားချစ်ခင် သူတော်စင်တို့ ရွှင်ပြုံးကြည်နူးကြရသလို ကမ္ဘာတ၀ှန်းဓမ္မချစ်ခင် သူတော်စင်တို့ နာကြားခွင့်ရရှိခဲ့ပါတယ်၊

စာရေးသူဆီကို အီးမေးလ်နဲ့တမျိုး ဖုန်းနဲ့တဖုံ ၀မ်းသာကြောင်း လျှောက်ထားခဲ့ကြတဲ့ သူတွေကို ဦးဇင်းက ကျေးဇူးတင်ပါတယ်။ ဒီလိုဖြန့်ဖြူးခွင့်ရအောင် ကြိုးစားပေးခဲ့တဲ့ ကိုဝင်းမြင့် ကိုဝိမုတ္တိ အဖြူရောင်သံစဉ် အဖြူရောင်မေတ္တာ သစ္စာအလင်း မက်မက် မမေဟန် ကိုအောင်ဆွေဦး ကိုနေဇင်လတ် ကိုမျိုး ကိုနန်းထိုက်လင်း မမြကြေးမုံ ကိုအောင်ကျော်ဆန်း စတဲ့ ကမ္ဘာ့နိုင်ငံ အသီသီးက ဓမ္မမိတ်ဆွေများကိုလဲ ကျေးဇူးတင်ကြောင်း ပြောလိုပါတယ်၊

တိုတောင်းတဲ့ လူ့ဘ၀လေးမှာ အချိန်ကို အကျိုးရှိရှိ အသုံးချလို့ ဗုဒ္ဓရဲ့ မင်္ဂလာတရားတော်နဲ့ အညီ ကာလေန ဓမ္မဿဝနံ ဆိုတာကို နှုတ်က ရွတ်ဆိုနေရုံသာမကပဲ လက်တွေ့ အကောင်အထည်ဖော်ကြခြင်းဖြစ်လို့ တကယ့် မင်္ဂလာအစစ် ဖြစ်ရပါတယ်၊ မင်္ဂလာရှိရင် ကြီးပွားမယ်လို့ ဘုရားရှင် လမ်းညွှန်တော်မူတဲ့အတွက် လောကီကြီးပွားရေး လောကုတ္တရာ ကြီးပွားရေးကို ဆထက်တိုးလို့ ဆောင်ရွက်နိုင်ပါစေလို့ ဆန္ဒပြုရင်း ကျေးဇူးတင်စကား ဆိုလိုက်ပရစေ၊ ။

ဝိပဿနာ ရှုမှတ်ပုံ

၀၅- ၀၅- ၂၀၀၉

မနေ့က သမထပိုင်း ရှုမှတ်ပုံ အဆင့်ဆင့်ကို ပြောပြီးသွားပါပြီ ၊ သတိရအောင် ပြန်ပြော ရရင် သမထကို အပိုင်းလေးပိုင်းနဲ့သွားခဲ့ပါတယ်၊ သတိမြဲရာ ပထမာ ဆိုတဲ့ အတိုင်း ပထမဆုံး နှာသီးဖျားလေးမှာ မိမိရဲ့ သတိကို မြဲနေအောင် ကြိုးစား ရှုမှတ်ရပါတယ်၊ ဒီလို ရှု့မှတ်ရင်း ၇ ရက် ၈ ရက် သို့မဟုတ် ၁၀ ရက်လောက် အားထုတ်ပြီးသွားလို့ သတိတွေမြဲနေပြီဆိုရင်( သတိမြဲဆိုတာ ဆိုတာ --၀င်လေ ၀င်တိုင်း, ထွက်လေ ထွက်တိုင်း နှာသီးဖျားကို ထိထိပြီး ၀င် ထွက်တာကို တရစပ်သိနေတာကို ပြောတာပါ ) သမထ ဒုတိယအဆင့်ကို အားထုတ်ရပါတယ်။

ဒုမှာ တို ရှည် သိ ဆိုတဲ့အတိုင်း ကိုယ်ထိုင်နေတဲ့ ရှေ့တည့်တည့်ု၂ တောင် ၃ တောင်အကွာဝေးတဲ့ နံရံမှာ အမှတ်အသားလေး တခု ပြုပြီး ထွက်လေကို အဲဒီအမှတ်အသားလေး အရောက် တွန်းပို့ရပါတယ် ပြီးရင် အဲဒီလေကို ၀င်လေနဲ့ ပြန်သိမ်းပါ ဒီလိုနည်းနဲ့ ၃ တောင်ကနေ အတောင် ၅၀ အတောင် ၅၀ ကနေ အတောင် ၁၀၀ စသည် ပို့လိုက် ယူလိုက်ပြုလုပ်ရပါတယ်။ ဒီနေရာမှာ တချက်သတိထားခဲ့စေချင်တာက လေကို ပို့ ယူ လုပ်တဲ့အခါ နှာခေါင်းက အောက်ကို စိုက်နေတော့ အစပိုင်းမှာ ခက်ပါတယ်။

ဒါပေမယ့် စိတ်အလုပ်ဖြစ်တဲ့အတွက် ရောက်စေ ဆိုရင်ေ၇ာက်သွားပါတယ်။ ပြန်လာလို့ စိတ်ကညွတ်လိုက်ရင် ပြန်လာပါတယ် ဒါကတော့ မြေဇင်းဆရာတော်တို့နည်းပါ၊ မူရင်း ပါဠိတော်မှာတော့……ငါရဲ့ထွက်လေကို ရှည်ရှည် ရှူမည်ဆိုပြီး ရှည်ရှည်နှာသီးဖျားကနေ လွှတ်လိုက်ရမှာပါ ။ ပြီးတော့ ငါ့ရဲ့ ၀င်လေကို ရှည်ရှည် ရှိူက်သွင်းမယ် ဆိုပြီး ရှည်ရှည် ပြန်ရှိုက်လိုက်ရမှာပါ၊ တိုတိုသွင်းမည် တိုတို ပြန်ထုတ်မည်ပေါ့။

နောက်တဆင့်က - သုံးချက်သိမှာ တတိယာ ဆိုတဲ့အတိုင်း အလင်းနိမိတ်ကို နှာခေါင်းမှ ရင်ချိုင့်၊ ရင်ချိင့်မှ ချက် တဖြည်းဖြည်းချင်း ရှိုက်သွင်းလိုက်တဲ့ အခါ
နှာသီးဖျားမှာ စပြီး ၀င်နေသည်ကိုလည်း သိ၊ ရင်ချိုင့်ရောက်သည်ကိုလည်း သိ၊ ချက်ရောက်သွားသည်ကိုလည်း သိ၊ သုံးဌာနလုံး၌ သိနေအောင် အားထုတ်ရမှာပါ၊
ပြီးတော့ ပါးဖောက် နားဖောက် ဖြတ်စား လှီးစား စေ ၁၀ ချက်စတာတွေနဲ့ အလင်းနိမိတ်ကို လိုသလိုစေခိုင်းနိုင်အောင် အားထုတ်ရပါတယ်

နောက်တဆင့် သမထက လေးမှာ ငြိမ်းစေဘိ ဆိုတဲ့အတိုင်း ၀င်လေ ထွက်လေကို ဖြေးဖြေးလေး ရှူသွင်းရ ထုတ်ရပါတယ်၊ မိမိတို့ ပုံမှန် ၀င်လေ ထွက်လေက ကြမ်းတမ်းပါတယ်။ ဒါကို မိမိက ငါ၏ ထွက်လေ၊ ၀င်လေတို့ကို ငြိမ်းစေအံ့၊ ငြိမ်းစေအံ့”ဟု ရှုမှတ်နေရုံပါ။ ပါရမီဥာဏ်ရင်သန်သူများကတော့ ရှေု့ပိုင်းသမထကျင့်စဉ်တွေမှာပဲ ၀င်လေ ထွက်လေ ငြိမ်းနေတာကို တွေ့ရတတ်ပါတယ်။

ဒီလိုအားထုတ်နေရင်း တခါတရံ ထွက်သက် ၀င်သက်တွေ ပျောက်သွားသလို ထင်တတ်ပါတယ်။ ဒီလိုသမထအဆင့်လေးဆင့်ကို အားထုတ်ပြီးသွားပြီဆိုရင်အညစ်အကြေးမရှိတဲ့ မှန်သားပြင်ကြီးလို တိမ်တိုက်ကြားက ထွက်လာတဲ့ လပြည့်ဝန်းကြီးလိုထင်မှတ်နေရပြီး မိမိရဲ့ အလင်းနိမိတ်ဟာ အလွန်ကို ကြည်လင်တောက်ပနေပါတယ်။ဒီလိုပဋိဘာဂနိမိတ်အဆင်အခိုက်အတန့်မှာ စိတ်ညစ်ညူးကြောင်း နီဝရဏတရားတွေ ကင်းနေပါတယ်။ .


ဝိပဿနာပိုင်း ရှုမှတ်ပုံများ

သမထဆိုတာ တနေရာတည်းကို စိုက်ရှုတာပါ၊ ၀ိပဿနာဆိုတာ ခန္ဓာကိုယ်တခုလုံးကို ဖြန့်ရှူတာလို့ မြေဇင်းဆရာတော်ကြီးက မိန့်တော်မူပါတယ။် သမထယာနိကသမားအတွက် စတုတ္ထအဆင့်ကျင့်စဉ်မှာ ပဋိဘာဂအလင်းနိမိတ်ရရှိပြီး ဥပစာဆိုက်သွားပြီဆိုရင် ၀ိပဿနာကို စတင်အားထုတ်ရှုမှတ်နိုင်ပါတယ်။

ဝိပဿနာရှုမှတ်ရာတွင် ရုပ်ကို ရှုမှတ်ရမှာလား၊ နာမ်ကို ရှုမှတ်ရမှလားလို့ မေးစရာရှိပါတယ်။ စာပေမှာတော့ သမထယာနိကလမ်းစဉ်နဲ့ အားထုတ်သူများအတွက် နာမ်ကို ရှုမှတ်ပွားများရမယ်လို့ ဆိုပါတယ်။ ဘာဖြစ်လို့လဲဆိုတော့ သမထအားထုတ်မှု အားကောင်း၍ သမာဓိရင့်သန်နေတဲ့အတွက်ကြောင့်ပါ်။ ၀ိပဿနာသက်သက်ရှုမှတ် ပွားများသူများသူတွေကိုတော့ ရုပ်ကို ရှုမှတ်ဖို့ တိုက်တွန်းထားပါတယ်။

ကန္နီနည်းမှာ သမထယာနိကလမ်းစဉ်ဖြစ်၍ နာမ်ကိုပင် ရှုမှတ်ပွားများရမည်ဟု မှတ်ရမည့်အနေအထား ရှိပါတယ်။ဒါပေမယ့် ကန္နီဆရာတော်ဘုရားကြီးက ယောဂိပါရဂူကျမ်းတွင် ရုပ်ကိုပဲ ရှုမှတ်ဖို့ တိုက်တွန်းထားပါတယ်။ ဘာဖြစ်လို့လဲဆိုတော့ သမထယာနိကလမ်းစဉ် ဖြစ်ပေမယ့် သမထကို အဆုံးစွန် အပ္ပနာဈာန်ရသည်အထိ အားမထုတ်နိုင်ခဲ့ကြ။ ဥပစာရဈာန်အဆင့်မျှသာရှိ၍ ရုပ်ကိုပင် ရှုမှတ်နိုင်သည်ဟု ကျမ်းအကိုးအကားများပြ၍ မိန့်တော်မူထားပါတယ်။

ရှု့နည်း ၃ မျိုး

၁-သမထအားထုတ်စဉ်က ရရှိခဲ့တဲ့ ပဋိဘာဂအလင်းနိမိတ်နဲ့ ခြေဖျားကနေ ငယ်ထိပ်အထိ တကိုယ်လုံး သတိမလွတ်စေဘဲ ရှုခြင်း
၂- ခြေဖျား မှ ချက်
ချက်မှ လည်မျို
လည်မျိုမှ ငယ်ထိပ်ထိ သုံးပိုင်း ပိုင်း၍ အပြန်ပြန် အလှန်လှန် ရှုမှတ်ခြင်း
၃- လက်လေးသစ် သို့မဟုတ် တံတောင်လောက်စီပိုင်းပြီး ရှုမှတ်ခြင်း ဆိုပြီး ရှုမှတ်နည်း ၃ မျိုးရှိပါတယ်။

ခန္ဓာကိုယ်အစိတ်အပိုင်းအလိုက် ရှုနည်းသုံးမျိုး ကွဲပြားသကဲ့သို့ အရှုမှတ်ခံ အာရုံအလိုက် ရှုပွားရာ အစွန်းသုံးပါးကိုလည်း သိသင့်ပါတယ်။

၁- မြင်ရင် မြင်တယ် ကြားရင် ကြားတယ် လို့မှတ်ခြင်း
၂- မိမိခန္ဓာကိုယ်ရဲ့ ငယ်ထိပ်ခြေတောက်လက်စတဲ့နေရာတွေမှာ တဖွားဖွား ဖြစ်ပျက်နေတာတွေကို မှတ်ခြင်း
၃- နှလုံးအိမ်ကို ရှုမှတ်ခြင်း ဆိုပြီး အစွန်းသုံးပါးရှိပါတယ်။

ကန္နီဆရာတော်ကြီး မြေဇင်းဆရာတော်ကြီးတို့ရဲ့နည်းကတော့ နှလုံးအိမ်ကို ရှုမှတ်တဲ့နည်းပါ။ အစပိုင်းမှာတော့ ခက်သလိုရှိပါတယ် နောက်ပိုင်းမှာ အလွန်လွယ်ကူပါတယ်။ ဘာဖြစ်လို့လဲဆိုတော့ ခန္ဓာကိုယ်တခုလုံးရဲ့ ဗဟိုချက်မဟာ နှလုံးအိမ်ဖြစ်နေလို့ပါ၊ နှလုံးအိမ်ကနေ ခန္ဓာကိုယ်တခုလုံး ဖြန့်ကြည့်လိုက်ရင် ရုပ်တရား နာမ်တရားတွေ တဖွဲဖွဲ တသဲသဲ ဖြစ်ပျက်နေတာကို တွေ့ရပါတယ်
ဥပမာငါးမျိုး

အထက်တွင် ပြဆိုခဲ့သည့်အတိုင်း မိမိ၏ နှလုံးအိမ်တွင် အာရုံကပ်၍ ရုပ်နာမ်တို့၏အဖြစ်အပျက်ကို ရှုမှတ်ပွားများနေသော ယောဂီပုဂ္ဂိုလ်အား တရိပ်ရိပ်ဖြစ်၍ တရိပ်ရိပ်ပျက်ပုံကိုလည်းကောင်း၊ အသစ်အသစ်ဖြစ်၍ အဟောင်းအဟောင်းတို့ ချုပ်ပျက်နေပုံကို မိမိ၏ ပကတိမျက်စိဖြင့် ကြည့်၍မြင်နေရသကဲ့သို့ မုချထင်ထင် သိမြင်ရလေတော့သည်။ ထိုသို့ ထင်မြင်လာသောယောဂီအား အောက်ပါဥပမာငါးမျိုးတို့တွင် တစ်မျိုးမျိုးကိုဖြစ်စေ၊ ရော၍ဖြစ်စေ ထင်မြင်လာတတ်ပါသည်။ ၎င်းတို့မှာ -

၁။ နေအရုဏ်တက်၍ နေထွက်သောအခါ ပြိန်းမြက်ပင်တို့၏ အဖျား၌ တသားတည်းခဲနေသော ဆီးနှင်းပေါက်တို့ တဖြောက်ဖြောက်ကြွေကျနေသည်ကို မြင်နေရသကဲ့သို့ ထင်မြင်လာခြင်း၊

၂။ မြစ်၊ ချောင်း၊ အင်း၊ အိုင်တို့၌ရှိသော ၀ဲကွေ့၌ ရေများတိုးဝှေ့ခြင်းကြောင့်ဖြစ်ပေါ်လာသော ရေမြှပ်၊ ရေပွက်တို့ကို မြင်နေရသကဲ့သို့ ထင်မြင်လာခြင်း၊

၃။ ကြည်လင်ငြိမ်သက်နေသောရေပြင်တွင် တုတ်၊ တောင်ဝှေးစသည်တို့ဖြင့် ရေးခြစ်၊ ရိုက်ပုတ်လိုက်သောအခါ အလွှာအလွှာလိုက် တရိပ်ရိပ်ဖြစ်ပေါ်လာသော ရေလှိုင်းတို့ကို မြင်နေရသကဲ့သို့ ထင်မြင်လာခြင်း၊

၎။ ပွတ်ဆောက်ဖျား၌ တင်ထားသော မုံ့ညှင်းစေ့၊ လေတွင်ဝဲပါနေသော လူးနှမ်းစေ့တို့၏ တရွေ့ရွေ့၊ တရိပ်ရိပ်၊ တဖိတ်ဖိတ်ကြွေကျသည်ကို မြင်နေရသကဲ့သို့ ထင်မြင်လာခြင်း၊

၅။ ညိုပြာရီမှောင်နေသော တိမ်လိပ်တို့အတွင်း၌ တ၀င်းဝင်း၊ တဖျက်ဖျက် လက်လက်နေသော လျှပ်စစ်နွယ်တို့ကို တွေ့မြင်နေရသကဲ့သို့ ထင်မြင်လာခြင်း တို့ဖြစ်ပါသည်။

ဒီဥပမာ ငါးမျိုးကို အားထုတ်ဖူးတဲ့ ယောဂီများ သေသေချာချာ နားလည်နိုင်ပါတယ်။ ထူးဆန်းသည့် ဓမ္မ သံသရာကလွတ်မြောက်နိုင်သည့် ဓမ္မများကို စာသိမှ သည် ကျင့်သိ ကျင့်သိမှ သည် ထိုးထွင်းသိ အဆင့်ရောက်အောင် ကြိုးစားကြပါစို့လို့ အဖြူရောင် မေတ္တာများနဲ့ တိုက်တွန်းချင်ပါတယ်။

ကျမ်းကိုး။ ယောဂီပါရဂူကျမ်း

ကန္နီဥပနိသျခံ မြေဇင်းတောရဆရာတော်ကြီး၏ တရားရှု့မှတ်ပုံ အကျဉ်းချုပ်

မေလ ၂ ရက် ၃ ရက် နေ့ ညတွေမှာ အွန်လိုင်း စကိုက်တရားပွဲတွေ ပြောဖြစ် ဟောဖြစ်ခဲ့ပါတယ်၊ မော်စကိုက ဓမ္မညီအကိုများဖြစ်တဲ့ ကိုဝင်းမြင့် ကိုဖိုးသား ကိုနေဇင်လတ် ကိုအောင်ဆွေဦး ၊ ဂျပန်နိုင်ငံက ကိုဝိမုတ္တိသုခတို့ စီစဉ်ကြတာပါ၊ ဦးဇင်းရဲ့ ကိုယ်တွေ့သမထ ၀ိပဿနာကို နာယူချင်တယ်လို့ဆိုပါတယ်၊ ဒီလိုနဲ့ ၂ ညတာ ပြောကြ ဟောကြ မေးကြနဲ့ တန်ဖိုးရှိတဲ့အချိန်တွေကို ဘ၀အတွက် အကောင်းဆုံးဖြစ်အောင် ရယူနိုင်ခဲ့ကြပါတယ်။ တရားပွဲမှာ ပါဝင်တဲ့ ထိုင်း မော်စကို ဂျပန် နော်ဝေ စင်္ကာပူ အီတလီ ကနေဒါ စတဲ့ ကမ္ဘာ့နိုင်ငံ အသီးသီး မှ ဓမ္မမိတ်ဆွေများ တရားနာယူ သူများက တရားရှုမှတ်နည်းလေးတွေ ရေးပေးပါ ပြောပြပါဆိုလို့ ဦးဇင်းတို့ လျှောက်လှမ်းခဲ့တဲ့ လမ်းအတိုင်း ရေးလိုက်ပါတယ်၊


သမထ မပွားများခင် ဗုဒ္ဓါနုဿတိ၊ မေတ္တာ ဘာဝနာ၊ မရဏဿတိ၊ အသုဘ ဘာဝနာ ကို ပွားများရ ပါတယ်. ဒီလေးမျိုးကို စတုရာ ရက္ခတရား (အစောင့် အရှောက် တရားလေးပါး လို့ ခေါ်ဆိုပါတယ်. တရား အားထုတ်တဲ့ ယောဂီများ သဒ္ဓါ တရားတွေ တိုးပွားပြီး အေးချမ်းစွာ တရား ရှုမှတ်နိုင်ဖို့ အတွက် ဒီလေးမျိုးကို ပွားများ ကြရပါတယ်)

ဗုဒ္ဓါနုဿတိပွားများပုံ…

အရဟံ လို့ စိတ်ထဲက ဆိုပြီး ၀င်လေကို ရှူသွင်းပါ၊ အရဟံလို့ စိတ်ကဆိုပြီး ထွက်လေကို ပြန်ထုတ်ပါ၊ မိမိစိတ် ငြိမ်လာပြီ ဆိုရင် ဘုရားရှင်ရဲ့ ဂုဏ်တော် အရောက် အာရုံပြုပြီး ကိလေသာ ကင်းစင်တော် မူသော မြတ်စွာ ဘုရား ဆိုပြီး ၀င်လေ ထွက်လေ တိုင်းမှာ ရှူမှတ်ပေးပါ ၊ ဒီလိုနည်းနဲ့ အချိန် ရသလောက် ပွားများပေးပါ၊ ဘုရားရှင် ပေါ်မှာ ကြည်ညိုတဲ့ စိတ်တွေ များလာလေ တရားအလုပ် လုပ်ရတာ ချောမွေ့ လွယ်ကူလေ ပါပဲ။

မေတ္တာဘာဝနာပွားများပုံ…

အားလုံးသော သတ္တ၀ါတွေ ၀င်လေ တစ်ချက်… ချမ်းသာကြပါစေ ထွက်လေ တစ်ချက်. ဒီပုံစံနဲ့ မေတ္တာ ဘာဝနာ ပွားများ နိုင်ပါတယ်... ကိုယ် ပွားများ ချင်တဲ့ ပုံစံနဲ့ ပွားများ နိုင်ပါတယ် ၀င်လေ ထွက်လေ ကပ်ပြီး ပွားများ တာက သမာဓိ ပိုရ လွယ်ပါတယ်..

မရဏဿတိ (သေခြင်းတရား ဆင်ခြင်ပုံ)

တစ်နေ့ သေရမှာ ပါတကား.. တစ်နေ့ သေရမှာပါ တကားလို့ ဉာဏ်ကနေ မြင်လာအောင် ဉာဏ်မှာ ထင်လာအောင် ဆင်ခြင်ရပါမယ်.

အသုဘ ဘာဝနာ (စက်စုပ်ရွံရှာဖွယ် အဖြစ် ပွားများပုံ)

ငါ့ရဲ့ ခန္ဓာကိုယ်ဟာ စက်စုပ် စရာကြီး ပါတကား… လို့ ခန္ဓာကိုယ်ကို သုံးပိုင်း ပိုင်းပြီး ပွားများရ ပါမယ်၊ ပထမဆုံး ပုခုံးအထက် ဦးခေါင်း ပိုင်းကို အရင် ကြည့်ရပါမယ်. မျက်စိကိုမှိတ် စိတ်ကို ဦးခေါင်းကို ပို့ထား ငါ့ရဲ့ ခန္ဓာကိုယ် စုက်ဆုပ် စရာကြီး ပါတကားလို့.. စိတ်ကဆိုပြီး ဦးခေါင်းထဲက ဦးဏှောက်တွေ အမြှေးတွေ မြင်လာတဲ့ အထိ ပွားများပေးပါ၊

ဒုတိယ.. ခါးကနေ ပုခုံးအထိ ခန္ဓာကိုယ် အလယ်ပိုင်းကို စိတ်နဲ့ကြည့်ပြီး ငါ့ရဲ့ ခန္ဓာကိုယ်ဟာ စက်ဆုပ် စရာကြီး ပါတကားလို့ စ်ိတ်က ဆင်ခြင် ပွားများပြီး အတွင်းပိုင်း အူတွေ အသည်းတွေ ကျောက်ကပ်တွေ တစ်ပုံစီ တစ်ပုံစီ မြင်အောင် ကြိုစားပွားများပါ။

တတိယ.. ခါးအောက်ပိုင်းအကုန် ခြေထောက် အထိ စိုက်ကြည့် ပွားများပါ၊ ခန္ဓာကိုယ်ကို တွယ်တာလွန်း အားကြီးရင် တရား အလုပ်မှာ နှောင့်နှေး တတ်ပါတယ်။ နာမည်ကြီး ခေမာ ထေရီကို ကြည့်ပြီး သိနိုင်ပါတယ်၊ ဒါကြောင့် ခန္ဓာကိုယ်ပေါ်မှာ တပ်မက်မှု ကင်းအောင် အသုဘ ဘာဝနာကို ပွားများ ကြရပါတယ်။

ဒီလေးမျိုးကို အချိန်ရတဲ့သူ ရက်များများ အားထုတ်မယ့် သူတွေ ကြိုးစား အားထုတ် ပွားများသင့် ပါတယ်၊ ရက်တွေ အများကြီး အချိန် မပေးနိုင် ရင်တောင် တရားမရှုမှတ်မိ အချိန်ပိုင်းလောက် ဗုဒ္ဓါနုဿတိနဲ့ မေတ္တာ ဘာဝနာကို ၁၀-မိနစ် သို့မဟုတ် ၁၅-မိနစ် ပွားများ သင့်ပါတယ်၊ မေတ္တာ စွမ်းအားဟာ တကယ့်ကို ကြီးမားလှ ပါတယ်.

သမထပိုင်းပွားများပုံ

သမထ ပိုင်းကိုတော့ ဂဏနာနည်း (ရေတွက် တဲ့နည်း) နဲ့ စတင် ရှုမှတ်ပါတယ်၊ သမာဓိရ လွယ်သလို အချိန်တွေ ဘယ်လောက် ကြာကြာ ထိုင်မှတ် နိုင်တာကို တွေ့ရပါတယ်၊
ဝင်လေ ၁
ဝင်လေ ၂
ဝင်လေ ၃
ဝင်လေ ၄
ဝင်လေ ၅
ဝင်လေ ၆
ဝင်လေ ၇
ဝင်လေ ၈ ဆိုပြီး နှာသီးဖျားကို ထိပြီး ၀င်သွားတဲ့ လေကို သတိကပ်ပြီး ရှုမှတ်ပါ။ ဒီ ၀င်လေ ၈-ချက် ရရင် လက်တစ်ချောင်း ချိုးပါ။

နောက်ထပ် ၀င်လေ ၈-ချက် ရရင် ဒုတိယ တစ်ချောင်း
နောက်ထပ် ၀င်လေ ၈-ချက် ရရင် တတိယ..
စတုထ္တ ပဉ္စမ ဆဋ္ဌ သတ္တမ အဋ္ဌမ န၀မ ဒသမ.. လက်ဆယ်ချောင်း ပြည့်သွားရင် တစ်ပုံ ရတယ်လို့ သတ်မှတ်ပါတယ်၊
(၀င်လေ ၈ x လက်ဆယ်ချောင်း = ၀င်လေ ၈၀= တစ်ပုံ)

အဲဒီ တစ်ပုံရပြီဆိုရင်….
၁. ဘယ် လက်ကောက်ဝတ် မှာ စိတ်က မှတ်ပြီး ပုံထား လိုက်ပါ. နောက်ထပ် တစ်ပုံရရင်
၂. ဘယ် တံတောင်ဆစ် မှာ စိတ်က မှတ်ပြီး ပုံထားလိုက်… နောက်ထပ်
၃ ဘယ် ပုခုံး
၎ ဘယ် နားရွက်
၅ ဘယ် ဦးထိပ်စွန်း
၆ ညာ ဦးထိပ်စွန်း
၇ ညာ နားရွက်
၈ ညာ ပုခုံး
၉ ညာ တံတောင်
၁၀ ညာ လက်ကောက် ၀တ်မှာ ပုံလိုက်ပါ. ဒါဆိုရင် ခန္ဓာကိုယ် တစ်ပတ် ရပါပြီ… အစပိုင်းမှာ လုပ်ရတာ ခက်သလို ရှိပါတယ် နောက်ပိုင်း အသား ကျသွားရင် လက်တွေက သူဟာသူ ချိုးနေပါမယ်. တကယ့်ကို သမာဓိရ လွယ်တဲ့ နည်းပါပဲ။။ ဒီလို ခန္ဓာကိုယ် တစ်ပတ် ရတာကို တစ်ဝါ ရလို့ ခေါ်ပါတယ်။ ၀ါရ-ဆိုတာ ရေတွက် ခြင်းလို့ အဓိပ္ပါယ် ရပါတယ်။ သမထ ပထမပိုင်း မှာတော့ သတိမြဲအောင် ဦးစားပေး ရှုမှတ်ရပါမယ်၊

ကန္နီနည်း သို့မဟုတ် မြေဇင်းတောရ နည်းမှာတော့ ဒီလို သမာဓိ ရအောင် အားထုတ်ချိန် ၁၀ ရက် သို့ ၁၅ ရက် ကျော်လာရင် အလင်း နိမိတ်တွေ ရရှိပါတယ်။ အဲဒီအလင်း နိမိတ်တွေကို အနီး အဝေးတွေ အတို အရှည်တွေ ပြုလုပ် စေစားပြီး ဘုရားတွေ ဖူးခိုင်းပါတယ်၊ လူ့ပြည်မှာ ရှိတဲ့ ဘုရား၊ နတ်ပြည် ဗြဟ္မာ့ ပြည်မှာ ရှိတဲ့ဘုရား တွေကို ဖူးခိုင်းပါတယ်။ ကြည်ညို သဒ္ဓါ တရားတွေ အရမ်းကို တက်လာပါတယ်၊

နောက်ထပ် တစ်ဆင့် တက်ပြီး အလင်း နိမိတ်နဲ့ ခန္ဓာကိုယ်ကို လှီးရ ဖြတ်ရပါတယ်။ ဘယ်ဖက် ပါးကနေ ညာဖက်ပါး ဖောက်စေ ဆိုပြီး အလင်း နိမိတ်ကို စေလွှတ်ရင် ပြောတဲ့ အတိုင်း သွားပါတယ်။ ဘယ်ကနေ ဘယ်ကို ထွက်စေ..လို့ စိတ်က စေစားရင် ကိုယ်ပြောသမျှ အကုန် ဖြစ်နေပါတယ် ပြီးရင် အဲဒီ အလင်းတန်း ကြီးကို ခေါင်းပေါ်မှာ ဆန်ကော ၀ိုင်းလောက် ထားပြီး ခေါင်းကနေ ပြတ်စေ ဆိုပြီး တစစီ ခန္ဓာကိုယ်ကို လှီးဖြတ် ပါတယ် နောက်ဆုံးတော့ ခန္ဓာကိုယ် တခုလုံး အလင်းတန်းကြီး အလင်းတုံးကြီး ဖြစ်ကုန်ပါတယ်။ သိပ်ဆန်း ကျယ်တဲ့ ဓမ္မပါ။

နောက်တစ်ဆင့် ကတော့ ၀င်လေ ထွက်လေကို ညှင်းညှင်းလေ ရှူသွင်း ရပါမယ်. ဒီလို ရှူသွင်းတာ များလာရင် ၀င်လေဟာ ၀င်မှန်း မသိတော့ သလိုဖြစ်ပြီး တကယ့်ကို ငြိမ်းအေး မှုကို ခံစားရ ပါတယ်။ တချို့ဆိုရင် ခန္ဓာကိုယ် ကြီးက ရှေ့ယိုင်တာ နောက်ယိုင် တာတွေ ခန္ဓာကိုယ် ကြီးက ကြမ်းပြင်နဲ့ လွတ်နေ တာတွေ ဖြစ်တတ်ပါတယ်. တတ်နိင် သလောက် ယိမ်းယိုင်ခြင်း မရှိအောင် ထိန်းထားရ ပါမယ်။

တချို့ ဆရာတော်ကြီး များက ၀ိပဿနာကို အသားပေးပြီး ဒီလို အလင်းတန်း တွေကို ဖျောက်ပစ်ဖို့ မိန့်တော်မူ ကြတာပါ။ ဒါလည်း မှန်ပါတယ်။ ဒါပေမယ့် သမထ လောကီ အရာမှာ ဒီအလင်းတန်း တွေဟာ လိုတရ စေတလုံးပါ လက်တွေ့ စမ်းကြည့် ပြီးရင် သိသာပါမယ်။ ဒါကြောင့် ဒီအလင်း နိမိတ်တွေကို အသုံးချ တာပါ။ အထူးသဖြင့် ဘုရားဖူးခြင်း ကိစ္စတွေကို ဆောင်ရွက် ကြတာပါ၊ (အလင်း နိမိတ်နဲ့ ပတ်သက်ပြီး ခိုင်ခန့်တဲ့ ကျမ်းဂန် အထောက် အထားတွေ ရှိပါတယ်။)

အရှင်တိက္ခဉာဏာလင်္ကာရ (ယော)
ဆက်ရန်..........

အချစ်ကစိမ်း၍ ဒုက္ခငြိမ်းသည်………

03,05,2009

မပြီးဆုံးနိုင်သော အချစ်အကြောင်းအရာများ……. အချစ်ကြောင့် ဒုက္ခရောက်သူများ ရှိသလို အချစ်ကြောင့် ဘ၀ပျော်ရွှင် ငြိမ်းချမ်းမှု ရရှိခဲ့သူများလည်း ရှိကြပါတယ် ၊ တဖက်သတ်အချစ်ဟာ ဆိုးသလို နှစ်ဖက်မျှ အချစ်ဟာလည်း ပြီးပြည့်စုံတဲ့ ကောင်းမြတ်ခြင်းလို့တော့ ဆိုနိုင်မှာ မဟုတ်ပါဘူး၊ ပေးဆပ်မှုတွေ များသလောက် မျှောင်လင့်ချက်ကလည်း များကြပြန်ပါတယ်၊ မျှောင်လင့်ချက်များတဲ့ အချစ်ဟာလည်း စစ်မှန်တဲ့ပျော်ရွှင်မှုနဲ့ ဝေးနေတတ်ပြန်တယ်……..

ဘုရားရှင်လက်ထက်တော် အခါက ၀ိသာခ ဆိုတဲ့ အမျိုးသား တယောက်ရှိပါတယ် (၀ိသာခါ ကျောင်းအမကြီး မဟုတ်ပါ ) သူ့မှာ အရမ်းချစ်ရတဲ့ ဇနီးချော တယောက်ရှိတယ်၊ သူတို့ ဇနီးမောင်နှံရဲ့ လိုက်ဖက်ညီမှု ဇနီးချော ဓမ္မဒိန္နာရဲ့ ခင်ပွန်းယောကျာင်္း အပေါ် အလိုက်သိမှုတွေက ရာဇဂြိုဟ်မြို့မှာတော့ ပြောစမှတ်တွင်လောက်အောင်ကို ဖြစ်ရပါတယ်၊ လက်ထပ်ပြီးတဲ့ အချိန်ကစလို့ အလုပ်သွားတဲ့ ခင်ပွန်းအပြန်ကို အိမ်ပေါက်ဝမှာ အပြုံးနဲ့ လက်ကမ်းကြိုဆို တတ်ပါတယ်၊ မောမောနဲ့ အလုပ်ကပြန်လာတဲ့ ခင်ပွန်းယောင်္ကျားအတွက် ဖွယ်ဖွယ်ရာရာ ဟင်းတွေကို အမြဲချက်ပြုတ် ကျွေးမွေးတတ်တဲ့ ဇနီးလိမ်မာလည်း ဖြစ်ပါတယ်၊ သူတို့မှာတူညီကြတာကတော့ ရတနာသုံးပါးအပေါ် အထူးသက်ဝင်ယုံကြည်ကြတာပါပဲ၊

ဘုရားကျောင်းကို မကြာမကြာသွားရောက် လှူဒါန်းပြီး တရားနာလေ့ရှိပါတယ်၊ တတ်နိုင်သလောက် အချိန်ရသလောက်လဲ တရားအားထုတ်ကြပါတယ်. ဘ၀များစွာက ဖြည့်စီးလာခဲ့တဲ့ တရားအားထုတ်တဲ့ အလေ့အကျင့်တွေက သူ့တို့အတွက် အထောက်အကူ များစွာဖြစ်စေခဲ့ပါတယ်၊ ဘ၀တိုင်း ဆုံတွေ့ချင်လို့ ကောင်းမှုတွေ စိတ်တူ ကိုယ်တူ ပြုကြတယ်လို့ ပတ်ဝန်းကျင်က တီးတိုးပြောသံကိုလဲ ကြားရပြန်ပါတယ်၊ ( ဇနီးမောင်နှံ သို့မဟုတ် ချစ်သူနှစ်ယောက် ဘ၀တိုင်း ဆုံတွေ့ချင်ရင် ၁.ယုံကြည်မှုတူညီရမယ် ၊ ၂. ကိုယ်ကျင့်တရားတူညီရမယ် ၊ ၃. စွန့်ကြဲပေးကမ်းတာ တူညီရမယ်.၊ ၄. ပညာတူညီရမယ် .ဒီလေးချက်ပြည့်စုံရင် ဘ၀တိုင်းမှာ ဆုံတွေ့နိုင်ပါတယ်လို့ ဗုဒ္ဓမိန့်မှာတဲ့ စကားက ရှိနေတာကိုး)

ဒီနေ့တော့ ၀ိသာခတယောက် အလုပ်နားရက် ဖြစ်တာမို့ ဘုရားရှင် သီတင်းသုံးနေတဲ့ ကျောင်းကိုသွားပြီး တရားနာယူပါတယ်၊ ပြီးတော့ဆိတ်ငြိမ်တဲ့ နေရာလေးမှာ တရားနှလုံးသွင်းနေလိုက်တာ အနာဂါမိ မဂ်ဖိုလ်ကို ရလို့ အနာဂါမ်ဖြစ်သွားခဲ့တယ်. အရင်ကတော့ အိမ်အပြန်လမ်း အိမ်အ၀င်ခြေလှမ်းတွေက အပြုံးတွေဝေပြီး သွက်နေခဲ့သလောက် ဒီနေ့တော့ ငြိမ်သက်တဲ့ခြေလှမ်းတွေနဲ့ အိမ်ထဲကို ၀င်လာပါတယ်၊

ဇနီးချော ဓမ္မဒိန္နာကတော့ နေ့စဉ်ကြိုနေကြ အပြုံးနဲ့ လက်ကမ်းကြိုဆိုတယ်။ ဒီနေ့မှာတော့ လင်တော်မောင် ၀ိသာခတယောက် ဇနီးချောရဲ့လက်ကို လှမ်းမကိုင်ဘဲ အိမ်ထဲကုို ခေါင်းငိုက်လို့သာ ၀င်သွားခဲ့တယ်၊ ဒီနေ့.. မောင် ဘာများဖြစ်ပါလိမ့် အရင်နေ့က မောင့်အပြုအမူတွေက ဒီလိုမှ မဟုတ်တာ ဒီနေ့ ဘယ်လိုများဖြစ်တာပါလိမ့် ကျွန်မ ဘာများ အမှားလုပ်မိပါလိမ့်… အတွေးတွေနဲ့ ချာချာလည်နေရသူက ကျွန်မ ဓမ္မဒိန္နာ……

ထမင်းပွဲတွေ သေသေချာချာ ပြင်ဆင်ပြီးတော့ မောင်ရေ ထမင်းစားရအောင် လို့သွားခေါ်တော့.. ငြိမ်သက်တဲ့ ခြေလှမ်းတွေနဲ့သာ လိုက်လာတယ် စကားတခွန်းမှ မပြောခဲ့ …… အရင်တုန်းကဆို…. ကျွန်မချက်တဲ့ ဟင်းတွေကောင်းလွန်းလို့ ချိုသာကြည်မြတဲ့ အသံနဲ့ ချီးမွမ်းစကားတွေ ပြောတတ်တဲ့မောင် … ကျွန်မလည်း မနေနိုင်တော့လို့ မောင့်ကိုဖွင့်ပြီး မေးလိုက်တယ်….

မောင့်အမူအရာတွေ ဒီနေ့ ဘယ်လိုဖြစ်နေတာလဲ ကျွန်မ ဘာတွေများအမှားလုပ်မိလို့လဲ ကျွန်မအပေါ် မကျေနပ်တာရှိရင် ပြောပါ.. ဆိုတော့…. ရှင်မ ရှင်မမှာ အပြစ်မရှိပါဘူး ဒါပေမယ့် ဒီနေ့ကစလို့ ရှင်မနဲ့ မောင် အတူသွား အတူစား အတူအိပ်ဖို့ မသင့်တော်တော့.. ဒီအိမ်မှာရှိတဲ့ ပစ္စည်းတွေကို ရှင်မကြိုက်သလောက်ယူပြီး နောက်အိမ်ထောင် ပြုလိုက ပြုနိင်ပါတယ်…..
ကျွန်မခေါင်းတွေ ချာချာလည်သွားတယ် မောင့်စကားတွေက အရမ်းကိုထူးဆန်းနေတယ် မဟုတ်လား. ကျွန်မလဲ စိတ်ကို ငြိမ်အောင်ထားပြီး ..မောင် ဘယ်လိုများဖြစ်လို့ပါလဲရှင်…. ဟုတ်ကဲ့.မောင် အနာဂါမိ မဂ်ဖိုလ်ကိုရလို့ အနာဂါမ်းဖြစ်သွားခဲ့ပြီလေ……..

အော် ခုတော့.. အချစ်ဆုံးမောင်က ကျွန်မကို ထားရက်ခဲ့ပြီး ပြီးတော့ မောင်ပြောတဲ့စကားက နောက်အိမ်ထောင်ပြုချင်လဲ ပြုပါတဲ့….. အချစ်ဆုံးမောင်ရဲ့ စိမ်းကားမှုကို ခံခဲ့ရတဲ့ ကျွန်မ.. မောင်စွန့်ပစ်တဲ့ ဒီပစ္စည်းတွေ လောကစီးစည်တွေကို ကျွန်မ ဘာလုပ်ရမှာလဲ ကျွန်မစိတ်မ၀င်စားဘူး မောင်ကိုယ်တိုင်က စိမ်းကားပြီး ထားရစ်မှတော့ ကျွန်မကလဲ မောင်လိုပဲ သာသနာ့ဘောင်ဝင်မယ်လို့ ဆုံးဖြတ်ပြီး……………. မောင်. ကျွန်မကို ဘိက္ခုနီကျောင်း ပို့ပေးပါ ရဟန်းမ( ဘိက္ခုနီမ ) ၀တ်တော့မယ်လို ပြောလိုက်တော့ အနာဂါမ်ဖြစ်တဲ့သူက ၀မ်းသာအားရ လိုက်ပို့ပေးတယ်. အချစ်ရဲ့ အစိမ်းကားခံခဲ့ရတဲ့ ကျွန်မကလဲ သာသနာဘောင်ဝင်ပြီ ဆိုကတည်းက တောရကျောင်းလေးမှာနေပြီး တရားအားထုတ်လိုက်တာ မကြာခင် ရဟန္တာဖြစ်ခဲ့တယ်. အချစ်ရဲ့ စိမ်းကားမှုက ဒုက္ခတွေကို ငြိမ်းစေခဲ့တယ်လေ… စိမ်းကားခြင်းဟာ မှန်မှန်ကန်ကန် အဓိပ္ပါယ်ဖွင့်ဆိုနိုင်သူအတွက် တန်ဖိုးတွေ မဖြတ်နိုင်အောင်ပါပဲလေ။။။

( ဓမ္မဒိန္နာ ၀တ္ထုကို ခံစားရေးဖွဲ့သည်၊ လူသားတိုင်း ကြုံလာသမျှ လောကဓံကို အကောင်းဆုံး အဓိပ္ပါယ်ဖွင့်ဆိုနိုင်ပါစေ )

သံသရာရထား

02-05-2009

မနှစ်က ဒီနေ့ ဒီရက် ဒီအချိန်ဟာ မြန်မာပြည်သူ ပြည်သားများအတွက် ဆုံးရှုံးမှုပေါင်းများစွာ တွေ့ကြုံခဲ့ရတဲ့အချိန်, ၀မ်းနည်းဖွယ်အဖြစ်ဆိုးတွေ ရင်ဆိုင်ခဲ့ရတဲ့ကာလ,ဘ၀တကွေ့မှာ ခဏတွေ့ရသူတို့ သေကွဲ ရှင်ကွဲ ကွဲခဲ့ ခွဲခဲ့ရတဲ့နေ့ရက်တွေပါ၊ ဓမ္မရှုဒေါင့်က ကြည့်ရင်တော့ သံဝေဂ ရစရာကောင်းလှပါတယ်၊

မနှစ်က ဒီအချိန် မေလ ( ၂ ) ရက်မှာ စာရေးသူ နဲ့ သူငယ်ချင်း အရှင်မာနိတ တို့ဟာ မလေးရှားနိုင်ငံ ပီနန်းမြို့ကို ဒေသန္တရ ဗဟုသုတလည်ပတ်ဖို့ ရောက်နေကြပါတယ်၊ မြန်မာပြည်မှာ နာဂစ်မုန်တိုင်း ၀င်ရောက်သွားပြီဆိုတာ မီဒီယာတွေက-ှတဆင့် သိရတော့ သူငယ်ချင်းဖြစ်သူ ငပုတောမြို့နယ်သား အရှင်မာနိတက အိမ်ကိုလှမ်းပြီး ဖုန်းဆက်သွယ်ခဲ့တယ်၊ တယ်လီဖုန်းထဲမှာ နားထောင်လိုက်ရတာက ဆရာဖြစ်သူ ရွာဦးကျောင်း ဘုန်းတော်ကြီးရယ် ရဟန်းဒကာ ရယ် ပြီးတော့ ရဟန်းဒကာ သားရယ်က နာဂစ်မုန်တိုင်းထဲမှာ ပါသွားခဲ့သလို သူငယ်ချင်းရဲ့ မိဘတွေနေတဲ့ အိမ်ကလေးလည်း ရေထဲနစ်မြုပ်သွားပြီ ဆိုတဲ့သတင်းက တကယ့်ကို တုန်လှုပ်ခြောက်ခြားစေခဲ့တယ်။

သူငယ်ချင်းလဲ ရေထဲမှာ နစ်မြုပ်နေတဲ့ ဇာတိရွာလေးရယ် ပျံတော်မူသွားတဲ့ ဆရာဘုန်းကြီးရယ် စတာတွေကို ကူညီပေးဖို့ မြန်မာပြည်ကို ချက်ချင်းပြန်သွားခဲ့ပါတယ် ၊ သူမပြန်ခင် တက္ကသိုလ်ကိစ္စတွေ စာတမ်းကိစ္စတွေ ဆောင်ရွက်ပေးဖို့ စာရေးသူကို တဖွဖွမှာနေခဲ့တယ်၊ ဒီတွေ့ဆုံခြင်းဟာ သူနဲ့ စာရေးသူတို့ နောက်ဆုံးတွေ့ဆုံခြင်းလို့ မထင်မိခဲ့တာအမှန်ပါ၊ သေခြင်းတရားဟာ ကိုယ်နဲ့ ဘာမှမဆိုင်သလို တွေးထင်နေခဲ့တယ်၊

သူရွာကို ပြန်ရောက်နေပြီ ရွာပြန်လည်ထူထောင်ရေး ကိစ္စတွေ တတ်နိုင်သလောက် လုပ်ဆောင်နေပြီဆိုတာ သိရတော့ အဆိုးထဲက အကောင်းတခုအနေနဲ့ ၀မ်းသာခဲ့ရပါတယ်၊ ရပ်ရွာကိစ္စကို ၃ လ လောက်လုပ်လိုက်တဲ့ သူငယ်ချင်းဟာ အအိပ်မမှန် အစားမမှန် သန့်ရှင်းတဲ့ရေမရနဲ့ ရောဂါတွေ စတင်ဝင်ရောက်ခဲ့တဲ့အကြောင်း ကြားရတော့ သူငယ်ချင်းအတွက် စိတ်မောမိခဲ့တယ် ၊ နောက်ဆုံးတော့ ဆေးရုံပေါင်းများစွာ တက်ရောက်ကုသပြီး ဘယ်သူမှ မလွန်ဆန်နိုင်တဲ့ သေခြင်းတရားနောက်ကို လိုက်ခဲ့ရတယ်၊သူငယ်ချင်းကောင်း တယောက်ဆုံးရှုံးမှုအတွက် တကယ့်ကို ၀မ်းနည်းခဲ့ရတယ်၊ သူပျံတော်မူချိန်မှာ သူ့အသက်က ၃၁ ပဲ ရှိသေးတာပါ၊

သူလိုပဲ နာဂစ်ကြောင့် သို့မဟုတ် နာဂစ်အကျိုးဆက်ကြောင့် သေဆုံးခဲ့ရတဲ့ အဖိုးတန်လူသားတွေ, ဆုံရှုံးခဲ့ရတာတွေဟာ တကယ့်ကို ကြေကွဲဖွယ်ရာတွေပါ၊ သေခြင်းတရားဆိုတာ လူတိုင်းနီးပါး မကြားချင်ကြပါဘူး ၊မကြားချင်ဆုံးအရာက လူတွေဆီကို အမြအဲရောက်လာနေတာ ကိုတော့ မိမိတို့တတွေ သတိထားဖို့ မေ့နေကြပြန်တယ်၊
ဗုဒ္ဓ မိန့်မှာတဲ့ စကားတော်တခုက ‘ နွားကျောင်းသားက နွားတွေကို စားကျက်ဆီ အရောက်မောင်းနှင် နေသလို အိုခြင်း သေခြင်းတရားတွေက လူတို့ရဲ့အသက်ကို အမြဲမောင်းနှင်နေတယ်’’ လို့ မိန့်တော်မူပါတယ်၊ မွေးဖွားခြင်း က အိုးမင်းရင့်ရော်ခြင်းဆီ အိုးမင်းခြင်းက သေခြင်းတရားဆီအရောက်ပို့နေပါတယ်၊ ဒီသဘာဝ သဘောတရားတွေကို ရင်ဆိုင်နိုင်အောင် မိမိတို့တတွေက ကြိုတင်ပြင်ဆင်ထားသင့်ပါတယ်၊

စာရေးသူတို့တတွေဟာ သံသရထားကို စီးပြီး ခရီးသွားနေကြရပါတယ် ၊ တစ်ဘူတာဝင် တစ်ဘူတာထွက် ကိုယ့်ကိစ္စတွေ မပြီးသေးခင် ကိုယ်ချစ်ရတဲ့သူတွေကို လမ်းခွဲနှုတ်ဆက် ဩအော်ဆွဲပြီး ခရီးဆက်ကြရပြန်ပါတယ်၊ အချိန်စေ့ရင်တော့ သံသရာရထားကြီးက မောင်းနှင်မြဲ မောင်းနှင်နေအုံးမှာ သေချာလှသလို တစ်ဘူတာဝင် တစ်ဘူတာထွက် သွားနေအုံးမှာလဲ သေချာတယ်၊

ရထားမထွက်ခင် ရထားပေါ်မှာ ယူသင့်တာ ဆောင်ထားသင့်တာတွေကို ပါအောင်ယူနိုင်မှ ခရီးသွားတဲ့အခါ ရောက်တဲ့ဘူတာ ရပ်မယ့်ဘူတာမှာ စိတ်ချမ်းချမ်းသာသာနေရမှာပါ၊ အခုလဲ စာရေးသူ စာဖတ်သူတို့ဟာ သံသရာရထားစီးပြီး လူ့ဘ၀ဘူတာမှာ ခဏရပ်နားနေကြပါတယ်၊ ဒါဟာ ကိုယ့်ရဲ့ ဂိတ်ဆုံးဘူတာမဟုတ်သေးပါဘူး အချိန်စေ့ရင်တော့ ဩအော်ဆွဲပြီး လူ့ဘ၀ဘူတာကနေ ဆက်လက်ထွက်ခွါပါလိမ့်မယ် ၊ ကျွန်တော်ကိစ္စလေးတွေ မပြီးသေးလို့ ခဏလောက်ရပ်ပါအုံးဗျာ လို့တောင်းပန်လို့ မရနိုင်ပါဘူး အချိန်စေ့ရင်တော့ သံသရာရထားကြီးက ထွက်မှာပါပဲ၊

မရပ်မနား ခုတ်မောင်းနေတဲ့ ဒီသံသရာ ရထားကြီးနဲ့ သံသရာရထားကြီးပေါ်က သံသရာခရီးသွား ဧည့်သည်တွေ အချင်းချင်းတွေ့ခိုက် စိတ်ကောင်းထား ရိုင်းပင်းကူညီပြီး တယောက်ကို တယောက်ဖေးမ ကိုယ်ရပ်နားခွင့်ရတဲ့ ဘူတာသန့်ရှင်းရေးလေး တတ်နိုင်သလောက်လုပ်ကြရမှာပါ၊ နောက်ဆုံးတော့ အားလုံးရဲ့ ဂိတ်ဆုံးဘူတာ သေခြင်းတရားမရှိရာ သစ္စာနယ်ဆီကို ရောက်အောင် ၀ိပဿနာကြိုးစား အားထုတ်ခြင်းနဲ့ ပြင်ဆင်ထားမယ်ဆိုရင်တော့ ပန်းတိုင်မရောက်ခင် ရောက်လေရာဘူတာတိုင်းမှာလဲ မျက်နှာပန်းလှလှ ပြုံးပြနိုင်ကြပါလိမ့်မယ်။

( လူ့ဘ၀ဘူတာမှ နာဂစ်ကြောင့် ထွက်ခွါခဲ့သူ သွေးချင်းညီအကို မောင်နှမများ တနှစ်ပြည့် သံဝေဂ နဲ့ သူငယ်ချင်း အရှင်မာနိတ သို့ )